Innholdsfortegnelse for June 2023 i Die Tuinier Tydskrif

Die kompakte en blomryke aalwyne wat ons deesdae in klein tuintjies of potte kan plant, is meestal hibriede wat geteel is volgens ingewikkelde teelprogramme wat streng gemonitor word om die beste gehalteplante moontlik met beter siektebestandheid en hoër droogtebestandheid aan tuiniers te verskaf. Hulle het gesonde loof, sommige met interessante tande en in skakerings van groen of grys, en dra van vroegwinter tot in die lente ʼn oorvloed blomme in ʼn manjifieke reeks warm kleure. Hierdie hibriede het ook al die voordele van spesies wat natuurlik in die veld groei, soos om bye, skoenlappers en nektarvoedende voëls te lok. Aalwyne hou van volson, uiters goed gedreineerde grond, ʼn bietjie water af en toe as dit eers goed gevestig is, en ʼn voeding met ʼn algemene tuinmisstof in die lente of…

African Spice ʼn Ongewone manlike hibried met spoggerige rooi loof in die vroeglente en somer. Skoutyd: Julie tot September. Grootte: 1,5 m x 1 m. Suid-Afrika het geen tekort aan Leucadendon-spesies nie – 80 van hulle. Hulle is immergroen klein boompies of struike met kleurryke skutblare of keëls op hul takpunte. Uit die skatkis van hierdie tweehuisige genus (aparte manlike en vroulike plante) het telers hul inspirasie gekry om ʼn paar van hulle te kruis om uiters sierlike hibriede te skep wat vanweë hul langhoudende stingels in die vaas hooggeskat word in die snyblombedryf. Die goeie nuus vir tuiniers is dat ons maklike toegang tot hulle het en hulle ook in ons tuine of potte kan plant om jare lank te geniet. Hulle is aanpasbaar by somer-sowel as winterreënstreke, is…

Die volksname vir Epidendrum x obrienianum soos riet-, rottang-, skoenlapper-en armmansorgidee is so veelvoudig as sy ontstaan. Dit wil voorkom of dit nie presies aangedui kan word nie en dis waarom sommige dit ʼn biologiese chimera noem – ʼn organisme wat ʼn mengsel van geneties verskillende weefsels bevat. Bronne beweer dat dit nie ʼn natuurlike hibried is nie, maar ʼn plant wat meer as ʼn eeu gelede in ʼn botaniese tuin geskep is. Die oorsprong is dalk nie so belangrik vir ʼn plantliefhebber wat ʼn wonderlike plant met ʼn eksotiese voorkoms wil besit wat betreklik goedkoop vergeleke met ander orgideë is, geredelik verkrygbaar en maklik om te versorg is en heeljaar blom, nie. Kenmerke • Dis immergroen met ʼn polvormende groeiwyse. • Dit het hoë rietagtige stingels met leeragtige, langwerpige…

Een vyeboom per huishouding is seker genoeg, maar sal dit nie ʼn mooi gebaar wees as jy klein vyeboompies kan weggee wat jy self gekweek het nie? Vyebome in potte groei ook goed op sonnige plekke, en word baie karaktervolle eksemplare met hul groot gelobde blare, knopperige takke en ʼn heerlike vrugteoes in die somer. Nuwelingtuiniers sal dol wees oor jou geskenk! Opmerkings • Dit sal ongeveer ses weke duur voor die steggies begin wortelskiet. • Wanneer jy nuwe blaarknoppe en die eerste nuwe blare sien ontvou (in die nuwe groeiseisoen), kan hulle in afsonderlike potte uitgeplant word om aan te groei. Maak só…

Buxus microphylla ‘Faulkner Green Beauty’ is ʼn variëteit van die Japanse buksboom wat meer bestand teen droogte, hitte en vogtigheid is as die ou Engelse buksbome, en is ook uiters kouegehard. Dit het welige loof en ʼn kompakte groeiwyse van sowat 90 cm tot 150 cm hoog en wyd. Die klein, blink, donkergroen lansvormige blaartjies en digte blare bly amper heeljaar só behalwe in die koue maande wanneer dit ʼn bronskleurige tint vertoon. Dit groei stadig, het ʼn vlak wortelstelsel en moet geplant word waar dit teen sterk wind beskut word. Dit verdra volson en ligte skadu – vandaar sy gewildheid as ʼn lae heining wat in wisselende sonpatrone groei. Alles tesame is dit nie ʼn plant waaroor ʼn tuinier hom of haar na plant hoef te bekommer nie. Om…

Teken in op plante Happy Life Plants streef daarna om jou binnenshuise oerwoudervaring so maklik moontlik te maak. Met ons versameling binneplante, pragpotte en modieuse mandjies is dit nie moeilik om jou plek met mooi groenigheid te verfraai nie. Ons bied maandelikse en seisoenale intekeninge aan wat ʼn pak lieflike plantgoed asook ʼn fantastiese plant insluit. Elke plant word vergesel van ʼn versorgingskaartjie met inligting, wenke en kunsies oor hoe om jou plant te versorg. www.happylifeplants.com Multigereedskap doen dit alles Die nuwe Worx 20V Sonicrafter Oscillating Multi-Tool laat jou toe om uit te sny, te saag, te sny, reg te knip, te skuur, te slyp en te poleer, en het tallose ander gebruike op ʼn verskeidenheid materiale. Met ʼn enkele gereedskapstuk kan jy ʼn verskeidenheid take uitvoer deur bloot die…

Die Panoramaroete in Mpumalanga maak deel uit van die Blyderivierspoort, die derde grootste canyon ter wêreld, wat bekend is vir sy uitsigte wat oor die Laeveld uitkyk. Die gebied het dramatiese uitsigte van die bekende God’s Window af en volop watervalle, plante en bome. In die hartjie van dié toerismestreek lê die klein dorpie Graskop op ʼn hoogte van 1400 m bo seespieël. Hierdie bergtop spog met ʼn gemiddelde jaarlikse reënval van 1200 mm, met welige inheemse bosse en diverse grasvelde. Dis waar ons Gustav Peach met kokedama in die hand by sy gastehuis, Westlodge, ontmoet het. Om ʼn tuin te verstaan, moet jy die geskiedenis ken van die persoon wat dit geskep het. Gustav is in die Vrystaat gebore as seun van ʼn bankbestuurderpa en entoesiastiese tuinierma en dis…

Japanse geverfde varing Athyrium niponicum is halfgehard en bladwisselend met diep besnede, spreidende grysgroen blare met boergonje, silwer en groen merke. Dis perfek vir spoggerige boslandrandakkers. Grootte 25 cm x 1 m. Die delikate voorkoms van die meeste varingsoorte met veelsoortige blaarvorms en skakerings kan baie bedrieglik wees. Hulle kan ongelooflik taai en veerkragtig wees. Hierdie vaatplante wat deur middel van spore, nie blomme en saad nie, voortplant, is al miljoene jare in die omgewing. Hulle groei in ʼn groot verskeidenheid habitats wat wissel van hoë berge, digte woude, droë rotswande in woestyne, waterliggame en oop velde. Die feit dat hulle op land, in water of epifities kan leef, is ʼn verdere aanduiding van hul enorme habitatgebied. Ons stel jou bekend aan ʼn paar taai varings wat uiters goed in…

Ons is almal lief vir pioenrose met hul groot mooi blomme al kan ons nie almal hulle kweek nie. Hul blomtyd is baie kort, van laatlente tot vroegsomer, en die rede waarom hulle as snyblomme so duur op die blommemark is. Dan wil hulle ook lang en baie koue winters hê om behoorlik te groei. As jy in ʼn streek met baie koue winters soos die Hoëveld, Vrystaat, KwaZulu-Natalse Middellande en binnelandse gebiede van die Wes-Kaap woon, het jy die geleentheid om hierdie wonderlike blomme te kweek en nog baie jare te geniet. Dié meerjariges is langlewend, maar moet minstens drie jaar in die grond wees voor hulle ʼn oorvloed blomme begin dra. Met ʼn bietjie hulp en aandag sal dié blomme uiteindelik al die moeite werd wees. Wat hulle…

Wetenskaplikes het dit reggekry om ʼn antieke inheemse Siberiese blomplant te kweek van ʼn saad wat gevind is in ysgrond wat naby ʼn eekhoring uit die Ystydperk begrawe was – dit klink soos die intrige van die volgende animasierolprent oor die Ystydperk. Namate die temperatuur vanweë aardverwarming styg, smelt die ysgrond elke jaar en ontbloot ʼn oneindige hoeveelheid organiese materiaal wat duisende jare in ys gesuspendeer en bewaar is. Die saad van die Silene stenophylla wat in ʼn laboratorium gekweek is, is die oudste plant wat nog ooit van ou saad geregenereer is soos radiokoolstofdatering dit bevestig. Hoewel dit op sigself ʼn opwindende berig is, laat hierdie vonds wetenskaplikes toe om selfs meer oor allerlei te ontdek, waaronder hoe die saad dit reggekry het om so lank te oorleef; of…

Is daar nog ʼn plant wat so elegant lyk as dit blom dat jy dit liewer naby jou wil hê terwyl jy op ʼn koue, sonnige laatwintersoggend aan ʼn warm cappuccino teug? Rhaphiolepis x delacourii ‘Kruschenia’ wat perfek in ʼn hoogstamboom geknip is, kan dit doen! Hierdie tuinkultivar van die Indiese meidoring kruip meestal in die vergete afdeling van ʼn mens se gedagtes weg tot dit naby die einde van die winter skielik in ʼn wolk helderpienk bloeisels in volle blom uitbars dat dit nie skaam om sy leeragtige blare (donkergroen in die somer) weg te steek nie, wat amper swart verkleur waar dit ysige koue en ryp in die winter kry. In sagter klimaatstreke soos die Tuinroete waar hierdie foto geneem is, lyk dit welig. In ʼn droë Wes-Kaapse…

Hoewel groei tydens Junie en Julie in koue Hoëveldgebiede afneem, is meerjarige kruie soos roosmaryn, tiemie, laventel en origanum rypgehard en kan met baie min sorg deur die winter aanhou produktief wees. Hul basiese vereistes is ʼn beskutte plek sonder trekke wat minstens vyf uur son per dag kry. Selfs salie sal deur die winter kom as dit op ʼn plek in volson gekweek word wat teen koue wind beskut is. Dis onnodig om net so gereeld as in die somer nat te maak. Nat grond bly langer koud en kan tot wortelvrot lei. Voed maandeliks met ʼn vloeibare plantvoedsel soos Margaret Roberts Organic Supercharger teen halfsterkte. Wanneer geoes word, pluk klein bietjies op ʼn keer en laat bly altyd twee groeipunte aan ʼn takkie om weer uit te spruit.…

‘Ashley Callie’ is vernoem na die gevierde televisieaktrise wat tragies in ʼn trompop motorbotsing in Johannesburg dood is. Sy was een van die sterre van Isidingo, die daaglikse reeks op SABC 3, en het die prys as beste aktrise vir haar rol ontvang. Die ‘Ashley Callie’-roos word ʼn groot sensuele bos, en die prestasie en hoogte daarvan is soortgelyk aan dié van die gewilde wit ‘Iceberg’-roos. Dit blom oorvloedig, dra trosse diep salmkleurige blomme wat ferm is en goed aan die bos asook in water hou. Die loof is blink en gesond, wat hiervan ʼn maklike roos maak om te onderhou. ʼn Deel van die prys van elke roos word aan die Nasionale Raad van DBV’s en die Bond teen Wreedheid teenoor Diere geskenk. Roostake vir Junie • Plant rose…

My grootste fout was om te dink dat dit onmoontlik was om kaartjies vir vanjaar se Afrika Burn in die Tankwa Karoo te kry. Dit was blykbaar uitverkoop. Ag, toemaar het ek die uiters teleurgestelde oudste kinders getroos, “daar is mos volgende jaar”. Hulle het met lang gesigte op my stoep gesit en laat hoor dat hulle desperaat was om te gaan terwyl ek nog nie te kêns is om hulle seuns, honde, en hulle huis weer op te pas nie. Ek het geveins gesê “dit sou darem lekker vir my gewees het om ‘n bietjie uit my groef in Onrus te kom, hoe jammer! Maar, ses dae weg van Oupa en sy kierie is darem ‘n bietjie lank, so miskien is dit net sowel”… Op tipiese moederlike wyse het…

Hallo Tanya… Wenbrief Ek het dié in my kompossakke gekry wat ek by ’n kwekery gekoop het. Is dit miswurms of snywurms? Is hulle goed of sleg vir my plante? Baie dankie, Nellie Hallo Nellie, Dis renosterkewerlarwes wat op ontbindende groente-en plantmateriaal asook verrottende hout voed en met ontbinding help. Die volwasse kewers voed op nektar en sap. Ek beveel beslis nie optrede aan nie omdat ek glo dié outjies is uiters belangrik vir ons ekostelsel. As jy egter ʼn swaar besmetting van hulle in jou grond kry wat plantwortels of stingelweefsel beskadig, kan ʼn insekdoder gebruik word. Ek sal hulle liewer optel en in ʼn park of nabygeleë veld gaan aflaai. Lees meer oor die renosterkewer op ons webwerf: www.thegardener.co.za. Die interessantste feit aangaande dié outjies is waarskynlik dat…

Bonsaikunstenaars kom voortdurend met nuwe metodes en tegnieke te voorskyn wat nie almal gegrond is nie. Die twee mees vertroude metodes is die knip-en-groei-en die bedradingsmetode. Die twee tegnieke lewer effens ander resultate op, en word trouens meestal saamgebruik, hoewel dit goed is om die verskil te verstaan sodat ʼn mens die beste een vir die geleentheid kan kies. Snoei, of die knip-en-groei-metode, is bloot die proses om ʼn tak af te sny waar dit nodig is. Dit klink maklik genoeg, maar ʼn paar dinge moet in ag geneem word. As ʼn mens na ʼn tak kyk, sien jy dat dit deur lyne of groewe in seksies verdeel word. Hierdie lyne word knope genoem en is die plekke waar nuwe lote en takke uitspruit. Die ruimtes tussen die knope word…

• Monitor natmaak. Te droë of te nat grond laat die plante stres en maak hulle vatbaarder vir koue en ryp. Hou die grond deurlopend klam en druk jou vinger in die grond in om die grondvog na te gaan. • Beskerm gevoelige blaargroente met rypdoek tydens baie koue weer met ryp. • Ondersoek kool en ander koolgewasse vir die larwes van die koolwitjie (die skoenlapper Pieris rapae) en spuit met ʼn organiese insekdoder. • Gee groente en kruie wat gereeld gepluk word maandeliks ʼn vloeibare aanvulling van plantvoedsel. • Stut boerbone, groenertjies en Brusselse spruite en erd die grond op om kool en blomkool. • Bedek die komposhoop in winterreënstreke tydens lang reëntye. Maak die hoop in droë somerreënstreke nat as dit baie droog is sodat die mikrobes aktief…

Anigozanthos is ʼn oorvloedig blommende, meerjarige plant vir ʼn warm tuin. Die blomme – soos ʼn kangaroepoot – is so fluwelig dat min dit sal kan weerstaan om nie daaraan te vat nie en die pienk kleur is verstommend. Dit het baie vertakte stingels wat elk met blomme op die punte spog, wat hiervan ʼn oorvloedige presteerder en perfek vir die tuin en in houers maak. Hulle is ook goeie snyblomme. Wat hulle wil hê • Volson – hoe meer lig dit kry, hoe helderder is die blomme. • Die grond moet goed dreineer. • Gee dit redelik baie water terwyl die plant vestig en veral in potte. Moenie oorbenat of dit in die water laat staan nie. Dis droogtebestand sodra dit gevestig is. • Dis bestand teen ligte ryp.…

Hartvormige blare het in onlangse jare ʼn gewilde keuse vir huisplante geraak met die plantlys wat jaarliks langer word. Een van die pragtigste keuses is siklame. Die silwergrys merke op die woudgroen agtergrond kontrasteer mooi en elke plant se blaarmerke verskil van ander plante s’n wat eenvoudig op hul eie verstom. Die beste van siklame is dat hulle in die winter blom wanneer ander huisplante rus. Hul kleure wissel van pienk, wit, rooi en oranje tot pers en hulle het unieke teruggebuigde kroonblare. Siklaampretfeit Siklaamspesies is afkomstig van die gebied om die Mediterreense See in Europa waar hulle sedert Middeleeuse tye bekend was as panis porcinus, wat later as varkbrood vertaal is. Daar is lank geglo dat die rede vir dié naam was dat die knolle deur die varke uitgegrawe…

Dis onnodig om tot die lente te wag vir die soet geur van jasmyn in die lug. Plant Gelsemium sempervirens (valsjasmyn) nou en laat dit teen ʼn traliewerk, pilaar of heining oprank. Dié fiemieslose, vinnig groeiende en ligte klimplant is immergroen met smaraggroen blare. Nog prag is te vinde in die vorm van oorvloedige, langblommende, heldergeel trompetvormige blomme wat die lug van laatherfs tot vroeglente geur. Dié klimplant is kouegehard en verdra ligte ryp.…

Die perfekte tuimelaar die brakvygie Mesembryanthemum cordifolium is ʼn spreidende immergroen sukkulente grondbedekker in die vygiefamilie wat in die natuur in ons somerreënstreke voorkom. Die oppervlakke van die stingels en vars groen hartvormige blare is bedek met waterselle wat in die sonlig ʼn glinstervoorkoms aan die plant gee. Klein pers of rooi satynagtige blommetjies word van Augustus tot April gedra met iriserende klein kroonblaartjies wat wyd oopgaan in die namiddagson. Dit verdra ongereelde natmaak of hoë reënval ewe goed, hou van sanderige of enige ander goed dreinerende grond, en is gelukkig in volson of ligte skadu. Plant dié plant wat so welig oor potrande tuimel ook in hangmandjies. Opmerking: Die naam Aptenia cordifolia waaronder dit tevore bekend was, is verander. Die perfekte vuller blomstofplant Die kompakte en spreidende Kalanchoe pumila…