Innholdsfortegnelse for March 2023 i Die Tuinier Tydskrif

Ons as span vermy geruime tyd al hierdie VUURWARM onderwerp – die daggakwessie. Ek is seker jy begryp waarom. Wel, al ons navorsing is nou gedoen, ons het al die vrae van die meeste van ons lesers en Wendy het dit met die intensiteit van ʼn snuffelhond nagevors. Ek is seker jy gaan, net soos ek, baie leer! En ek is ook daarvan oortuig dat ʼn paar van julle vir ons nog ʼn ding of twee kan leer. Hier het jy dit dus. Tussen hierdie bladsye is die artikel oor die daggakwessie. Dis interessante leesstof! Maart is uiteindelik voor die deur, maar so ver vanjaar voel Januarie en Februarie al soos 12 maande. Die ongelooflike hitte het tuine oral in Suid-Afrika verwoes en ons verwelkom nou die koeler maande voor…

Dié drie word selde hoër as 15 cm en hul versorgingswenke sluit in uiters goed dreinerende grond, die natmaakmetode van gereelde deurweking met daarna goeie uitdroging en nie veel anders nie. Crassula pellucida subsp. marginalis ‘Variegata’ Hierdie spoggerige bont kultivar van die inheemse Crassula pellucida het klein hartvormige blaartjies met ʼn dun rooi of pienk gestreepte randjie wat soos borduurwerk lyk en kontrasterende kleur aan die donkergroen-roomkleurige hart verleen. Laatlente en somer bied ʼn rojale oes van klein wit blommetjies. Hierdie stadig groeiende, verspreidende vetplant behou sy mooi loofskakerings in halfskadu en is perfek as grondbedekker of enkeleksemplaar wat ʼn hangmandjie skouspelagtig sal vul. Crassula expansa subsp. fragilis Moenie dat die voorkoms van dié taai inheemse crassula jou om die bos lei nie aangesien dit nogal ʼn sterk groeiende grondbedekker…

KITSfeite Kundiges: GerritandMarindaSnyman Ondernemingsnaam: In2plants Wonderboom, Pretoria Spesialiseer in: Lugplante Kontakbesonderhede: Oopvolgens afspraak of doen aanlyn aankope by www.in2plants.co.za, e-pos gerrit@in2plants.co.za Met die leuse Vryheid om te Skep is In2plants ʼn towerland van eindelose verbeelding. Hul verruklike versameling lugplante is genoeg om enige tuinier te laat heroorweeg wat hulle onder kweek sonder grond verstaan. Hul tuinsentrum bied eksklusiwiteit en ʼn een-tot-een-inkopie-ervaring, maar jy moet ʼn afspraak maak voor jy dit kan besoek. Hier volg vrae wat Gerrit en Marinda beantwoord het sodat ons meer oor dié wonderlike plante te wete kan kom. Vertel ons van jul reis met lugplante en wat julle na hierdie misterieuse tillandsia-genus aangetrek het? Ons passie vir hierdie plante het ongeveer 18 jaar gelede begin. Dis by ons tradisie om nie vir jou huweliksmaat blomme te…

Skaduplekke word dikwels onregverdig “moeilike” plekke om in tuin te maak genoem vanweë toestande met min lig, die mededinging van wortels van bome en groot struike, en swak dreinerende, voedingstofarm grond. Nuttige wenke om volskadu te beheer: Volskadu word geklassifiseer as ʼn plek met glad geen direkte sonlig gedurende die dag nie. 1. Doen gereeld boomchirurgie deur lae oorhoofse takke te verwyder om die boomkrone tot ʼn meer plant-en mensvriendelike vlak te lig. Dit sal meer lig laat inkom en baie nat grond help uitdroog.2. Die bevering van bladwisselende en immergroen bome deur ʼn paar oorkruis takke te verwyder om meer lig in te laat, kan beter groeitoestande vir plante onderom hulle skep. Dit kan ook kosbare ou bome vernuwe, maar is dalk die werk vir ʼn boomspesialis.3. Dis koel…

Ons het twee endemiese Phygelius-spesies, P. capensis en P. Aequalis wat die suikerbekkies dié tyd van die jaar met hul nektar gelukkig hou. Spoggerige hibriede in room, dieproos en rooi wat as die ‘Candydrops’-reeks bekend staan, is ook geredelik te kry. Hulle is blomryk, kompak, bosagtig en regop, en nie net perfek vir plekke met effense skadu in klam grond in die tuin nie, maar is ook mooi en blom lank genoeg om in potte op ʼn patio of balkon te kweek. Voed jou Kaapse foksias gereeld van die lente tot laatherfs met ʼn algemene misstof en dien ʼn deklaag rondom die wortelstelsel toe om dit klam te hou. Die verwydering van ou blomme sal die produksie van meer aanmoedig. Snoei die plante vroeglente goed en hulle sal gou met…

Kerwel (Anthriscus cerefolium) word vereenselwig met Franse kookkuns en veral met fines herbes (fyn kruie), ʼn mengsel van kerwel, dragon, pietersielie en grasuie wat gebruik word om ʼn elegante, subtiele geur aan liggegeurde geregte te verleen. Dit word ook as ʼn soet kruid (saam met vinkel, anys en soet basiliekruid) geklassifiseer omdat dit ʼn vlugtige soetheid het en goed met sout kosse saamgaan om kontrasterende geure te gee wat die smaak streel. Hoekom van kerwel hou? Kerwel is ʼn kompakte kruid wat 30 cm hoog en wyd word. Dit staan ook as Franse pietersielie bekend vanweë sy kantagtige groen blare wat soortgelyk aan pietersielie is. Dis geskik om in potte en vensterbakke te kweek en gereelde oes sal dit aanmoedig om ʼn bosagtige plant met volop blare te word. Kweek…

Die geskenk van ʼn pot vol kleurryke aronskelke is ʼn luukse, maar na ongeveer agt weke binne hou hulle op met blom en begin hul blare geel word. Is dit dan klaarpraat met hulle? Glad nie, hulle laat weet jou net van die komende rustyd. Nadat jy dus die dooie blomme en reste verwyder het, gee hulle vir ʼn rukkie minder water terwyl die blare stadig afgaan, hou dan ʼn paar maande op met natmaak en laat die knolle in die pot toe om op ʼn koel droë plek buite te rus. Aangesien die natuurlike planttyd van die knolle vroeglente is, begin om die slapende skoonhede weer saggies wakker te maak deur die pot stadigaan aan te klam. As jy dink die ontwakende wortels is dalk ʼn bietjie verdig, haal…

Die 12-Minivoortplanterlaai bied jou meer keuses om verskillende sade in een laai te saai. (12-Minivoorplanter- laai) Garden Master 1L- en 2L-Pressure en Trigger Sprayers se verstelbare spuitstuk versag die sproeivolume en is perfek vir alle soorte kitsnatmaakoplossings vir binne-en buitegebruik. 20 m lang tuinslang Maak die natmaak van jou saailinge soveel makliker deur ʼn Garden Master Retractable Hose Reel aan ʼn muur naby die tuin aan te bring. Jy kan dan ʼn pistoolspuitstuk of draaibare sproeispuitstuk (soos dié een) in die tuinslang inklik sodat jou delikate saailinge nie deur die krag van die sproei platgespuit word wanneer jy hulle natmaak nie. ʼn Sagte sproeipatroon is ʼn draai weg. Saai in laaie 1 Gebruik ʼn goeie ontkiemmengsel soos Garden Master Germination Mix en maak ʼn laai vol. 2 Druk die grond…

Laat ons maar eerlik wees, 2023 het nou nie juis met ‘n knal weggespring nie. Roggelende elektriese toebehore as die krag af-en inskop, ‘n omskakelaar wat skrou in die nag gedurende beurtkrag, en ‘n gebarste warmwatersilinder wat strome water op die plafon en teen die gangmuur tot gevolg had, het my nou nie juis geïnspireer om na‘n bottel vonkelwyn te gryp vir ‘n heildronk nie. Rare natuurverskynsels soos swerms van duisende insekkies wat in swart wolke op die naaste ligbron toesak - selfs op ‘n floupou lampie, het dit onmoontlik gemaak om te kook, te lees of selfs jou mond oop te maak. Hulle het doodeenvoudig duikbomme in alles gemaak. Dosyne vet, klein ghekkos het verskyn om fees te vier en vir ‘n wyle was dit nie ongewoon om hulle…

Homemaker’s Fair is terug Die uitstalling wat van 24 tot 26 Maart 2023 by die opgeknapte Kyalami Grand Prix-renbaan en Internasionale Konvensiesentrum in Midrand plaasvind, is gereed om die manier te verander waarop jy in jou ruimte leef. Verskillende sones met die hernude fokus op wat ʼn tuiste uitmaak, sluit in ʼn allesomvattende uitstalling van tophandelsmerke en plaaslike handvaardigheid alles onder een dak. Word getrakteer op die nuutste in huisverbetering en dienste, dekor, kombuise en toestelle, selfdoen en slim leefwyse, buite en landskappering, stokperdjies, gesondheid en fiksheid, plaaslik vervaardigde keramiek, kunsmode en skoonheid, reis en avontuur, asook pret en kos. Besoek die webwerf vir besonderhede. Besoek expo@homemakers-sa.co.za. The Essential Garden Notebook Hierdie tuinmaakaantekeningboek is ʼn noodsaaklike toevoeging tot jou tuingereedskap – ʼn mininaslaanwerk wat Phyl Palframan se tuinmaakgedagtes slim vervleg…

Ek noem agaves my “bloudruk van God”. Die skouspelagtigste prestasie van die natuur is die afdruk van die dorings en blaarrande wat die eerste sigbaar is as die sagte blare uit die groeipunt begin ontvou en op die blare bly selfs nadat hulle hul volwasse vorm bereik het. Ek kan gedurig foto’s van hierdie afdrukke neem en dit hou nooit op om my te bekoor nie! Dit is onteenseglik so dat sekere agavespesies en -kultivars so treffend is dat hulle met hul teenwoordigheid die onmiddellike landskap heeltemal verander. Hierdie genus is veelsoortig wat betref vorms, teksture en blaarkleure soos dofgroen, staalgrys, iridiserende silwerblou, en op die koop toe selfs bont blare met wit, roomkleurig of geel. ʼn Algemene kenmerk van dié vetplante is die simmetriese rosette van sukkulente en veselrige…

Die reg In 2018 het die Suid-Afrikaanse Konstitusionele Hof ʼn hoëgeregshofuitspraak gehandhaaf en daarop uitgebrei wat dit onkonstitusioneel maak om die tuisgebruik en kweek van dagga vir volwassenes strafbaar te maak. Die twee vermelde wette is die Wet op Dwelms en Dwelmhandel (1992) en die Wet op Medisyne en Verwante Middels (1965) wat die gebruik van dagga vir ontspanningsdoeleindes en vir medisinale doeleindes bepaal. Dit was dus die eerste stap en hoegenaamd nie duidelik en bondig nie, hoewel die Wetsontwerp op Dagga vir Privaat Doeleindes uit hierdie uitspraak voortgespruit het wat in 2020 deur die parlement goedgekeur is. Soos dit vandag daar uitsien, kan die volgende gesê word: ʼn Volwassene mag dagga privaat verbruik, kweek en vir persoonlike gebruik besit. ʼn Persoon mag ook dagga met ʼn ander volwassene uitruil…

Blommeneigings 2023 Lof aan die natuur Vanjaar is blomontwerp heeltemal toegespits op die natuur en om die natuur deel van ons lewens te maak. Die ontwerpe is speelser, wat hulle natuurliker laat lyk. Blomme in ʼn ruiker maak ʼn lugtige geheel uit met verskillende vorms en kleure. Die vorms verenig vase en bykomstighede met ʼn natuurlike voorkoms en gedroogde sowel as lewende materiale in ʼn harmonieuse ontwerp. Natuurlike en ander kleure wat aardse en groen skakerings insluit, is baie algemeen, en word afgerond met wit, lila en neutrale skakerings. Moet ook nie vergeet om die Pantone-kleur van die jaar, Viva Magenta, te gebruik vir ʼn spatsel helder kleur nie. Vorms boots natuurelemente met baie tekstuur soos rotsblokke en klippe na. Wanneer jy tuis blomme rangskik, onthou die woorde “lig” en…

Verleng die blomtyd van jou dahlias deur toegewyd die ou oop blomme te verwyder en sylote se groeipunte terug te knyp. Die verwydering van ou blomme keer dat die knolle hul energie benut om saad te probeer maak. Terwyl hulle nog aan die gang is, hou aan om die mooi blomme vir die vaas te pluk en rangskik hulle in water waarby jy blomvoedsel gevoeg het. Deur die plante met bolvoedsel te voed, sal jou nie net beloon met meer blomme diep in die blomtyd nie, maar sal ook die knolle vergroot vir volgende somertyd se prag. Hou dus daarmee aan selfs al is die blomtyd verby. Doen inkopies Begin koop lenteblombolle wat vanaf einde Maart verkrygbaar raak. Moenie hulle noual plant nie omdat die grondtemperatuur eers moet daal. Koop ʼn…

Haal uit en verdeel oorgroeide agapante, wilde iris (Dietes), penstemon en daglelies. Sny hulle terug, lig hulle uit, verdeel en plant hulle oor in grond waarin ʼn oorvloed kompos is. Verwyder beskadigde blare van Barbertonse madeliefiepolle of verdeel hulle nou as hulle te dig is. As jy in ʼn uiters koue klimaat met ryp woon, moet jy nie die ou blomstingels of blare van uitgeblomde meerjariges verwyder nie. Bind bloot die hele klomp met raffia bo bymekaar vas, en maak netjies, sny terug en verdeel dit (indien nodig) eers in die laat lente. Dit sal hul “krone” teen swaar ryp beskerm.…

Intekenarebestuurder Nokuthula Zuma 031 003 0940 subs@thegardener.co.za Chané Taylor – chane@thegardener.co.za Redaksionele navrae wendy@thegardener.co.za Advertensies Tessa Cadman 072 544 5362 tessa@thegardener.co.za Digitale Verkope en Gebeure Adele de Welzen 061 524 1917 adele@thegardener.co.za Navrae Skakelbord 031 003 0940 info@thegardener.co.za Besoek ons op die web www.dietuinier.co.za Facebook: @TheGardenerMag @DieTuinier @TanyaVisserGardener @TheGardenShow Instagram: @TheGardenerMag @TanyaVisserZA @The_Garden_Show…

Liewe Tanya… Ek het ’ n vetplant in die tuin wat daagliks water kry omdat dit vreeslik warm in die Noord-Kaap is. Dit het nou gryserig van kleur geword en gaan nie oop nie. Kan dit wees as gevolg van al die water wat dit kry? Baie dankie, Carlene Fisher Liewe Carlene Ek is baie bekommerd omdat dit lyk of daar ʼn wit neerslag op die blare is. Gebruik jy boorgatwater? Indien wel, kan dit die rede wees waarom die blare so sleg lyk. Boorgatwater bevat soms groot hoeveelhede van sekere minerale en soute wat die blare kan beskadig. My raad is dat jy net die grond om die plant natmaak en glad nie die blare nie. Ek stel ook voor dat jy ʼn laag organiese materiaal of klippies as…

Gebruik fonteine vir weelderige kalmte Die konsep van weelde met ʼn begroting is vanjaar belangrik by ontwerp binne sowel as buite. En niks vertoon weelde soos ʼn werkende fontein met oorloopwater nie. Selfdoenfonteinkeuses wat ʼn eenvoudige pompstelsel nodig het om die water aan die loop te hou, hoef ook nie duur te wees nie. Wees vir fokuspunte wat ver weg geplaas word op die uitkyk na sonwaterfokuspuntpompe wat nie ingewikkelde bedrading nodig het nie. Ons tuine ontwikkel voortdurend. Of ʼn mens nou uitgeblomde jaarplante vervang of die volgende groot projek oorweeg, is tuiniers selde tevrede om dinge te hou soos dit is. Die herfs is die perfekte tyd om groter permanente fokuspunte te oorweeg namate aktiwiteit begin afneem. Die kalmerende aard van waterfokuspunte is wetenskaplik bewys en maklik om in…

Dionaea Venusvlieëvanger Die bekendste van al die vleisetende plante – die venusvlieëvanger – is in 1759 die eerste maal vermeld in ʼn brief van Arthur Dobbs en is later in 1768 deur John Ellis benoem. Dit is beskryf as “ʼn groot wonder van die plantryk”. Hierdie klein subtropiese vleilandplantjie wat in Noord-en Suid-Carolina in die Verenigde State van Amerika inheems is, geniet ʼn gematigde klimaat en ʼn rustyd in die winter. Oor millennia heen het hierdie plant se blare aangepas om fassinerende meganismes te word wat prooi verstrik. Soet nektar in die middel van die valstrik lok die onskuldiges, en as hulle aan die talle haartjies op die blaar raak, word ʼn elektriese sein gestuur wat die valdeur so blitsig as binne ʼn tiende van ʼn sekonde toemaak. Tande op die…

In die kostuin Verwyder somergewasse wat klaar gedra het en berei die grond voor vir herfsgewasse. Plant broccoli, blomkool en ander brassica-saailinge uit sodat hulle voor die winter gevestig kan raak. Voed vrugdraende somergewasse en versnel hul rypwording deur die blare te verwyder wat die vrugte beskadu. Sny aspersieloof af en sit dit saam met afgevalde blare en grassnysels op die komposhoop. Pas natmaak aan namate die dae kouer word. Ondersoek vir plae en gebruik organiese of biologiese insekbeheermaatreëls. Sny die uitgeblomde kruie basiliekruid, marjolein en oreganum terug om ʼn tweede drag blare aan te moedig. Salvia x jamensis ‘Melen’ Plant nou Hierdie ongewone salie wat ook as die melensalie bekend staan, is ʼn halfimmergroen struik met ʼn regop, bosagtige groeiwyse. Die klein blaartjies is eiervormig, donsig en nogal aromaties.…

Meerjarige vygies of ysplante, soos hulle ook bekend staan, moet elke paar jaar met nuwe voorraad vervang word. Hulle bewortel baie maklik van steggies van ongeveer 8 cm tot 10 cm lank. 1. Pluk gesonde stingels met halfvolwasse groei wat nie te houterig is nie. 2. Verwyder die meeste sukkulente blare aan die onderkant en nadat hulle in bewortelingshormoon gedoop is, steek hulle in ʼn laai vol klam, grinterige potgrond in wat vir vetplante geskik is. 3. Maak daarna liggies nat met ʼn misproeibottel en sit die laai op ʼn warm plek met ligte skadu. Hou die grond net klam. 4. Sodra jy weerstand voel as jy aan ʼn steggie trek, beteken dit dit het wortelgeskiet. Begin voed hulle met ʼn groeistimulant soos Kelpak. 5. Pot die steggies in afsonderlike…