Innholdsfortegnelse for June 2022 i Die Tuinier Tydskrif

Al is ons ʼn nasionale tydskrif en volg en weerspieël ons wat in die res van die land gebeur, is ons tuiste in KZN. Dit beteken dat die dinge wat in KZN gebeur ons baie erg raak, soos die onlangse vloede nadat ʼn tropiese storm uit die niet verskyn het. Hoewel dit die hele naweek gereën het, het die week met ʼn gewone nat Maandagmôre begin. Gedurende die dag het die reën egter al harder en harder begin val totdat ons inderdaad die kantoor gesluit en almal huis toe gestuur het sodat niemand die namiddag hoef te gery het nie. Die reën het aangehou en al harder geraak; dit het gevoel asof dit op geen manier kon aanhou om so hard te reën soos dit die geval was nie, maar…

Die mooi Aglaonema ‘King of Siam’ met sy rooipienk rand is ʼn minsorghuisplant wat op sy eie of in ʼn groep saam met ʼn paar groenblaarplante tref. Dit kan ʼn rukkie in gebiede met min lig gehou word en is perfek as kantoorplant. Dis ook as “Chinese evergreen” of Aglaonema ‘Red Siam’ bekend. Kweekgebooie Lig – Hoewel dié plant ʼn rukkie met min lig kan klaarkom, verkies dit helder indirekte sonlig. Die sonlig moet gefiltreer word anders kan dit die blare brand. Water – ‘King of Siam’ is taamlik droogtebestand en opgewasse teen ʼn bietjie verwaarlosing. Dit hou nie daarvan om oorbenat te word nie, laat die grond dus uitdroog voor dit weer natgemaak word. Vogtigheid – Komende van die subtropiese streke van Asië, hou hierdie plant van vogtigheid. Dit…

Radicchio-blare kan baie bitter en oneetbaar raak, maar ʼn paar eenvoudige groeiwenke behoort dit te voorkom: 1. Kweek as koelseisoensgroente: Die rede is omdat die blare in warm weer bitterder raak. Saai saad in die herfs sodat die saailinge teen Junie goed gevestig is. Die plante is rypbestand, en die koue weer help die geur soet maak en laat die blare van groen na wynrooi verkleur.2. Plant in vrugbare, goed gekomposteerde grond: Radicchio het vlak wortels en hou van vrugbare, sponsagtige grond wat vog behou maar nie deurweek raak nie. Die byvoeging van ʼn grondopknapper soos EcoBuz HumiGro help verhoog grondvrugbaarheid. Eindig met ʼn goeie deklaag om die vog te behou.3. Moenie natmaak afskeep nie: Weeklikse diep natmaak voorkom dat die blare bitter word. Ongereelde natmaak wat die grond laat…

Hoekom is dreinering belangrik? Ons kantoorgesegde is: Jy kan in omtrent enigiets plant mits dit kan dreineer. Die rede waarom dreinering belangrik is, is omdat die meeste plante nie daarvan hou as hul wortels in die water staan nie, en sonder dreinering sal water waarskynlik in houers opbou. Hoewel plante met hul wortels water opneem, lei te veel water tot wortelvrot, wat die wortels en uiteindelik die plant doodmaak. Oormatige water lei ook tot ʼn gebrek aan lugbeweging om die wortels wat keer dat hulle suurstof opneem, wat ook noodsaaklik is vir plante om te oorleef. Die belangrikheid van ʼn behoorlike potgroeimedium Die soort potgrond wat in jou houer gebruik word, speel die belangrikste rol by behoorlike dreinering. Sekere groeimediums behou meer water as ander en daarom is dit belangrik…

Pyrostegia venusta (gouereën) Die gouereën is eenvoudig ʼn asemrowende gesig as dit in volle blom is. Dit skep digte blomwatervalle met trosse klein, gloeiende oranje blomtrompette. Die blomvertonings wat van Januarie tot diep in die winter duur, is so oorvloedig dat jy kwalik die netjiese blinkdonkergroen loof van hierdie immergroen klimop agter hulle kan sien. Dit groei taamlik vinnig en is geskikter vir warm en gematigde klimaatstreke, hoewel dit ligte ryp verdra. Hierdie klimop word as skerm aanbeveel teen uiters warm oppervlakke en selfs om sinkdakke af te koel. Dis ʼn pragtige keuse om ʼn groot motorafdak wat wydsbeen oor ʼn inrypad staan te beskadu, maar moenie verbaas wees om te sien dat dit koers kry na die motorhuisdak toe nie. Distictis buccinatoria ‘Mrs Rivers’ (Mexikaanse trompetblom) Dis ʼn unieke…

Die ruimte is intiem, en tog oop genoeg om die familie en vriende te onthaal – ʼn fiemieslose, netjiese plek met ʼn passende vloer en plafon van houtpanele. Die informele loof alkante kontrasteer met die formeler voortuinbeddings met hoogstamstruike en liggies borrelende waterfokuspunte.…

Die rondstrooi van wildegrassaad in jou tuin sal help om tydens die honger maande die voëls te voed. Van die saad sal hulle en hul bekkies ontwyk en ontkiem om volwasse grasse te word wat ʼn toekomstige agterplaasbuffetete sal opdis. Nog ʼn keuse is om ʼn klompie volwasse veldgrasse te plant wat nou vol in die pluim is en tydens die winter met ʼn oorvloed saad bedek sal wees, wat vir jou sowel as die voëls sal voorsien. Pienk muhlygras Muhlenbergia capillaris, wat inheems in die midweste van die Verenigde State van Amerika is, is ʼn uiters sierlike gras wat heelwinter mooi bly. Lang pienk tot rooierige pluime verskyn vanaf middelherfs uit polle blougroen loof wat later in donsige pienk wolke verander. Hoewel dit redelik droogtebestand is as dit goed…

Mosstokke maak dit maklik vir dié soort plante om hul wortels vas te heg omdat dit ʼn oppervlak verskaf wat hul natuurlike habitat in die tropiese woude naboots. Dit bied ook ʼn medium met ekstra mikrovoedingstowwe waarby die plante baat sal vind. Dis maklik om die mos klam te hou as benatting vir die lugwortels waarmee die plante klim. ʼn Mens kan ʼn mosstok ook beskou as nog ʼn bron van vogtigheid vir plante wat baie daarvan nodig het. Hoe om die stok te gebruik Week die mosstok vir gebruik eers in water tot dit deurnat is en sit dit dan in die middel van die pot. Gooi grond in om die stok op sy plek te hou en plant die plant om die stok. Draai die ranker om die…

Die versier van ʼn pragtige skaduboom met mooi plante is nog ʼn vorm van vertikale tuinmaak. Moeder Natuur het wonderlike plante geskep wat sonder hoogtevrees skouspelagtig groei in die boonste blaredak van enorme bome in haar reënwoude. Hulle word epifiete genoem en bewortel self aan ʼn boom se bas waar hulle groei sonder om die boom hoegenaamd te beskadig. Twee om te gebruik as jy ook ʼn mooi versierde skaduboom wil hê, is die voëlnesvaring (Asplenium nidus), wat groot, leeragtige blare met ʼn gesonde heldergroen glans het, en die gewone takbokvaring (Platycerium bifurcatum), met hartvormige steriele blare onder en buigende vrugbare grysgroen blare wat gevurk en lintvormig is. Kry die voorkoms: • Haal die plant uit sy pot en skud die meeste grond liggies af.• Sit dit versigtig op ʼn…

Perskes Bestudeer jou jong boompie noukeurig om drie tot vyf sterk leierlote (raamtakke) te identifiseer wat sal groei en sterk word om dit ʼn oopkruikvorm te gee om lug en lig in die middel van die boom in te laat, terwyl dit die oorblywende takke aan die maksimum son blootstel. Vanjaar: Verkort die middelste leierloot (hoofstam) tot net bo die boonste leierloot wat jy gekies het om te bly. Verkort hierdie middelste leierloot tot 60 cm tot 90 cm bo die grond. Verkort die ander gekose leierlote met tweederdes. Sny alle ander sytakke heeltemal af. Volgende jaar: Kies agt of meer gesonde leierlote wat ontwikkel het en verkort hulle met die helfte. Dit sal verseker dat die groeiende boom in die toekoms ʼn sterk raamwerk van raamtakke ontwikkel. Verwyder alle…

✓ Besoek jou plaaslike tuinsentrums om te sien wat te koop is en wat blom. Die winter is nie so saai as wat jy dalk dink nie! ✓ Kwekers, saadverskaffers en kleinhandelaars het interessante katalogusse met baie inligting en inspirasie op hul webwerwe. Bestee ʼn uur of twee om dit te besoek om te droom en jou tuin te beplan. ✓ Raak deel van ʼn plaaslike WhatsApp-of Facebook-groep en stig ʼn plantruilklub. Jy sal verbaas wees oor hoe vrygewig tuiniers met ekstra plante kan wees! ✓ Sluit by ʼn plaaslike tuinklub aan – jy kan nooit te veel tuinmaakvriende hê nie. ✓ Sit alle los bakstene of plaveistene op paadjies en patio’s vas en vervang die stukkendes. ✓ Hoewel die meeste van ons van die groen organiese voorkoms van mos…

BESTE DAE VIR JUNIE…

Vetplante is gewoonlik nie maklik om binnenshuis te kweek nie. Een vetplantkategorie het egter die vetplantwêreld heeltemal verower – stringvetplante. Hierdie unieke plante bied met hul speelse volksname en blare met interessante vorms soveel om te geniet. Pêrelsnoer Curio rowleyanus As ongetwyfeld die gewildste van al die stringvetplante het Curio rowleyanus die harte van huisplantentoesiaste wêreldwyd gesteel. Met sy oulike bolvormige blare aan lang tuimelende ranke is dit nie moeilik om te sien hoekom nie. Onder die regte toestande kan geronde blomme selfs uit die blare verskyn, wat die ertjievorm van die geliefde loof naboots. Bobbejaantoontjies Curio radicans As pêrelsnoer se voorkoms as klassieker beskou word, kan bobbejaantoontjies as sy speelse naverwant bestempel word. Sy interessante blaarvorm onderskei hierdie plant van die ander stringvetplante met ʼn soortgelyke groeiwyse. Die langwerpige…

Gesiggies wat deur talle as die beste beddingplant ter wêreld beskou word, is ʼn integrerende deel van enige herfs-en wintertuin. Plant gesiggies met hul treffende opvallende gesiggies vanaf April en deur die winter op omtrent enige plek in die tuin, waaronder in houers en hangmandjies, waarvoor hulle perfek is. Daar is ʼn enorme keuse van blomkleure om van te kies: van subtiele skakerings van pienk en blou tot antieke mengsels en helder rooie en gele. Gesiggies verkies ʼn sonnige plek. Spasieer saailinge ongeveer 15 cm uitmekaar in ʼn goed omgespitte bedding met sommer baie bygevoegde kompos. Dis belangrik om dooie blomme uit te breek omdat dit die plante aanmoedig om meer knoppe te bly maak wat die tuin tot sewe maande lank kleur gee. Moenie vergeet van die gesiggie se…

Een van ons skaduliewende inheemse bolle met ʼn mooi wit poeierkwasblom is Haemanthus deformis. Anders as Haemanthus albiflos, wat wit blomme aan lang stele dra, het H. deformis ʼn kort gebuigde bloeisteel, vanwaar sy naam kom. Dit kan maklik uitgeken word aan die groot grysgroen vlesige blare plat op die grond. Dit verkies warmer klimaatstreke waar dit onder bome in halfskadu of selfs in diep skadu gekweek kan word, maar kan ook verbou word in houers in klimaatstreke wat ʼn bietjie koeler is, of selfs binnenshuis. Kweekwenke Grond – Dit hou van ryk, goed dreinerende, effense suur grond met ruim kompos en bygevoegde bas of riviersand in vir dreinering. Water – Maak dit weekliks nat in die somergroeityd en gee minder water in die wintermaande. Voeding – As hulle in…

Hoya-sorg • Die beste potgrond is ʼn mengsel van palmveen met ʼn bietjie perliet by. Growwe veenmos werk ook baie goed as potmedium.• Hou die plantwortels klam, maar nie voortdurend deurweek nie.• Dien gereeld ʼn wateroplosbare misstof toe. • Hoyaplante is ongelukkig baie vatbaar vir witluisbesmetting en daarom moet jy die blare gereeld ondersoek. Was ligte besmettings met ʼn seperige doek af of behandel met ʼn sistemiese insekdoder as gronddeurweekmiddel.• Deur lugvloei om jou plant te verbeter en die blare stofvry te hou sal ook help om witluisprobleme te voorkom.…

Serruria florida, wat ook as die trots-van-Franschhoek bekend is, is ʼn delikate lid van die fynbosfamilie. Die veldplante in die natuur het krities bedreig geraak vanweë uitheemse-indringerspesies en te gereelde brande wat die plante nie genoeg kans gee om volwasse te word en vir saadset om ʼn saadbank op te bou nie, hoewel vuur ironies genoeg nodig is om met saadontkieming te help. Die tuinboubedryf het gelukkig S. florida en S. rosea gekruis om ʼn paar lieflike hibriede vegetatief voort te plant wat tuiniers die voorreg gee om hierdie plante te kweek. Hulle is perfek om by fynbostuine in te sluit of in houers te kweek. Hul groeiwyse is immergroen en regop met ʼn volwasse grootte van ongeveer 1 m by 1 m. Die hoofstingel dra talle blomstingels wat met…

Terwyl jy kyk hoe die pragtige koivis in jou dammetjie of dalk in ʼn vriend se dammetjie swem, het jy al ooit gewonder hoe die lewe van ʼn koi begin het? Dis ʼn interessante storie, en hieronder volg ʼn bietjie geskiedenis oor die beraamde datums waarop koi ontstaan het asook hoe hul familie, die karp, vir kos geteel is. Dit het daarna tot gekleurde karp gelei en toe tot die mooi koivis wat vandag as lewende juwele bekend staan. Die eerste gekleurde karp het vermoedelik teen ongeveer 250 n.C. ontstaan met vermeldings in manuskripte van rooi, wit en blou karp wat in Japan aangetref is. Die gekleurde karp het tussen 700 n.C. en 1000 n.C. in China ontstaan en is teen die jaar 1500 n.C. na Japan uitgevoer. Karp is…

Met Covid se grendeltye en ander gebeure wat my algemene welstand nie geraak het of té bang gemaak het nie, kon ek heel gaaf regkom met besoeke aan die klinieksuster of ‘n kort telefoongesprek met die dokter, en alles was piekfyn. Maar, wanneer ‘n mens bereik wat ander graag as jou sogenaamde“herfsjare” of “gouejare” beskryf, verander dinge skielik. Die “herfs” kan ek nog verstaan omdat meeste ouerige mans half vervalle lyk met nog net ‘n haar oor hier en daar, en dikwels is hulle beursies ook maar kaal gestroop soos die bladwisselende bome. Ouer dames wat dalk té “herfserig” lyk, dink ek, het nie juis vir die seisoen gemik nie, maar dalk eerder ‘n bietjie te geil omgegaan met rooibruin haarkleurmiddels om die winter op hulle koppe ‘n bietjie uit…