Innholdsfortegnelse for February 2023 i Die Tuinier Tydskrif

Skryf nou in en spaar 30%! • Druktydskrif 12 uitgawes R490 Spaar R206 – 30%-afslag op die omslagprys• Digitale tydskrif 12 uitgawes R390 Spaar R306 – 44%-afslag op die omslagprys Hoe om in te skryf? • Bel ons by 031 003 0940• E-pos ons by subs@thegardener.co.za• Vul die vorm hieronder in en WhatsApp dit aan ons.• Skandeer die QR-kode om aanlyn in te skryf en betaal per kredietkaart Hoe lewer ons jou tydskrif af? ʼn Diensverskaffer lewer tydskrifte in stedelike gebiede met die hand af. In plattelandse gebiede word jou tydskrif met die Suid-Afrikaanse Posdiens gestuur, of vra ons vir ʼn kwotasie om dit maandeliks per koerier af te lewer. Vul die vorm hieronder in, neem ʼn foto en Whats-App dit na 061 866 7780.…

Ter waarde van R75 000 + HOE OM IN TE SKRYF Een gelukkige persoon kan hierdie wonderlike prys wen! Vind Dora die tuindwergie wat op ʼn bladsy in hierdie tydskrif wegkruip. Stuur die bladsynommer saam met jou naam, adres en kontakinligting per e-pos na: competitions@thegardener.co.za of SMS (teen die gewone tarief) of WhatsApp by 061 866 7780 voor 27 Februarie 2023. Bepalings en voorwaardes by www.thegardener.co.za geld. Tuintoer en middagete met Tanya en Izolda…

“Die kere dat ek iemand nodig gehad het om oorkoepelend en holisties na die onderneming te kyk, het ek my nog altyd tot Wendy gewend en maak steeds so. Sy is nooit bang om te sê wat sy dink, dis nie vir haar vreemd om my ferm te beteuel nie, en dan sorg sy dat ʼn besluit wat ons moes neem, moeilik of maklik, doeltreffend en presies uitgevoer word.” – Tanya Soos Supergom… Dis nie maklik om die besturende redakteur van ʼn tydskrif te wees nie. Sonder hierdie belangrike ratjie in die ratwerk van ʼn uitgewery sal geen tydskrif die rakke ooit haal nie – veral nie ons sʼn met die sterk individue en soms baie emosionele personeellede wat nie redaksionele of reklamespertye nakom nie. Dis tipies ʼn pos vir…

Ek onthou dat ek nagedink het oor my ma se voorkeur vir ‘Moneymaker’-tamaties wat nooit regtig sy belofte gestand gedoen het nie en hoekom sy van ‘Lazy Housewife’-rankbone gehou het hoewel sy alles behalwe lui was. Snuffel deur die tuinsentrum se saailingrakke of gaan aanlyn en al daardie ou name is steeds daar. Nuwe hibriede belowe beter opbrengste en beter siektebestandheid, maar hulle het blykbaar nie ‘Glory of Enkhuizen’-kool, ‘Texas Grano’-uie of ‘Crimson Globe’-beet uitgestoot nie. Hierdie beproefde en getoetste groente kan nou op erfenisstatus aanspraak maak. Hulle is ook oopbestuifde variëteite dus is daar geen sweempie van genetiese modifisering nie, net ʼn natuurlike gehardheid na jare van samewerking met die natuur. Elke tuinier het sy/haar beproefde en ware gunstelinge, maar ons moes die grens êrens stel daarom is hierdie…

Wel, moenie verder soek as die wêreld van hartvormige huisplante nie. Dit wissel van ʼn sterk ooreenkoms tot ʼn onmiskenbare verband, en met ʼn wye verskeidenheid vorms, groottes, kleure en sorgprobleme sal jy stellig die perfekte plant vir jou op hierdie lys kry. 1 Epipremnum aureum Hierdie klimplant wat algemeen as die goue-ceylonranker bekend staan, is een van die gewildste huisplante ter wêreld. Die goue-ceylonranker is geliefd vanweë sy minsorgaard en vermoë om baie verwaarlosing te duld, en is die ideale hartvormige plant vir beginners. Sommige kultivars het opvallender hartvorms en is te kry met interessante bont patrone wat verseker dat daar altyd iets interessants is om na te kyk. Wees op die uitkyk na die ‘Glacier’-kultivar met sy dramatiese hartvorm en wit of roomkleurige strepe of bontheid. 2 Cyclamen…

Namate kleremodes die afgelope 20 jaar verander het, het die modes wat mense tuin toe dra ook verander. Die klerereeks wat nou verkrygbaar is, is groter sodat iedereen stylvol kan lyk en hul onderklere kan beskerm, en dit sluit ook die voorkoms in vir een van ons gunstelingtydverdrywe – die vleisbraai. Emthunzini Hats Hierdie sonhoede is nie net ʼn modeartikel nie, maar is te kry met ʼn menigte ongesiene eienskappe soos UPF50+-sonbeskerming en ʼn onderskrywing deur KANSA. Die wye rande bied skadu vir jou nek en gesig terwyl jy tuinmaak en die hoede is te kry in ʼn reeks kleure om by enige uitrusting te pas. Bestelvorm www.sunhats.co.za Belde vir tuingereedskap Dit is baie nuttig om in die tuin te hê, is van leer tot denim gemaak en elke tuinier…

Plante moet teen wisselings in lig, water, temperatuur en vogtigheid opgewasse wees, plae en siektes beveg, om voedingstowwe meeding en met plantvreters raad weet. Die lewe van ʼn plant is van so ʼn aard dat hulle teen al hierdie dinge opgewasse moet wees en hulle kan nie soos diere wegtrek as die toestande ontoereikend is nie. Ten einde stres baas te raak, reageer plante deur opsetlik stadiger te groei om energie en hulpbronne te bespaar. Hulle gebruik verskeie ensieme, metaboliete en seinmetodes om ons teen stres te waarsku met blare en stingels wat opkrul of hang; laat hul wortels langer word om by ondergrondse water uit te kom; of verminder die huidmondjiegrootte op die blare om water te bespaar. Die reaksie op die verandering van huidmondjiegrootte op blaaroppervlakke laat die…

Jasminum polyanthum (Chinese jasmyn) Min ander plante vier die aankoms van vroeglente waarneembaarder op die neus as die pienk of Chinese jasmyn. Die fyn voorkoms van dié klimplant met sy koppe soetgeurige pienk knoppe wat oopvou in wit stervormige blomme en varingagtige blare kan misleidend wees omdat dit ʼn sterkgroeiende immergroen klimplant is wat vinnig iets onoogliks in die tuin sal wegsteek of wanneer dit blom pergolas en boë met ʼn wolk van parfuum omring. Jasminum polyanthum groei die beste in son of ligte skadu en hou van goed dreinerende komposverrykte grond. Dit het matige waterbehoeftes. Flower Carpet ‘Pink’-roos Lank voor die bekendstelling van die roos Flower Carpet ‘Pink’ in 1989 het Werner Noack die versiendheid en toewyding gehad om ʼn megablommende, maklik-om-te-kweek, minonderhoud-en chemikalievrye roos te kweek – ʼn…

“Ons het al hoe meer bewus geraak van die belangrikheid van bestuiwers, veral bye, die plant vir verskeidenheid (waaronder nie-inheems) en die gesondheid van ons omgewing en ons gesinne.” The Gardener magazine en Tanya het in ʼn nogal stemmige wêreld van tuintydskrifte soos ʼn vlaag vars lug ingewaai gekom. Ek het gehou van die energie en passie om die vreugde van tuinmaak met tuiniers te deel. Dit was só eenvoudig. Sedertdien was The Gardener deel van my lewe, wat begin het met skryf oor rose (saam met Ludwig) en toe het kruie, groente en beddingplante by die mengsel bygekom. Ek sal altyd dankbaar wees vir hierdie wonderlike geleentheid om oor tuinmaak te skryf, al laat die maandelikse spertye my sweet. Tuinstyle het verseker verander van die Toskaanse Styl, siersnoeikuns en die…

“Ek het haar moed, onafhanklikheid en, die heel meeste, haar ontsaglike kennis oor plante en tuinmaak bewonder.” Een van my gunstelingtuinmaaklegendes is ongetwyfeld Nancy Gardiner. Sy het vroeg in 2004 vir The Gardener begin skryf en was ʼn jarelange bydraer wat haar kundige tuinmaakraad aan ons lesers gegee het. Hier is net ʼn paar van Tanya se gekoesterde herinneringe aan Nancy: “Natuurlik het almal in die tuinmaakwêreld die naam Nancy Gardiner geken. Toe ek nog ʼn jong saailing in die tuinmaakwêreld was en by Dunrobin Garden Centre in Botha’s Hill, KwaZulu-Natal, gewerk het, het Nancy dikwels die kwekery besoek. Dit was ʼn GROOT ding vir my: ʼn glanstuinier, skrywer van boeke en fotograaf in ons eie tuinsentrum! Wel, nodeloos om te sê, het ek soos gom aan haar gekleef, vrae gestel,…

Ons het soms ongewone, eerder as die normale tuinstories geplaas. Ons plaaslike kultuur en groot sportgeleenthede het‘n paar wilde idees los gelaat… Soos hierdie artikel van Januarie 2012: Die afrigter gaan sy hande vol hê met die kies van spelers wat in die trotse Groen-en-Goud op die veld gaan draf. ‘n Tuinier wat graag ‘n mooi tuin wil maak gevul met ‘n wenspan van sterk raamwerkplante, mag dit ewe moeilik vind om die regte keuses te maak. Maar, ons hoofdoel moet wees om net so strategies te dink as wat van ‘n rugbyafrigter verwag word wanneer die‘beste spelers’ gesoek word. Jy kan nie ‘n fout maak as jy jou Springbokspan van plante saamstel uit die room van ons eie skatkis van betroubare inheemse plante nie. Daar is een vir elke…

“Ek het slegs by bonsai betrokke geraak omdat ek gedink het dit het met branderry te doen… maar in alle erns, my ouers was uiters trots op ons huis en ons het ʼn pragtuin gehad met die bes versorgde grasperk op aardee.” EK EN BONSAI Ek het slegs by bonsai betrokke geraak omdat ek gedink het dit het met branderry te doen… maar in alle erns, my ouers was uiters trots op ons huis en ons het ʼn pragtuin gehad met die bes versorgde grasperk op aarde. Ek was omtrent vyf jaar oud toe my ouma vir my verduidelik het hoe saad plante word deur dit net in die grond te sit en nat te maak. Sy het vir my ʼn pakkie wortelsaad gekoop wat ek in ʼn blombedding geplant…

“Margaret word onthou vir haar warm persoonlikheid, kruietees en die geskenk van diversiteit wat sy vir ons almal gegee het.” Ons onthou Margaret Roberts vir haar bydrae tot die tuinbedryf en veral tot ons tydskrifte. Sy het jare lank vir ons artikels geskryf oor haar gunstelingonderwerp, kruie, wat ʼn reeks ingesluit het oor ongewone plante en ʼn wonderlike reeks oor speserye. Die meeste van haar kruieartikels het met die frase “… is ʼn antieke en hooggeagte kruid…” begin omdat sy vas geglo het dat alle kruide hooggeag is. Tuiniers sal Margaret onthou vir haar gunstelinglaventeluitrustings om by een van haar gunstelingkruie te pas. Trouens, Lavandula x intermedia ‘Margaret Roberts’ word dikwels in ons tydskrifte getoon omdat dit ʼn taai plant is wat goed in ons land aard. Verskeie plante is na…

BESTE DAE VIR FEBRUARIE…

2003 Die eerste uitgawe van The Gardener wat geskandeer is van die enigste gehawende eksemplaar wat ons in ons argief het – dit was ongeveer ʼn jaar voor ons maandeliks begin publiseer het – die Februarie/Maart-uitgawe. 2007 In Maart 2007 het ons die eerste tydskrif in Afrikaans bekend gestel. Op ons tweede voorblad het ons die maand verkeerdelik weer Maart in plaas van April genoem. Ons het daarna gou geleer om seker te maak ons het genoeg bekwame Afrikaanse taalversorgers. Die eerste The Gardener TV-program wat Tanya Visser aangebied het, is in Mei 2007 lewend op The Home Channel gebeeldsend. 2012 In Mei 2012 het ons ons eerste skou by die Botaniese Tuin in Pretoria aangebied. Dit was die begin van nog baie skoue, hoë stresvlakke, slaaplose nagte en onvoorspelbare…

Die Wenbrief ontvang 20 kg Kynoch-misstof. E-pos jou briewe oor enige tuinmaakverwante navrae aan Tanya na info@thegardener.co.za. Liewe Tanya Ek wil graag raad vir my grasperk hê. Ek het ’n baie welige en digte kikoejoegrasperk. Verlede jaar sien ek toe die grond maak gate. Die gras is groen en mooi, maar as jy op die grasperk loop, is daar kaal kolle so groot soos pierings. Wat moet ek doen? Petro Marais Hallo Petro Kaal kolle op die grasperk kan deur heelparty faktore veroorsaak word – te min water, swaar verkeer en grasdraertermiete. Maak só: Sit gedurende die dag ʼn nat sak of stuk doek oor die kol en gaan inspekteer dan die doek later – na sowat 5 uur. As daar termiete is, sal hulle onder op die sak vergader…

“Keith was my tuinmaakgod van die begin van my loopbaan af. Ek was ʼn jongeling wat by Dunrobin Kwekery gewerk het, en ons het van Keith se plante gekweek.” Dit was vir Tanya uiters belangrik om Keith Kirsten van die begin af by The Gardener betrokke te kry. “Keith was my tuinmaakgod van die begin van my loopbaan af. Ek was ʼn jongeling wat by Dunrobin Kwekery gewerk het, en ons het van Keith se plante gekweek. Hy het soms kom inloer, met ons gesels en eksemplare van sy boeke vir ons geteken. Hy was Suid-Afrika se eerste tuinmaakglanspersoon wat soveel baanbrekerswerk vir tuinmaak in Suid-Afrika gedoen het, ook op TV en met sy boeke. Ook was hy bevriend met my groot vriend Gerald Schofield, hoe dit gekom het dat…

“Deur die jare het my bydraes behels om tuine landswyd te vertoon, tuinskoue te dek en oor tuinontwerpelemente in die besonder te skryf. My eerste artikel vir The Gardener magazine was in 2003 toe Sven Jurgensen aan die roer was. Deur die jare het my bydraes behels om tuine landswyd te vertoon, tuinskoue te dek en oor tuinontwerpelemente in die besonder te skryf. Ek lewer ook bydraes vir Grow to Eat wat my tydlose treffertydskrif is oor die kweek van jou eie produkte. My joernalistieke opleiding was in die besonder op tuinmaak gerig, eers by Eluned Price in Oxford, Engeland, en daarna plaaslik by Graeme Ferreira wat toe die redakteur van die koerant The Hilltop in KwaZulu-Natal was. Albei is bekroonde joernaliste. Ek was die outeur en medeouteur van drie…

“Twintig jaar gelede was inheemse tuinmaak kwalik die gonswoord wat dit nou is. Deesdae het biodiversiteit, natuurtuine en herskeppende tuinmaak op die voorgrond getree.” Tuinmaak 20 jaar later deur Jenny Dean Toe ek 20 jaar gelede vir The Gardener magazine begin skryf het, was dit om my idees oor die skep van ʼn toevlugsoord te deel met lesers wat inheemse plante gebruik, asook al die voëls, skoenlappers en insekte wat hulle lok, en om die klein vreugdetjies van so ʼn tuin en die taamlik onbekende aspekte van sommige van ons spesiale plaaslike plante te beklemtoon: dinge soos Croton pseudopulchellus-blare met silwerkleurige onderkante en gemmerkleurige vlekkies; maagpynbossie (Pavonia praemorsa) met blomme wat geel oopgaan en maroen toemaak; die deurmekaarbos (Ehretia rigida), ons plaaslike verbleikbos, met ʼn subtiele geur en lila blomme;…

“Ludwig’s Insect Spray was een van die eerste kommersieel geproduseerde organiese insekdoders waarin knoffel en kanolaolie gebruik is.” Twintig jaar van rose Tuinmaak met rose het die afgelope twintig jaar saam met die tye verander. Die jaarlikse roos-en blommeskoue wat in die meeste dorpe en stede ʼn veel verwagte gebeurtenis was, het ongelukkig tot ʼn einde gekom. Tuiniers het baie moeite gedoen om die perfekte blom te vertoon wat hulle gehoop het as die beste blom op die skou gekroon sou word. Die soort rose wat tuiniers wou plant, het egter begin verander. Tuiniers het nie meer soveel belang gestel in rose wat dalk kampioenskapsblomme sou oplewer nie. Hulle wou rose hê wat goed en voortdurend blom sonder die nodigheid om dit op te piep. Skryf die ‘Grannies’ en ‘Deloitte…

Of hulle nou in volson of halfskadu in die tuin gekweek word of in ʼn houer waar hulle daarvan hou om ʼn bietjie wortelgeknel te wees, is agapanthus-spesies buitengewoon goeie plante om te hê. Tans is daar talle geteelde variëteite uit die ses spesies wat plaaslik in onder meer die winter-en somerreënstreke van die wyd uitgestrekte grondgebied van Suid-Afrika aangetref word. Hierdie nuwe hibriede blom herhaaldelik en is te kry in ʼn verskeidenheid kleure van bloue, perse en wit tot mengsels vir ʼn reeks pragstukke wat steeds die kenmerke van ons maklik-om-te-kweek inheemse agapant het. Hier is ʼn paar nuwes om op die lys by te voeg: ‘Amethyst’ Agapanthus praecox ‘Amethyst’ het sy naam gekry van die donker ametiskleurige strepe wat op elke lila kroonblaar van die mooi blomme vorm…

Een of ander magnetiese krag het my gedwing om te dros uit die stalletjie van ‘n leefstyltydskrif vir wie ek toeka gewerk het. Dit was tydens‘n tuinskou in Somerset-Wes aan die einde van 2006. Hoekom ek gemik het in die rigting van The Gardener tydskrif se uitstalling in ‘n tent verder af, weet ek nie. ‘n Korterige vrou in ‘n lemmetjie-groen t-hemp het met ‘n vaart in die paadjie aangekom. Ek het haar onmiddellik geëien as die einste Tanya Visser, alhoewel ons mekaar nog nooit van aangesig tot aangesig ontmoet het nie. Toe sy oorkant my kom, het sy brullend geskrou dat sy op soek is na my. Ek het ewe luid geantwoord dat ek dink ek is ook op soek na haar. Die uiteinde van hierdie kortstondige ontmoeting onder…