Innholdsfortegnelse for January 2023 i Die Tuinier Tydskrif

Baie geluk! As jy hierdie brief lees, het jy en jou tuin 2022 oorleef. Julle albei is dalk nie piekfyn nie, maar julle het dit gemaak. Oorstromings, droogte, buiteseisoense stortreën van epiese omvang en natuurlik finansiële moeilikhede en druk: Niemand is immuun nie, en tog, hier is ons weer by die begin aan die probeer om ons pad deur hierdie doolhof van die lewe te vind. Dit alles klink nogal depressief, nie waar nie? Wel, wees verseker dit hoef nie te wees nie. Dis die klein dingetjies wat ons kan aangryp en handeling wat ʼn GROOT verskil kan maak. Baie soos die tema van vandeesmaand se tydskrif – Klein Spasies, Groot Drome. Dalk moes ons dit genoem het Klein Begrotinkie, Groot Moontlikhede. Ons het op die hieropvolgende bladsye die beste…

Daar is soveel tipies Suid-Afrikaanse dinge wat mense in al die provinsies verenig – die reuk van ʼn vleisbraai op ʼn Saterdagmiddag, sleng wat geen ander land se burgers verstaan nie, en die haat jeens beurtkrag. Die invoer van beurtkrag in 2007 het die opvatting van baie Suid-Afrikaners oor kraggebruik verander wat wonder hoe hulle die ligte kan aanhou. Soektogte na sonkrag het die afgelope paar jaar dramaties toegeneem namate kragonderbrekings meer die reël as die uitsondering geraak het. Gelukkig is die gebruik van sonkrag in ons tuine al baie jare gevestig. Met uitdagings soos die weer en die kragbron om te oorweeg, los sonligte soveel probleme in die agterplaas op. Ook as jy noukeurig tyd bestee het om jou buitebeligting te beplan om die stemming te bepaal, wil jy…

Bougainvilleas is doringrige sierrankers of klouterstruike wat inheems in Suidoos-Amerika is. Baie hibriede bestaan en die natuurlike robuustheid van die ouerspesies is ʼn bietjie getem sonder dat hul tradisionele helder kleure ontbreek. Die pragtige kleure wat ons sien, is nie blomme nie, maar papieragtige skutblare wat piepklein buisvormige blommetjies omring wat óf wit óf room is. Dinge om te weet • Bougainvilleas moet ʼn maksimum van ses uur sonskyn kry om goed te blom. ʼn Goeie kol vir hulle sou ʼn hittehoudende muur wees wat noord kyk.• Kies ruim potte, selfs al vaar hulle goed as hul wortels effens ingeperk word. Met groot potte hoef jy hulle nie gou te verplant nie.• Potte moet groot dreineergate hê (bedek dit met stukke skadudoek om te keer dat die grond uitspoel en…

Plant en sorg Gebruik altyd goeie potgrond wanneer in ʼn houer beplant word. Voeg vir dié plante ʼn paar hande vol dreineermateriaal soos vermikuliet of perliet by die mengsel vir goeie dreinering. Sit ʼn hand vol stadig vrystellende organiese misstof by om die plante ʼn hupstoot te gee. Gooi brokstukke of klippe onderin die pot wat keer dat die grond uitspoel maar die water steeds toelaat om uit te loop. Maak die pot halfpad vol met voorbereide grond, plant die plante in die pot, vul op met nog grond en druk vas om die plante stewig te maak. Maak goed nat en sit in ʼn sonkol. Versorg die plante deur hierdie wenke na te volg: • Verwyder voortdurend dooie blomme.• Maak twee tot drie maal per week of in warmer…

Die waentjie lyk ingewikkeld, maar is alles behalwe – dis ʼn eenvoudige kis op wiele met ʼn handvatsel en voorwiele wat draai. Moenie dat dit jou intimideer nie – probeer dit maak en verseël dit dan met Woodoc 30 en ook met een kleurtint daarby. Jy het nodig: Dennehoutsnylys: 1 x 455 mm x 600 mm x 20 mm-plank (basis)2 x 455 mm x 12 mm x 94 mm (basisvoor-en -agterkant)2 x 624 mm x 12 mm x 94 mm (basissykante)2 x 445 mm x 20 mm x 20 mm (klamplatte)2 x 550 mm x 20 mm x 20 mm (klamplatte)10 x 300 mm x 10 mm x 10 mm (stutpale)4 x 435 mm x 12 mm x 60 mm (voor-en agterlatte)4 x 580 mm x 12 mm x 60…

Natuurlik gesond Voed jou tuin met Talborne Organics Nourish 5:1:4(10) Multi-Plant. Dit is ʼn heeltemal plantgebaseerde, gebalanseerde vloeibare aminosuurstikstof-en-kaliummisstof ryk aan suikers wat energie verskaf om nuwe plantgroei te bevorder. Dien Nourish Multi-Plant 5:1:4 (10) as blaarvoeding of gronddeurweekmiddel toe om jou binne-en buiteplante te laat floreer, om saailinge en steggies te voed en as ʼn onderhoudsvoeding vir gemengde sier-en eetbare tuine in alle groeifases. www.talborne.co.za Retronewelspuit Die klein en effektiewe Good Rootsnewelspuit is die perfekte oplossing vir delikate binneplante. Dis van glas gemaak met ʼn gerieflike vingerpompsneller. ʼn Keuse van lugplante is ook verkrygbaar. www.tanyavisser.com Glasorgideepot Kyk na dié stylvolle selfbenattende orgideepot met matglas wat deur Eva Solo ontwerp is. Die deursigtigheid van glas stel orgideë in staat om sonlig deur hul wortels en nie net deur hul blare…

Deel 3 Nepenthes Tropiese bekerplante Die eerste gedokumenteerde vermelding van hierdie groen roofplante dateer uit 1658. Daar is meer as 160 bekende spesies en verskeie word nog steeds ontdek. Sir David Attenborough is ʼn geesdriftige entoesias van dié genus en een is na hom vernoem – Nepenthes attenboroughii. ʼn Aantal tropiese bekerplante het ʼn simbiotiese verhouding met werweldiere soos skeerbekmuise en vlermuise, en het diplomatieke verhoudings met sekere insekte wat bepaalde mierspesies toelaat om neste te bou om oormatige organiese materiaal te verwyder wat die plant met spysvertering help. Komende van die warm, klam oerwoude van Suidoos-Asië en Madagaskar waar hulle in uiteenlopende habitats bestaan, kan hierdie plante na gelang van hul ontstaanshoogte in twee onderskeie gebiede verdeel word, laelandspesies en hooglandspesies. Laelandspesies verkies voortdurende warm temperature – dae van…

Hoe om dit te kweek Koljander hou van son en ligte ryk grond wat goed dreineer. Gereelde natmaak is nodig. Dit groei goed saam met aartappels en anys, maar nie met vinkel nie. Spasieer plante 30 cm uitmekaar. Saad ontkiem binne twee tot drie weke. Plante groei 45 cm tot 60 cm hoog en klein blaartjies kan vroeg geoes word of die blare vanaf 60 dae. Oes Pluk die blare net voor gebruik omdat die sagte blare vinnig verlep. Die blare is nie geskik vir droog nie. Om die saad te oes, laat die plant blom. Wanneer dit doodgaan, trek die plant uit, hang dit onderstebo op, bedek met ʼn bruinpapiersak en die saad sal in die papiersak val. Oes die wortels wanneer die plant uitgehaal word; dit het ʼn…

Skryf nou in en spaar 30%! • Druktydskrif 12 uitgawes R490 Spaar R206 – 30%-afslag op die omslagprys• Digitale tydskrif 12 uitgawes R390 Spaar R306 – 44%-afslag op die omslagprys Hoe om in te skryf? • Bel ons by 031 003 0940• E-pos ons by subs@thegardener.co.za• Vul die vorm hieronder in en WhatsApp dit aan ons.• Skandeer die QR-kode om aanlyn in te skryf en betaal per kredietkaart Hoe lewer ons jou tydskrif af? ʼn Diensverskaffer lewer tydskrifte in stedelike gebiede met die hand af. In plattelandse gebiede word jou tydskrif met die Suid-Afrikaanse Posdiens gestuur, of vra ons vir ʼn kwotasie om dit maandeliks per koerier af te lewer.…

Hulle het dalk ʼn fyn en delikate voorkoms, maar is maklike, fiemieslose plante om klein rakkies te versier of uit hangmandjies neer te hang. Al drie word in klein potjies verkoop, boonop teen ʼn bekostigbare prys. Hulle groei goed in lae tot matige ligtoestande. Voed hulle van die lente tot die somer gereeld met ʼn oplosbare misstof wat teen halfsterkte aangemaak is. Peperomia angulata Hierdie rankpeperomia met sy fyn beaarde smaraggroen elliptiese blare laat dink aan ʼn kewer. Dit het halfsukkulente stingels sowel as blare, ʼn aanduiding dat die plant sy eie water kan bêre, wat beteken dat die grond toegelaat moet word om uit te droog voor dit weer natgemaak word. Peperomia prostrata ‘Pepperspot’ Die ronde donkergroen blare met robynrooi onderkante van die plant lyk soos munte. Dit groei…

Alles hang van doelbewuste beplanning, die skeppende gebruik van ruimte en die kies van die produktiefste en ruimte-intensiewe groente en kruie af. Dit gaan ook oor die samevoeging van ʼn plantgemeenskap wat mekaar se groei ondersteun, skadu gee, bestuiwers lok, of die grond verryk. VOEDSEL ONDER LIGTE Die kweek van groente en kruie onder ligte is die oplossing vir woonstelbewoners sonder toegang tot buiteruimte of sonlig of vir tuiniers wie se wintertuine te koud en te donker vir groente is. Binnegroeiligte versterk die beskikbare ligvlakke om te voldoen aan eetplante se behoeftes aan meer lig as binnenshuise plante, selfs al word hulle langs ʼn venster gekweek. Hoewel blaargroente en sommige skaduliewende kruie in matige tot helder binnenshuise lig sal groei, het volsonliewende groente en kruie veel hoër ligvlakke nodig. Die…

Wat onderskei die ‘Bella Fuchsia®’-variëteite van die honderde ander fuchsiaspesies en -hibriede, wonder ʼn mens dalk? Die antwoord is eenvoudig. Hierdie reeks wat in die kweekhuise van die Hendriks-familie in Nederland geteel is, het ʼn kompakte en bosagtige groeiwyse, dit begin twee weke vroeër as ander fuchsias blom en die oorvloed delikate blomme word nie in die plant weggesteek nie, maar spog skaamteloos met hul prag. Hulle hou ook aan blom tot goed in die herfs. Hier het ons toegang tot ʼn groot reeks blomvorms van tweekleurige enkel-tot dubbelblomme in helderpienk, sagpienk, laventel, rooi en pers, en dit sal moeilik wees om die drang te onderdruk om al dié “dansende ballerinas” te besit met hul vrouename soos ‘Evita’, ‘Mariska’, ‘Soila’ en ‘Sascha’, om maar net ʼn paar te noem. Hierdie…

Diamond Frost Voor ons die nuwe “diamante” bekend stel, kom ons som eers die kenmerke van Euphorbia hypericifolia ‘Diamond Frost’ op. Eerstens verlang die plant baie min sorg en spog heeljaar met mooi spierwit skutblare. Dan verleen dit ʼn eteriese tekstuur aan ʼn blombedding of patio in ʼn pot in halfskadu tot volson. Behandel dit in koeler klimaatstreke as jaarplant, hoewel dit in gematigde klimate as meerjarige ingespan kan word. Dit hou van klam ryk grond met goeie dreinering en elke ses weke ʼn dosis misstof om dit aan die blom te hou en gesond te laat lyk. Dit word 30 cm by 30 cm. Diamond Snow Die uiters geharde Euphorbia ‘Diamond Snow’ het digte wolke wit blomme en vaar geweldig goed in houers sowel as in die tuin. Plant…

BESTE DAE VIR JANUARIE…

Elk met ‘n koue skemerkelkie in die hand, het ek en my buurvrou dit betreur dat die tyd so vinnig verby vlieg en dat die kinders so onder ons neuse groot geword het. Toe wys sy my haar tienerdogter se afskeidsboodskap aan haar skool se matriekklas van 2022. Dit was inspirerende leesstof wat dalk vir my ook van waarde kan wees in ‘n nuwe jaar wat voorlê sonder om te diep te dink aan nuwe voornemens waarby ek soos gewoonlik nie vir langer as ‘n dag gaan hou nie… Sy het‘n stukkie wysheid van Munshira Althaf op die YourQuoteApp geleen en die volgende boodskap gehad: (Die vertaling daarvan is myne). Soos dit nou alles tot ‘n einde kom, staan jy voor ‘n bittersoet afskeid. Jy strompel die onbekende binne, verstrengeld…