Innholdsfortegnelse for December 2022 i Die Tuinier Tydskrif

Kersdag is om die draai en baie van julle het reeds jul lyste gemaak van watter geskenke julle vir wie gaan koop. Party het net ʼn naam en ʼn oop spasie waar die geskenk ingeskryf moet word. Ek het dieselfde probleem! Vir my is gesê: “Kry net vir my ʼn vreemde eksotiese plant.” Dit klink dalk maklik, maar laat ek jou vertel dis nie ʼn lugbraaier, grimering, parfuum of een van daardie items wat ʼn mens by die meeste gewone winkels kan koop nie. As jy nou ʼn lewensmaat het wat reeds die meeste van die vreemde eksotiese eksemplaarplante te kry versamel het, raak hierdie taak regtig moeilik! Dus is die soektog aan die gang; ek sif deur webwerwe, deur plantgroepe wat met “Rare” begin, omtrent enigiets nou om daardie…

Swart is beslis die kleur van drama. Net ʼn tikkie lok die oog en verskaf intense kontras met enige kleur waarmee dit saamgebruik word. As dit doelgerig gebruik word, kan dit ʼn unieke fokuspunt skep wat sterk maar terselfdertyd vertroostend is. ʼn Sweempie van hierdie modieuse kleur kan fokusmure, meubels en kleiner toebehore soos kussings en matte opkikker. Wat as swart egter eenvoudig te sterk vir jou huidige ruimte is? Dit beteken nie jy moet die neiging heeltemal laat vaar nie. Kyk na die huisplantwêreld om aan jou (ontwerp-en tuinmaak-)behoeftes te voldoen sonder om te veel veranderings aan te bring. Swart is net so moeilik om in die plantwêreld as in ontwerp te vind met uiters min plante en blomme wat met die kleur spog. Die meeste plante wat swart…

As hulle klaar geblom het, kan hulle in die tuin uitgeplant word om vir baie jare hul beste te gee. Dis nou ʼn geskenk wat hou! Trouens, as jy Tanya Visser oor potrose uitvra, sal sy waarskynlik die drie potrose noem wat sy vir haar ma gekoop het, wat later in houtbalies uitgeplant is en vandag steeds groei – 12 jaar later. Binne-en patiosorg As potrose binne goed versorg word, kan hulle baie lank blom. Hier is ʼn paar wenke om seker te maak hulle blom wel: Lig – Rose het volop lig binne nodig en sal nie goed vaar in ʼn donker hoek nie. Maak seker hulle kry ʼn hele aantal ure sonskyn per dag. Water – Potrose het baie water nodig, maar hou nie daarvan om deurnat te wees…

DDS Jy het nodig Hout met die volgende afmetings: 2 x 700 mm x 68 mm x 20 mm (sykante) 2 x 450 mm x 68 mm x 20 mm (bo-en onderkant) 1 x 600 mm x 144 mm x 20 mm (basis) Houtgom Woodoc 35 Polywax Sealer (Dark Brown) 3,5 mm x 40 mm-houtskroewe 1 x sierspitsversiering (te kry by winkels wat gordynstokke verkoop) 1 x geelkoperskroefhaak Mineraalterpentyn Gereedskap: Skuurder, potlood, maatband, koordlose boor, 3 mm spoedboorpunt en aandrywerboorpunt, verfkwas, klampe, skoon doek, plat spatel Stappe 1. Merk die middelpunt van die bokant. Bepaal dit deur diagonale lyne van hoek tot hoek te trek – hulle sny mekaar in die middel. Boor ʼn 3 mm-loodsgat op hierdie punt, maar nie dwarsdeur nie. Dis waar die geelkoperskroefhaak ʼn bietjie later…

Pers fonteingras Pennisetum setaceum ‘Rubrum’ vorm ʼn dramatiese pol van meer as 1 m hoog met ʼn fonteinagtige groeiwyse en buigende, lynvormige blare wat ʼn ryk boergonjerooi is. Rietagtige bloeiwyses verskyn in die somer wat donsige perspienk pluime tot die einde van die winter dra. Dit groei vinnig en voëls is lief daarvoor. Dit het talle gebruike. Die gras maak lieflike aksentplante uit as dit in sterk groepe gebruik word; is wonderlik as agtergrondvullerplante in gemengde struikbeddings; is perfek om die grond op banke te bind; is mooi naby waterfokuspunte; is ʼn minsorgkeuse vir ʼn gruistuin; en is mooi as eksemplaarplante in potte. Dit groei in die meeste klimaatstreke en is rypbestand. Plant dit in volson of ligte skadu in komposverrykte grond wat goed dreineer. Dié gras het matige watervereistes,…

KORTLIKS Wat: Ammazulu Sculpture Garden Waar: Kloof Fallsweg, Kloof Grootte: 20 acres Klimaat: Subtropies Ontwerper: Peter Amm Die klimaat in KwaZulu-Natal is van so ʼn aard dat dit toelaat dat ʼn beesplaas op ʼn grasveld met bloekombome omskep word in ʼn tropiese paradys met natuurbos en rankplante wat hemelwaarts klim. Hoewel hierdie tropiese paradys 70 jaar in wording is, sal jy nie weet dat dit ooit iets anders was nie. Nou is dit ʼn bos met hoë bome, rankers, blomstruike en interessante plante met wandelpaadjies om elke hoekie te verken – ʼn tipiese KwaZulu-Natalse bos maar met ʼn paar verskille. Peter se ma, mev. Winkle, het aanvanklik begin om die tuin in ʼn fantasiewêreld te omskep. Daarna het Peter die tuin met kuns gevul. Kyk op en jy sien metaalkameelperde…

Sarracenia Trompetbekerplante Sarracenia purpurea is vernoem na dr. Michael Sarrazin, ʼn chirurg en naturalis wat in die 17de eeu geleef het. Hy was een van die eerste wetenskaplikes wat ekostelsels gedokumenteer en gekatalogiseer het in New France, ʼn gebied wat gestrek het van die Golf van Mexiko af al met die kus langs na wat vandag Kanada is. By die ontdekking van hierdie plante het hy die akademiese gemeenskap ingelig dat die plant insekte vang en verteer, maar sy teorie is verwerp net om later in 1875 deur Charles Darwin se bevinding bevestig te word. Hierdie genus van Noord-Amerikaanse bekerplante, wat algemeen as trompetbekerplante bekend staan, het sowat 11 spesies. Hulle groei van wortelstokke en hul regop bekers – waarvan sommige tot 1 m hoog word – kan ʼn wintertemperatuur…

Een van die gereelde wenke oor wat om in die groentetuin te doen, is om droë blare, grassnysels en groen tuinmateriaal op die komposhoop te gooi. Dis goeie raad, maar vertel jou nie die hele storie nie. Twee soorte kompos word gemaak. As jy warm kompos maak, wat vinniger bruikbaar is, is dit nie eintlik goeie raad nie. Dit geld egter as jy koue kompos maak, wat ‘n langer proses is. Daar is geen rede waarom jy nie albei langs mekaar kan maak om oor ʼn langer tyd ʼn voorraad kompos te hê nie. Hier volg waarom en hoe: ʼn Warm komposhoop het volume (biomassa) nodig in die verhouding van 60 dele vars groen materiaal (stikstof) tot 40 dele droë bruin materiaal (koolstof) om hitte op te wek vir die…

Tooi jou somertuin voor Kersfees met ʼn digte sneeutapyt met die uiters kouebestande en sterk groeiende grondbedekker Cerastium tomentosum. Die klein loof is viltagtig en silwergrys, en raak in die blomtyd heeltemal toe onder sneeuwit stervormige blomme. Dit is 10 cm hoog met ʼn onbepaalde verspreiding wat dit nuttig maak om as plaasvervanger vir gras te plant, oor klippe in ʼn sonnige rotstuin te tuimel, of die openinge in lapplaveisel te bedek. Snoei dit sterk terug na blom en verdeel jou sneeutapyt gereeld in die lente of herfs om dit vars en gesond te hou. Gouekalmoes Hierdie plant groei lekker in ʼn dammetjie, is opgewasse teen swaar klei of klam vleigrond, maar pas ook by enige ander toestande aan – dis die gunstige kant van Acorus gramineus ‘Golden Edge’ (Japanse…

Maak in warm somerweer eetbare en blomjaarplante en struike nat om te gedy in gebiede met min reen. Deur op "benat "-dae goed nat te maa k, verminder die totale waterbehoeftes, wat dit makliker maak om die kostuin te onderhou. Help verder deur vloeibare misstof in gieters by te voeg en verlaag verdamping en verlepping deur gereeld beskermende deklae op aangeduide dae te vervang. Die laaste vrugbare dae is ideaa l om blaargroente en vrolike blomjaarplante opvolgend aan te plant om 'n goeie grondslag te vestig vir h wonderlike tuin in 2023.…

1. Groentepilaarkerse Omskep gewone wit kerse in ʼn groen-wit verrukking met ʼn bietjie groente en lint. Draai ʼn ry boontjies of roosmaryn om ʼn kers en maak met lint vas. Hol ook ʼn artisjok uit en gebruik dit as kershouer. Gebruik dit as tafeldekor vir ʼn vars rangskikking. 2. ʼn Onverwelkbare ruiker ʼn Ruiker gedroogde blomme kan pragtig wees en hou veel langer as vars blomme. Verskeie produkte in die eetbare tuin kan bygevoeg word, soos gedroogde brandrissies, koring en hawer, graangrasse, gedroogde sitrus (wat bedraad moet word voor dit by die mengsel gesit word), roosmaryn, salie en rose. Bind die langsteelsteggies vir droog almal saam vas en hang hulle onderstebo op tot hulle heeltemal droog is. 3. ʼn Suurlemoengeurige geskenkfles Suurlemoensmeer is baie se gunsteling en tog maak mense…

Enige binneontwerper sal vir jou sê dat die buiteruimte net soos die binneruimte se ontwerp versier moet word. Oorweeg egter ʼn paar dinge soos die weer: Kies items wat teen die son, wind en reën bestand is en steeds vrolik lyk; wees dus bereid om na jou buitemeubels om te sien, of sorg dat jy tydens slegte weer items doeltreffend en maklik kan bêre. Begin maak jou buite-oase met goeie en gemaklike meubels. Besluit waarvoor die ruimte gebruik gaan word – vir ontspanning, rondsit of eet, of al drie. Moet ook nie van die braairuimte vergeet nie wat maar klein kan wees vir ʼn draagbare braaier of ʼn groter belegging in ʼn buitekombuis met al die fieterjasies soos wasbakke, aangelegde water, bêrekaste en die keuse van gas-of houtskoolbraaiers, maar dit…

Welige hangmandjies verleen daardie ietsie ekstra aan ʼn patio of balkon en daar is talle plantkeuses om hulle vol te maak. Oorweeg egter interessante vetplante met ʼn natuurlike rankgroeiwyse en ryk getekstureerde en geskakeerde stingels en blare vir minsorgmandjies wat langer hou as die tradisionele blommandjies vol seisoensplante wat gereeld vervang moet word. Jy het nodig Mandjies: Kies ʼn ruim en sterk draadmandjie met ʼn klapperhaarvoering omdat jou vetplant ʼn hele ruk in dieselfde mandjie gaan bly. Jy kan enige ander soort houer kies, hoewel robuuste vetplante gewoonlik goed saamgaan met ʼn mandjie wat natuurlik lyk. Hangmeganisme: ʼn Groeiende vetplant met vlesige blare en ʼn tipiese vetplantgrondmedium met riviersand kan swaar wees. Maak seker die haak waaraan dit gaan hang, is sterk genoeg om die mandjie se gewig te dra.…

Fuchsia ‘Sundancer’ Kry Fuchsia ‘Sundancer’ uit die Proven Winners-reeks vir ʼn potplant wat verskeie maande lank blom. Dit word tot 2 m in die tuin, kan reggeknip word om sy vorm te behou en is in potte alleen of saam met ander kontrasterende plante perfek vir somerpatio’s. Sit dit in volson of halfskadu en gee gereeld water. Voed elke paar weke met ʼn vloeibare plantvoedsel en voeg waterhoudende produkte by die grond by om dit klam te hou. Cuphea hyssopifolia ‘Lemon & Ice’ Vir loof wat met sy helder lemmetjie en geel duidelik sigbaar is, is die keuse ‘Lemon & Ice’. Dis ʼn kompakte cuphea van 30 cm hoog en 40 cm wyd wat in ʼn treffende lae heining gesnoei kan word. In die somer en herfs dra dit klein…

Gaan jy met vakansie en laat jou tuin agterbly? Stel take uit soos die saai van saad, verdeling, plant van potte en die maak van steggies tot jy weer tuis is. Verwyder ou blomme en ontknop plante wat weer blom net voor jy vertrek om nuwe blomme aan te moedig vir wanneer jy terug is. As jy nie ʼn outomatiese besproeiingstelsel het nie, vra ʼn vriendelike buurman of -vrou om jou tuin nat te maak terwyl jy weg is. Maak dit makliker vir die natleier deur tydskakelaars en tuinslange aan al die krane te koppel en groepeer potplante saam in die skadu van ʼn boom waar hulle stadiger sal uitdroog en ook makliker natgemaak kan word. Moenie vergeet om waterretensiekorrels by al jou buitenshuise potte te voeg nie. Dit kan…

Gedurende die vakansiedae, gaan ons soos gewoonlik‘n huisvol mense wees met nog eters wat op Kersdag gaan aansluit om ons feestafel. Tydens ‘n verkennende vergadering met die‘hoofbestuur’ aangaande ons program, was dit bykans onmoontlik om konsensus te bereik. Dit het eerder in openlike aggressie ontaard. Maar later, is daar darem saamgestem dat ons moeilike tye beleef en dat die feestelikhede vanjaar ‘n bietjie afgeskaal moet word. ‘n Besluit is geneem dat die familie se kinders (ouderdomsgroep onder 13), nie tekort sal gaan aan geskenke nie (“alhoewel binne perke” het hulle tante en ouma onmiddellik laat hoor). ‘n Vinnige oorsig van net een seuntjie se wenslysie het my ingelig dat hy ‘n paar luukse Crocs-skoene begeer waarvan net die gedagte aan die koopprys my oë laat traan het. Ek het hom…