Innholdsfortegnelse for September 2022 i Die Tuinier Tydskrif

Ons almal kry ons liefde vir tuinmaak êrens vandaan. Eintlik is dit nie heeltemal waar nie – amper almal van ons kry ons liefde vir tuinmaak van iemand. Ek onthou hoe ek naweke saam met my ouers tuingemaak het, en dit is beslis waar die vonk begin het. Algaande is ek deur soveel ander tuiniers geïnspireer, maar dit was beslis daardie eerste herinneringe saam met my ouers waar dit regtig begin het. Almal van ons, jonk en oud, kan ook steeds van ons ouers en grootouers leer, en aanhou om ook deur hulle geïnspireer te word. Dit was daarom so lekker om nou die dag ʼn brief van Maritza Moolman oor haar ouma te kry: Yvonne Schlebusch (88) is ʼn afgetrede onderwyseres en geliefde ma en ouma. By haar huis…

Skryf nou in en spaar 35%! • Druktydskrif 12 uitgawes R449 35%-afslag op die omslagprys • Digitale tydskrif 12 uitgawes R386 44%-afslag op die omslagprys Hoe om in te skryf? • Bel ons by 031 003 0940 • E-pos ons by subs@thegardener.co.za • Vul die vorm hieronder in en WhatsApp dit aan ons. • Skandeer die QR-kode om aanlyn in te skryf en betaal per kredietkaart Hoe lewer ons jou tydskrif af? ʼn Diensverskaffer lewer tydskrifte in stedelike gebiede met die hand af. In plattelandse gebiede word jou tydskrif met die Suid-Afrikaanse Posdiens gestuur, of vra ons vir ʼn kwotasie om dit maandeliks per koerier af te lewer. Vul die vorm hieronder in, neem ʼn foto en WhatsApp dit na 061 866 7780.…

Verlustig jou in vrolike geel en koel wit, en laat jou maskervrye neus weer eens gevul word met die soet geur van die natuur. Ons keuses vir September is fantasties vir klein tuintjies en uitstekend vir blomgevulde patio’s en balkontuine. Heidebesem (Cytisus racemosus) is ʼn fyn maar taai struik wat tot 2 m hoog en 40 cm wyd groei en uit die Kanariese Eilande afkomstig is. Dit hou van volson en uiters goed dreinerende grond aan die alkaliese kant. As dit eers gevestig is, is waterverbruik matig, en dit is uiters goed bestand teen koue, maar nie teen ryp nie. Die talle sytakke is dun en buigsaam met klein afwisselende blaartjies en ʼn oorvloed soetgeurige, heldergeel ertjieagtige blomme wat in die lente en midsomer gedra en deur peulvormige vrugte gevolg…

Miniatuurteebos Leptospermums is inheems in sowel Australië as Nieu-Seeland met verskeie variëteite wat uitstekende tuinplante met min sorg en taai kenmerke uitmaak. Leptospermum ‘Cherry Brandy’ is ʼn gewilde dwergkultivar wat 0,5 m hoog word. Hierdie kompakte immergroen variëteit dra ʼn massa kersierooi blomme in Augustus en September wat ʼn gloed van helder kleur tot gevolg het. Die klein blaartjies is aromaties en donkergroen met wynrooi tinte. Nuwe blaargroei is helderrooi, en op sy eie vertoon die plant altyd die een of ander vorm van kleur in die tuin. Dit vaar goed in volson en verkies goed bemeste sanderige grond met goeie dreinering wat noodsaaklik is. ‘Cherry Brandy’ is gehard, is droogte-en windbestand, en vaar goed in sanderige kustoestande wat met soutsproei te kampe het. Kaapse mei Spirea cantoniensis ‘Flore Pleno’…

Wat inheemse eetbare plante betref, kom ʼn paar by ʼn mens op, veral die vrugte van die maroelaboom wat so onvergeetlik was in Jamie Uys se ikoniese rolprent Beautiful People (1974). In die rolprent het wilde diere soos olifante, bobbejane, volstruise en vlakvarke hulle oorvreet aan gegiste maroelas en lekker dronk geraak. Diegene wat nie so oud soos ek is nie, kan steeds op YouTube na grepe uit die rolprent gaan kyk vir lekker lag. Onder die meer as 22 000 inheemse plantspesies wat in ons land aangetref word, is ʼn menigte eetbaar, waaronder graansoorte, wortels, blare, bessies en vrugte. Ongeveer dubbeld soveel is egter ook giftig daarom is dit goed om daarvan seker te maak voor ʼn plant geëet word. Hier is ʼn paar van die algemeenste eetbare plante…

Dianthusse verskaf heeljaar een van die skouspelagtigste kleurvertonings in jou tuin. In hul tradisionele kleure van pienk, pers, rooi, wit en selfs tweekleurig is dié pragtige klein blommetjies ewe treffend as oorvloedig. Hierdie kompakte beddingplante word vir die klassieke prag van hul blomme gekweek, wat tot ʼn manjifieke vertoning aangroei as dit in ʼn massa geplant word. Voeg hierby die geur van hul blomme, wat van hulle ʼn moet-hê-plant in die somertuin maak. Hulle is so veelsydig, gaan pragtig saam met talle jaarplante en komplementeer ook lente-en somerblombolle. Maak jou dianthusse een of twee maal per week gedurende droë tye nat, en dien maandeliks ʼn algemene misstof toe vir ekstra blompotensiaal. Verwyder dooie blomme onmiddellik om hulle aan te moedig om aan te hou blom. Nadat die blomme dood is,…

Hoëveld en KwaZulu-Natalse Middellande Artisjokke, beet, blaarslaai, eiervrugte, ertjies, komkommers, kool, mielies, murgpampoen, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Middelveld (Tshwane en ander gebiede met minder ryp) Artisjokke, beet, blaarslaai, eiervrugte, komkommers, kool, mielies, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Laeveld en KwaZulu-Natalse kus Aspersies, eiervrugte, komkommers, mielies, radyse, soet-en brandrissies, en stam-en rankbone Oos-Kaap en Klein-Karoo Beet, blaarslaai, eiervrugte, komkommers, kool, mielies, murgpampoen, pampoen, rabarber, radyse, seldery, skorsies, soet-en brandrissies, spanspek, spinasie en snybeet, tamaties en wortels Noord-Kaap en Groot-Karoo Artisjokke, beet, blaarslaai, eiervrugte, komkommers, mielies, pampoen, rabarber, radyse, rape, seldery, skorsies, soet-en brandrissies, spanspek, spinasie en snybeet, stam-en rankbone, tamaties en wortels Wes-Kaap (en Suid-Kaapse kus)…

As jy jou grasperk verlede maand wakker gemaak het deur dit sy eerste lentevoeding en ʼn voedsame bobemestingkombers te gee, sal dit bes moontlik reeds redelik goed lyk. Onthou egter dat dit bestaan uit duisende klein plantjies wat gedurende die somer amper voortdurende aandag nodig het. Hou dus by ʼn gereelde voedingsprogram, gereelde en diep natmaak, en veral korrekte sny. Onderhoudswenke: • Om jou taak makliker te maak, belê in die regte soort grassnyer om jou grasperk te onderhou. Verskillende soorte masjiene is vir verskillende soorte grasperke en tuintopografie geskik, en is vir jou gemak ontwikkel, nie om jou te straf nie. • Stomp grassnyerlemme skeur, versnipper en trek die gras, wat dit beskadig. Hulle moet minstens drie maal per jaar skerpgemaak word. • Randsnyers word gemaak om slegs rande…

Hierdie mooi tropiese plante behoort tot die gemmerfamilie en is nou met hul donkergroen blare en eksotiese blomskutblare in skakerings van ligpienk, donkerpienk, lila en wit as huisplante te kry. Die plante word dikwels borrie genoem omdat kurkuma afgelei is van die Sanskrit-woord kunkkuma wat“borrie” beteken. Kurkumas word dikwels soos ʼn langhoudende bos blomme behandel omdat hulle tot drie maande lank blom, hoewel hulle daarna rustend raak. Hulle kan uitgegooi, gekomposteer of buite in ʼn rypvrye tuin geplant word. Wat hulle nodig het • Hulle hou van volop helder lig en ʼn temperatuur van tussen 20 °C en 35 °C.• Maak elke derde of vierde dag nat en moenie dat hulle uitdroog nie. Hulle hou van goed dreinerende grond wat nie deurdrenk moet wees nie. As die blare geel word,…

Soos ons deesdae leef, kry ‘n mens gereeld lus om sommer self: “Ag, hou jou bek man!” te skreeu. Eers, is daar die stilte nadat iets wat netnou nog gewerk het, skielik nie meer werk nie. Dan is dit die duisternis voordat huisalarms begin loei. Volgende trek die buurt se senuweeagtige honde los en kef vir die vale omdat hulle by noual banger is vir die donker as wat ons is, en om die kakofonie van lawaai nog erger te maak, kom die dreuning van kragopwekkers kort daarna by. As gevolg van die gehoorverlies van sommige siele wat gelukkig genoeg is om met batterykrag televisie te kan kyk, kan jy hulle klankversterkers met die klank op sy maksimum gestel, sommer duidelik in jou stil sitkamer hoor en dan voel dit…

Voed gemengde tuine en saailinge Talborne Organics het onlangs sy nuwe reeks plantvoedsels bekend gestel wat van plante soos aartappels en suikerbeet gemaak word. Hierdie vloeibare misstowwe is propvol noodsaaklike aminosure vir die beskerming en groei van plante. Nourish Multi-Plant is ʼn plantvoedsel wat vir enigiets van buitetuine tot huisplante, saailinge en eetbare plante gebruik kan word. Dis ʼn gebalanseerde formulering van stikstof en kalium wat noodsaaklik vir gesonde plante is. Meng dit bloot met water en gebruik dit as blaarvoeding of gronddeurweekmiddel in al die groeistadiums van jou plante. www.talborne.co.za Beheer vlieë Hou vlieë in toom met Protek se herbruikbare en weggooibare Flyzone-lokvalle en - lokaas. Dit bevat ‘n nie-giftige, organiese proteïenlokaas wat veilig is om oral in die huis en tuin te gebruik. Die lokmiddel word geaktiveer wanneer…

Argyranthemum Die algemeen bekende margriet is ʼn moet-hêplant in elke lentetuin. Die tradisionele blomme met gelobde kroonblare in ʼn indrukwekkende reeks kleure verleen ʼn sonnige ligtheid aan alle beddings. Vanweë hul eenderse voorkoms word hulle gereeld verkeerdelik vir krisante aangesien en dikwels verkeerd geëtiketteer in winkels. Een van die gewildste spesies is Argyranthemum frutescens wat gedurende die lentemaande op sy mooiste is en in die regte toestande tot die herfs aanhou blom. Angeliere Een van die wêreld se gunstelingsnyblomme, die angelier, het ʼn lang geskiedenis wat tot die Griekse goue eeu teruggevoer kan word. Die genusnaam Dianthus is deur die Griekse botanis Theophrastos daaraan gegee en word letterlik vertaal met goddelike blom, wat net in ʼn baie geringe mate die Grieke se waardering vir hierdie plant aantoon. Dianthus caryophyllus is…

Hierdie aronskelke wat in ʼn wye verskeidenheid van kleure te kry is, word dikwels varkore genoem en is oorspronklik afkomstig van ons eie plaaslike Zantedeschia spesies. Hulle groei van risome en blom in die lente, wat hulle uitstekend maak vir potte buite, asook vir huislike blommeweelde op ʼn helder verligte plek. Hulle wil: • ligte, brokkelrige grond met bygevoegde kompos en goeie dreinering hê;• klam wees maar nie deurdrenk nie. Trouens, die meeste van die aronskelke in potte wat hierdie seisoen te kry is, is in selfbenattende potte met pitte om die grond klam te hou, wat dit baie maklik maak om hulle te versorg;• maandeliks met ʼn vloeibare misstof gevoed word; en• bedek word: Voeg ʼn deklaag in die tuin by om die onkruid te onderdruk en die grond…

As jy ʼn kleurryke grondbedekker vir blomtapyte in jou tuin soek, soek nie verder as Convolvulus sabatius nie. Hierdie treffende Mediterreense plant wat as akkerwinde bekend staan, is ʼn pragtige en fiemieslose byvoeging tot die lente-en somertuin. Al is akkerwinde verwant aan ander uiters indringende spesies in die Convolvulus-genus, word dit nie as indringend beskou nie en is veilig om tussen ander sierplante in huistuine te plant. Na plant in die lente versprei die houterige groei vinnig om beddings te bedek met lieflike groen blare met ʼn subtiele grys tint. Sodra dit somer word, word jy vergas op ʼn massa tregtervormige pers blomme wat die hele gebied bedek. Met sy klassieke Mediterreense flair is hierdie grondbedekker perfek vir rotstuine deurdat dit wyd oor lae mure en teen banke af versprei.…

Plant hierdie bome: Dis van 29 Augustus tot 4 September Boomplantweek en die twee inheemse bome wat vir 2022 gekies is, is pragtige tuinbome. Hulle is Dais cotinifolia (kannabas), wat van November tot Desember skouspelagtig blom, en Peltophorum africanum (huilboom), ʼn uitstekende boom vir byeboere wat van Oktober tot Februarie akasiaagtige loof en spoggerige geel blomme dra. Plaagpatrollie: Hou dop vir lelieboorders wat plante soos clivias, aronskelke en agapanthus binnedring, groot skade kan aanrig en selfs die plante doodmaak. Namate die geel-swart gestreepte ruspes voed, tonnel hulle diep in die hart van die plante in. Gate en opvallende tonnelmerke in die blare dui op hul teenwoordigheid. Vang hulle met die hand en maak hulle dood of gebruik ʼn kontakinsekdoder. Hierdie pes rig gewoonlik van September tot April skade aan. Begin…

Jy het nodig: 4 x 900 mm x 94 mm x 22 mm PAR-(alkant geskaafde) hout (panele) 4 x 124 mm x 12 mm x 8 mm PAR-hout (afwerking) 1 x 116 mm x 116 mm x 22 mm afvalstuk (bokant) 16 x 40 mm x 4 mm-skroewe Paneelspykers Houtgom Houtvuller Woodoc 50 Marine (Matt Clear) Fyn staalwol Minerale Terpentyn Skuurpapier ʼn Keuse van verbindingstukke om die kraanpyp te verleng Gereedskap: Maatband, plat spatel, booraandrywer met ʼn 3 mmskroefloodsboorpunt, bladboorpunt, skuurder, potlood, liniaal of tekendriehoek, handsaag, skuurder, verfkwas met fyn hare Stappe 1. Meet die kraanhoogte bo die grond. Die kraanbedekking moet effens hoër as die bokant van die kraanhandvatsel wees. (Ons kraan was 850 mm bo die grond daarom het ons die bedekking 900 mm gemaak.) 2. Sit twee…