Innholdsfortegnelse for May 2022 i Die Tuinier Tydskrif

Met die jare het die uiters sierlike kruidagtige randakkers wegbeweeg van die funksionele randakkers in die kothuistuinstyl waar eetbare plante soos vrugte, kruie en groente in geen besondere patroon nie tussen tuinblomme gegroei het. Dit het eerder die simbool van aansien in Engelse plattelandse tuine geword, en is ontwerp en beplant deur meestertuiniers wat hul beste tuinmaakvaardigheid uitgestal het om op groot skaal meesterstukke van vorms, kleure en teksture te skep. Wat is ʼn kruidagtige randakker? ʼn Kruidagtige randakker is ʼn versameling meerjarige kruidagtige plante wat na aan mekaar gerangskik is. “Kruidagtig” beteken dat die plante nie houterige stingels het nie, binne minder as ʼn jaar hul volle hoogte bereik, blom en saadskiet voor hulle gedurende die winter terugsterf om die volgende lente die prestasie te herhaal. Die meerjarige, daarenteen…

1 Beweegbare plantbakke soos die Vegepod (in drie groottes) en die modulêre Urban Box is albei met wiele toegerus om maklik te kan beweeg. Die Vegepod is ʼn kompakte selfstandige stelsel met watertenks wat water met ʼn waterpitstelsel aan die wortels voorsien en ʼn kap wat ʼn mikroklimaat skep. Die Urban Box (wat van herwonne palette gemaak is) is nie ʼn geslote stelsel nie, maar sy modulêre ontwerp maak verskille in grootte en hoogte moontlik. 2 Vrystaande plantbakke wissel van RainQueen se ligte golfysterhouers tot houtplantkiste op pote (gaan kyk by boeremarkte) en duursame plastiekkweektafels van Elho, wat by hardewareverkooppunte te kry is. 3 Vertikale plantbakke maak gebruik van onderbenutte muurruimte op patio’s, balkonne of in kombuisbinnehowe. Party is vrystaande terwyl ander aan ʼn muur vasgeheg moet word. Gardena het…

Hierdie plant wat die kuslyne van naburige Mosambiek, Mauritius en Madagaskar versier, het as huisplant stadig oor die hele wêreld in gewildheid toegeneem. Voorheen was die boom wat nou as Dracaena reflexa bekend staan, deel van die Pleomele-genus en word soms steeds pleomele genoem. Lied-van-Indië het dik takke en blink neerhangende blare, en sommige kultivars het ʼn tropiese lemmetjiegroen of geel rand. Hulle word etlike meter hoog as hulle buite geplant word, maar sal sowat 2 m hoog bly as hulle binnenshuis gekweek word. Aangesien hul groei deur die potgrootte beheer word, kan hulle op rakke of tafelblaaie gesit word, of op die vloer gelaat word om volgroeide binnenshuise bome te word. Soos die meeste plante in die Dracaena-genus is lied-van-Indië besonder maklik om te versorg en ʼn wonderlike keuse…

Bonsaistilering met draad is ʼn redelik moderne tegniek wat êrens gedurende die 1800’s in Japan ontwikkel is. Soos met die meeste bonsaitegnieke is die basiese beginsel taamlik eenvoudig, hoewel dit by tye nogal uitdagend kan wees om uit te voer. Die basiese konsep is dat ʼn kweker draad om een of meer boomtakke draai en die tak dan in ʼn nuwe posisie inbuig. Die draad hou die tak ʼn paar maande lank in die nuwe posisie totdat dit dié nuwe posisie aanneem, waarna dit dan verwyder word voor dit opvallende skade kan aanrig. Dis ʼn baie soortgelyke proses as die spalk van ʼn gebreekte arm met ʼn gipsverband. Die voorkoms van bonsai’s wat met draad gestileer word, is dikwels grasieus en vloeiende in teenstelling met die skerp, steil hoeke wat…

Jy het nodig Hout met die volgende afmetings (ons het herwonne dennehout gebruik): 30 x 1200 mm x 70 mm x 19 mm 1 rol metaalverspanband (word in die dakafdeling van hardewarewinkels aangetref)20 mm-houtskroewe30 mm-houtskroewe180-grint-skuurpapier Fyn staalwol1 ℓ Woodoc DECK Sealer (Golden Brown) Minerale Terpentyn Watertenk (Ons tenk se inhoudsmaat is 220 liter, met ʼn deursnee van 540 mm en ʼn hoogte van 1 000 mm.) Plastiekkom met ʼn deursnee van net minder as die bokant van jou watertenk (ons sʼn was 500 mm in deursnee) Gereedskap: Verfkwas, koordlose boor, aandrywerpunt, 2 mm-en 10 mmboorpunte, maatband, skoon doek, plat spatel, skuurder, 40 mm-silindersaag, spanband Stappe 1. Skuur die hout glad.2. Vee die hout af met ʼn lap wat met minerale terpentyn klamgemaak is. Laat droog word.3. Maak die Woodoc DECK…

Falkia repens (oortjies) Die vinnig groeiende oortjies is ʼn rypgeharde, matvormende immergroen grondbedekker wat vir niks stuit nie. Dit verdra hitte (soos op die dak in vlak grond) en droogte, maar groei ook in redelike klam plekke in volson of halfskadu tot selfs in diep skadu. Dit het klein ronde blaartjies en dra ʼn massa groot wit tot pienkerige papieragtige blomme van September tot Desember. Die blomme lok piepklein insekkies wat op hul beurt weer ʼn voedselbron vir akkedisse en paddas is. Falkia is inheems en ʼn goeie plaasvervanger vir wondergras. Ajuga reptans (senegroen) Senegroen is ʼn rankende meerjarige wat redelik vinnig deur middel van ondergrondse lopers versprei. In sommige lande word dit as indringend beskou, hoewel die mooi hibriede en variëteite van hierdie grondbedekker met hul uiters mooi loofkleure…

Hierdie tuin trek onmiddellik die aandag met sy slim en onverwagte ontwerpkonsep. Dis hoofsaaklik ʼn minimalistiese ruimte met twee kamers wat die elemente van ʼn Oosterse styl vertoon, soos die bonsai en groot klippe wat in die gruis geplaas is. Die Afrikastyl kom deur in die keuse van sterk kleure, teksture en aardse handwerk, wat diepte en interessantheid aan die ontwerp verleen. Met die wêreldwye omwenteling in onlangse jare het ons tuine ʼn toevlugsoord geword – ʼn plek vir intieme sosialisering, stille nadenke, ontspanningsaktiwiteite en veel meer. Die studente van Lifestyle College het agt klein tuintjies ontwerp wat in hierdie tyd van verandering die nuwe belangrikheid van ʼn buiteruimte voorstel, en ons kry die resultate te sien by die Lifestyle Tuinskou 2022 by Lifestyle Home Garden in Randparkrif. Soveel goeie…

Ons kan ʼn bontblaarplant herken as ons een sien – maar wat laat hierdie kleur aanvanklik regtig verander? Soos jy seker geraai het, is die antwoord nie eenvoudig nie. Eerstens is daar verskillende soorte bontheid met verskillende oorsake. Sommige vind natuurlik in die plantselle plaas, en ander word deur eksterne faktore soos siekte veroorsaak. Indiemeestegevalleisdit ‘n virus wat geen ander bedreiging vir die plant inhou nie, maar bloot die bontheid veroorsaak. Baie sierplante met kleurverskille het ʼn eenvormige bontheid wat op elke blaar herhaal word en eenders lyk. Hierdie bontheid is in die plantgene geënkodeer en raak ʼn kenmerk van daardie spesie. Die gesogste bontheidstipe wat dikwels by gewilde huisplante aanwesig is, is chimeriese bontheid. Dit is die tipe wat by die bekende bont Monstera en ander plante aanwesig is…

As jy ʼn paar pakkies Kaliforniese papawersaad in die hande kan kry en die prentjie van die goudgeel koppievormige blomme daarop vir ʼn kind wys, is daar ʼn sterk moontlikheid dat die antwoord ʼn positiewe “ja!” sal wees, en sommer gou sal jy vrolike en opgewonde geselskap in die tuin hê om jou die saad te help saai. Wat jy moet weet: • Eschscholzia californica-saad kan heeljaar gesaai word, en as jy dit gou doen voor die winter kom, sal jy die plesier van ʼn massa blomme in die lente en somer hê.• Die Kaliforniese papawer hou van volson en skraal sanderige of klipperige grond met uiters goeie dreinering.• Saai die saad op die plek en nie meer as 2 mm diep in losgemaakte grond omdat dié plante diep penwortels…

Oorwurms, soos Robbie Wessels se liedjie Mphe Di Hoenor of The Kiffness’ se satiriese Zol (so gewild gedurende die groot grendeltyd), maal in jou kop rond vir ‘n paar ure totdat jy dit uit jou sisteem uit gesing en gedans het. Kopwurms grou al dieper. In‘n radioprogram is almal uitgenooi om hulle irritasies na‘n langnaweek met huisgaste, te deel. ‘n Grootouer het ingebel om te sê haar irritasie is elke keer die verlies van al die tweepuntkragproppe in haar huis omdat die kinders dit wegdra saam met al die laaiers van hulle toestelle. Sy het voortaan besluit om haar kragproppe vas te gom aan die muurproppe. Ek had simpatie met haar aangesien ek dieselfde probleem het, en het onlangs selfs my selfoon se laaier met kragprop en al verloor. Dit…

Spesiale Lugplantgeskenkboksaanbod Bederf iemand hierdie Moedersdag met ʼn Rare and Air Gift Box. Dit bevat ʼn verskeidenheid pragtige lugplante asook versorgingswenke, lugplantmisstof en geskenkpapier, alles vir R300. Voeg ʼn mini-Tillandsia xerographica by vir nog R195. Dit maak ʼn baie spesiale geskenk uit vir ʼn spesiale persoon – of vir jouself! Doen aanlyn inkopies oral in Suid-Afrika. www.rareandair.co.za Sae vir alle take WORX se innoverende drietal, die One-Handed Pruning Saw, JawSaw en Extendable Pole Saw, het snoei makliker, vinniger en baie veiliger gemaak. Die ligte minihandkettingsnoeisaag sal tuintake veel minder uitputtend maak en kan omtrent alles sny. Hierdie handsnoeisaag maak beheerde en vibrasievrye snitte met ʼn snydiepte van 120 mm. Die verlengbare paalsaag is ontwerp met ʼn verlengbare paal wat ʼn bereik van tot 4 m het vir take daar bo.…

As jy jou heiningplante goed kies, kan jy gelyktydig voordeel trek uit twee weersprekende dinge – vragte blomme in verskillende seisoene wat ondersteun word deur mooi digte loof aan plante wat vir langer tye onbeteueld kan groei voor jy hulle met die heiningknipper moet inkort. Sleutelwoorde • Kompakte grootte – Dit beteken ʼn natuurlike laaggroeiende hoogte.• Ontspanne groeiwyse – Dit beteken bosagtige plante met ʼn geronde groeiwyse wat jy liggies kan vorm deur dit na ʼn blommedrag te snoei.• Mooi blaarkleur of -tekstuur – Dit beteken plante wat nie na snoei ʼn “verminkte” voorkoms het nie en vinnig met sterk nuwe groei uitspruit.• Blomme met ʼn doel – Dit beteken blomme wat wildlewe lok terwyl dit ook vir die menslike oog aangenaam is en gewillig is om selfs in strawwe…

Vinnige feite Ondernemingnaam: Madibri Spesialiseer in: minstens 150 fynbosvariëteite waaronder Protea, Erica, Leucadendron, Leucospermum, Mimetes, Serruria en ander. Kontakbesonderhede: 082 376 3912, e-pos: madibri@gmail.com, www.madibri.co.za, Facebook: madibri Van ʼn passie na ʼn onderneming Toe Nico Thuynsma in 1997 net buite Cullinan in Gauteng snyblomme begin kweek, kon hy nie dink dat Madibri, soos dit bekend geraak het, tuiniers landswyd van ʼn groot verskeidenheid fynbosplante sou voorsien nie. Nico is besonder trots op sy unieke versameling erikas. “Ek oorweeg voortdurend wat ek kan byvoeg by wat ek aan die publiek bied deur my eie seleksies te maak en nuwe plantmateriaal te bekom,” sê Nico. “Die kweekaktiwiteit by Madibri draai om ons inheemse plantryk en is trots Suid-Afrikaans, met die mense by Madibri wat die grootste bate is,” sê Nico. Madibri het…

Daar is iets uiters grasieus en elegants aan ʼn sagte porseleinpienk roos, veral as dit as snyroos vir die huis gebruik word. ‘Frauenverein’ is ʼn nuut vrygestelde edelroos en het, soos alle edelrose, klassiek gevormde knoppe en blomme. Die bos word skouerhoogte. Die roos herdenk die 100-jarige bestaan van die Duitse Vrouevereniging in Suid-Afrika. Rosesorg vir Mei Die roosseisoen loop ten einde, hoewel die rose met net ʼn bietjie teer liefdevolle sorg steeds tot diep in Junie kan blom: • Maak weekliks diep nat.• Sny ou blomme af.• Beskerm die blare teen swartvlek weens die swaarder dou deur met Chronos te spuit wat met Ludwig’s Insect Spray gemeng word om plantluise weg te hou. Spuit anders met Rose Protector;• Bemes rose in die Laeveld en KwaZulu-Natal. Dis onnodig om elders…

ʼn Appelboom in die tuin is een van die vreugdes van jou eie kos kweek. Dalk breek daar egter ʼn tyd aan wanneer daar te veel appels vir een familie en die bure is om te eet en wat dan gepreserveer moet word om deur die winter te gebruik. Teen einde Mei behoort al die appels aan die boom geoes te word voor die kouer weer kom. Appels kan op talle maniere gepreserveer word, waaronder inmaak (vir gebruik in appeltert), bevriesing, die maak van konfyt, jellies en appelsous, en dehidrering vir ʼn versnapering. Een van die stylvolste maniere is om jou eie appelwyn en appelwynasyn te maak. Hoe maak ‘n mens? Appelwynasyn bevat al die gesondheidsvoordele van appels in ʼn gekonsentreerde vloeistofvorm. Dit is propvol noodsaaklike aminosure en ensieme asook…

Baie (of die meeste) vetplante, waaronder al die mooiste kalanchoes, kan deur middel van stingelsteggies vinnig voortgeplant word daarom kan jy binne net ʼn paar stappe hope nuwe plante gratis hê. Die gereelde maak van steggies is ook ʼn vorm van snoei wat die natuurlike geëtioleerde groei beteuel wat plante geneig is om na ʼn paar groeiseisoene te maak. Goed wat jy nodig het ʼn Skerp mes of snoeiskêr ʼn Plastiekpot of ander houer met behoorlike dreineergate Vetplantpotgrond ʼn Ou potlood ʼn Missproeibottel Kyk op Garden Tube Oor die grondmedium Maak dinge maklik deur ʼn kommersiële vetplantmengsel te koop, of maak jou eie deur gelyke hoeveelhede growwe riviersand, perliet en uitgeswelde palmveen te meng. Voor jy begin Steriliseer jou snygereedskap deeglik met ʼn huishoudelike bleikmiddel en was die potte wat…