Innholdsfortegnelse for March 2022 i Die Tuinier Tydskrif

o, dit wil voorkom of een van die positiewe byvoordele van Covid is dat meer onder 35 hul eie groente kweek, en besef dis ʼn uitstekende manier om van stres ontslae te raak. Die Garden Media Group, wat dikwels in die kol is met die raaksien van neigings, haal ʼn navorsingstudie in die Verenigde State van Amerika aan wat toon dat agt uit elke 10 jong mense dink tuinmaak is kief, en eerder na ʼn tuinsentrum as na ʼn nagklub toe sal gaan. As in ag geneem word dat nagklubs superverspreidingsplekke is terwyl tuinsentrums vars lug en ruimte bied, maak dit sin! Aan ons eie volgende geslag tuiniers: Moenie dat min of geen tuinmaakervaring jou keer om aan die gang te kom nie. YouTube is uitstekend om wenke te kry,…

As jy dié tyd van die jaar deur die Kaapse platteland reis, sien jy talle pragtige dames wat vir jou waai in die enorme ou dorpstuine. Hulle is die inheemse Amaryllis belladonna, wat ook as die Maartlelie of belladonna bekend staan, en wanneer jy die blomstingels van dié bol uit die kaal grond sien verskyn, weet dat hulle vir jou die teken gee dat die somer in die Wes-Kaap ten einde loop. Groot trosse van tot 12 trompet-vormige pienk blomme met ʼn sagte geur word aan skraal stingels van tot 50 cm hoog gedra. Hierdie blomme met hul prominente gekromde helmknoppe wys altyd in die rigting met die meeste son. Lintvormige blare verskyn na blom, bly heelwinter groen en sterf dan terug in die somer wanneer die bolle rustend raak.…

Jy kan op Buddleja saligna staatmaak om bye, skoenlappers en besies na die tuin te lok, en met al dié insekaktiwiteit sal ʼn menigte insekvretende voëls ook kom. Die boom, wat vanweë sy lang olyfagtige blare algemeen as die witolienhout bekend staan, vorm ʼn struik, of selfs ʼn klein boompie van tot 8 m hoog. Dit maak gewoonlik ʼn bos van 4 m by 3 m wat verder gesnoei kan word om dit klein te hou, of formeel gesnoei kan word om ʼn heining te vorm. Die struik is van Oktober tot April vol trosse piepklein, geurige roomkleurige blommetjies wat nektarryk is vir al dié honger insekte. Plant dié geharde en droogtebestande immergroen boom in volson as windskerm. Werk volop kompos in enige grondsoort in vir die beste resultate. Vetplante…

Oreganum is ʼn pikante, geurige kruid vir stadig gekookte winterfeeste, wat beteken jy moet dit nou aan die gang kry vir ʼn goeie voorraad blare vanaf Junie. Gelukkig is dit rypgehard. Wyn, tamaties, knoffel en ui is bestanddele wat goed met origanum saamgaan, veral as lam-of beessnitte stadig gaargemaak word. Dis ʼn geurkombinasie wat aan Italiaanse en Griekse kookkuns herinner. Hoenderliefhebbers kan dit met suurlemoensap, olyfolie en knoffel rooster, en oreganum, roosmaryn en ʼn knippie rooipeper vir ekstra geur byvoeg. Vars of gedroog? Interessant genoeg droog oreganum uiters goed en het ʼn sterker geur as die vars blare. Hoekom nie ʼn deel van jou oes droog en met growwe seesout of Himalaja-sout meng nie? Dit verleen hope geur as dit oor roostergroente gemaal word. Droog takkies sowat drie weke op…

ns tuine is die uiteindelike toevlugsoord vir plaaslike voëllewe. Of hulle nou ʼn tuiste in ʼn boom vind of aan bessies vreet voor hulle die pad vat, kan jou tuinontwerp en-inhoud van groot hulp raak vir hierdie noodsaaklike tuinvriende vir wie dit al moeiliker is om tuistes te vind namate stadsruimtes uitbrei. En daar is geen beter manier om voëls na die tuin te lok, en daar te hou, as met ʼn voëlvoerder nie. Met soveel voordele vir jou tuin, vir jou en die voëls self is dit nie moeilik om in te sien hoekom elke tuin minstens een voëlvoerder moet hê nie. Plaagbeheer Plae versuur elke tuinier se lewe. Plantluise, slakke, ruspes en ʼn verskeidenheid ander insekte verwoes jou plante – veral in die groentetuin. Dit is te begrype…

Soos alle ander sektore in die tuinbedryf het rooskwekers hulle vir ʼn gifvrye tuin beywer, en dit lyk of die oomblik aangebreek het. Dit het in 2009 begin met die bekendstelling van siektebestande rose PLANT FEATURE soos die Eco-Chic-reeks, en meer onlangs die Stamina-rose, wat deur Ludwig’s Roses A poison-free rose garden as sterk groeiers met sterk wortels en taai blare geselekteer is om veranderlike weer TEXT Alice Spenser-Higgs sowel as siekte te oorleef. Plae was egter nog maar altyd ʼn Like all other sectors in the garden probleem, veral dié soos blaaspootjies wat blomme beskadig en nuwe groei misvorm, en rooispinmyt wat ʼn roos kan ontblaar as dit onbeteueld gelaat word, wat dit vir It started with the introduction of terugsterwing vatbaar maak. Halmar Taschner het in ʼn soeke…

Blaarvoeding Blaarvoeding beteken om ʼn wateroplosbare misstof met ʼn spuitbottel of rugsakspuit direk op die plantblare toe te dien. Die beste tyd om bemesting volgens dié metode toe te dien is vroeg-tot midoggend of laatnamiddag op ʼn windlose dag omdat die opname deur die plant se huidmondjies (openinkies in die epidermis van blare en stingels) plaasvind. Blaarvoedsel of wateroplosbare misstowwe is ryk aan spoorelemente wat help om sterk selstrukture in plante te ontwikkel, wat op sy beurt plante help om teen plae bestand te wees. Die meeste wateroplosbare misstowwe het ʼn seewiermengsel as basis. Hoe om dit toe te dien: Meng die misstof in water volgens die aanwysings op die verpakking. Spuit egalig op die plant asook onder die blare en op die stingels. Plante wat sal baat vind: Jong saailinge,…

Met die lang somermaande wat stadigaan in koeler en kalm herfsdae oorgaan, is dit tyd om jou tuin in oënskou te neem met jou snoeigereedskap byderhand. Nou is die tyd om te kyk wat netjies gemaak, gevorm, ingekort of aangemoedig moet word om nog ʼn blommedrag te gee omdat die meeste plante sterk gegroei het en bolangs gesnoei of skoongesny moet word. Snoei die immergroenes – dit beteken om vormplante en formele immergroen heinings reg te knip. Deur plante met ʼn formele vorm toe te laat om dit te verloor, ontneem hulle van hul kwaliteit en verlangde digtheid. Deur hierdie taak af te skeep en dan drasties te probeer regstel, verydel die doel van die oefening. Versorg die beskadigdes – hael-en somerstormskade veroorsaak geskeurde en gebreekte takke, wat tot siekte…

Eriocapitella hupehensis (sinoniem: Anemone hupehensis) en ander spesies en hibriede word op groot skaal in Japan geteel en gekweek, hoewel dié plante inheems in China is. Dis ʼn genus in die ranonkelfamilie (Ranunculaceae), en is ook algemeen bekend as windblomme. Hierdie langblywende meerjariges kan gou groot kolonies maak met ʼn polvormende groeiwyse wat deur ondergrondse wortelstokke versprei word. Hul blomtyd is laatsomer en veral in die herfs, met blomme meestal in skakerings van pienk, lila en spierwit, na gelang van die variëteit. Die delikate blomme aan lang, dun stingels is goeie snyblomme waarvan die skoenlappers ook hou. Die beste plek om windblomme te plant, is in ʼn kol met oggendson en namiddagskadu, soos aan die suidekant van die huis. Hulle groei ook in volson, maar het dan meer water nodig…

Terracotta-neskas ’n Pot en ’n paar stukke afvalhout is al wat jy nodig het vir dié koel neskas. Stappe 1. Trek ʼn 160 mm-en ʼn 90 mm-sirkel op die hout en sny dit met die figuursaag uit. 2. Boor ʼn 8 mm-gat in die middel van die 90 mm-skyf. 3. Boor ʼn 35 mm-gat uitmiddelpuntig in die 160 mm-skyf. 4. Boor ʼn 12 mm-gat onder die 35 mm-gat en druk die stuk tappen daarin. Gom dit vas as dit ʼn bietjie los sit. 5. Sit die 90 mm-skyf onderin die pot. Glip ʼn waster op die bout en druk dan die bout deur die gat in die hout en deur die dreineergat van die pot. 6. Boor ʼn gat in die muur waar jy die neskas wil aanbring. (Jy kan…

Grootte: 0,5 ha Bedford, die klein dorpie in die Oos-Kaap waarheen ons een maal per jaar reis, is bekend vir sy welige plaastuine, selfs tydens die voortdurende droogte. Ek het tydens ʼn onlangse besoek ʼn weggesteekte juweel ontdek wat in die buitewyke van die dorp aan die voet van die Kaggaberg geleë is. Nadat ek Janine en Bruce ʼn paar jaar gelede ontmoet en toe hul tuin gesien het, was ek verstom om te sien hoe dit in so ʼn kort tydjie so ʼn volslae verandering ondergaan het. Ja, ons het oor tuinontwerp en die belangrikheid van plantinhoud, die skep van kamers, kontrasterende loof en hoogte gepraat, maar ʼn tuin kan dit alles hê en jou na ʼn besoek steeds leeg laat voel. Wel, nie dié een nie! Die liefde…

Verwagtings loop altyd hoog vir plante wat in ʼn klein tuintjie met beperkte ruimte en verskillende sonpatrone groei. ʼn Mens kan dit nie bekostig om die verkeerde plante te kies nie tensy jy die energie en hulpbronne het om herhaaldelik weer te plant… Die oplossing is in die koffiefamilie te vinde en meer bepaald by dwerg-coprosma-hibriede wat uit Coprosma repens (spieëlplant) geteel is. Benewens hul blink kleurryke bont blare wat in die koel seisoene intensiveer, hou ons van hierdie plante omdat hulle so maklik is om te kweek, heeljaar mooi lyk, by baie klimate (buiten die koudste en dié met baie ryp) aanpasbaar is, uiters bestand teen plae en siektes is en lyk of niks hulle ooit vreet of lastig val nie. Nog ʼn bonus is dat hulle bitter min…

Of jy hulle nou Dipladenia of Mandevilla noem, maak nie werklik saak nie – wat wel saak maak, is die ‘sanderi’-deel van die naam. Dit is die stukkie wat jy moet onthou omdat dit op plante dui wat soos masjiene blom en wat jou roep om potte en hangmandjies te vul met al die nuutste variëteite wat jy kan vind. Blomkleure sluit in wit, lila, verskillende pienke en helder tot dieprooie. Nog ʼn feit wat goed is om te weet, is dat hulle verrassend min water verlang, en dat hul helder blomme nie deur die son verbleik word nie. Groei hulle oral? Mandevillas verdra ligte ryp in gematigde klimaatstreke, maar ʼn beter plan is om hulle êrens met beskutting te plant en om potplante in die winter met rypdoek te…

‘Golden Penny’ is ʼn blomryke en ongelooflik gesonde roos wat“goue pennies” in die vorm van mooi gevormde kopergoudkleurige blomme dra. Hierdie landskapsroos word tot heuphoogte en vertoon die beste as drie of meer saamgeplant word. Dit is ook ʼn goeie plukroos, en ʼn bak van dié goudkleurige blomme sal die huis opvrolik en ophelder. Roostake vir Maart • Maak minstens weekliks diep nat.• Hou aan met die verwydering van ou blomme om nuwes aan te moedig.• Swaarder dou soggens kan tot swartvlek lei. Spuit voorkomend met Chronos wat met Ludwig’s Insect Spray gemeng is of gebruik Rose Protector. Wissel die twee behandelings af.• Bemes einde Maart met Vigorosa.• As jy verrimpelde blare en misvormde blomknoppe opmerk wat deur blaaspootjiebesmetting veroorsaak word, spuit met Plant Care of deurweek met Koinor. Dit…

Net soos kool en broccoli behoort rape tot die geslag Brassica, maar word nie so groot of neem nie soveel ruimte in beslag nie, wat dit maklik maak om in houers te kweek. Dit is vinniger oesgereed as ander koolgewasse, en die lowwe sowel as die wortel is eetbaar. Eet rape rou (gekerf of gekap), gerooster, gestoom, gekook en fyngemaak soos aartappels, of voeg dit by soppe en stowegeregte. Hoe jonger rape is, hoe soeter is die geur. Berei die lowwe soos spinasie voor. Vir houergekweekte rape het jy nodig: • ʼn diep bak (minstens 30 cm diep), ʼn kweeksak of pot van tussen 30 cm en 60 cm diep met dreineergate; en• gehaltepotgrond, of jou eie mengsel van een deel kompos, een deel veen/klapperveen, een deel perliet en ʼn…

Saai dié nou op die plek in goed voorbereide grond: Kaliforniese papawers, Shirley-papawers, nemesias, heuningblomme, vergeet-my-nietjies, Engelse madeliefies, gousblomme, koringblomme, skeefblomme, Namakwalandse madeliefies, bokbaaivygies en weeskindertjies. Moenie toelaat dat sitrusbome uitdroog nie – hulle het vog nodig terwyl die vrugte swel. Dun van die vrugte uit as die drag te swaar lyk en die takke begin buig. Begin behandel konifere voorkomend teen Italiaanse sipresluis met ʼn sistemiese insekdoder soos Koinor. Maak ʼn paar laaste steggies van rypgevoelige plante soos plectranthus, begonias en coleus. Hou hulle goed beskut in die winter. Hou aan om tradisionele“somersaailinge” soos dianthus en petunias te plant omdat hulle ook heelwinter kleur sal gee. Verdeel daglelies sodra hul hoofsomerblommedrag verby is. Haal die plante met ʼn tuinvurk uit en verdeel dit in afsonderlike stukke. Sny die loof…