Innholdsfortegnelse for February 2022 i Die Tuinier Tydskrif

Die somer is sinoniem met bekoorlike hibiskusblomme wat yslike immergroen struike in gematigde en subtropiese tuine landswyd bedek. Hoe gaan jy nou dié topblomplesier digby kry as jy nie plek vir ʼn groot struik het nie? Die antwoord lê in ʼn reeks hibiskus-hibriede wat in Denemarke geteel is en HibisQs genoem word. Hulle het goddelike name uit die Griekse mitologie en is kompakte en bosagtige plante (meestal 2 x 1,5 m) met welige en gesonde loof en ʼn oënskynlik nimmereindigende blomtyd. Die botaniese naam is Hibiscus rosa-sinensis longiflora. Elke helderkleurige blom, wat meestal ʼn kontrasterende donkerder ooggebied of keel het, lyk of dit onmiddellik deur nog een vervang word. Verdubbel dus die patio-of balkonromanse met potte en balies vol dromerige hibiskusplante met blomkleure wat so helder is dat dit vir…

Elegia tectorum is tegnies nie ʼn “siergras” nie, maar ʼn rietagtige plant, en is deel van die inheemse Restionaceae-familie, een van drie hooffamiliegroepe wat ons fynbos uitmaak. Dit het ʼn geronde, polvormige groeiwyse wat gou ʼn volwasse grootte van sowat 1,5 m x 1,5 m bereik. Die rietagtige stingels is donkergroen en glad met donkerbruin blaarskedes. Skraal, kompakte bloeiwyses met bruin skutblare verskyn in die herfs. Gebruike: • ʼn Lieflike keuse om naby waterelemente of droë klipbeddinglope te plant.• ʼn Goeie metgesel vir ander inheemse grasse in moderne grastuine.• Vanselfsprekend ʼn goeie keuse in fynbostuine, maar ook goed om tussen strukturele vetplante soos aalwyne en kalanchoes te gebruik.• ʼn Uiters sierlike eksemplaar vir groot potte. Kweekaantekeninge: • Dit groei oral, selfs in koue klimaatstreke met ligte tot matige ryp.• Die…

Die moontlikhede van die spreidende Alternanthera dentata ‘Little Ruby’ in ʼn gemengde struikbedding is eindeloos omdat dit enige ander loof-of blomkleur komplementeer. Die groeiwyse is gerond met lieflike boergonjerooi blare met ʼn helder robynrooi onderkant. Dit word in warm en gematigde klimaatstreke as ʼn meerjarige plant beskou, maar moet waar dit koud raak met ryp as jaarplant gebruik word wat elke jaar in die lente weer geplant moet word. Die beste plantplek daarvoor is in volson tot ligte skadu in goed dreinerende grond. Knip dit liggies reg namate dit groei om ʼn bosagtige en digte voorkoms aan te moedig. Grootte ongeveer 35 cm x 60 cm.…

Magnolia grandiflora ‘Little Gem’ Die spesie Magnolia grandiflora se majestueuse volwasse grootte maak dit ongeskik vir klein tuintjies, hoewel die skaal van die‘Little Gem’-hibried meer mensvriendelik is. Dit het ʼn elegante, piramiedvormige en kompakte groeiwyse van ongeveer 6 m hoog. As die boom in ʼn groot pot gekweek word (en dié boom is perfek vir potte), sal dit die volwasse grootte beperk sonder dat dit sy treffaktor hoegenaamd sal ontneem. Die immergroen blare is donkergroen en blink bo-op met ʼn wollerige bruin onderkant. Delikate spierwit en soetgeurige koppievormige blomme van 12 cm tot 15 cm in deursnee verskyn heeljaar sporadies, met ʼn ruim spitsblomtyd van laatsomer tot vroegherfs. Verwyder ou blomme en saadpeule om dit netjies te hou. Frangipani (Plumeria rubra) Die frangipani was nog maar altyd ʼn groot gunsteling…

EETBARE PLANTE Baie vrugtebome, kruie en selfs groente groei graag in potte op ʼn sonnige balkon. Onthou dat die grond in potte vinnig uitdroog daarom moet jy dit gereeld natmaak en voed om ʼn goeie oes te verseker. Vrugteslaaiboom (Feijoa sellowiana) Hierdie immergroen struik is ʼn mooi keuse vir ʼn eetbare balkontuin. Dit gedy in ʼn groot pot, en sy grysgroen blare en mooi wit-rooi blomme sal enige vaal plek ophelder. Die vrugte word in die herfs ryp en het ʼn soet, aromatiese geur wat na ʼn mengsel van pynappel, appel en ment smaak. Dit verkies ʼn sonkol, kan egter ʼn bietjie skadu verdra en is rypgehard. Hoewel dit betreklik droogtebestand is, hou dit goed nat om ʼn goeie vrugteoes te verseker. Sitrus Dit doen die meeste sitrusbome goed om…

Februarie is ʼn belangrike saaimaand vir beddingplante wat ʼn bietjie tyd en versorging nodig het voor hulle in die tuin geplant kan word om die wonderlike vroeglentekleur te verskaf waarna ons almal streef. Hulle word in saailingkissies of ander houers gesaai en nie direk in die grond nie. Beproef dit om jou eie tuinblomme te saai en te kweek omdat dit ʼn uiters lonende en kalmerende aktiwiteit is om te sien hoe saad suksesvol ontkiem en sterk klein plantjies word wat mettertyd soveel vreugde sal gee. Jy het nodig Saailingkissies (gewas en ontsmet) Kommersiële saailingmengsel (te kry by kwekerye) Babapoeier of fyn riviersand ʼn Emmer water Deurskynende plastieksakke Maak so • Maak jou saailingkissies vol klam saailingmengsel en druk liggies vas.• Omdat die meeste van dié saad redelik fyn is,…

Kyk op Garden Tube Jy het nodig ʼn Groot pot Potgrond Silikasand Organiese misstofkorrels ʼn Handgrafie Skadudoek om dreineergate te bedek Etikette en ʼn HB-potlood Kombuisplante wat ons gebruik het: • Sit skadudoek oor die dreineergate van die pot. Meng silikasand. organiese misstof en potgrond in die verhouding 2:1:7 en maak die pot halfvol grondmengsel. Sit die kruie in, vul om die plante op met grond en druk liggies vas. Etiketteer en maak goed nat.• Hierdie kruie vaar die beste in volson. Moenie oorbenat nie en laat die grond heeltemal uitdroog voor hulle weer water kry. Oes hierdie kruie gereeld om nuwe groei te verseker. Beproef dit: Roosmaryntakkies is perfekte sosatiestokkies. Stroop die blare van ʼn lang stingel af en sny een punt teen ʼn hoek van 45°. Ryg hoender…

Hoewel die maan-en kalendermaand selde saamval, begin Februarie op 'n nuwemaandag en is perfek om laatsomertuinmaak te beplan. Tradisionele maantuiniers plant eers as die eerste duimnaelsekelmaan sigbaar is, maar die laat namiddag op die 2de is vrugbaar en die ideale dag om blaargroentesaad te saai en saailinge te plant. Die beste plantdae vir blom-en vrugdraende groente isdie vrugbare dae en naweek voor die onvrugbare volmaan op die 1 Sde. Die naweek daarna is veral geskik om wortelgroente en herfsblombolle te plant. BESTE DAE VIR FEBRUARIE Vir meer inligting oor tuinmaak volgens die maan, die fase en teken besoekassebliefons opgedateerde webwerf by www.moontime.co.za. Moonlight Calendar 2022, die jaarlikse plakkaatkalender, is ook verkrygbaarop die bestelblad.…

Verandering van spyse gee nuwe eetlus, volgens daardie holruggeryde gesegde, en op min plekke is verandering so duidelik te sien as in ons tuine. Daar word ook beweer dat verandering werklik die enigste konstante is, en inderdaad onvermydelik is. Ons sien hoe die seisoene voortdurend in die tuin verander en, ten spyte van die onvermydelikheid van seisoensiklusse, is geen twee seisoene heeltemal dieselfde nie. Uit ʼn ontwerpoogpunt streef ons daarna om tuine te skep wat heeljaar mooi lyk daarom raak dit noodsaaklik om, ongeag die veranderende blommeagtergrond, fokuspunte met esteties onafhanklike waarde en, dalk treffender, plante te kies en in te sluit wat die veranderende seisoene inlui. Ons tuine verander algaande namate bome en plante groei, volwasse word en ontwikkel terwyl die dae, maande en jare verbygaan. Trouens, dit is…

Daar kry jy toe ʼn potroos op Valentynsdag! Nadat jy sy prag geniet en jou verlustig het in die vreugde en liefde wat die 14de bring, begin dit waarskynlik nou al ʼn bietjie oes lyk – beslis nie so goed as toe jy dit gekry het nie. Potrose as geskenk verskil van die voorspelbare ruikers wat ons na ʼn week of twee weggooi: Wat maak jy dus met hulle as Valentynsdag verby is? Ons het aan al jou vrae gedink: Hoe hou ek my potroos aan die lewe? Rose het volop sonlig nodig om te gedy – minstens ses uur per dag. Jy kan hulle ʼn paar dae op die werkvlak hou om hul prag te geniet, maar dan moet hulle so gou moontlik na ʼn sonkol verskuif word. Hou…

Goed om te weet Die plant self klouter nogal, word 60 cm hoog en het hol, harige stingels en donsige grysgroen blare. Plante wat egter na aan mekaar gekweek word, groei boontoe en is netjieser. Komkommerkruid klop stres omdat sy blare ryk is aan kalsium, kalium en mineraalsoute, wat daarvan een van die natuur se beste tonikums vir stres en stresverwante probleme maak. In die Middeleeue is die blomme by slaaie gevoeg “om op te beur en die gemoed op te kikker” terwyl die blare in wyn afgetrek is as tonikum om swaarmoedigheid te verdryf. Die Romeine het dit as regmaker vir babbelas gebruik! Eerstehulpremedies sluit in die maak van ʼn pap van fyngemaakte komkommerkruidblare om insekbyte en steekplekke te verlig, en swelling, ook by kneusings, te verminder. ʼn Koppie…

‘Garden Queen’ is die perfekte Valentynsmaandroos. Dit maak groot, mooi gevormde dieppienk blomme met ʼn hemelse geur. Dit groei nie te hoog nie (ongeveer heuphoogte), daarom pas dit in enige grootte tuin asook in groot houers in. Dit is ʼn ware toonstuk van ʼn roos wat in enige tuin ʼn glanspunt sal wees, en sy blare is siektebestand. Roostake vir Februarie • Maak minstens twee maal per week diep nat. Natmaak snags koel die rose af, en die water het heelnag om in die grond in te sak sodat niks weens verdamping verlore gaan nie.• Bedek die grond met ʼn dun deklaag om dit koel te hou.• Hou dop vir rooispinmyt wat aan die onderkant van die blare uitbroei. As dit teenwoordig is, sal jy opmerk dat die blare begin…

Die inheemse Zantedeschia aethiopica (witaronskelk), daardie simbool van reinheid en onskuld, is goedgesind genoeg om groot kolonies te vorm in tuine waar hulle gelukkig groei, wat beteken hulle kan elke paar jaar verdeel word om jou voorraad van hulle te vermeerder. Dis ʼn maklike taak: 1. Haal ʼn redelike groot pol met die graaf uit.2. Skud die grond af om die wortelstok en wortels te ontbloot en te sien waar die polle stingels en blare uitgroei.3. Verdeel die groot pol in kleiner stukke met ʼn snoeiskêr of graaf.4. Verwyder die ou blare, laat bly net een of twee kleintjies of stukke stingel en sny dan die ou stingels terug.5. Knip die ou wortels af en laat bly net ʼn paar jonges wat uit ʼn stuk van die wortelstok uitspruit.6. Plant…

Ek werk nou al amper twintig jaar in my tuiskantoor – meestal alleen en sleg geklee! Voor die streng grendeltyd en die eerste vlaag van covid, het ek gereeld die geleentheid gehad om hoofkantoor toe te vlieg vir redaksievergaderings, om ‘n bietjie potresepte te plant, en om ook ander take te verrig wat deel is van my werk. As ‘n span, het ons dwarsoor die land gereis vir die baie tuinskoue wat ons aangebied het, en om konferensies by te woon, terwyl ek en die redakteur ook saam-saam tuinpraatjies in veraf dorpe gegee het waar ons soms in interessante oornagplekke beland het. Sy was by een geleentheid so bang vir ‘n baie bejaarde wewenaar wat ons vertel het dat hy tien jaar laas ‘n vrou aangeraak het, dat ons konstant…