Innholdsfortegnelse for October 2021 i Die Tuinier Tydskrif

Festuca glauca (blouswenkgras) lyk soos ʼn klein harige krimpvarkie met fyn ysblou tot silwergrys spriete wat in die koue wintermaande versterk. Dit is immergroen en dra in die somer seemkleurige saadkoppe aan dun stele, wat verkieslik verwyder moet word om die plantenergie te stuur om sy loof mooi te hou. Dié siergras maak polle maar versprei nie sterk nie. As jy dit dus as treffende grondbedekker wil gebruik, plant dit redelik dig opmekaar om te keer dat onkruid tussen die plante opkom. Die volwasse grootte is ongeveer 20 by 20 cm. Gebruike • Festucas werk veral goed as dit as sagte grondbedekker om sterk en dramatiese aksentplante soos drakebome (cordyline), palms, Nieu-Seelandse vlasse en broodbome geplant word.• ʼn Massa-aanplanting van versagtende festucas vorm die perfekte kontras tussen klein aalwyntjies en…

Garden-Joy vertikale plantbakke is ideaal geskik vir buitegebruik, om vetplante te plant, ʼn verskeidenheid kruie vir die kombuis te verskaf, ʼn onooglike muur met ʼn kleurkaleidoskoop van blommende saailinge te bedek, of om ʼn verskeidenheid groen plante vir ʼn welige effek te plant. Hulle is as stel en in aparte eenhede verkrygbaar om alle begrotings te pas en kan ook as inmekaarpassende stelsel verbind word om ʼn hele muur te bedek. Die unieke ontwerp spog met reservoirs in elke houer wat daaglikse natmaak onnodig maak, en indien plantbakke in die inmekaarpassende konfigurasie gebruik word, hoef slegs die boonste ry natgemaak te word – swaartekrag vervoer die water na die ander plantbakke. https://garden-joy.co.za…

• Maak meer gereeld nat namate dit warmer word en dien ʼn deklaag toe.• Trek met die hand onkruid met wortel en al uit.• Werk vóór plant kompos in die grond in.• Hou dop vir plantluise en witvlieg, en spuit elke vyfde dag met ʼn organiese plaagdoder tot die besmetting onder beheer is.• Dun groente uit wat van saad gesaai is, veral wortels en beet.• Maak onderom skorsies nat om poeieragtige meeldou op die blare te voorkom.• Hou aan om sylote aan ranktamaties te verwyder en lei die hoofstam teen ʼn latwerk op.• Erd om aartappels op en om ander groente soos groenbone en suikermielies wat ondersteuning nodig het.• Plant patatsteggies.• Knyp die groeipunte van eiervrugte uit sodra vyf of ses blare gevorm het om die opbrengs te verhoog.…

Pandorea jasminoides ‘Rosea’ (jasmynpandorea) Hierdie gewillige blommer is ʼn immergroen klimplant wat van bo tot onder beklee is met welige donkergroen blare aan skraal stingels. Die loof verskaf ʼn netjiese agtergrond vir die pluime buisvormige ligpienk blomme met treffende donkerpienk kele wat van laatwinter tot midsomer verskyn. Dit het ʼn bietjie hulp nodig om boontoe te groei en vir die stingels om aanvanklik om die stut te draai. Dit floreer in subtropiese streke en verdra nie wind of strawwe ryp nie. Snoei kan ʼn ligte regknip na blom wees om die plant netjies te maak en om weerspannige stingels te keer. Voed gedurende die somermaande om ʼn oorvloed blomme te verseker. Wisteria sinensis (bloureën) Wisterias is sterkgroeiende, verstrekkende klimplante, maar groei kan beperk word as hulle in groot houers geplant…

ʼn Menigte soortgelyke houers kan sterk geregimenteer word om ruimte te belyn Ons kan maar net gis oor watter vae idee die hand gelei het wat die eerste plant in ʼn pot geplant het en gelei het tot ʼn verhaal wat strek van die vroeë begin van die nederige pot, kruik, kis en mandjie tot by die ontelbare vorms van skeppende houertuinmaak en landskappering van vandag. Oor dit alles heen Oor die algemeen kan ons drie baie duidelike aspekte aangaande planthouerontwerp oorweeg: Estetiese ontwerp met die houers as elemente op hul eie as soorte plantbakke waarvan sommige die volgende is: • Potte, trôe, sakke, mandjies en kiste.• Winkelgekoopte sierhouers.• Doelgemaakte en handgemaakte houers.• Opgesikleerde en doelaangepaste items.• Gespesialiseerde plantbakke wat vertikale eenhede of modules, hidroponika, akwaponika, bonsai en selfs terrariums…

Die begin van die nuwe seisoen is altyd vol moontlikhede, en hier is ʼn projek wat dalk net jou verbeelding kan aangryp. Wat van met die natuur saamwerk om ʼn natuurlike balans tussen plae en hul natuurlike roofinsekte in die tuin te skep? Dit gaan alles oor die plant van ʼn verskeidenheid kruie en blomme wat as gasheerplante vir plae optree, die voordelige insekte wat op hulle jag maak, sowel as die gebruik van plante wat plae afweer. Die langtermyndoelwit is om ʼn natuurlik gesonde tuin te hê wat min tussenkoms wat plaagbeheer betref van die tuinier verlang. Algemene plae en hul roofinsekte Onder die talle plae waarmee tuiniers te kampe het, is die algemeenste twee waarskynlik plantluise, wat groente sowel as blomme besmet, en witvlieg, wat ʼn groot verskeidenheid…

“Iris” is die Griekse woord vir “reënboog”, en van al die verskillende soorte irisse is die Louisiana-iris seker een van die skouspelagtigste veldblomme! Dit is inheems in die moerasse en bayous van Suidelike Louisiana en groei al op die oewer van die Mississippirivier langs oor die suide van die Verenigde State van Amerika. Louisiana-irisse is eintlik kultivars van vyf spesies wat geredelik kruisteel, en word in die taksonomiese groep as Iris ser. Hexagonae geklassifiseer. Soos talle ander meerjarige plante soos daglelies bekoor irisse in al hul vorms (daar is tussen 260 tot 300 bekende spesies) plantversamelaars en plantliefhebbers in so ʼn mate dat mensehande die natuur aanhelp en meer hibriede jaarliks deur spesialiskwekers bekend gestel word. Die moeras-of wateriris is ʼn polvormende immergroen meerjarige plant met waaiers van skraal lintvormige…

Jy het nodig: ʼn Groot pot Topgehalte-potgrondmengsel Klippies of stukkies terracottapot om dreineergate in die pot te bedek. Plante – ons het gebruik: Pelargonium x fragrans ‘Nutmeg’ (muskaatpelargonium) – verslap spiere en verlaag koors. Mentha suaveolens (bont appelment) – help met spysverteringsprobleme, aknee, koliek en krampe. Krulblaarpietersielie – help om opgeblaasdheid te verminder, verlaag die bloeddruk, en is boonop vol vitamien K wat al met beengesondheid verbind is wat beengroei en beenmineraaldigtheid ondersteun. Plant die drie plante in ʼn terracottapot en sit op ʼn sonnige plek wat minstens 6 uur son per dag kry. Maak elke vier tot vyf dae nat en oes gereeld om tee te maak. Maak tee Laat die water kook. Sit 1 eetlepel blare per koppie water in jou teepot. Laat trek dit vyf tot agt…

(MayFord) is ʼn dubbeldoelbeet met bloedrooi blare wat heerlik is as dit as babablare gepluk word vir gemengde slaaie en in roerbraaigeregte. Die volwasse blare is breër as dié van ander beetvariëteite en het ʼn sagte, soet smaak as dit soos spinasie gestoom of gekook word. As plante net vir hul blare gekweek word, kan hulle nader aan mekaar staan. Die ronde wortel is middelmatig groot. Die blare kan na 35 dae (as babablare) en die wortel binne 60 dae geoes word as dit klein en soet is. www.mayford.co.za…

Aspersies word as ʼn fynproewersgroente beskou, maar is eintlik ʼn meerjarige kruid. Dit bevat antioksidante, is ryk aan foliensuur, wat noodsaaklik is vir die gesonde ontwikkeling van selle, en is ook ʼn reinigende kruid vanweë sy sterk uriendrywende werking. Daarby is die jong spruite wat in die lente verskyn heerlik. Oes slegs na twee of drie jaar se groei as die spruite vingerdik en ongeveer 20 cm lank is. Sny hulle met ʼn skerp mes op die grond af. Die eerste oes behoort net sowat vier weke te duur. In die jare daarna sal jy langer kan oes, totdat die spruite spigtig begin lyk. Bemes, maak nat en laat die plant sy somerloof ontwikkel. Die meeste aspersieplante het ʼn lewensverwagting van 10 jaar. Aspersies vaar die beste in volson, maar…

Ontwerpoorwegings lei tot goeie plantkeuses … Die kuns om ʼn tropiese oerwoud in ʼn pot te skep is om plante met dieselfde basiese vereistes saam te voeg: helder lig, ʼn warm beskutte kol weg van trekke, klam grond met gereelde natmaak in die somer en minder in die winter, blaarvoeding tweeweekliks in die warm maande, en hoë vogtigheid in die atmosfeer deur gereelde misbesproeiing. Ander dinge om te oorweeg is hoogte en interessante blare, wat jy kan kry van plante soos ʼn veelstammige palm, en ʼn kleurskok soos ʼn bont dracaena, met massa en drama laer af van iets soos ʼn filodendron met treffende blare. ʼn Paar onderbosplante is nuttig om die oerwoudvloer te skep, en daarom kan iets soos ʼn varing dalk net reg wees. ʼn Spreidende peperomia sal…

Die aanhou van koi is ʼn opwindende stokperdjie wat jou lewe vol opwinding maak en jou tuin ophelder. Die geluid van lopende water en die gesig van kleurryke koi skep rus en vrede in omtrent enige ruimte. Met Covid-19 bring ons almal meer tyd in ʼn veiliger omgewing tuis deur, dus is nou die beste tyd om ʼn dammetjie by die huis te bou en ʼn bietjie tuin te maak. Koi is wonderlike troeteldiere en tot jy ervaar het hoe dit is om hulle aan te hou, is dit moeilik om die plesier te verduidelik wat hulle vir jou sal gee. Koi is veel intelligenter as wat ʼn mens dalk dink, en as jy jou weer kom kry, voer jy hulle met die hand en gee hulle almal name. Hulle…

Nuwe Megapakke MayFord het pas ʼn nuwe Megapakreeks Lenteblomme bekendgestel. Die Megapakke maak dit maklik om te sien wat die saad in jou tuin kan doen danksy ikons soos “Throw & Sow” (maklike saai), “Waterwise” en“Indigenous” (minwatergebruiker), “Bee Friendly” (goed vir bestuiwers), “Cut Flower” (goed vir die vaas), en ʼn ikon om die verwagte dekking aan te dui. Die saaiaanwysings agterop die pakkie is verbeter om dit nog makliker te maak om te volg. Wees op die uitkyk na die nuwe verpakkings by jou plaaslike tuinwinkel. www.mayford.co.za Wolke diamante Euphorbia ‘Diamond Frost’ is amper die perfekte plant en in elke opsig ʼn wenner. Hierdie bekroonde euphorbia lyk dalk delikaat, maar is eintlik rateltaai. Dit verlang min sorg, is hitte-en droogtebestand, en hoef slegs sesweekliks bemes te word om heelseisoen aanhoudend…

Plante skakel op die een of ander manier by amper elke deel van ons dag in. Trouens, selfs as ons van die tuin af weg is, kom ons voortdurend met plantprodukte in aanraking, moontlik sonder om dit eens te besef. Iets so eenvoudig as ons basiese oggendroetine is vol plante en produkte met plante as basis, wat ons laat met baie om voor dankbaar te wees vir die manier waarop ons ons lewens lei. 6.30 - WORD WAKKER Die wekker lui en jy spring vrolik uit die bed, rol kwalik bewus onwillig uit die bed, of druk sluimer en weier om wakker te word (ʼn persoonlike gunsteling). Ongeag jou keuse, is die gemaklike bed waaruit dit so uiters moeilik is om te kom dikwels die produk van ʼn noodsaaklike plant…

Hoe om natuurlewe na jou tuin te lok Volhoubaarheid is ʼn gonswoord wat oral op sosiale media gebruik word. Maatskappye gebruik die term in hul bemarking, en hele nywerhede het daarrondom ontstaan. Ongelukkig het die herhaalde gebruik daarvan ʼn negatiewe effek – dit begin om sy betekenis en belangrikheid te verloor. In die omgewingskrisis waarin ons ons tans bevind, is verbintenis tot ware volhoubare praktyke egter belangriker as ooit tevore. Alles is egter nie net pessimisme nie. As elke nuwegeslagtuinier oor die wêreld hul deeltjie bydra om die omgewing te help, kan dit ʼn ongelooflike uitwerking hê. En een van die beste maniere om te help is om natuurlewe in jou tuin in te nooi en te doen wat jy kan om dit te beskerm. Biodiversiteit in die tuin Elke…

https://www.gardena.com/za/ Kry ’n kans om die ClickUp!-insekhotel en ClickUp!-handvatsel TER WAARDE VAN R1199-00 TE WEN. ✓ …skoenlappers✓ …blomme in die lug✓ …warm gloed✓ …ligte gefladder Die GARDENA ClickUp!-stelsel werk volgens die beginsel dat die ClickUp!-handvatsel die basiese element vir verskeie ClickUp!-versierelemente is. Die reeks bevat elemente vir elke seisoen: van ’n stylvolle bak vir die lente tot ’n elegante fakkel vir koel herfsaande. Die praktiese sy daarvan is: Met die innoverende GARDENA ClickUp! System kan die elemente baie maklik vervang word. Een handvatsel – baie moontlikhede! Die insekhotel, blombak, reënmeter, fakkel en voëlvoerder kan met ’n enkele klik op die handvatsel gemonteer word en smelt mooi saam met hul groen omgewing. Die geometriese ontwerp van die toebehoorsels is eenvoudig en tog gesofistikeerd, wat die leefstylproduk met slim funksionaliteit kombineer. Die…

As jy op soek is na sterk, helder en mooi is Oktober se beddingplant van die maand so reg in jou kraal. Maatskappye wêreldwyd kan maar net droom van personeel wat so stiptelik by die werk aankom as wat ʼn portulak soggens blom. Dit is kleurvol, waterslim en min moeite, en sal ʼn kol in jou tuin vul waar min anders gedy. Hierdie mooi somervygies vra son – baie son! Trouens, hulle sal heeldag in die son groei as dit moontlik is. Beplant jou rotstuine, hangmandjies en potte met portulakke, en gebruik hulle om trapklippe en selfs as grondbedekker as jy moet. Hul opvallende kleure sal al dié plekke onmoontlik maak om mis te kyk. Dis onnodig om die dooie blomme van portulakke uit te breek, maar as hulle laatsomer…

Brandrissies is bekend daarvoor dat hulle moeilik is om van saad te kweek. Hulle het hitte nodig om te ontkiem, en hoe warmer die rissies is, hoe langer duur dit. Die vooraf ontkieming van die saad is ʼn eenvoudige metode wat die ontkiemingskoers verbeter. • Maak eers seker dat jou saad vars is. Brandrissiesaad het nie ʼn lang raklewe nie.• Klam twee papierhanddoeke aan, strooi saad op die een, sit die ander een bo-op en druk liggies plat. Sit die handdoeke in ʼn groot selfverseëlbare plastieksak of houer en verseël dit.• Bêre die saad in die plastieksak vir twee tot vyf dae op ʼn warm plek. Die saad moet deurlopend warm gehou word (30 °C tot 35 ° C), wat kan wees op ʼn warmkussing, of warmlaai wat baie laag…

Hoëveld en KwaZulu-Natalse Middellande Aspersies, beet, bos-en rankskorsies, eiervrugte, komkommers, pampoen, radyse, seldery, soet-en brandrissies, spinasie en snybeet, stam-en rankbone, suikermielies/mielies, tamaties, waatlemoen en spanspek, witwortels en wortels Middelveld (Tshwane en ander gebiede met minder ryp) Aspersies, beet, bos-en rankskorsies, eiervrugte, komkommers, pampoen, radyse, soet-en brandrissies, spinasie en snybeet, stam-en rankbone, suikermielies/mielies, tamaties, waatlemoen en spanspek, witwortels en wortels Oos-Kaap en Klein-Karoo Aspersies, beet, blaarslaai, bos-en rankskorsies, eiervrugte, komkommers, kool, pampoen, radyse, snybeet, soeten brandrissies, spinasie, stam-en rankbone, suikermielies/mielies, tamaties, waatlemoen en spanspek, en wortels Wes-Kaap (en Suid-Kaapse kus) Aspersies, beet, blaarslaai, bos-en rankskorsies, eiervrugte, komkommers, pampoen, radyse, rape, soet-en brandrissies, stam-en rankbone, suikermielies/mielies, waatlemoen en spanspek, witwortels en wortels Noord-Kaap en Groot-Karoo Aspersies, beet, bos-en rankskorsies, eiervrugte, komkommers, pampoen, radyse, snybeet, soet-en brandrissies, spinasie, stam-en rankbone, suikermielies/mielies, tamaties, waatlemoen…

Komkommers is ʼn noodsaaklike deel van die somerslaaibak, en slegs een of twee rankplante is nodig om genoeg vrugte te verskaf. Gebruik dille as metgeselplant vir ʼn goeie opbrengs. Die blomme lok bestuiwers soos bye en roofwespe, en dille verbeter glo die geur van komkommers wat bekwaam is. Kappertjies en afrikaners dien as valgewasse vir plantluise terwyl groen stambone wat onderom komkommers geplant word die stikstofinhoud van die grond verbeter. Koolgewasse, spanspek en aartappels is slegte metgeselle wat om water en voedingstowwe sal meeding. Spanspek lok dieselfde plae en daarom sal dit die plaaglas in die tuin verhoog as die twee bymekaar geplant word. Wees ook versigtig om sterk geurige kruie soos salie langs komkommers te plant. Dit kan die delikate komkommergeur beïnvloed.…

Lagerstroemia indica (skubliesroos of prag-van-Indië) was altyd ʼn ou gunsteling in rye langs die strate van plattelandse dorpe of as versiering vir ou plaastuine waar hulle warm son en droogte weerstaan en ten spyte van verwaarlosing elke midsomer getrou geblom het. Ongelukkig het hul dofgroen blare met witroes besmet geraak, wat hulle ʼn slegte reputasie besorg het en hulle het van die toneel verdwyn. ʼn Nuwe reeks revolusionêre lagerstroemias genaamd ‘Black Diamond’ wat teen witroes bestand is, het na ons land gekom. Hul mooiste kenmerk is egter die blink donkerpers tot amper swart loof wat die helder kreukelblomme in skakerings van rooi, wit, pers, laventel en magenta beklemtoon. Hierdie plante is bladwisselend, wat hulle koue-en rypbestand maak, en is ook redelik droogtebestand as hulle eers goed gevestig is. Die pragtige…

✓ Oktober se beste jasmyn is die sterjasmyn (Trachelospermum jasminoides). Hierdie veelsydige rankplant met sy glansende donkergroen loof en geurige spierwit blomme kan gebruik word om teen pilare en pale op te lei, pergolas te bedek, as grondbedekker onder bome en is perfek vir potte.✓ Verleen kleur aan balkonne en patio’s met amarillisbolle in potte. Gebruik goeie kwaliteitpotgrond wat goed dreineer en potte wat net effens groter as die omvang van die bol is. Die bol se “skouer” moet net bo die grond uitsteek, en die “neus” moet net bo die potrand kom. Hou die potte op ʼn warm, goed verligte plek en die grond klam.✓ Hoewel rose nie daarvan hou dat rondom hul wortels versteur word nie, gee hulle nie om vir die teenwoordigheid van ʼn lewende deklaag soos…

https://www.woodoc.com/en Jy het nodig Herwonne dennehout wat soos volg gesny is: 7 x 1000 mm x 90 mm x 20 mm (muurstukke) 2 x 630 mm x 90 mm x 20 mm (dwarsstukke) 2 x 1000 mm x 30 mm x 20 mm, met ʼn hoek van 45° op albei punte (raamlatte) 2 x 630 mm x 30 mm x 20 mm, met ʼn hoek van 45° op albei punte (raamdwarslatte) Woodoc 50 Marine – Clear, Matt Minerale Terpentyn 9 metaalpothouers (te kry by die voorste tuinsentrums) 9 potte (om in die pothouers te pas – ons sʼn is 10 cm) 4 mm x 35 mm-houtskroewe 4 mm x 25 mm-houtskroewe Muurankers Maak so 1. Sny heel eerste een van die dwarsstukke teen ʼn hoek van 45° oorlangs deur. (Dit…

Die eerste naweek is ideaal om onkruid uit beddings te verwyder en vir algemene tuinonderhoud om voor te berei virdie plant van loo1jaarplanteop die aangetoonde vrugbare dae van die tweede naweek. Plant nuwe struike in sakke uit ofverskuifmeerjariges die eerste week of op die "pot oor"-dae. Die naweek voor volmaan is die vrugbaarste en geskik om h verskeidenheid eetplante, blomjaarplante en struike te plant. Let ook daarop dat die vrugbare dae na volmaan die somer se beste plantvenster vir wortel-en knolgroente en laatblommende somerbolle is.…

Toe ek onlangs by ‘n vriendin gekla het oor al die onnodige goed wat hier rondhang het sy my vertel dat sy eenkeer by ‘n ‘wit olifantpartytjie’ was waar al die gaste‘n ding moes saambring wat hulle nie meer wou hê nie. Daar het sy iemand anders se ongewenste teepot gekry wat nou haar gunstelingteepot is! So, miskien is daar wysheid in die gesegde dat een man se vonds ‘n ander man se gemors is… Ek tob nou al ‘n geruime tyd oor besittings wat nie meer nut vir ons het nie, maar is nie seker hoe om daarvan ontslae te raak nie. ‘n Mens kan dit mos nie soos die Hollanders doen, net op die sypaadjie sit, of bloot op die ashoop weggooi nie – veral nie omdat die…