Innholdsfortegnelse for September 2021 i Die Tuinier Tydskrif

1991 Trees for Africa (TFA) is in November 1991 as ʼn Vrywillige Vereniging deur Jeunesse Park gestig. Me. Park het die behoefte aan optrede raakgesien met die oog op (wat toe bekend was as) aardverwarming, en geld begin insamel om bome by skole in Johannesburg te plant. In ʼn voordemokratiese Suid-Afrika is die plant van bome nie as ʼn belangrike saak beskou nie, maar met visie en volharding het me. Park ons missie met die volgende kerndoelwitte begin: • Die bydra tot voedselsekuriteit, vergroening, natuurlikehulpbronbestuur en volhoubare besigheid. • Die onderwys en opleiding van leerders, onderwysers en gemeenskappe binne histories benadeelde gemeenskappe van Suider-Afrika. • Die bevordering van omgewingsaktiwiteite binne al die sektore van die samelewing. • Die bevordering van volhoubare ekonomiese ontwikkeling, verbeterde omgewings en lewensonderhoud. • Die bou…

As jy meer in potte op die grond belangstel, kyk ʼn bietjie na die nuwe Egg Souk-terracottapotte, wat in vier groottes te kry is (24 cm, 30 cm, 37 cm en 45 cm hoog), ʼn lieflike kleurtoonneutraliteit het wat omtrent enige voorkoms sal afrond, en mooi op hul eie is maar nie so sterk dat dit die fokus van jou pragplante sal wegneem nie. Bypassende pierings is ook te kry in die groottes 16 cm, 22 cm, 30 cm, 36 cm en 41 cm. Gebruik hierdie potte op hul eie, buite op ʼn patio of binne op ʼn opvallende rak of tafel, of as ʼn stel van vier (een van elke grootte). Anders kan hulle in passende ewe groot pare of groepe gebruik word. Nog ʼn gebruik vir die mooi…

Ons is verheug om jou na Ontsnap na die Platteland uit te nooi en om ons pragtige Middellandse tuine van Hilton tot Richmond en Mooirivier te besoek. Tyd: 09:00-17:00 op ʼn paar uitsonderings na – gaan kyk op die skedule. Toegangsgeld: Liefdadighede trek voordeel uit die toegangsgeld van R10 per tuin. Navrae: Jackie by 082 924 5892, jackie@otterley.com. Richmond Saterdag 16 – Sondag 17 Oktober DIE PLAAS MORNINGSIDE Sandy en Stuart McKenzie Hierdie tuin is vyf jaar gelede gevestig toe die bestaande huis gerestoureer en vergroot is. Dit beslaan 20 acres van uitgestrekte grasperke en blomrandakkers, en grens aan ʼn vliegveld. Suikerrietlande maak deel uit van die geleende landskap. Die roostuin is redelik nuut, maar omdat dit in sonskyn baai, gedy die rose en blom onophoudelik. Digby is ʼn pragtig…

Nege tuine is twee naweke oop in die Elgin-distrik, wat bekend is vir sy koeler klimaat en swaar vrugbare grond, sy appels en sy wyn. Hierdie tuine wissel van langgevestigde plattelandse tuine tot onlangs herskepte natuurtuine teen steil heuwelhange. Tye: 9:30-17:00 Toegangsgeld: Elke tuin het sy eie toegangsgeld. Sommige is gratis met liefdadigheidskaste. Kaartjies is slegs op die dag by elke ingang te kry. Geen bespreking vooraf is nodig en daar is nie ʼn enkelkaartjie vir al die tuine nie. Navrae: 021 844 0154, 078 021 2101, 083 458 3790, elginopengardens.co.za Webwerf: www.elginopengardens.co.za AULDEARN In die plantevrou se heuweltoptuin word ongewone inheemse en uitheemse plante vaardig vermeng met die fokus op kleurkombinasies. Panoramiese uitsigte op die Kogelberg-biosfeer word omraam deur informele gemengde aanplantings wat deur blomkersies en rose oorheers word.…

Die spinnewebhuislook vorm ʼn geronde pol klein rosetjies wat lyk of hulle met spinnerakke bedek is. ʼn Menigte klein wit haartjies veroorsaak die unieke spinnerakagtigheid op die mooi sukkulente blare, wat van liggroen tot pienk en rooi kan wissel. Die lid van die Crassulaceaefamilie is inheems in die Alpe, Apennyne en Karpate in Suid-Europa. Dit is ʼn vinnig groeiende vetplant wat talle sylote maak, tipies van monokarpiese plante. (ʼn Monokarpiese plant groei, blom, maak saad en dan gaan die moederroset dood – ʼn mens kom dit dalk nie eers agter nie vanwee die menigte ander, steeds onvolwasse, rosette wat vorm om die blommende rosette wat binnekort doodgaan.) Blomtyd is in die somer as die plant hoe are pienk blomme maak. Die plante hou van volop sonlig en vars lug, maar…

Hoëveld en KwaZulu-Natalse Middellande Beet, blaarslaai, brand- en soetrissies, eiervrugte, ertjies, komkommers, kool, mielies, murgpampoen, pampoen, rabarber, radyse, rape, seldery, skorsies, spanspek, spinasie en snybeet, stamen rankbone, tamaties, witwortels en wortels Middelveld (Tshwane en ander gebiede met minder ryp) Beet, blaarslaai, brand- en soetrissies, eiervrugte, komkommers, kool, mielies, pampoen, rabarber, radyse, rape, seldery, skorsies, spanspek, spinasie en snybeet, stam- en rankbone, tamaties, witwortels en wortels Laeveld en KwaZulu-Natalse kus Aspersies, brand- en soetrissies, eiervrugte, komkommers, mielies, radyse, en stam- en rankbone Oos-Kaap en Klein-Karoo Beet, blaarslaai, brand- en soetrissies, eiervrugte, komkommers, kool, mielies, murgpampoen, pampoen, rabarber, radyse, seldery, skorsies, spanspek, spinasie en snybeet, tamaties en wortels Noord-Kaap en Groot-Karoo Beet, blaarslaai, brand- en soetrissies, eiervrugte, komkommers, mielies, pampoen, rabarber, radyse, rape, seldery, skorsies, spanspek, spinasie en snybeet, stam- en rankbone, tamaties, witwortels en wortels Wes-Kaap (en…

Liedere is gekomponeer oor erikas, of heide soos hulle ook algemeen bekend is, en in die lentetyd is die padsome en berghange van die Wes-Kaap vol plate kleur wanneer baie van die spesies in hierdie heel grootste fynbosgenus blom. Hul perfek gevormde klokkiesblomme is so bekoorlik en in so ʼn oorvloed dat jy in die versoeking kan wees om van hulle te pluk en huis toe te neem. Dit is natuurlik heeltemal onwettig en kan tot groot boetes lei! Die beste ding is dus om ʼn paar plante in jou eie tuin of in potte te plant om te geniet en met ʼn rein gewete te pluk. Baie van die skouspelagtigste spesies word perfek geproduseer deur plaaslike kwekers wat goeie raad gee om hulle suksesvol te kweek. Dit sluit in…

1 Al die vetties bymekaar Maak treffende houers deur vetplante met verskillende teksture, kleure en vorms saam te voeg. Hierdie vlesige plante is taai en hou van ʼn sonkol met die minimum water. Vlak potte soos bonsaipotte is nuttige houers vir vetplante. 2 Blaardekor vir binne Bring natuurlike dekor die huis in met treffende plante met sterk blare. Calatheas voldoen in ʼn groot mate aan die vereistes. Die pragstukke gedy in helder indirekte sonlig en is selfs opgewasse teen ʼn bietjie swak lig. Maak weekliks tot tweeweekliks nat na gelang van die plek in die huis en laat dit net ʼn bietjie uitdroog tussen natmaaksessies. Misbesproei hulle gereeld in droer gebiede omdat hulle van hoe vogtigheid hou. 3 Saai aarbeie Splinternuut! MayFord Seeds bring heel eerste in Suid-Afrika vir jou aarbeisaad! En nie…

MISTLEA Dave en Jane Pledger Die sestig jaar oue tuin van 2 ha bestaan uit ʼn geelhoutwoud van sowat 150 bome waaronder volwasse rododendrons, asaleas en krismisrose geplant is, ʼn watertuin en roosafdeling van 2 500 rose. Dit sluit ook ʼn witroostuin en roossomerhuisie in wat deur die Wit Tuin en somerhuisie by Sissinghurst in Engeland geinspireer is. Die tuin is oor 13 jaar deur die huidige eienaars gerestoureer en herontwikkel. Aanwysings: Orchardsteeg 7 – op Google-kaarte aangedui GPS: -32.591854, 26.929027 Tyd om te bekyk: 1-1. uur Hoekom ‘n besoek werd: Betowerende tuin – tuiniersvreugde! PLANTVERKOPE HONDE TOEGELAAT MONSGARDEN ROSE NURSERY Dunaverty Donderdae tot Sondae, 22-24 en 28-31 Oktober, 4-7 en 11-14 November Die eiendom is in 2005 gekoop, en na jare van die verwydering van swartwattelbome en braambosse kon…

Die dorpie Hoekwil, 7 km van Wildernis af na die binneland toe, het die afgelope agt jaar bekend geraak vir die vertoning van plattelandse tuine met ʼn kinkel. Teen die agtergrond van die Outenikwaberge, die see en die vleie is hierdie groot tuine geskik vir wydstrekkende en kleurryke inheemse blombeddings wat van formeel tot natuurlik wissel. Dammetjies, damme en ongewone fokuspunte verleen belangstelling aan massa-aanplantings van rose, aalwyne en vetplante, met paadjies wat deur die bosse loop. Hoekwil is ʼn gewilde bestemming vir besoekers wat op soek is na mooi natuurtonele, interessante eetplekke, unieke kwekerye en ʼn rustige atmosfeer. Tye: 09:00-16:00 Toegangsgeld: R50 per persoon vir albei dae. Kinders gratis. Kaartjies is op die dae te kry by ʼn kiosk buite die Hoekwilposkantoor in Kerkstraat. Wees op die uitkyk na…

Omdat agapanthus plantliefhebbers so bekoor, en goeie teelprogramme gevestig is, kan ons nou daardie dae vaarwel toeroep toe agapanthus midsomer net ʼn maand of twee geblom het (al was dit skouspelagtig!) en ons toe vir die res van die jaar met nie veel meer as blaarryke polle gelaat het nie. ʼn Lieflike groep moderne hibriede (wat nou vir jou in tuinsentrums wag!) is herblommende hibriede wat hul oorvloedige blomprestasie laatwinter begin, en deur die lente, van tyd tot tyd deur die somer en selfs tot die volgende winter aanhou blom. Hopelik sal hierdie plante ons plaaslike gewoonte stopsit om agapante soos stiefkinders te behandel en na droe skadu en ander verwaarloosde plekke in die tuin te verban! Ondergronds groei hierdie kruidagtige meerjariges van wortelstokke met dik vlesige wortels, wat daarop…

Faye Fenn se droom was om deur kind er tydse herinneringe omring te word. Sy het in die Cot swolds grootgeword, omring deur Engelse plattelandse tuine vol sagte blomme wat hul ho ogtepunt in die seisoene bereik het, en het daarna gesmag om dit om haar nuutgeboude meenthuis weer te gee. Haar droom is verwesenlik, maar nie sonder ʼn weldeurdagte plan wat met ʼn bietjie slim aanplanting kundig uitgevoer is nie. Die groot ste uitdaging in Faye se soeke na die tuin van haar drome was die steil helling wat van haar huis na die straat afgeloop het, asook ʼn grondhoop wat agtergelaat is nadat haar nuwe huis gebou is. Sy het haar om hulp gewend tot haar vriendin en jarelange tuinargitek, Ashleigh Clare van GardenHear t, ʼn plan is…

Hangmandjies is ʼn onmisbare deel van die lente- en somertuin en huisdekor, of dit nou vir kruie, groente, sierplante, tuimelende loofplante of selfs ʼn kunstige vetplantvertoning is. Ons hou daarvan om draadmandjies met ʼn ligte en stylvolle klapperhaarvoering te gebruik wat perfek werk. Die klapperhaarvoering is noodsaaklik: Dit hou die potmedium op sy plek, help om vog te behou sonder om die grond te deurweek en laat die plantwortels asemhaal. Die standaardgrootte van First Dutch Brands se mandjies is 30 cm, wat beteken dit is maklik om nuwe voerings te koop en niks hoef geknip te word om te pas nie. Hangmandjies wil aan iets hang, en First Dutch Brands het ʼn verskeidenheid draagklampe en hake wat presies hiervoor gemaak is, in basiese en sierliker style om te pas by…

Buiten ons agterplase is daar nog talle redes om plante te bedank, van die kleinste tot die heel grootste. En as dit by die heel grootste redes om hulle te bedank kom, val vooruitgang in menslike ontwikkeling en tegnologiese spronge deur die geskiedenis beslis onder hulle. Van die eerste vuur tot ons enorme wereldkommunikasiestelsels het plante ʼn veel groter rol in die mens se geskiedenis gespeel as wat jy jou kan voorstel. Vuur Ons vermoe om vuur te maak en te beheer is bekend as een van die grootste ontdekkings van alle tye, en die vonk vir die snelle ontwikkeling van die mensdom, alles danksy plante. Geskiedkundiges beweer dat die mens se wisselwerking met vuur sowat 1,5 miljoen jaar gelede begin het, maar ons beheer van hierdie vlugtige element waarskynlik…

Kuhestan Gardens beslaan ʼn gebied van 1,5 ha en word beskou as een van die mooiste tuine in die Magoebaskloof. Met die bekende Woodbush inheemse bos as agtergrond en die Helpmekaarstroom aan die onderkant van die plaas is Kuhestan Gardens reeds 20 jaar in wording. Die tuin kry elke lente lewe met asaleas, banksias, clivias, houtappels en kersiebloeisels. Die somer vertoon varieteite van krismisrose, anemone, fuchsias en jaarplante. Japanse en Chinese ahorns gee kleur aan die tuine in die herfs. Tyd: Die tuine is 364 dae van die jaar van 9:00 tot 12:00 oop. Toegangsgeld: R30 vir volwassenes en R10 vir kinders. Navrae: 082 903 7593, info@kuhestan.co.za, www.kuhestan.co.za Aanwysings vanaf Haenertsburg: Ry by die stopteken by Haenertsburg reguit aan na die Magoebaskloof Hotel (10 km). Draai 2,5 km anderkant die…

Rustenberg se groot plaastuin wat deur Kaaps-Hollandse geboue omring word, het ʼn skouspelagtige bergagtergrond en wonderlike uitsigte op die omliggende landskap. Dis ʼn tuin met baie volwasse bome en is in wese in die Engelse styl met ʼn sterk fokus op erfenisrose en meerjariges. Die ruimte word verdeel in ʼn reeks “kamers” elk met ʼn kenmerkende plantskema en karakter. Die Versonke Tuin en Amandellaan is die hoogtepunte. Die Schoongezicht-tuin en die Schoongezicht-herehuis is naby die wynproesentrum op die landgoed. Spesiale kenmerke is die 200 jaar oue prieel wat die lengte van die tuin loop, en ʼn labirint in die Chartres-styl wat tussen die blomrandakkers gelee is. Die randakkers is vol rose, vingerhoedjies en baie interessante meerjariges. Die tuin spog ook met ʼn pragtige dammetjie en word verdeel deur heinings en…

Twintig jaar gelede het ek aan ‘n tuinontwerper gesê dat ek so graag ‘n swaan-se-nek agave vir my tuin wou hê, maar nêrens ene kon kry nie. Sy het toe vir my ‘n klein uitloopsel van haar plant gebring. Op daardie stadium was daar nie baie plante soos agaves en ander minsorg en waterslim vetplante geredelik beskikbaar nie. Dit was die bloeityd van die Toskaanse styl van tuinmaak – ‘n gier wat koorsagtig omarm is deur Suid-Afrikaners! Ons nuwer woonbuurte het gou soos klein Toskaanse dorpies gelyk met kasarmagtige dubbelverdiepinghuise omring deur tuine aangeplant met hoë, grys potloodkonifere as fokuspunte, rye maagdelike wit ‘Iceberg’-rose en plate laventels. Die gewildste vullerplante was blou dwergagapante, en toe die eerste dwerghibriede verskyn met spierwit blomme, moes kwekers omtrent spartel om voor te bly…