Innholdsfortegnelse for August 2021 i Die Tuinier Tydskrif

Nog nooit tevore was ons tuine en huise so ʼn belangrike deel van ons lewens nie. Die pandemie het ons almal verander, ook ons alledaagse gedrag. Soms is hierdie veranderings deur die grendeltyd op ons afgedwing, maar meestal is dit besluite wat geneem is om veilig te wees en onsself te beskerm. Hierdie veranderings word gekenmerk deur ʼn golf van huiseienaars wat by tuinsentrums inloop om plantouers te word, om daardie kaal bank te bedek, om die potte by die hoofingang na hul huis op te kikker of om net ʼn bietjie kleur aan ʼn tuinbedding te verleen wat ongeveer ʼn dekade gelede laas ʼn bietjie aandag gekry het. Ons almal by Die Tuinier is, natuurlik, verheug oor hierdie “nuwe golf” van tuiniers, en dit was verseker nie net tot…

Kaapse margriete Osteospermum, wat ook Kaapse margriete genoem word, is besonder gewilde laatwinter-xen vroeglentebeddingplante, hoewel hulle in gematigde klimaatstreke eintlik halfgeharde meerjarige plante is. Hulle is gemaak vir volson, sal kaal kolle in beddings en rotstuine mooi volmaak met hul vrolike blomgesiggies en is sterk en bekoorlike kleur in houers. Hulle blom oorvloedig in die koeler lentemaande, en sal na terugsnoei en ʼn goeie voeding dit weer in die herfs doen. Betower jou tuin met die volgende reekse in ‘n indrukwekkende verskeidenheid van kleure: ‘FlowerPower’, ‘FlowerPower 3D’ (dubbelblomme) en die immer gewilde ‘Serenity’. Pensies Die inheemse veldblom Diascia barberae is die trotse ouer van talle delikate diascia-varieteite oortrek van die blommetjies, wat algemeen as pensies bekend is. Moenie dat die delikate voorkoms van hierdie bekoorlike klein plantjies jou flous nie…

Die aanpak van snoeiwerk in die tuin kan aanvanklik oorweldigend wees. Dit is egter belangrik vir gesonde, sterk bome en struike wat groot baat vind by snoei of net ʼn ligte regknip wat groei netjies maak en dooie, siek of swak hout verwyder. Dit moedig ook struike aan om sterker en gesonder groei te lewer en laat meer lig en lug die plante bereik. Ook verbeter snoei plante se vorm. Wanneer en wat • Die winter is die beste tyd om bladwisselende bome en struike te snoei omdat dit hul rustyd is en die risiko dat gesnoeide takke besmet kan word ook kleiner is. Probeer ook ʼn paar bessies vir die voels los as jy vrugdraende struike snoei. • Dis belangrik om te weet watter blomstruike na gelang van hul…

Petunias is om drie redes welbekend: Hulle is al ʼn ewigheid met ons (amptelik sedert minstens die middel-1700’s). Hulle blom oorvloedig en daar is ʼn petunia om in elke behoefte te voorsien. Die petunia se trompetvormige blomme het ʼn speseryagtige geur en is te kry in verskeie kleure, waaronder tweekleurige en dubbelvarieteite. P. grandiflora het groter blomme, sprei goed uit en die beste is om hulle in tuinbeddings te plant. Petunia multiflora se blomme is omtrent die helfte so groot as die van P. grandifloramaar dubbeld soveel, en die plant self vorm ʼn geronde struktuur, wat dit uitstekend maak vir die toemaak van kaal kolle of as rand vir ʼn tuinbedding. Petunia milliflora het klein blommetjies maar is blomryk van aard en die kleiner blommetjies is meer bestand teen die…

✔ Skadebeheer: Hoe om plante met rypskade te red As plante rypskade het en swart en dooie stukke sigbaar is, moet jou eerste stappe uiterste geduld wees… 1. Moenie die plante uitgrawe en weggooi nie. Houterige stingels laer af asook die wortelstelsel is dalk steeds ongeskonde.2. Moenie in die versoeking wees om nou al die beskadigde dele weg te snoei nie. Tye van milde weer (moontlik in Augustus) en snoei kan nuwe groei aanmoedig, wat weer deur laatryp beskadig kan word en die plante nog meer terugsit. Wag tot die gevaar van nog ryp verby is voor jy iets afsny. Bedek intussen snags die beskadigde plante met rypdoek as die gevaar weer dreig.3. Hou aan natmaak soos gewoonlik: ʼn Plant met reeds stres het nie nog nodig nie.4. Weerbeskadigde plante…

Ons het drie struike gekies wat jou gewillig sal toelaat om hulle te vorm en te skeer in enige vorm wat jou geval. Plant hulle, laat hulle ʼn bietjie groei en begin hulle dan oplei in iets individualisties – dis goeie terapie vir die tuinier! Chenopodium robertianum Die bessiesoutbos, wat tevore Rhagodia hastata en later Einadia hastata genoem is, is een van die beste en gehardste silwerblarige plante. Hierdie mooi immergroen plant met sy silwerkleurige loof met soms roesrooi tinte en wit stingels het ʼn baie gewilde keuse geword om as lae heiningplante vir waterslim tuine te gebruik omdat dit uiters goed lang droogtetye kan oorleef as dit eers gevestig is. Dit is goed aangepas by strawwe klimaatstreke, ook kustoestande, dit groei vinnig en kan in ʼn baie kort tydjie…

Twee inheemse spesies van die halfdorre streke van Wes-Australie het die plantouers geword van manjifieke blomstruikhibriede wat wereldwyd geliefde en gewaardeerde snyblomme lewer. Hulle is Chamelaucium uncinatum (geraldtonwasplant) en Chamelaucium megalopetalum (grootwasblom), lede van die Myrtaceae-familie waartoe die baie geliefde bottelborsels, teebosse en ander melaleucas ook behoort. Hoewel die spesies met hul blomskakerings van pienk, wit en pers ʼn Mediterreense tipe klimaat met droe, warm somers en goed dreinerende, betreklike skraal sandgrond verlang, spog die moderne hibriede met ʼn groter kleurreeks en ander blomvorms, en verdra ook ander klimaatstreke beter. Hulle is selfs rypbestand en opgewasse teen temperature van so laag as-2 °C, hoewel in die winter in klimaatstreke met ryp aanbeveel word dat plante op ʼn beskutte plek geplant of met rypdoek bedek moet word. Die enigste toestande waarvan…

Kry dit die eerste keer reg, vir jou en jou plante. As jy al ooit deur ʼn tuinsentrum gestap het, sal jy weet dat houers in alle vorms en groottes te kry is. Die keuses is oneindig, van die materiaal tot die grootte en vorm: ʼn Mens het amper net so ʼn groot verskeidenheid houerkeuses as plante om dit mee vol te maak. Hoewel ontwerp ʼn faktor is, gaan houerkeuse nie net oor die voorkoms nie: Hulle moet die regte grootte wees met voldoende dreinering om te verseker jou plante groei suksesvol. Die materiale wat jy kies, het ook ʼn invloed, elk met hul eie voor-en nadele. Ons ontleed die kenmerke van houers sodat jy kan besluit wat die beste in jou smaak val en vir jou plante geskik is.…

Jy weet die lente is hier as jy een oggend wakker word en jou smaakbekers ʼn boodskap na jou brein afvuur wat se: “Dis nou genoeg trooskos, ons wil ligte, vars groen kos he!” Hoewel dit nog te vroeg vir tuisgekweekte basiliekruid is, is die kruie wat kan aantree pietersielie, ment, grasuie, koljander, marjolein en roosmaryn. Saam met koelseisoenslaaiblare kan hulle ligte en gesonde lentemaaltye ʼn hupstoot gee. Dit kan so eenvoudig wees as ʼn gemengde kruiebord of gekapte vars kruie met ʼn slaaisous van suurlemoensap en olyfolie wat deur pasta of graan soos quinoa gemeng word vir ʼn ligte middag-of aandete. Begin jou lentekruietuin As die winterkruietuin ʼn bietjie kaal lyk, gee dit nuwe lewe met nuwe plante: pietersielie, ment, grasuie, koljander en marjolein wat almal gesonde slaaiblaargroente vir…

Jy het nodig Snylys: Herwonne dennehout soos volg gesny: 2 x 320 mm x 130 mm x 35 mm (kort kante) 5 x 390 mm x 130 mm x 35 mm (lang kante en onderkant (3)) 4 x voorafvervaardigde tapse houtpote 4 x pootplate Brandspiritus 150-grint skuurpapier Woodoc Water-Borne MARINE Woodoc Colours Clifton Grey 2,5 duim-Kreg-skroewe 16 x 35 mm-houtskroewe Stappe OPMERKING: Ons het ʼn Kreg-setmaat gebruik om die kis te maak sodat die skroewe nie van buite af sigbaar is nie. Jy hoef dit nie so te doen nie – skroef net die kis met gewone skroewe op die gewone manier vas. 1. Begin deur met die Kreg-setmaat gate by albei punte van die twee kort kantstukke te boor.2. Maak ʼn vierkant deur die kort kante met Kreg-skroewe aan…

Of die vrou in jou lewe nou ʼn tradisionalis of meer avant-garde is, het First Dutch Brands ʼn pot wat by haar en haar tuinmaakstyl sal pas. Vir iemand wat meer tradisioneel is, voldoen die nuwe reeks terracottapotte aan die opdrag deur die klassieke aantrekkingskrag van terracotta aan te bied sonder om vervelig te wees. ʼn Terracottapot is per slot van rekening soos die swart rok – dit pas by alles. Dan is daar die uitgebreide nuwe reeks geglasuurde potte in verskeie nuttige maar pragtige vorms en groottes, en genoeg kleure om by omtrent enige vertrek in jou huis te pas. Besoek www.firstdutchbrands.co.za vir meer inligting.…

Dit was die potensiele tuinbouwaarde van die inheemse Pelargonium grandiflorum met sy groot blomme wat planttelers geinspireer het om talle hibriedreekse van die koningspelargonium met uitstekende tuinprestasie te ontwikkel. Sedert Victoriaanse tye word hulle gekweek, en is ʼn wonderlike keuse vir manjifieke lente-en somerkleur van plante wat die tuinier nie onnodig gaan belas nie. ‘Elegance’ in fokus Die ‘Elegance’-reeks is nou verkrygbaar en word hoogs aanbeveel aangesien hulle bosagtige maar kompakte immergroen plante met gerimpelde donkergroen blare met getande rande maak. Die groot en skouspelagtige blomme met ingewikkelde patrone word aan stewige stingels bo die loof gedra en daar is ʼn veelsoortige reeks pragkleure. Die volwasse grootte is sowat 40 cm hoog met ʼn verspreiding van 100 cm. Wanneer blom hulle ʼn Hierdie plante begin blom in Augustus en hou…

Die natuurlike habitat van die pragtige sandlelie (Veltheimia bracteata) is die bosse en kusruigtes van die Oos-Kaap. Die groot bolle dra van laatwinter tot September digte trosse buisvormige blomme aan stingels van tot 60 cm lank. Die blomkleure verskil baie en wissel van groengeel tot sagpienk en donkerroospienk (laasgenoemde is die algemeenste variasie). Die dig toe knoppe is groen of met groen bespikkel en raak neerhangend as hulle oopgaan. In hierdie stadium kom die suikervoels na die fees toe. Die bolle met hul lintvormige blink blare met golwende rande groei aktief in die winter. In die midsomer sterf hulle tydelik terug vir ʼn kort rustydjie en word gou vervang deur nuwe loof met ʼn wye roset en welige voorkoms, wat hierdie elegante bolplante besonder welkom in die skadutuin maak. Dooie…

Die spesienaam “agavoides” beteken “wat soos ʼn agave lyk” en dit is te verstane as hierdie enkelstammige echeveria met ʼn groot roset van ongeveer 12 by 30 cm goed bekyk word. Die vetplant wat van Mexiko kom, word in Engels algemeen die “lipstick” of “wax echeveria” genoem. Die wasagtige appelgroen blare is dik en driehoekig van vorm met ʼn skerp punt (nie werklik ʼn stekel nie) wat in helder lig bloedrooi kan word. Blaarrande kan ook roesrooi wees na gelang van die vorm wat jy in die hande kan kry en wat ook deur groeitoestande beinvloed word. Dit blom in die somer en dra skraal stingels met pienk, oranje of rooi buisvormige blomme met donkergeel kroonblaarpunte. Hierdie plant hou van volson of helder lig en natmaak in die somer, maar…

Varingliefhebbers en net so ouers van algemene huisplante sal gou lief raak vir die hartvaring (Hemionitis arifolia). Hierdie plant kry sy volksnaam van die vorm van sy blare, wat boaan lang swart stingels gedra word. Dit lyk met ander woorde nie soos die gemiddelde varing nie. Die hartvaring is inheems in die warm streke van Suidoos-Asie, en verlang hoe vogtigheid en min lig om te gedy. As daardie toestande in jou huis afwesig is, is dit die ideale kandidaat vir ʼn groot terrarium of kweekhuis. As epifiet kan dit ook aan bome vasgeheg groei met geen grond by nie. Hierdie veelsydige huisplant is wel baie erg oor vogtigheid, hoewel dit, as aan daardie vereiste voldoen word, die ideale byvoeging tot enige huisplantliefhebber se huis sal wees.…

Weer onder slot en grendel, en met ‘n gordyn van lang hare wat in my oe hang, het my amper nostalgies laat terug dink aan die eerste streng grendeltyd toe ek besluit het om self my hare met ‘n stomp kombuisker af te knip. Ek het soos ‘n geplukte hoender gelyk en elke keer as ek verby ‘n spieel gestap het, het ek in trane uitgebars! Gelukkig groei hare vinnig en bos gou weer uit wat slegte snoeiwerk regstel (dis nou te se as jy darem nog steeds baie van hulle op jou kop het). Dis ook nie ‘n geval dat ‘n mens se voorkoms darem te drasties verander het nie en genadiglik is daar handige items soos sonhoede en kopdoeke wat gebruik kan word om hare weg te steek.…