Innholdsfortegnelse for July 2021 i Die Tuinier Tydskrif

Hier is ʼn paar sleuteloorwegings: Prakties – Is dit byvoorbeeld prakties om ʼn steil helling te plavei, of moet dit eerder ʼn terras wees? Watter verskil sal dit maak as daar vir ʼn bepaalde gebied keistene bo groot plaveistene gekies word? Moet die plaveistene glyvas wees, of maak dit nie saak nie? Kan die sny van plaveistene tot so min moontlik beperk word deur die afmetings in veelvoude van die plaveisteengrootte te ontwerp? In watter rigting moet stormwater van die geplaveide oppervlak gelei word as waterafloop oorweeg word? Kan grasplaveistene as keuse gebruik word, en is dit sinvol as die doel oorweeg word en ook uit ʼn waterslim oogpunt? Doel – Gaan daar oor die geplaveide gebied gery of geloop word, of gaan dit as onthaalruimte gebruik word? Is dit…

Baie tuiniers neem aan dat Bolusanthus speciosus uitheems is vanwee sy Engelse naam tree wisteria, sy pragvoorkoms en die pure spoggerigheid van ʼn volwasse eksemplaar in volle blom. Wees verseker dat hierdie skouspelagtige boom een van ons eie, en daarby een van die mooiste eksemplaarbome in die land is. Die vanwykshout is inheems in ʼn groot deel van tropiese Oos-Afrika en kom in die natuur voor al die pad van die noordooste van Suid-Afrika af deur Mosambiek, na Angola, Malawi, Zambie, Zimbabwe en Eswatini. Vanwee sy treffende voorkoms is dit ook as sierboom ingevoer in Australie, Indie en ander streke van Afrika soos Kenia en Uganda. Dis ʼn beskermde spesie in Suid-Afrika, en mag dus op geen wyse afgekap of beskadig word nie. As klein boompie met groot trefkrag in…

Troeteldiere moet ook in die winter gepamperlang word. Net soos mense ervaar diere ook die koue en plaas die koue weer hul immuunstelsels onder druk. Daar is klagtes oor velprobleme, gewrigsinflammasie en artritis wat ook kan opvlam, veral by ouer diere. Behalwe om hulle warm te hou kan katte en honde, selfs voels, baat vind by gesonde kruietonikums wat by hul kos en drinkwater gevoeg word. Die gebruik van kruie om spysverteringsprobleme te verlig en wurms uit te dryf is nog ʼn manier om ʼn troeteldier se algehele gesondheid in stand te hou, terwyl kruiewasmiddels die haarkleed en vel gesond hou. (Dit is altyd belangrik om te benadruk dat kruiebehandelings nooit ʼn besoek aan die dierearts moet vervang nie.) Volgens Mary Wulff-Tilford en Gregory Tilford, outeurs van Herbs for Pets…

Die lang, warm sonnige somerdae maak baie dammetjies slymerig en groen en frustreer hulle eienaars. Ek kry gedurende die somer omtrent daagliks oproepe hieroor en hoe om dit reg te stel. Gelukkig is daar oplossings om alge onder beheer te help hou, wat ek graag met jou deel. Daar is verskillende vorms van alge: Jy het dalk net ertjiegroen water, of jy kry draad- of kombersalge. As jy egter baie ongelukkig is, het jy dalk albei! Alge is bloot chlorofilbevattende plante wat koolstofdioksied, sonlig, water en minerale nodig het. In koidammetjies is beslis hope minerale, soos nitrate, vir alge beskikbaar hoewel alggroei geneig is om bepaal te word deur die hoeveelheid fosfate en kalium in die water. Alggroei wissel van seisoen tot seisoen, en is die geilste gedurende die lente-…

Die eindelose ure van tuinartikels skryf, navorsing, redigering, en proefleeswerk met ‘n muis onder my hand het my nou nie juis lief gemaak vir dié tegnologiese katoetertjie nie. Ek het al menige muis die ewigheid in gestuur deur dit uit frustrasie op ander goed te kap as dit nie wou reageer nie. Ou muisoorskotte lê oral in my kantoor rond! Die aanhoudende, ongemaklike posisie (veral as ‘n mens deur duisende onbenaamde plantfoto’s moet wroeg) het gesorg dat ek nou met ‘n tipiese geval van “muisarm” sit en siedende vlamme van pyn skiet deur my gewrig en teen my arm op! Die feit dat ek dieselfde arm gebruik terwyl ek formeel aan die werk is om ook ander aksies uit voer (waaroor ek liewer nie sal uitbrei nie) help ook nie…

Leucadendron ‘Cream Delight’ Hierdie hibried van L. salignum is ʼn kompakte middelgroot struik met ʼn volwasse grootte van ongeveer 2 m by 1 m. Stewige maroen stingels dra roomkleurige keels met ʼn sweempie pienk aan die punte in Julie en Augustus. ʼn Wonderlike snyblom. Aulax ‘Bronze Haze’ Die varieteit van A. cancellata groei tot 2 m hoog en 1,5 m wyd en kry ʼn skouspelagtige diepbrons loofkleur in die herfs en winter. Veeragtige heldergeel blomme verskyn vroeglente. ʼn Wonderlike snyblom. Leucospermum ‘Sweet Lucy’ Die varieteit van L. bolusii word tot 1 m hoog en wyd. Hierdie soetgeurige klein struikie lok voels en heuningbye en sal perfek in ʼn pot groei. Blomknoppe is in donkerpienk skutblare gehul en ontvou in die lente in trosse piepklein roomwit blommetjies. Geurig op koel aande.…

As jy opgewonde is oor om vetplante te begin versamel wat meestal inheems op ons vasteland is, waarom nie al die dwergaalwyne kies wat maklik op die kommersiele plantmark te kry is nie? Ons is geseen met die allerbeste plaaslike planttelers wat passievol is oor aalwyne, van die grotes en statiges tot die werklike ou piepkleintjies. Uit hul vakkundige kennis en vlugge vingers ontstaan die mooiste klein aalwynhibriede en-seleksies vir versamelaars en diegene wat net in potte of in baie beperkte ruimte kan tuinmaak. Aalwynspesies is van nature uiters taai en vergewensgesinde vetplante wat min sorg verlang, maar moderne tuiniers vereis ʼn bietjie meer van hul plante, waaraan aalwyntelers aandag gegee het. Hulle het vinnig groeiende dwerghibriede met meer as een blomtyd in skouspelagtige oorvloed, mooi en interessante loof en…

Voortplanting is ook die ideale praktyk vir die nuuskierige nuwegeslagtuinier. Die beste manier om te leer hoe plante werk, is om nou by hulle betrokke te raak en te eksperimenteer, en voortplanting bied daardie geleentheid. Dis soos ʼn kort intensiewe plantopleidingskursus vir huistuiniers. Namate jy hul wortels ondersoek, kyk hoe hulle groei en by hul toestande aanpas, sal jy meer oor jou huisvriende leer as wat jy ooit in jou gewone versorgingsroetine sou. Daar is ʼn paar basiese dinge asook besonderhede oor soorte voortplanting en hul metodes om aan te dink voor jy begin, maar sodra jy die vaardighede van elk bemeester het, kan jy een van hulle op (amper) enige plant toepas wat jy koop. Maak meer vir jou en jou vriende en raak die inwonende meestervoortplanter in jou…

Volgens die taal van blomme simboliseer vilette liefdesbande en stiptelikheid met die betekenis wat lui: “Jy sal altyd vir my mooi wees.” Vilette hou daarvan om in volson te bak, maar kan ook skadu verdra. Een van hul pluspunte is dat hulle teen strawwe ryp bestand is, en die ander belangrike trekpleister is hul geurige blomme wat as snyblomme ʼn wenner is en gedurende die winter en lente binnenshuis gebruik word. Vilette is nie veeleisend wat onderhoud betref nie, maar gereelde natmaak en voeding sal maak dat jou vertoning lewe kry met kleurryke en helder blomme. Of jou rotstuin nou ʼn bietjie kleur kort, jou blombedding ʼn rand voor of agter nodig het en of jy net ʼn sonkolletjie het wat opgekikker moet word, sal vilette die ding doen. Hulle…

Bestel leliebolle en plant hulle hierdie maand vir pragtige blomme laatlente in die tuin, in potte en vir die vaas. Hulle is van die skitterendste tuinblomme en die moeite werd om met hierdie wenke te kweek: Hoe om lelies in die tuin te kweek • Lelies hou van koel gematigde klimaatstreke met ʼn redelike reenval. Kies ʼn plek in die tuin waar die blomme en loof ʼn bietjie son kan kry, maar die bolle koel in die grond bly, soos naby die onderkant van ʼn struik.• Berei die grond goed voor – lelies wil uiters goeie dreinering he. Spit die bedding minstens 20 cm diep om en verryk die grond met hope goed verteerde kompos of blaarmolm. Voeg ook growwe sand by swaar kleigrond om dreinering te verbeter. Moenie dat…

Lobelia Lobelias is fyn, oorvloedig blommende jaarplante wat ʼn mooi rand op die voorgrond of bollende kussings kleur tussen ander plante kan maak. Hulle is meestal in hemelsblou en dieppers te kry, maar daar is ook roospienk, lila, wit en ʼn mengsel van al die kleure. Lobelias hou van oggendson en middagskadu, en klam komposverrykte grond. Voed hulle gereeld met ʼn wateroplosbare misstof om hul blomtyd te verleng. Antirrhinum As jy blomme met lang stingels (tussen 65 en 90 cm hoog) wil he om as snyblomme te pluk, kies ‘Madame Butterfly’ of ‘Rocket’ in gemengde of enkelkleure. As jy net na die blomme wil kyk en in jou blombeddings geniet, beproef ‘Snapshot Mix’ met sy dwerggroeiwyse. Maak net seker jy plant leeubekkies, wat amper heeljaar kan gebeur! Leeubekkies is maklik…

Roos van die maand ‘Afrikaans’ is vir liefhebbers van helderoranje rose met ʼn goue hart. Dit sal duidelik sigbaar wees bo die ander rose vanwee sy kleurvolle blomme wat die hoe bos van bo tot onder bedek, plant dit dus met die doel om uit te staan. Die bos self is sterk met blinkgroen siektevrye blare. ʼn Uitgegroeide bos is 2 m hoog en wyd. Dis ook geskik vir groot houers. Rosesorg vir Julie • Dit is tyd om die rose te snoei. In die meeste streke kan dit vanaf 20 Julie tot die eerste week in Augustus gedoen word. Wag met snoei in uiters koue gebiede tot middel Augustus.• Vernuwe en belug die grond om die rose na snoei. Spit 30 cm diep in en voeg hope kompos en…

Jy het nodig • ʼn Lae ronde bak• Stukke terracottapotskerwe of klippe• Vetplantpotmedium (Maak jou eie deur 60% potgrond, 10% akadama*, 10% fyn silikasand, 10% growwe gruis en 10% organiese misstof soos Atlantic Bio Ocean saam te meng.)• Groot klippe of klippies• Siergruis• Aalwyne (Ons het die volgende aalwyne gebruik.) ‘Twice as Nice’, ‘Spotty’, ‘Pink Blush’, ‘Tuffy var SP128 GA’, Aloe descoingsii, Aloe juvenna.• Sit klippe of stukke potskerwe oor die pot se dreineergat en maak dit halfpad vol grond.• Plant die grootste aalwyn uitmiddelpuntig en groepeer die kleiner aalwyne in groepe rondom.• Vul tussenin op met grond en druk vas.• Sit groot klippe of klippies in openinge om ʼn natuurlike landskap na te boots en rond dit af deur die grond met siergruis te bedek.• Maak goed nat en…

Elke groentekweker droom dalk van ʼn groot groentetuin, hoewel die doeltreffende tuinier die dissipline het om groente suksesvol op ʼn klein plekkie te kweek. Om die produktiwiteit van ʼn klein ruimte so groot moontlik te maak, gaan oor die kies van die regte groente: geskikte houervarieteite, pluk-en-groei-weer-varieteite, kompakte groeiers en die wat gou geoes kan word. Dit gaan ook oor plantmetodes wat die hoogste opbrengs kan lewer, soos opvolgaanplanting, hoedigtheidsaanplanting en tussenaanplanting. Kompakte eetgoed met hoë opbrengste Blaargroente is boaan die lys: snybeet, dwergkrulkool, Asiatiese groente soos pak choi en tatsoi, losblaarslaaivarieteite, roket, en beet, om sy blare sowel as wortel. Die algemene gebruik by vierkantevoettuinmaak is om vier snybeetplante in die ekwivalent van ʼn ruimte van 30 cm x 30 cm te plant – dis genoeg vir twee mense…

‘Everillo’ is ʼn uiters sierlike grasagtige grondbedekker met smal, buigende lemmetjiegroen blare wat in die warmer maande geleidelik goudgeel verkleur. Hierdie veelsydige siergras dra onopvallende bruin blomare in die somer, wat nie die rede is waarom ons so lief daarvoor is nie. Sy beste kenmerk is dat dit gebruik kan word om skadugebiede op te helder, of om met sy pragtige loofkleur groot kontras en tekstuur aan sonkolle te verleen. Volwasse grootte ongeveer 50 x 50 cm. Gebruike: • As dit al met die rand langs ʼn geligte bedding of paadjie geplant word, sal die fonteinagtige groeiwyse en sagte loof neerhang en die harde elemente versag.• ʼn Massa-aanplanting beklemtoon perfek enige fokuspunt, soos ʼn standbeeld, voelbad of enige ander tuinskulptuur.• Dit is ʼn mooi keuse om naby waterelemente of droe…

Kalanchoe tomentosa (pandaplant) is ʼn regop veelstammige vetplant van tot 90 cm hoog met los rosette wat uit wollerige ovaal blare bestaan. Die liggrys fluwelige blare is met digte hare bedek en lyk of hulle in sjokolade gedoop is. Hierdie plant is inheems in Madagaskar waar dit op ruwe terrein in klipperige grond groei. Onbeduidende geelgroen buisblomme verskyn in die lente en somer. Vanwee sy pragtige loof en maklike groeiwyse het hierdie stadig groeiende vetplant ʼn gunstelinghouerplant geword. Dit hou van ʼn paar uur oggendson en redelike droe toestande (veral in die winter). As dit binne gehou word, kweek dit op ʼn sonnige vensterbank of in helder indirekte lig. Maak slegs nat as die grond droog voel, en voed gereeld met ʼn wateroplosbare misstof gedurende die somermaande. Hou die blare…

Volgens ons saaigids kan groenertjies nou in talle gebiede geplant word. Die grond is steeds koud, wat ontkieming kan bemoeilik, maar as jy baie gretig is om te plant, is hier ʼn maklike manier om jou ertjies aan die gang te kry in koue grond. Die geheim is om hulle vooraf te laat uitspruit: • Besluit hoeveel ertjies jy wil plant. In plaas van om die hele gewas dadelik te plant, oorweeg dit om met een ry te begin, wat na twee weke deur ʼn tweede ry gevolg word.• Sit die sade vir jou eerste aanplanting tussen twee lae nat papierhanddoek in ʼn plastieksak of lugdigte houer.• Maak die sak toe of verseel die houer en hou dit vir 24 uur in ʼn warm vertrek (maar nie in direkte sonlig…

Jy het nodig ʼn Ou houttuinlatwerkTurboskroewe (4 mm x 20 mm)Spuitverf (Ons het Rust-Oleum Orange Gloss gebruik.) Gereedskap: ʼn Tang, koordlose boor en hamer Stappe • Haal die ou latwerk uitmekaar deur dit met die hamerklou van mekaar los te wig.• Verwyder al die kramme met die tang.• Le die hout volgens die patroon van jou keuse uit en hou drie lang stukke uit vir pote.• Skroef die houtlatte aan mekaar vas.• Spuitverf dit en laat droog word. WENK Latwerke is uitstekend om rankers in die tuin te help klim. Moet nooit jou latwerk direk teen ʼn muur sit wat middagson kry nie; dit kan die plant se blare brand. Laat altyd ʼn opening van 5 cm tussen jou latwerk en die muur vir genoeg lugbeweging om jou plante koel…

Wat jy nodig het Snelbindsement Water Sand Groot blare met dik are Draad Gereedskap: Handskoene, ʼn tang Kyk op GardenTube…