Innholdsfortegnelse for June 2021 i Die Tuinier Tydskrif

ʼn Nuwe praktyk doen daarbuite die rondte en dra nogal die reguit en grafiese gonswoord “rewilding” in Engels. Hierdie praktyk gaan in wese oor die herstel van die natuur in uitgesoekte ruimtes. Dit is waagmoedig omdat dit vir ʼn algehele verbod vra, en hoewel ons hierdie soort mantra al talle male uit toeka se dae gehoor het, is daar een noodsaaklike faktor wat hierdie beweging anders maak as die res: In sy suiwerste vorm word ons gevra om niks te doen nie! Dit beteken dat om ʼn gebied weer behoorlik ongerep te laat word, ons bloot die natuur moet toelaat om weer oor te neem, wat die kern is wat hierdie idee dryf. Die blote gedagte hieraan kan die meeste van ons laat terugdeins van skok, maar wie weet, hoe…

Botaniese naam: Miscanthus sinensis ‘Variegatus’ Volksname: sebragras, Chinese silwergras, eulalia Oorsprong: Inheems in Oos-Asie en ʼn lid van die Poaceae-familie. Miscanthus sinensis ‘Variegatus’ vorm ʼn digte graspol van meer as 1 m hoog en ongeveer 2 m wyd met ʼn fonteinagtige groeiwyse. Die buigende, skraal, lintvormige blare is gestreep in room en donkergroen. Rietagtige hoe blomstingels begin vanaf laatlente verskyn en dra pragtige donkerpienk of koper pluime wat tot laatherfs aan die plant bly en uiteindelik tot room verbleik. Gebruike • Die dramatiese loof en pluime maak hiervan ʼn wonderlike aksentplant, of as dit in groepe geplant word, ʼn mooi agtergrond in ʼn gemengde randakker.• Dis uitstekend vir massa-aanplanting en om grond op ʼn bank te bind.• Dit is ʼn lieflike keuse om naby waterelemente te plant of vir ʼn…

Mense in die winterreenstreke sal ʼn rukkie moet wag voor hulle hul petunias in die grond sit omdat swaar reen die blomme sal beskadig. Orals anders is dit egter die topseisoen om tuinbeddings, potte, hangmandjies en vensterbakke met hulle vol te maak. Hoe om petunias te versorg: • Aangesien petunias langblommende jaarplante is, laat hulle sterk begin met goed gekomposteerde grond wat met beenmeel verryk is vir goeie wortelontwikkeling.• Plant hulle waar hulle minstens vyf uur sonlig per dag sal kry.• Beskerm jong saailinge teen slakke en naakslakke, en gebruik rypdoek as bedekking oor hulle as ryp verwag word.• Maak aanvanklik gereeld nat, maar slegs een maal per week sodra jy aktiewe groei sien – petunias hou glad nie van deurnat grond nie. Maak op die grond nat, nie oorhoofs…

Liriopes, wat algemeen as leliegras bekend staan, is immergroen blomplante wat dik polle grasagtige loof maak. Hulle is unieke grondbedekkers wat gelukkig die grond met hul vlesige wortels bind en ewe fleurig in volson of skadu groei. Liriopes groei in die meeste gematigde klimaatstreke en vaar redelik goed in warm, vogtige subtropiese streke. Hulle is ook bestand teen taamlik baie koue en ryp. Dit maak nie saak in watter grondsoort hulle geplant word nie solank dit met ruim hoeveelhede kompos en beenmeel verryk word om die vlesige wortels te voed. Waterbehoeftes is matig en kort droogtetye sal nie groot skade aanrig nie omdat die dik wortels water kan berg. Plant dit in groot plate in son of skadu en voed twee maal gedurende die somermaande met ʼn algemene misstof. Verdeel…

Hier is nog ʼn paar praktiese maniere om jou tuin weer wild te maak: • Verskaf ʼn tuiste aan natuurlewe deur skuilplekke soos stokke, snoeisels en stompe, opgestapel of as ʼn deklaag, in die tuin te sit. Goggahotelle werk net so goed en sorg vir mooi tuindekor.• Voed die voels deur voelvoerders of voertafels aan te bring om jou tuin aantrekliker vir geveerde vriende te maak.• Maak grense oop. Gesels met jou bure en kyk of julle nie heinings kan verwyder en deurgange vir natuurlewe kan maak nie. Sommige munisipaliteite het oopruimtestelsels aanvaar wat bewaringsterreine met natuurreservate verbind sodat natuurlewe ʼn groter ruimte het om deur te beweeg.• Laat groei ʼn bietjie uitgesoekte onkruid tussen jou plante om jou tuin se biodiversiteit te vergroot en ekstra nektar en saad vir…

Die basis van ’n goeie sop Die kern van ʼn goeie sop is die aftreksel of kragsop. Aftrekselblokkies is ʼn kitskeuse, maar niks klop tuisgemaakte aftreksel vir werklik gesonde, voedsame sop nie, en dit is baie maklik om te maak. Net ʼn opmerking: Kragsop en aftreksel word dikwels uitruilbaar gebruik maar daar is ʼn onderskeid tussen die twee. Sop is nie net sielskos nie. Dit is een van die gesondste maniere om al die voedingstowwe wat ons nodig het in een stomende bakkie te geniet. ʼn Goeie sop bevat proteien (vleis of groente), vitamiene en minerale (van wortel- en blaargroentes), en kruie, natuurlik, vir bykomende geur en gesondheid, veral die immuunversterkende tonikumkruie. Dit is kruie soos tiemie, pietersielie, seldery, grasuie en tuinment wat maklik is om te kweek en ook…

Agapanthus Dwergagapanthus wat in sterk groepe voor geplant is, rond hierdie ornamentele gras goed af. Kies ‘Lapis’ met donkerblou blomme van 40 cm hoog en ‘Double Diamond’, wat oorvloedig blom met wit dubbelblomme van 20 cm hoog. Dusty Miller Senecio cineraria ‘Silver Dust’ (sin. Jacobaea cineraria) het diep gelobde silwergrys tot amper wit blare. Hierdie plant word dikwels gebruik om kontras te skep. Buxus Buxus microphylla ‘Faulkner’ is ʼn topverkopervormplant en word dikwels in balle gevorm. Dit werk baie goed om ʼn bietjie van hierdie formaliteit by te voeg rondom die groot ontspanne polle wat deur sebragras gevorm word. Die blare is klein, blink en immergroen met ʼn sweempie brons in die winter.…

Streeksaaigids Hoëveld en KwaZulu-Natalse Middellande Niks te saai nie behalwe in die KwaZulu- Natalse Middellande waar groenertjies geplant kan word. Middelveldgebiede (Tshwane en ander gebiede met minder ryp) Groenertjies Oos-Kaap en Klein-Karoo Groenertjies Wes-Kaap (en Suid-Kaapse kus) Boerbone, groenertjies, radyse, rape en seldery Noord-Kaap en Groot-Karoo Uie (en berei beddings voor om in Julie en Augustus groenertjies te plant) Laeveld en KwaZulu-Natalse kus Beet, eiervrugte, groenertjies, komkommers, kool, pampoen en skorsies, radyse, rape, spanspek, spinasie en snybeet, stam- en rankbone, tamaties en wortels Beproef dit Plant ‘Tom Thumb’ ‘n bosserige ertjie van Raw Seeds om jou ertjieproduksie te vergroot. Plante word 30 cm hoog en 10 cm wyd, wat beteken jy kan hulle 10 cm uitmekaar langs ʼn klein latwerk op klein plekkies in die tuin of in houers plant.…

Kan enige ander blom op aarde skeppende telers sterker boei as die gesiggieʼn Gesiggies simboliseer “liefdevolle gevoelens”, wat beslis is wat alle tuiniers ervaar as hierdie bekende koelseisoengunsteling met sy oorvleuelende hartvormige kroonblare verkrygbaar raak vir ons om te plant. Die kleurkombinasies en patrone wat in die talle geteelde reekse te kry is, is eenvoudig puik en jy kan feitlik nie aan ʼn kleur dink wat nie deur die gesiggies verteenwoordig word nie. Kweek hulle goed • Kry ʼn sonkolletjie met minstens ses uur sonlig in die winter, maar hou in gedagte dat hulle maande lank blom en ʼn bietjie skadu moet kry as dit weer somer word.• Berei die grond goed voor met volop kompos en ʼn stuifsel meerdoelige misstof.• Spasieer hulle sowat 20 cm uitmekaar en oppas om…

Feetjieprimulas (Primula malacoides) hou regtig van die koeligheid en sal selfs midwinter begin blom na gelang van wanneer hulle in die grond gesit is. Die blomtyd kan tot Oktober duur. Die beste manier om met hulle te spog, is om hulle in ʼn massa in blomrandakkers te plant, maar hulle gaan ook uiters goed saam met lenteblommende bolplante soos affodille en met ander jaarplante soos viooltjies, gesiggies, floksies en Yslandse papawers in ‘n bonte mengsel. Feetjieprimulas het ʼn delikate voorkoms met hul wollerige en getekstureerde blaarrosette en skraal blomstingels wat lae blomme met hartvormige kroonblare in skakerings van wit, roos, pienk, laventel, pers en boergonje dra. Koop hulle nou in saailingbakkies as ʼn mengsel van alle kleure of in afsonderlike skakerings. Kweek hulle goed • Feetjieprimulas verkies halftot volskadu –…

Jy het nodig 3 x 22 mm x 300 mm x 1200 mmdennehoutrakke 2 x 20 mm gegalvaniseerde 90°-elmboe 2 x 20 mm x 1200 mm gegalvaniseerde pype 1 x 20 mm x 1100 mm gegalvaniseerde pyp 8 x 20 mm x 300 mm gegalvaniseerde pype 18 x 20 mm-aluminiumflense 100 x 20 mm-bordskroewe 4 x 50 mm-rolwiele met remme Mineraalterpentyn 150-grint-skuurpapier Woodoc 50 Clear (Matt/Gloss) – met oplosmiddel as basis Woodoc Stain Concentrate (Oak) Om te bestel en die hele maklik-om-te-maak selfdoenstel by jou deur afgelewer te kry, gaan asseblief na www.aluminiumflanges.co.za. (Die stel sluit skroewe en Woodoc-produkte uit.) Woodoc Deep Penetrating Weatherproof Wax Woodoc Deep Penetrating Weatherproof Wax is ʼn onderhoudsproduk vir verseelde, buitehout. Dit help om die bestaande beskermende deklaag langer te laat hou. Dit voed die…

Hellebore Helde Jy sal jou pa nooit vergeet nie. Bederf hom hierdie Vadersdag met iets wat hy nooit sal vergeet nie – ʼn pragtige Hellebore! Hellebore het dit alles: Dis immergroen meerjarige plante, is maklik om te kweek, gehard en blom in die winter. Die groot variasie van blomme in asemrowende kleure sluit in spoggerige kartels, eksotiese spikkels, strepe, kolle en fyn beaarde kroonblare. Hellebore blomme kom voor in enkel, dubbel of anemoon vorm blomme, en die kleure wissel van spierwit, skakerings en tinte van pienk, geel, rooi en verruklike pruimpers, silwerswart en selfs appelgroen! Hellebores is geskik vir potte sowel as direk in die grond. In Suid-Afrika blom die Hellebore-hibriede (orientalis) oorvloediglik vir sowat drie maande van Julie tot September. Hierdie meerjarige plante word dikwels as die “koningin van…

Een van die stylgiere vir 2021 is om grond weer wild te maak en daar word baie gegons oor hoe om dit aan te pak (die artikel hierna het ʼn paar idees hieroor). Sommige kundiges beweer dat dit selfs belangriker is om die grond weer wild te maak as om die grond (“land” in Engels) self te laat herstel. Ons kan begryp dat ons deur die vernietiging van ongerepte wildernis soos reenwoude vir monokultuurboerdery biodiversiteit verloor het en die grond in so ʼn mate uitgeput het dat ʼn wereldwye verskuiwing in vernuwende boerderymetodes noodsaaklik is om grondbiologie te herstel. Trouens, wetenskaplikes voorspel dat ons minder as 50 oeste oor het voor grondvrugbaarheid sulke uiters lae vlakke bereik dat toekomstige oeste in gevaar is, en dit sal vanselfsprekend voedselsekuriteit wereldwyd beinvloed.…

Heuningblommetjies (Lobularia maritima) is een van die tuinier se getrouste bondgenote wat welkome kleur heeljaar met die minste moeite gee. Hierdie droogtebestande en hittewerende plante is die ideale plante vir randakkers, rotstuine, hangmandjies en houers. Die massa heuninggeurige blomme is te kry in delikate skakerings van pienk, wit, laventel en pers. Heuningblommetjies hou van son of halfskadu en verkies ryk, goed gedreineerde grond. Dit verdra ligte ryp en groei ongeveer 15 cm hoog en 20 cm wyd. ʼn Mens kan heuningblommetjies van saad kweek, maar ons doen aan die hand dat jy liewer gesonde saailinge kies wat by ʼn tuinsentrum van goeie naam gekoop word. Gesonde saailinge sal kwaliteitplante lewer wat met ʼn sterk vertoning van groot blomme spog.…

Komvormige enkelblomme van syagtige kroonblare sal liggies dans op dun harige stingels bo diepgelobde, donsige grysgroen blare. Geen skielike koue of miserabele weer sal hul skitterprag bederf nie, en hoe meer blomme jy pluk, hoe meer moedig jy hulle aan om weer te verskyn. Hoewel die Yslandse papawer (Papaver nudicaule) as meerjarige veldblom geklassifiseer word, word dit gewoonlik as ʼn winter- en lentejaarplant gekweek, perfek om helder kleur te gee tussen rustende roosbosse, lenteblommende bolplante, as randakkerplante of as deel Plantnotas • Kies die sonnigste kol moontlik.• Verskaf goed dreinerende, komposverrykte grond.• Koop jong saailinge wat nog nie kleur wys nie en wees uiters versigtig as jy hulle uit die saailingbakkies uitdruk en oorplant omdat hulle baie delikate wortelstelsels het.• Hou die grond klam, maar moenie hulle oorbenat nie. Die…

Jy het nodig ʼn Vlak bonsaibak Gruis Potgrondmengsel (20% palmveen, 70% goeie potgrond, 10% perliet) Dryfhout of getekstureerde stomp (ons sʼn is sowat 30 cm lank) Veenmos Tuindraad Vloeibare plantvoedsel ʼn Gieter 3 x miniatuur-Phalaenopsis-orgidee 3 x Davallia bullata-varings 1. Bedek die pot se dreineergat met gruis en maak dit halfvol potgrond.2. Sit die dryfhout in die middel van die pot. Begin met die varings en plant hulle om die dryfhout. Vul met grond op tot net onder die rand en druk dit vas.3. Haal die orgidee uit hul potte en pluis die rotswol uit. Sit van die veenmos in barste in die hout om ʼn kussing vir die orgidee te skep. Sit die orgidee in die gate en bind hulle met tuindraad vas. Vul om die wortels op met…

✓ Leliebolle is nou te kry om te plant. Kies slegs bolle met vlesige, diggepakte skubbe wat geen teken van verrotting toon nie en plant hulle onmiddellik. ✓ Verwyder groot oorhangende takke naby die huis en ondersoek ook die middel van groot bome vir dooie of siek hout. As die tuin in die somer te veel skadu gekry het en jou bome meestal bladwisselend is, is dit ʼn goeie plan om hul kaal silhoeette te bestudeer om te sien of jy nie dalk ʼn paar van die binneste takke kan verwyder om hul krone minder dig te maak nie. Dit word “bevering” genoem. ✓ Herstel al die los bakstene of plaveistene op paadjies en patio’s en as jy alge het wat hulle kan glad maak, wend ʼn mosdoder aan of…

Die wêreld het ‘n treurige plek geword en niemand is onaangeraak nie. Afgesien daarvan om ‘n professionele kopdokter te raadpleeg of om antidepressante te drink (beide duur, maar die regte opsies), wat anders kan ‘n mens doen om ‘n manier te vind om die pyn en verlies wat jy voel uit te druk? Daar is mense wat troos daarin vind om vir meer as ‘n jaar noual elke aand te braai. Vir sommiges mag dit raar klink, maar ek kan verstaan dat om in die vlamme van ‘n vuur te sit en staar, terapeuties is. Vlamme ontsluit die geleentheid om aan moeilike goed te dink waarvoor ‘n mens dalk nie helderoordag kans sien nie. Ander siele wat vir jare nie aan ‘n naaimasjien geraak het nie, het hulle ou Singers…