Innholdsfortegnelse for January 2021 i Die Tuinier Tydskrif

Ons stel dikwels voor dat bolle, kruie, vetplante en ander plante in houers geplant word. Die keuse van die beste pot stel die plant in staat om te gedy en op sy beste te lyk. Capi Pots is ‘n uitstekende keuse – daar is ‘n omvattende katalogus van groottes en ontwerpe, wat volgens hoë standaarde in Nederland vervaardig word, met keuses vir binne en buite. Die meeste potte in die reeks is lig, ofskoon hulle sterk genoeg is om baie jare lank teen die elemente weerstand te bied. Plantbakke Capi vervaardig ‘n groot reeks plantbakke, dus sal daar beslis een wees om in die ruimte te pas en vir die plante te werk wat jy in gedagte het. Wat jy ook al wil he, klassiek en rustiek of modern en…

Ontspan, daar is wel kort paaie en kitsbevrediging te kry. Dis nie kul nie, net ‘n uitstekende plek om te begin terwyl jy jou groentekweekvaardighede slyp. Met ervaring sal jy dalk ook verslaaf raak aan die kweek van groente van saad en die wonder ontdek om te kyk hoe saad uitspruit. 5 wenke vir nuwelinge Vat dit kalm: Jy hoef nie nou al die gesin te voed nie. Begin klein en met groente wat maklik is om te kweek. ‘n Goeie manier om te begin is om ‘n paar blaargroente en kruie vir slaai te kies. Ligging, ligging, ligging: Vind die regte plek met minstens ses uur sonskyn vir tuingekweekte groente en oggendson en namiddagskadu vir patiogroente. Motiveer jouself om jou doelwitte te bereik: Daar is niks daarmee verkeerd om…

Mense het in antieke tye die begeerte gehad om van plante te leer in die sin dat hulle dit in die natuur versamel het, ver van hul natuurlike habitats voortgeplant en volgens die metode van leer en probeer beproef het om te sien hoe dit benut kon word, en toe besef hulle dit het nie beskrywende name nie. Die identifisering van plante is die menslike sy van plantdialoog en staan bekend as botaniese nomenklatuur. Dit sluit in die formele wetenskaplike naamgewing van plante asook taksonomie, wat die groepering en klassifisering van plante in hoe ordes en families is selfs voor hulle eens in genera en spesies benoem word, wat op die manier hul tweetermige name skep. Hoewel Plinius die Ouere (23-79 n.C.) en monnike soos die Benediktyne op die vroegste…

Jy het nodig Hamer Spyker Handwerkmes Dun tou Ou hardebandboek (ons het ‘n A5 gebruik) A5-bladsye, gelinieer A4-plakboekpapier Servette Koeverte Lint Afvalstukkies materiaal Mod podge Houtgom Maak so 1. Haal die binnebladsye van die hardebandboek uit deur al met die binnekant van die boekrug langs versigtig met die handwerkmes te sny.2. Stapel A4-papiere volgens jou ontwerp op mekaar. Gebruik verskillende kleure papier en gom ‘n paar gelinieerde A5- bladsye of koeverte aan die een helfte van die A4-bladsy vas – die kombinasie berus by jou.3. Vou dit in die helfte en druk plat.4. Maak die bladsye oop en maak naby die vou vier gate met die hamer en spyker.5. Ryg tou deur die gate en bind dit af.6. Gaan voort totdat jy genoeg bondels papier met kleur gevul, koeverte en…

Die outenikwageelhout is een van Suid-Afrika se mooiste immergroen bome. Ou bome van hierdie spesie kan 60 m of hoer word, en die bekende Groot Boom van na bewering 800 jaar oud in die Tuinroete Nasionale Park het die onderskeiding dat dit die grootste en hoogste boom in Suid-Afrika is. Hierdie boom met sy uitstekende liggeel hout met ‘n fyn tekstuur wat welbekend in die houtbedryf is, kom voor in kus en bergwoude van die Outeniekwaberge in die Suid-Kaap tot in Noord-Limpopo, en strek noordwaarts tot in Ethiopie. Jong bome is aanvanklik keelvormig, maar ontwikkel mettertyd ‘n uiters mooi spreidende digvertakte kroondak. Die takkies is bedek met digte trosse smal sekelvormige diepgroen blare wat aanvanklik ‘n treffende liggroen kleur is as hulle in die lente verskyn. Hierdie lid van die…

Grond is die groeimedium van amper alle plante wat ons almal kweek, en moet net soos die plante onderhou word. Maak die voeding van jou grond net soos die voeding van jou plante deel van jou tuinmaakarsenaal. Talle van ons tuiniers was in die verlede al daaraan skuldig dat hulle die simptome van siek plante behandel en die oorsake veronagsaam het. As ons plante nie gehard is nie of swak groei, was ons geneig om misstowwe of ander groeiprodukte aan die grond of direk op die plante toe te dien. Ons het teen swamsiektes, plae en virussiektes gespuit en nooit stilgestaan om te dink hoekom ons plante daaraan ly nie. Het ons egter dieper gekyk, sou ons dalk besef het dat ons dit verkeerdom aanpak en eintlik gesonde plante in…

Ideale Huisplante vir Groentjies Dracaena massangeana Hierdie indrukmaker is ideaal vir gebiede met matige lig, maar kan vir kort tye swak lig verdra. Dis die ideale plant vir diegene wat hul huisplante gewoonlik versuip omdat dit van meer water hou as talle ander plante. Philodendron scandens Philodendron scandens is ‘n rankplant met blink effe groen of bont blare. Dit kan meters lank word met min moeite van besige binnenshuise tuiniers. MIN SORG Sansevieria (skoonma-se-tong) Sansevierias is teen amper alles bestand – ongunstige ligtoestande of die vergeetagtige natmaker. Hulle plant maklik voort en is te kry met treffende veelkleurigheid en gepunte blaarvorms om by die voorste moderne interieurs te pas. SWAK LIG Spathiphyllum Met blinkgroen blare en elegante wit bloeiskedes is dit moeilik om spathiphyllum mis te kyk. Dit is ‘n…

Die maandelange inperking weens COVID het ons gewys net hoeveel ons die platteland van ons pragtige land waardeer wat so vol inheemse sowel as uitheemse bome is. Hulle is skatte wat suurstof vervaardig, koolstof berg, die grond stabiliseer en skadu, voedsel en skuiling vir die mens en natuurlewe gee. Wat blote invloed en eteriese gehalte betref, kan geen lewende organisme by ‘n massiewe boom kers vashou nie. Gaan besoek ons erfenis Ons hier in Suidelike Afrika is gelukkig om ‘n paar van die ikoniesste bome ter wereld te he, en jy kan lid van die stylvolle boomliefhebberfamilie raak deur in 2021 op ‘n boomsafari te gaan om ‘n paar van hulle te besoek. Die Kremetart Kremetarte groei stadig tot reuse wat honderde tot duisende jare lewe. Hulle lyk soms of…

Kyk op Garden Tube Jy het nodig Water Appelwynasyn Suiker Skottelgoedwasmiddel Glasflesse Vet- of waspapier (keuse 1) Kleeflint Kleefplastiek (keuse 2) Rekkie Dun tou Spuitverf Maak so 1. Spuitverf die buitekant van twee glasflesse in die kleur van jou keuse en laat droog word.2. Meng saam ewe veel water en asyn (ongeveer ‘n kwart koppie van elk). Voeg drie teelepels suiker en een teelepel skottelgoedwasmiddel by. Gooi hierdie mengsel in die flesse. Jy het net genoeg mengsel nodig vir die vliee om in te verdrink – as jy groter flesse gebruik, moet jy dalk die hoeveelhede aanpas.3. Keuse 1: Maak ‘n tregter van die waspapier: Vou die papier in ‘n driehoek. Vou dit nog twee keer en gebruik die punt as riglyn. Knip die bokant af en vou dit oop.…

Toe ek die eerste keer die Dylan Lewis-tuin van beeldhouwerke buite Stellenbosch besoek, het ek nie geweet waarheen ek op pad was nie. Ek is net vir ‘n funksie uitgenooi en ‘n adres gegee. Min het ek geweet dat ek op die kunswerke van een van Suid-Afrika se bekendste eietydse beeldhouers vergas sou word, of dat die tuin self ‘n verlengstuk van sy werk is. As jy nie Dylan se werk ken nie, gaan kyk op sy webwerf of Instagram-toevoer om die omvang van sy vernuf te sien. Hy word algemeen beskou as een van die meesters van die diervorm, en veral sy wildekatte is iets om te aanskou. Deesdae konsentreer hy toenemend op die menslike vorm. Hy werk hoofsaaklik in brons. Dit duur vir ‘n tuinier gewoonlik ‘n ewigheid…

Miscanthus sinensis ‘Cabaret’ (sebragras) ‘Cabaret’ vorm ‘n digte pol van oor die 1 m hoog en sowat 2 m wyd. Sy skraal, lintvormige blare het roomwit middelriwwe en baie donkergroen rande. Die rietagtige blomstingels dra donkerpienk of koperagtige pluime in die lente wat tot laatherfs aan die plant bly en uiteindelik tot roomkleur verbleik. Gebruik dit as ‘n groot aksentplant – plant dit in groepe van drie tot vyf in die middel van die bedding. Bracteantha bracteata (strooiblom) Die strooiblom of sewejaartjie was ‘n paar jaar uit die mode, maar is met mening terug met die ‘Mohave’-reeks wat bestaan uit ‘n verskeidenheid iriserende kleure. Dit bied ‘n geronde groeiwyse en blom van die lente tot die herfs. HOOGSOMERTREFKRAG Gebruik dit om kaal kolle op die voorgrond toe te maak. Salvia…

Water Te veel of te min is dikwels die rede waarom huisplante doodgaan. Die geheim vir suksesvolle natmaak is nie gelee in ‘n skedule wat jy onvermydelik sal vergeet nie, maar in ‘n eenvoudige kunsie – druk jou vinger in die grond in om te voel of die bolaag droog is – maak nat as dit wel is. Dreinering ‘n Deurslaggewende element by natmaak is dreinering. Ons is almal in die versoeking om huisplante in ‘n dekpot sonder dreineergate te sit – behalwe dat dit mooi is, beskerm dit ook meubels teen waterskade. Maak egter seker jy haal die plant uit die dekpot uit om nat te maak en laat die water goed uitloop voor jy dit weer vertoon. Lig Hoewel die meeste huisplante se ligvereistes effens verskil, waardeer hulle…

✔ Dis nou tyd om steggies te maak wat voor dit weer winter is goed bewortel en reeds sterk genoeg sal wees vir uitplant. Plante om voort te plant is al die vygies, malvas, magrietbosse en laventels. ✔ Vernuwe jou petunias as hulle langbenig geraak het en swak groei deur hulle terug te snoei en goed te voed. Dit sal hulle aanmoedig om nog ‘n keer tot goed in die vroee herfs te blom. ✔ As jou beddings laatsomerkleur nodig het, plant saailinge van jaarplante soos celosias, rooisalies, vincas, portulakke en afrikaners. Hulle almal sal maande lank die fort hou. ✔ Voed tuinhouers, jong saailinge en binnenshuise plante nou tweeweekliks met wateroplosbare veeldoelige produkte. ✔ Plant biesies (Juncus effusus) in jou dammetjie om bedekking en nesmaakplek vir vleilandvoels en ander…