Innholdsfortegnelse for October 2020 i Die Tuinier Tydskrif

Noudat die grendelreels effens verslap is, was ons gister op ʼn GROOT DAGUITSTAPPIE na, wag net ʼn bietjie, Pietermaritzburg! Ja, goed – sommige van julle sal wel se dat Pmb.net met die pad op is van waar ons woon, en jy’s reg, dit is. Maar vir my was dit ʼn yslike avontuur! Dit was ongelooflik om uit te kom, by ʼn restaurant te sit en ʼn warm, gladde cappuccino in ʼn koppie met ʼn piering te geniet (wel, weet jy, tuis is daar net bekers). Ons het die geleentheid benut om ʼn paar tuinmaakerfstukke by die talle weggesteekte tweedehandse winkels in Pmb. te soek, en natuurlik het ons ʼn tuinsentrum of twee besoek. Wil jy glo: Ons het met ʼn kattebak vol plante teruggekom! Die hoofrede vir die besoek was…

MOENIE HULLE DWING NIE Ek ken die pyn van om ʼn pragtige plant vreeslik graag in die tuin te wil he en om jou uiterste bes te doen om dit te laat werk, met hoegenaamd geen sukses nie. Talle plante is al na die plantbegraafplaas gestuur omdat ek hulle wou dwing om te groei op ’n plek waar hulle nie bedoel was om te groei nie. Kennis van die regte toestande kom daarop neer om die plant se natuurlike omgewing – byvoorbeeld onder woudbedekking of langs ʼn rivier – in ag te neem en dit te gebruik om te bepaal watter plante werklik in jou tuin sal aard. Die regte omgewing vir die plante moet die belangrikste wees as vir hulle tuingemaak word. Tuinmaak vir die plante, troeteldiere en die…

Die meeste kompakte variëteite is te kry as patiogroente of saad wat aanlyn bestel kan word by https://gropak.co.za, terwyl saadpakkievariëteite van tradisionele tuin-en erfenistamaties te kry is by Kirchhoffs, RAW, Garden Master, MayFord, Starke Ayres en Livingseeds. Toe word erfenistamaties mode, met bykomende geur, verskeidenheid en kleur om die kweek van tamaties groter pret te maak. Nou is daar ʼn nuwe geslag tamaties wat net so lekker soos die erfenistamaties is maar wat makliker is om suksesvol te kweek. Hulle is meer siektebestand, baie produktief, en die verskeidenheid is enorm. In die kersietamatiekategorie alleen is daar ʼn reënboogmengsel, piepklein korentetamaties, tuimelaars vir hangmandjies, netjiese houervariëteite en selfs minitamaties vir vensterbakke. Plekbespaarders As gevolg van die druk op ruimte was die grootste ontwikkeling die bekendstelling van kompakte tamaties met ʼn hoër…

Hoe, wat, wanneer en hoe dikwels • Dis die beste om ʼn wateroplosbare misstof vir jou orgidee te gebruik. Dit hoef nie ʼn misstof spesifiek vir orgidee wees nie – ons gebruik ʼn algemene misstof by die kwekery. • Gebruik ʼn misstof met ʼn hoe stikstofinhoud gedurende die lente en somer om baie sterk gesonde groei te verseker. Bemesting met ʼn hoe kaliuminhoud gedurende die herfs en winter sal jou plante versterk, wat hulle in staat sal stel om die koeler, droer weer beter te weerstaan. • Dien wateroplosbare misstof volgens die dosis op die verpakking toe (moet dit nooit sterker maak as wat aanbeveel word nie). Ons spuit die hele plant en laat van die misstof toe om na die wortels af te loop. Sodoende kan die misstof deur…

Die statige swaardlelie Vir net ʼn klein belegging (die gerokte knolle is goedkoop en in enkel en gemengde kleure te kry) kan jy gladioli in groepe plant om hul lang blomare van vroegsomer tot die begin van die winter te geniet. Plant hulle in groot groepe van ongeveer 25 gerokte knolle in die middel en na agter in ʼn meerjarige bedding. Hulle verlang goed dreinerende, losgemaakte sandleemgrond op ʼn sonnige plek. Plant die gerokte knolle 10 cm diep en 15 cm uitmekaar – die onderkant van die gerokte knol is die plat kant met die effense holte. Pluk vir die vaas Om swaardlelies vir die vaas te pluk, trek bloot die gerokte knol uit, sny die stingel en die blare af en gooi die gerokte knol dadelik weg. Gekleurde aronskelke…

Monstera deliciosa Die geraamteplant, ʼn rankplant met reuseblare wat gewoonlik buite teen ʼn stewige boom gegroei het, het in die laaste tyd een van die gewildste binnenshuise plante op die mark geraak! Dit het diepgesnyde heldergroen blare aan dik groen stele en het volop plek nodig om binnenshuis in helder lig te groei! Dis ʼn honger monster wat maandeliks in die lente en somer vloeibare misstof nodig het, en sodra dit wortelgeknel raak gereeld oorgepot moet word in ʼn pot wat net een grootte groter is. Basiese sorg is om slegs nat te maak as die bogrond droog voel, en om die blare gereeld met ʼn nat doek skoon te maak om hulle stofvry en blink te hou. Philodendron bipinnatifidum ‘Hope’ ‘Hope’ is ʼn nierankende varieteit van die boomfilodendron met…

Bougainvilleas, wat inheems in die vogtige kusklimaatstreke van Brasilie is, vaar die beste in soortgelyke klimaatstreke, maar gedy eintlik in die meeste gebiede waar die temperatuur in die winter nie onder vriespunt daal nie en die somers warm is. Bedek jou bougainvilleas met rypdoek of plant hulle teen ʼn muur vir beskerming – of albei – in gebiede waar die temperatuur wel onder vriespunt daal. Gedurende die droe seisoen is bougainvilleas op hul treffendste en pronk met vertonings van tuimelende kleur. Papieragtige skutblare verskaf egter die kleur, nie die klein en betreklik onbeduidende roomkleurige of wit blommetjies wat hulle omring nie. Die skutblare self is te kry in ʼn verskeidenheid kleure van lila tot oranje, pienk, pers, rooi, violet, wit en geel, en wat jou paletvoorkeur dus ook al is,…

Kruie is die kostuinier se beste vennoot in die strewe om groente organies te kweek. Die vennootskap strek veel verder as om kruie as insekweerders te plant of in spuitmiddels te gebruik. Gebruik kruie om ʼn voedingstofryke vloeibare misstof te maak wat koste bespaar deur plante gratis te voed. Kruie wat by die komposhoop gevoeg word, breek dit vinniger af en vul mikroelemente aan vir goed gebalanseerde kompos. Ander kruie verbeter die grond en dien as groenbemesting. Blomkruie lok bestuiwers, wat die produktiwiteit van vrugdraende groente verbeter. Kruie verbeter ook die geur van groente as dit daartussen geplant word. Hoewel dit moeilik bewysbaar is, blyk dit tog dat groente wat saam met hul metgeselkruie geplant word meer siektebestand is. Baie kruie is ook op hul eie eetbaar, en nie net…

As jy ʼn warm, windbeskutte balkon of patio met son of spikkelskadu het en dit wil vul met een van die beste meerjarige blomplante wat al ooit vir houers, hangmandjies of fyn traliewerke om teen op te klim geteel is, kies een of almal uit die lieflike ‘Diamantina’- reeks van mandevillas (dipladenias). Al klouter of rank hierdie plante, is hulle kompak en bosagtig met geweldige blomkrag. Die kleure sluit in wit, verskillende pienke en helder tot dieprooie. Hierdie plante is nie watersuipers nie, en die helder blomkleure verbleik nie in die son nie. Groeiwenke Plek: Oggendson en namiddagskadu is perfek. Mandevillas hou nie van ʼn droe atmosfeer, swak lugomloop om hulle, of groeiplek teen ʼn bakkende muur nie. Grond: Hulle wil goed dreinerende potgrond he wat met kompos, beenmeel en…

Somer, skadu en coleus (josefskleed) pas goed bymekaar. As jy ʼn gunstelingvarieteit het wat reeds in jou tuin groei en meer van dieselfde wil he, of as jy ʼn bietjie steggiemateriaal gegee word, bewortel steggies vinnig in water op ʼn helder vensterbank. . Jy het nodig Goeie gehalte steggiemateriaal ʼn Glasfles ʼn Stuk tinfoelie ʼn Sker • Gebruik puntsteggies van 8 tot 15 cm lank en verwyder tweederdes van die onderste blare.• Maak die fles vol water en vou die tinfoelie oor sy bek. Steek ʼn paar gate in die foelie met die punt van die sker.• Steek die steggies deur die gate en maak seker die oorblywende blare is bo die foelie.• Gooi water in die fles by as dit nodig is.…

Enigiemand wat al ooit ʼn hele pakkie rooiuiesaad gesaai het, sal weet dat dit jou minstens ses maande van uie sal voorsien (en dis nadat jy die helfte vir die bure weggegee het!). Sodra die uielowwe verlep en omval, is die uie gereed om uitgehaal te word na ʼn lang tyd van sowat 220 dae. Bere die los uie op ʼn koel plek of bind dit in bossies vas as die plek min is. Diegene wat vasbeslote is om uie vir tye van nood, of selfs vir die volgende dekade, te bere, moet uie probeer ontwater en verpak om te bere. Hierdie soort preservering kan uie 10 tot 15 jaar laat hou. Ontwatering van uie • Die maklikste manier daarvoor is in ʼn dehidreerder. Skil en sny die uie in…

Regopgroeiende rankplante is ʼn nuttige hulpmiddel in die tuin om onooglike vertikale strukture weg te steek en verander hulle van ʼn doring in die oog na ʼn strelende groen muur wat dikwels blomme met ʼn heerlike geur dra. Hulle is ook baie nuttig om pergolas, boe en latwerke voor berg-en onderhoudsplekke te bedek. Hierdie soort vertikale tuinmaak vir kleiner ruimtes vereis baie min moeite vir die hoogste beloning. Die beste tyd om rankplante te plant is as die grond begin opwarm namate die somer aan die kom is. Doen dit • Omlyn waar jy wil he die rankplant moet kom: Dit moet hoogstens 10 cm van die rankstruktuur of heining af geplant word en die gat moet dubbel die wydte van die kwekerysak wees.• Grawe die gat dubbel die diepte…

Tuingereedskap is duur en moet opgepas word om dit langer te laat hou. Gebruik hierdie wenke om jou gereedskap reg en roesvry te hou: • Was vuil gereedskap met warm seepwater af. Droog dit af. Maak ʼn houer vol met skoon growwe sand. Spuit Q20 of WD 40-olie in die sand en op die gereedskap. Steek jou gereedskap in die sand en bere dit so tot jy dit weer gebruik.• Maak elke keer na gebruik die lemme van snygereedskap met ʼn olielap of draadwol skoon om sap te verwyder wat op die lemme droog geword het, en olie dit dan liggies.• Draai van tyd tot tyd die bout stywer om die lemspanning van die heiningsker stywer te maak om doeltreffender te sny.• Goeie kwaliteitgereedskap kan skerpgemaak word. As dit nodig…

Hoëveld en KwaZulu-Natalse Middellande Aspersies, beet, bos-en rankskorsies, brand-en soetrissies, eiervrugte, komkommers, pampoen, radyse, seldery, spinasie en snybeet, stam-en rankbone, suikermielies/mielies, tamaties, waatlemoen en spanspek, witwortels en wortels Middelveld (Tshwane en ander gebiede met minder ryp) Aspersies, beet, bos-en rankskorsies, brand-en soetrissies, eiervrugte, komkommers, pampoen, radyse, spinasie en snybeet, stam-en rankbone, suikermielies/mielies, tamaties, waatlemoen en spanspek, witwortels en wortels Oos-Kaap en Klein-Karoo Aspersies, beet, blaarslaai, bos-en rankskorsies, brand-en soetrissies, eiervrugte, komkommers, kool, pampoen, radyse, snybeet, spinasie, stam-en rankbone, suikermielies/mielies, tamaties, waatlemoen en spanspek, en wortels Wes-Kaap en Suid-Kaapse kus Aspersies, beet, blaarslaai, bos-en rankskorsies, brand-en soetrissies, eiervrugte, komkommers, pampoen, radyse, rape, stam-en rankbone, suikermielies/mielies, waatlemoen en spanspek, witwortels en wortels Noord-Kaap en Groot-Karoo Aspersies, beet, bos-en rankskorsies, brand-en soetrissies, eiervrugte, komkommers, pampoen, radyse, snybeet, spinasie, stam-en rankbone, suikermielies/mielies, tamaties, waatlemoen…

Hierdie geurige somerjaarplant verleen sy pikante geur en smaak aan ʼn menigte ligte somermaaltye. Plant dit in vrugbare, goed gedreineerde grond in beddings wat oggendson en namiddagskadu kry. Maak gereeld nat en bemes maandeliks met ʼn vloeibare misstof om welige blare te bevorder. Verwyder die blompunte, anders gaan die plant saadskiet. Basiliekruid groei ook goed in potte. Ander basilievarieteite sluit in pers basiliekruid, basiliekruid ‘Genovese’ (geskik vir pesto), basiliekruid ‘Red Ruffle’ (interessant in slaai), sitroenbasiliekruid, ‘Greek Columnar’-basiliekruid (klein blaartjies, intense geur) en kaneelbasiliekruid (? warm kaneelgeur). Preserveer vars basilieblare deur hulle in ysblokkiebakkies vol water te bevries. Ons vonds Hierdie nuwe vertikale tuinmaakstelsel word gebruik om slaai en blaargroente, kruie en aarbeie te kweek. Dit is eenvoudig en bekostigbaar, wat dit ideaal vir die huistuinier maak. Dit bestaan uit stroke…

Jy het nodig 18 mm alkantgeskaafde (“PAR”) dennehout wat soos volg gesaag is: 6 x 190 mm x 70 mm (kis-endkante) 6 x 1230 mm x 70 mm (kis-voor-en-agterkant) 4 x 190 mm x 70 mm (kis-onderkant) 4 x 1000 mm x 70 mm (pote) 2 x 1030 mm x 70 mm (raksteun) 13 x 214 mm x 70 mm (raklatte) 5 mm-tappe 35 mm-houtskroewe 20 mm-houtskroewe Houtgom Houtvuller 2 x 60 cm-vensterbakke Woodoc 50 Marine Sealer (Clear, Gloss or Matt) Woodoc Colours (Brights: Blue) Minerale Terpentyn Maak so 1. Maak heel eerste drie identiese reghoeke. Gom en skroef (35 mm-skroewe) ʼn kis-vooren-agterkant aan twee kis-endkante vas en boor loodsgate sodat die hout nie bars nie. Herhaal tot jy drie reghoeke het.2. Maak nou die onderste rak. Heg een raklat…

Liewe Moeder Natuur (en die President), Soos twee verskimmelde muise wat bangerig uit hulle gate kruip, het ons uit die dorp geglip na ʼn lang periode van isolasie op ons werf om u wilde en altyd ope tuine te gaan besoek. Alhoewel ons plan was om Weskus toe te ry opsoek na Namakwalandse madeliefies en vygies, het ons besluit om ‘n lang ompad te ry via ʼn paar Wes-Kaapse dorpe op pad na Lambertsbaai, sommer net omdat ons skielik voelvry gevoel het! Aangesien ons twee gryskoppe is met baie beperkte tegniese kennis, het ons daai GPS-ding se opdragte op ʼn tablet met ʼn erg gekraakte skerm heeltemal verkeerd vertolk, die regte afdraaie gemis, en erg verdwaal. Toe beland ons op ʼn eensame, klipperige grondpad deur ʼn hoe bergpas (die Middelbergpas)…

Een van die bevredigendste aspekte van die kweek van bonsai is om dit van steggies voort te plant. Hierdie proses staan ook as kloning bekend, en hoewel dit op groot skaal vir gewasvoortplanting gebruik word, is dit ook uiters doeltreffend vir bonsai. Die proses is eintlik baie eenvoudig: Sny ʼn klein takkie van ʼn moederboom af, plant dit in grond en binne ʼn paar maande het dit wortelgeskiet. Siedaar – nog ʼn klein boompie! Ek wens alles het so gewerk! Verbeel jou jy sny ʼn R10-noot in tien klein stukkies op, druk dit in die grond in, en binne ʼn paar maande het jy R100! Dit klink dalk ʼn bietjie verspot, maar op ʼn manier is dit wat ons met steggies doen. Wees realisties Die kunsie met steggies is om…

Die lieflike grasangeliere Dubbelblommige Dianthus caryophyllus, wat ook potangeliere genoem word, is sinoniem met die lente aangesien dit in die koel weer ʼn massa speserygeurige blomme in alle skakerings van pienk oplewer. Plant die lede van die nuutste ‘Oscar’-reeks as randplante, in potte of vensterbakke. 25 x 25 cm. Die baardangelier ‘Dash’ Dit het lang, reguit en sterk stingels wat bolle diggepakte blomme voortbring, en is ʼn basale vertakker wat nie gestut hoef te word om sy hoogte van 50 cm en verspreiding van 35 cm te ondersteun nie. ‘Rockin’ Hierdie tweejaarplant dra effens geurige intense blomme, en het selfs goeie oorwinteringsvaardighede. Beproef beslis ‘Rockin Red’! 60 x 30 cm. ‘Jolt’ Die plant is goed hittebestand met sterk donkergroen loof en skreeuhelder blomkleure in ‘Cherry’, ‘Pink’ en ‘Pink Magic’. 50…

As jy graag ongewone vetplante met vreemde blomme versamel, probeer ʼn aasblom (Stapelia) in die hande kry. Die lede van hierdie enorme genus, wat inheems in Suid-Afrika en ander gebiede van die vasteland is, is bekend vir hul onwelriekende blomme wat so aanloklik vir bestuiwende miere en vliee is. Hierdie laaggroeiende plante met regop vierhoekige stingels is groen of rooierig na gelang van hul blootstelling aan die son. Die stervormige blomme, wat van midsomer tot die herfs laag op die plante verskyn, is baie wollerig, en sommige van hulle lyk na en ruik soos vrot vleis (hoewel dit nie die geval by al die spesies is nie). Hulle word gevolg deur lang saadpeule wat vol saad met pluisies hare is. Hierdie uiters minsorgplante verkies ʼn goed dreinerende vetplantgrondmengsel, ʼn bietjie…

Kyk op Garden Tube Dis moeite om jou tuin vir Halloween te versier. Min mense het die tyd om plastiekpampoene en papiergeraamtes met sorg op plekke te sit net om dit ʼn week later weer te verwyder en tot volgende jaar in die motorhuis in te prop. Hoekom gebruik jy nie die tuin om vir jou te spook nie? Hierdie plantbak kan vir Halloween-nag versier word, maar anders as goedkoop dekor sal dit die res van die jaar gerieflik op jou patio bly. Stappe: • Kry ʼn groot swart pot of verf ʼn terracottapot swart met akrielverf.• Sit klippe of potskerwe onderin die pot om te keer dat die grond deur die dreineergate uitval.• Maak die pot halfvol met ʼn mengsel van drie dele potgrond, een deel palmveen en een…

Jonkmansknopie (Gomphrena globosa) is ʼn langblommende jaarplant vir ʼn snyblom-of prerietuin. Hoewel dit ʼn amper vergete plant uit die verlede is, is daar vrolike nuwe hibriede wat dit verbeter het. Hierdie somerblommende plante gedy in hitte, vogtigheid en skraal grond. Dit dra pienk, wit en pers bloeiwyses soos kougomballetjies wat bestaan uit stywe papieragtige skutblare wat piepklein trompetvormige wit en geel blommetjies ondersteun. Die hele kompakte eenheid behou sy vorm en kleur na droging, wat van hierdie jaarplante ʼn gunsteling in droe rangskikkings maak. Jy kan of saailinge koop of jou eie saai. As jy laasgenoemde verkies, week die saad ʼn dag of twee en saai dit direk in goed bewerkte grond op ʼn sonnige plek in die tuin. Knyp die eerste blomme uit om bosagtige plante en meer blomme…

Convolvulus sabatius (akkerwinde) is ʼn grondbedekker wat perfek is vir twee gebruike: keermure en as blomtapyt rondom hoe rose in ʼn groot roosbedding. Dit groei vinnig, het ʼn plat, spreidende groeiwyse en dra digte mentgroen blare onder ʼn massa hemelsblou oop trompetvormige blomme. Sluit dit vir ʼn skouspelagtige lente-en somervertoning as tuimelende vullerplant met kolsuring (rankmalva) by gemengde hangmandjies en houers in. Akkerwinde groei in volson of oggendson en namiddagskadu mits dit goed gedreineerde grond het. Waterbehoeftes is matig tot hoog op warm plekke soos songebakte keermure.…

• Die meeste groente en jaarkruie kan hierdie maand gesaai word.• Bedek beddings en maak meer gereeld nat.• Hou by met opvolgaanplanting.• Dun uit en plant veral wortel-en beetsaailinge oor.• Erd aartappels op en werk grond op om ander groente wat ondersteun moet word, soos bone en suikermielies. • Voed jong saailinge met verdunde vloeibare mis.• Plant patatsteggies.• Knyp die groeipunte van eiervrugte uit sodra hulle vyf of ses blare het om die opbrengs te verhoog. • Verwyder onkruid gereeld.• Ondersoek alle plante vir plae, siektes en terugsterwing. Spuit plae met natuurlike produkte sodra hulle opgemerk word en herhaal tot hulle nie meer bedrywig is nie. ʼn Vreemde groente ‘Sweet Dumpling’ van MayFord Seeds kan binne 55 dae as klein pampoentjie geoes word, of gelaat word om bekwaam te raak.…