Innholdsfortegnelse for August 2020 i Die Tuinier Tydskrif

Met die langste nag en kortste dag nou verby (dankie tog) kan daar net goeie dinge voorle! Ons het nou almal in ons nuwe normaal gevestig geraak – selfs hier by Lonehill het die nuwe ritme om by die huis te werk en slegs by die kantoor in te waai vir noodsaaklike vergaderings die nuwe norm geword. Ek glo vas dat ons as onderneming tot dusver die ergste van die ergste uitdagings te bowe gekom het. Ons is steeds hier, aan die publiseer, ons hou jou op die hoogte op Facebook, het weeklikse afsprake met jou regstreeks op Facebook, en, (kan jy dit glo!) ons begin volgende week met die verfilming van die volgende seisoen van The Gardener vir The Home Channel! Ek wil julle almal graag bedank vir jul…

Nuwe vrystellings van hierdie immer gewilde blomplante (met inheemse voorouers) verskyn elke jaar, en die goeie nuus is dat hulle kompakter maar veeltakkige groeiwyses het, oorvloediger blom en beter teen siekte bestand is – ons bedank die onvermoeide en toegewyde telers hiervoor. Vanwee hul pogings en die kweekvaardighede van ons plaaslike bedryf kan ons ons potte, vate, vensterbakke en beddings vol maak met die nuutste perdeskoenpelargoniums, en hangmandjies, vensterbakke en keermure beplant met taai, rankende kolsurings. Blomtyd Die meeste moderne varieteite blom herhaaldelik deur die jaar, maar die natuurlike spitsblomtyd is in die lente en weer in die herfs as die temperature matiger is. Die beste klimaat In baie koue streke moet hierdie plante of as eenjarige somerkleur behandel of op baie beskutte plekke geplant word. In gematigde, warm tot…

Kruie is nie net goeie plantmaats vir groente nie, maar is ook ryk aan voedingstowwe, is minder veeleisend om te kweek, kan heeljaar geoes word en daar is geen beter manier om kos natuurlik te geur nie. Augustus is’ngoeie tyd om jou kruietuin te beplan of om te besluit hoe om kruie by die groentetuin in te sluit. Teen September moet jy gereed wees om te plant. Hoewel dit in die menslike natuur is om kop eerste in te duik, is die beste manier om jou kruietuin ten beste te benut met’nplan. Die beplanning van’nkruietuin behels om op’ntema te besluit, die plek te kies, die ontwerp te maak en’nkruielys op te stel. Stap een Begin deur’ntema te kies, of dit nou kuliner of genesend is, of dalk ietsie van albei.…

Spinasie isʼnbaie veelsydige blaargroente wat inʼnverskeidenheid geregte, vir doopsous, sop, pesto, die bolaag van pizza en as jong blare vars in slaai gebruik kan word. Die beste manier omʼngroot spinasie- of snybeetoes te benut, is om dit te blansjeer en te bevries. Buiten die vars blare is die smaak van bevrore spinasie baie soortgelyk aan die van vars gekookte spinasie wat dit die voorbereidingstyd vir bevriesing werd maak. Was die blare goed in soutwater (net ingevalʼnpaar tuingoggas ingeglip het). Skud die oortollige water af en pak dit inʼngroot kastrol metʼndeksel waarinʼnbietjie olyfolie is. Bedek en verhit. Dit duur sowat 5 minute vir die spinasie om sag te word. Haal dit van die hitte af en sit inʼnvergiettes sodat die oortollige water kan uitloop. Kap grof op as dit afgekoel is,…

As jy ruimtes het wat moet vol kom maar platsak is, kry Erigeron karvinskianus. Disʼnvinniggroeiende, goedkoop immergroen plant wat in splete en krake in klipmure en selfs in vlak skraal grond tussen plaveistene ingesteek kan word. As dit eers in jou tuin gevestig is, sal dit nooit weggaan nie en op die onverwagste plekke verskyn. Soms raak dit rustend in die somerhitte om net weer te verskyn en te gedy as dit afkoel. Versorg jy vlooikruid goed, sal dit amper heeljaarʼnmassa piepklein wit madeliefieblommetjies metʼnpienk tint dra. Dis gehard en groei in volson tot halfskadu in goed gedreineerde sandgrond. Maak dit gereeld nat in die somer en minder in die winter. Snoei dit met die heiningsker terug as dit nodig is.…

Hierdie vreemde maar oulike immergroen meerjariges wat maande lank blom, het ontstaan uit die kruising van twee Australiese spesies omʼngroot reeks dwergkultivars (50 – 60 cm by 45 cm) te kry met groot blomkrag inʼnreeks helder kleure. Ondergrondse horisontale wortelstokke gee lewe aan polle taai, swaardagtige groen blare en waaiers blaarlose stingels met raseme tweelippige tuitblomme bo. Sowel die stingels as die blomme is bedek met kleurryke wollerige hare wat daaraanʼnfluweelgevoel gee. Oopgaande blomme klok by hul punte uit in ses groenerige kroonblare wat naʼnklein pootjie lyk. Die blomme hou lank aan die plant asook in die vaas en is baie gewild as kommersieel gekweekte snyblomme. Tuinplante blom feitlik heeljaar as hulle die regte groeitoestande gegee word: • Klimaat: Kangaroepoot hou vanʼngematigde klimaat met lae humiditeit, verdra ligte ryp en…

Kruid van die maand Pietersielie isʼnstapelkruid in die tuin met verrassend baie voordele. As garnering rond ditʼngereg af. Dit isʼngoeie bron van vitamien C asook ander vitamiene, verlig indigestie en isʼnnatuurlike uriendrywer. Kap dit op en voeg dit by troeteldierkos om van wurms ontslae te raak. In die tuin lok dit plantluise van rose en groente af weg. Dit wil minstens vier uur son per dag he, en diep, vrugbare grond wat goed dreineer. Bemes dit maandeliks en maak gereeld nat. Die grond moet nooit heeltemal uitdroog nie. Moenie dit saam met ment plant nie. Vergelende blare dui opʼndreineringsprobleem (te nat) ofʼntekort aan misstof. Plant nuwe plante elke ses maande uit.…

Rosesorg vir Augustus • Snoei klaar teen die eerste week van Augustus in die meeste gebiede. Wag met snoei tot die middel of einde van Augustus in baie koue gebiede soos Underberg, Kokstad en die Oos-Vrystaat.• As die grond nie na snoei omgespit, kompos gegee en bemes is nie, moet dit gedoen word voor die rose begin uitspruit.• Vermeerder natmaak na twee maal per week omdat die rose hul aktiefste groeifase binnegaan. • Bemes met Vigorosa. Wag met bemesting tot einde Augustus of vroeg September as die rose na snoei bemes is.• Begin ondersoek die punte van nuwe groei vir plantluise. Spuit met Ludwig’s Insect Spray of deurweek die grond rondom die rose met Koinor, wat ook blaaspootjies uitroei. Dit hetʼnlang nawerking.• Dienʼndeklaag rondom die rose toe vanaf einde Augustus…

Spuit sitrus teen dopluis en plant bladwisselende vrugtebome en bessies. Hou alle subtropiese vrugte goed benat en voed metʼnmisstof vir vrugte en blomme. Snoei formele en informele heinings en maak skoon onder hulle. Voed metʼngebalanseerde misstof en maak goed nat. Snoei die volgende herfs- en winterblomstruike sodra hulle klaar geblom het: karlienblomme, syselbosse, Kaapse kanferfoelies, hypericums, heliotrope, solanums, kanarieklimop, gouereen en buddlejas, terug. Snoei bloureen sodra dit klaar geblom het deur die sytakke tot ongeveer drie ogies terug te sny. Begin plant somerblombolle soos gladiolus, spinnekoplelies, georgelelies, soetamaling, galtonias, watsonias, schizostylis, liatris, crocosmias, eucomis en stormlelies. Begin saai somerjaarplante in voorbereide saadkissies in gematigde gebiede om kaal kolle in randakkers toe te maak. Saai die saad van kosmos, heuningblomme, cleomes, godetias, lavateras, afrikaners, floksies en nicotiana. Voed suurliewende plante soos…

Jare gelede is ek gestuur om ‘n driedagkursus oor ‘probleem-identifisering en besluitneming’ by te woon. Om ‘n probleem te identifiseer (soms is die persepsie daar dat iets nie regtig ‘n probleem is nie) verg baie vrae om agter te kom wat fout is, en hoekom daar fout is. Die oplossing verg weer baie (hopelik logiese) stappe om die skade wat veroorsaak is te minimiseer met goeie besluite. Hierdie kursus was tot nou toe, nogals van waarde vir my. Maar, vandat ‘n sogenaamde “Bevelsraad” my soos ‘n kind begin behandel het deur voor te skryf wat ek kan doen en nie, wat om aan te trek en nie, wat ek kan koop en wat nie, om heeltyd tuis te bly en te vertelle gehad het dat “Friday comes after Thursday” blyk…

Camellia ‘Valentine Day’ Dit is’nstadiggroeiende maar taai kultivar van C. japonica en C. reticulata, en word as’noutydse erfenisplant beskou. Gebruik dit as groot agtergrondstruik of klein eksemplaarboompie (1,8 m – 2,4 m). Die groeiwyse is regop en immergroen met ovaal blink blare. Baie groot dubbelblomme met opvallende roosknopharte verskyn van laatwinter tot die lente. Die blomkleur is dieproospienk. Die groeivereistes is spikkelskadu (oggendson en namiddagskadu), goed dreinerende, komposverrykte suur grond en’norganiese deklaag om die wortelstelsel koel te hou. Waterbehoeftes is matig tot laag, maar spits jou daarop toe om die plante tydens knopvorming van laatsomer tot die herfs nie te veel te laat uitdroog nie. Loropetalum ‘Plum Gorgeous’ Hierdie struik (1,5 m x 2 m) het dramatiese donkerpruimkleurige loof en behou die ryk kleur heeljaar. Die groeiwyse is dig, effens…

Die wildeperske is’nklein of middelgroot immergroen of halfbladwisselende boom wat maklik groei. Hoewel dit gewoonlik 4 tot 13 m hoog met’nverspreiding van sowat 3 m in tuine word, kan baie ou eksemplare in die natuur tot 20 m hoog word. Dit behoort tot die familie Achariaceae, kom wydverspreid in Suid-Afrika voor van die Wes-Kaap tot Limpopo, en strek tot in Kenia in tropiese Oos-Afrika. Dit word in volson aangetref aan die rande van kus- en binnelandse bosse asook teen rotsagtige heuwel- en berghange. Na gelang van die natuurlike habitat kan die blaarrande plat of effens golwend, of sterk getand en gelykvormig aan die van kommersiele perskebome wees, vandaar die volksnaam. Die bome ontwikkel soms veelvuldige stamme en het’naantreklike gladde liggrys bas wat uiteindelik grof en wit by ou eksemplare raak.’nInteressante…

Jy het nodig • ʼnBraaitang• ʼnEffens groter pot (een grootte groter is gewoonlik voldoende)• Kaktus-en-vetplantpotgrond of maak jou eie met die helfte swembadfiltersand en die helfte potgrond.• Gruis Maak só • Pot jou kaktus oor as wortels by die dreineergate van die pot begin uitkom, of elke drie tot vier jaar.• Sitʼnbietjie gruis onderin die pot en danʼnlaag kaktuspotgrond.• Vat die kaktus met die braaitang om die middel vas en trek dit liggies uit die pot uit.• Pluis die kaktuswortels met jou hand uit om die grond los te maak. Sit die kaktus op dieselfde vlak as tevore in die nuwe pot en vul die oorblywende plek op met potgrond. Druk dit liggies vas met jou hande of die agterkant vanʼnhandgrafie.• Wagʼnpaar weke met natmaak om die kaktus toe te…

Muurkuns Virʼnmuur opʼnlig en lugtige plek Gereedskap:ʼnBoor metʼn22 mmbladboorpunt, 5 mm-houtboorpunt, potlood en liniaal Jy het nodig 4 x 22 mm-PVC-elmboe (ons het ons s’n ‘n koperkleur geverf, moenie regte koper gebruik nie, dis toksies vir lugplante) 400 mm x 200 mm-plank Tou Kalkverf ’n Verfkwas Superkontakkleefmiddel 100-grint-skuurpapier ’n Keuse van lugplante WENK Hang dit opʼnligte plek maar nie in direkte sonlig nie op en sproei dit weekliks of twee maal per week in warm weer nat om die plante gelukkig te hou. Voegʼnvloeibare misstof by die water om hulleʼnhupstoot te gee. Hier is nog idees. Skandeer die QR-kode om na die video te kyk vir aanwysings. Lessenaarkuns Badkamerkuns…

Ons het saamgesit: Anigozanthos ‘Bush Bonanza’ –ʼngroeikragtige varieteit met goudgeel blomme op effens rooierige stingels Salvia ‘Lancelot’ –ʼnmeerjarige nuwelingsalie met silwerwit viltagtige blare en laventelkleurige blomme metʼnaangename saliegeur Petunia ‘Shock Wave Denim’ –ʼndigte tuimelende petunia watʼnstortvloed treffende bloupers blomme dra. Anigozanthos binne? Die nuwigheidswaarde van hierdie plante in manjifieke volle blom sal maak dat jy hulle ook binnetoe wil dra! Doen dit as die plant: • opʼnsonnige vensterbank gehou word; en• gereelder as tuinplante natgemaak word, maar nie heeltyd met deurweekte wortels gelaat word nie. Pluk van die blomme af om in die vaas te sit terwyl die plant binne is.…

Correa alba voldoen aan al die vereistes virʼnplant vir alle seisoene, klimaatstreke en probleemkolle in die tuin. Disʼnvinniggroeiende immergroen struik met leeragtige grysgroen blare enʼnnatuurlike digte, geronde groeiwyse. As dit onbeteueld gelaat word, kan dit 1,5 m hoog en wyd word, maar reageer baie goed op snoei in enige grootte of formele vorm – dit sal ook goed werk as heining. Wit correa hou van volson en warm kolle soosʼngruis of rotstuin, asook van spikkelskadu, wat maak dat jy dit onder bome kan plant waar die skadu nie te dig is nie. Dit is nie fiemiesrig oor grond nie, mits dit goed dreineer. Aanvanklik is gereelde water nodig, maar goed gevestigde plante is uiters droogtebestand. Correa verdra wind en soutsproei, wat daarvan die ideale struik vir seekustuine maak. Dit is…

(syselbos) word asʼnklouterplant beskryf, en jy kan sien hoekom omdat hierdie pragtige inheemse struik lang lote deur die takke van ander groot plante stuur op soek na sonlig. Noudat die herfsblomtyd verby is, kan jy jou oorgroeide syselbosse straf terugsnoei deur langbenige lote te verwyder en die hele bos met ongeveer tweederdes van sy grootte terug te sny. Verwyder daarna al die ou stamme in die middel van die plant om lug en lig in te laat. As jy klaar gesnoei is, verspreiʼnvars laag kompos rondom en voed metʼnstadig vrystellende misstof vir blomstruike. Maak daarna goed nat en sien volgende jaar van laatsomer tot die herfs uit naʼngoeie vertoning van hemelsblou floksieagtige blomme.…

Maak jou oe toe. Stel jou’nkol in jou tuin voor om in te ontspan – die plek waarheen jy gaan as jy van die wereld wil ontsnap,’nruimte om’nblaaskans te neem en in vrede te kan verkeer. Stel jou voor die vars lug, die klanke van voels en blare wat om jou ritsel as jy sug en in die natuur en al sy prag neersak. Ongeag wat jy jou voorgestel het, waarborg ek dat dit aansienlik verbeter kan word met die byvoeging van’nwaterfokuspunt (tensy jy jou reeds een voorgestel het, in welke geval jy’npluimpie verdien). Die klank van water streel ons van nature omdat ons brein die klank as niebedreigend vertolk en ons selfs in’nmeditatiewe staat kan laat ingaan.’nModerne waterfokuspunt in jou tuin roep ook uit: “Ek’s’npro met tuinontwerp. Ek het…

Om nou maar eerlik te wees, behoort hulle daar te wees, maar dalk is hulle nie daar omdat hulle uitgewis is deur gifstowwe (selfs organiese gifstowwe), te min kos (te min blomme),’ngebrek aan water of geen skuiling (deklae) nie. Landbouwetenskaplike Johan Gerber se: “Op die duur speel hierdie organismes’nrol in die natuurlike beheer van plae in die tuin.” Johan is’nonvermoeide stryder vir omgewingsverantwoordelike tuinmaak. Vir enige tuinier wat die tuinruimte op’nonderling voordelige manier wil deel, is sy boek, The Garden Guardian’s guide to environmentally responsible garden care, insiggewend sowel as inspirerend. Herstel die balans Johan se die gebruik van plaagdoders is die hoofrede, maar nie die enigste rede nie, vir die gebrek aan nuttige insekte in die tuin. Minsorgtuine wat hoofsaaklik bestaan uit immergroen struike, uitgestrekte geplaveide of beboude gebiede,…

Hellebores groei wel stadig, maar as jy hulle eers in jou tuin het, sal hulle jou baie jare plesier gee. As die plante eers gevestig is, is hulle droogte en rypbestand, taai, en blom van Junie tot Oktober. Hierdie langlewende meerjariges is feitlik siektevry, gewoond om in oorvloed te blom en met hul menigte vorms en kleure is hulle ʼn moet vir enige tuin. Hier is ʼn paar groeiwenke: • Plek: Hellebores vaar die beste in gedeeltelike of spikkelskadu. • Grond: Hellebores wil goeie, goed gedreineerde leemgrond he wat metʼnoorvloed kompos en beenmeel verryk is. Hulle verdra effense suur grond, maar verkiesʼnpH van ongeveer 7. Dis die beste om hulle in diep, goed voorbereide gate te plant omdat hulleʼndiep wortelstelsel het. Die toediening vanʼnalgemene misstof in die herfs help die…

Encore-asaleas is eenvoudig onweerstaanbaar om die volgende redes: • Hulle hetʼndigte, geronde dwerggroeiwyse wat hulle perfek maak vir potte en klein tuine. Die gemiddelde grootte is 60 tot 90 cm by 60 tot 90 cm.• Die plante is immergroen en kouebestand.• Halfdubbele blomme verskyn gereeld met die hoofdrag vroeglente,ʼnpaar blomme in die somer enʼntweede spits in die herfs.• Hulle gedy in volson asook gedeeltelike skadu. Oggendson en namiddagskadu is net reg. Plante in die tuin: Plant hulle in humusryke grond wat besonder goed dreineer en maak seker dat die wortelbal effens bo grondvlak is. Bedek met suur dennenaalde en basspaanders en maak gereeld nat. Aangesien asaleas gevoelig is vir swaar voeding behoort bemesting metʼngebalanseerde stadig vrystellende misstof direk na hul lentedrag genoeg te wees. Plante in houers: Gebruik potgrond vanʼngoeie gehalte…

Verleen die sprankel en varsheid van vroeglente met donsagtige rondings Gypsophila muralis ‘Gypsy’ –ʼnnuwe reeks watʼnmenigte halfdubbele blomme dra. Dit isʼnwonderlike eenjarige randplant vir klein tuintjies, goed vir golwende hangmandjies, uitstekend as sagte vullerplant vir gemengde houers en fantasties om in vensterbakke uit te bol en te tuimel. Dis gewillig in volson en halfskadu en te kry in wit, pienk en dieproos. Hoogte: 20 – 25 cm en verspreiding: 30 – 35 cm.…

Jy het nodig • 5 aloe vera-blare• 500 ml akwaroom• 1 teelepel vitamien E-olie• 1 eetlepel gliserien• Kastrol en glasbak as dubbelkoker• Klitser• Glasfles• Tregter Aanwysings 1. Steriliseer die glasfles voor jy begin deur dit met kookwater te vul en dan te laat afkoel. 2. Sitʼnkastrol vol water op die stoof, sit die glasbak binne-in en maak seker die bak raak nie aan die water nie. Verhit die water tot kookpunt. Sny die aalwynblare in die helfte deur en verwyder die sap. Sit die sap in die glasbak sodra die water kook en klits ongeveer 1 minuut om die jel af te breek. Voeg 500 ml akwaroom by en hou aan klits totdat die mengsel loperig raak. Haal die kastrol van die plaat af, roer die gliserien en vitamien E-olie…

Verbenas voldoen aan alle tuiniers se vereistes: Hulle blom oorvloedig, is gehard, hittebestand en dan ook minsorgplante, wat ons almal wil he. Daar isʼngroot verskeidenheid om van te kies – die vir beddings, houer- en hangmandjievarieteite, en selfs spreidende grondbedekkers. Plant hulle in goed dreinerende grond inʼnsonkol in jou tuin wat verkieslik daagliks sowat agt uur direkte sonlig kry. Maak jou plante na die aanvanklike sorg en natmaak wat nodig is om hulle te laat vestig, net af en toe nat – sodra die boonste sentimeter van die grond droog is. Dit is nieʼnreusetaak om die dooie of verwelkte blomme aan jou verbenas te verwyder nie en sal verseker dat hulle onophoudelik blom.…