Innholdsfortegnelse for June 2020 i Die Tuinier Tydskrif

As jy tot hier gekom het, verdien jy om gelukgewens te word! Jy het suksesvol die heel eerste splinternuwe, digitale pioniersuitgawe ooit van die tydskrif Die Tuinier afgelaai! Wie sou kon dink dat ʼn viruspandemie ons lewensloop soveel sou verander: ons ondernemings, lewensbestaan en die manier waarop ons met die mense om ons omgaan? Ek voel party dae asof ons in ʼn parallelle heelal woon, en al wat ek wil doen, is om daaruit te loop! Die virus het ons drukkers toegemaak en ons verspreidingsmaatskappy verlam. Die uitwerking was so drasties dat verskeie groot en vertroude handelsname in die tydskrifwêreld hul deure gesluit het en nie meer ons gunstelingmetgeselle gaan uitgee wat ons baie jare, selfs dekades, geniet en ondersteun het nie. Ek moet julle ook uit die diepte van…

Vadersdag – iets nuuts vir Pa Die veelsydige GTA 26 batterygewerkte handkettingsaag van STIHL is die ideale geskenk vir die houtwerk-of tuinentoesias. Die innoverende, kompakte en ligte GTA 26 met ʼn 10 cm-leistaaf bied ʼn indrukwekkende en akkurate snyprestasie, stil werking en lang batterylewensduur – alles wat jy nodig het vir snoei, die opsny van takke of werk aan projekte met hout as basis. www.stihl.co.za Tuinmaakgeskenke Vier Vadersdag met ʼn tuinmaakgeskenk van sy gunstelingkind. Pragtig gemaakte tuingoed is te kry by www.tanyavisser.com. Hangende Voëlvoerkoutjie Niks is beter as ʼn tuin wat wemel van die lewe nie. Laat al die voëls na jou erf toe kom met hierdie hangende voëlvoerkoutjie van Eva Solo. Dit is van keramiek en vlekvrystaal gemaak en sterk en stewig genoeg om in alle weerstoestande buite te…

Die meeste bonsaibome word gestileer om ʼn driehoekige silhoeët te hê. Dit is duideliker by tradisionele bonsaistyle, dit wil sê bome uit die Noordelike Halfrond, maar is steeds van toepassing op ons Afrika-style soos die kremetart en platkroonboom. Soms het ʼn mens egter redelik baie verbeeldingskrag nodig om hierdie driehoeksvorm raak te sien – dit is baie soos om die sterrebeelde in die sterre raak te sien. Soms is die vorm onsigbaar totdat iemand dit uitwys, en daarna kan jy nie anders as om die driehoek raak te sien nie. Hier volg hoe dit werk. ʼn Ongestileerde miniatuurboompie is bloot ʼn klein bossie. Die takke groei in willekeurige rigtings uit, en daar is baie loof. Ons taak as bonsaikwekers is om ʼn pragtige, stylvolle miniatuurboompie uit hierdie bosagtige materiaal te…

Onkruidhelpers Dit kan moeilik wees om onkruid op plaveisel te beheer, maar No Weed Paving RTU van Efekto is effektief teen grasse soos kikoejoe en kweek, eenjarige breëblaaronkruide en sekere meerjarige breëblaaronkruide en rietgrasse. Hierdie gebruiksgereed, nieselektiewe, blaartoegediende sistemiese plantdoder is vir die beheer van onkruid op plaveisel en in omliggende gebiede. Dien toe op aktief groeiende onkruide en nie op onkruid wat aan stres ly nie. Spuit meerjarige onkruide wanneer blom aan die gang gesit word of van midsomer tot vroegherfs. www.efekto.co.za Jou volledige skoonmaakoplossing STIHL se reeks hoëdrukskoonmakers verskaf ʼn maklik-om-te-gebruik oplossing om jou plaveisel, inrypad en huis op hul beste te laat lyk. Met die hoëgehaltekomponente en ʼn uitgebreide reeks hegstukke vir ʼn verskeidenheid skoonmaaktake bied hierdie masjiene kragtige skoonmaakprestasie. Stihl verskaf ook nou ʼn reeks skoonmaakmiddels…

Elketuinier sien uit na die lente, maar vir mooi lentetuine is ʼn bietjie voorbereiding vroeg al nodig. Hierdie herfs begin jou voorbereiding met die plant van affodille – die klassieke lentebol. Affodille kan in verskeie toestande en op talle plekke groei, maar is pragtig in potte, binne of buite. Stappe: • Kies enige houer wat genoegsaam dreineer en sit ʼn laag klippies onderin – bolle hou nie daarvan om deurdrenk te wees nie.• Maak die onderkant van die pot vol met ʼn mengsel van twee dele potgrond en een deel kompos.• Druk die bolle met die punt na bo ongeveer 5 cm uitmekaar en dubbel die grootte van die bol diep stewig in die grond in. Plant vir ʼn voller voorkoms die affodille in twee lae in ʼn dieper pot,…

Fittonia Die laaggroeiende ranker is met verskeie aarkleure te kry, waaronder wit, pienk en groen. Dit wil voortdurend klam wees en is dus ideaal vir terrariums. Maak seker dit is nooit in direkte sonlig nie anders brand die blare. Neoregelia Hierdie miniatuurbromeliavariëteit is ideaal as huisplant op sy eie of vir kontras saam met ander plante. Dit is klein genoeg om in ʼn glastuin te plant. Soleirolia Welige baba-se-trane groei goed saam met ander plante en dien ook as lewende deklaag. Dit is dalk nodig om dit in die terrarium reg te knip om groei te beheer.…

Daar kan gesê word dat hierdie vetplantjie die vetplantwêreld se natuurlike bonsai is omdat dit beslis herinner aan ʼn miniatuurboompie met sy delikaat vertakkende stingels met talle klein rosette wat ʼn geronde kroon vorm. Nog ʼn gedagte wat opkom as stip gekyk word na die dwerg-aeonium, soos dit algemeen bekend staan, is dat dit soos ʼn plastiekplant lyk. Die effens taai en geronde blare is lemmetjiegroen met rooi strepe as dit buite in die son gekweek, of glansend groen met feitlik geen rooi merke nie as dit binne of in die skadu gekweek word – wat verreweg die beste keuse is. Aeoniums se groeityd is oor die algemeen gedurende die koel winter-en lentetemperature wanneer hulle ook verkies om gereeld natgemaak te word. Hierdie plante hou nie daarvan om te koud,…

Sitroentiemie is die ideale kruid vir wintertrooskos en ʼn takkie of twee verleen heerlike geur aan stadig gekookte vleisgeregte. Dit is ʼn klein bosagtige struikie (30 cm hoog) wat van volson en gewone goed gekomposteerde tuingrond hou wat goed dreineer. Pluk of snoei voortdurend om te keer dat dit houterig raak. Plant ekstra plante om op ʼn sonnige, beskutte plek te oorwinter sodat jy genoeg blare vir pluk het omdat dit stadiger groei in die winter.…

Syzygium paniculatum(Australiese jamboes) is die gunsteling van talle vormplantliefhebbers omdat dit vinnig en maklik groei en uiters goed op gereelde knip reageer wat noodsaaklik is vir die maak van ʼn formele vorm. Hoe om siersnoei te doen 1. Koop ʼn gesonde jong plant met ʼn reguit hoofstam en plant dit in ʼn pot.2. Begin maak jou vormplant as dit reeds die regte hoogte is wat jy vir jou hoogstamplant wil hê.3. Verdeel jou plant visueel in drie derdes, verwyder dan al die sygroei aan die onderste twee derdes van die plant gelyk met die hoofstam. Laat bly die boonste derde wat die vormplant se “kop” of kroon raak. Ons vormplant in wording … • Ons het ʼn jong syzygium wat reeds sy eerste snoei gehad het om ʼn hoogstamplant daarvan…

Goeie raad As jy groot bome het wat dele van jou gras beskadu, is dit ʼn goeie plan om elke jaar as roetine-instandhouding met ʼn skadugrasperksaad te oorsaai om te verseker dat kaal kolle nie weer begin verskyn nie. Kleintuine wat deur hoë bome en groot skadubome omring word, kan sukkel in diep skadu en lae ligintensiteit waarin enkelspesiegrasperksoorte soos kikoejoe nie sal groei nie. Gelukkig groei gespesialiseerde grasperksaadmengsels wat meerjarige pol en ranktipe grassoorte bevat, goed in skadu, is rypbestand en bly heeljaar groen as hulle gereeld natgemaak en bemes word. Hierdie saadformulerings is vir plaaslike omstandighede ontwikkel en getoets en moet in die koeler maande van die herfs en lente gesaai word. Oorsaai ʼn bestaande grasperk: • Sny die grasperk redelik kort en hark sterk met ʼn rubberhark…

Gebruik minder plastiek deur jou ou tuinmaaktyd-skrifte (ons bladsye is bioafbreekbaar) en koerante as plantpotte te hergebruik. Voordele: • Dis goedkoop en maklik om te maak.• Die saailinge kan pot en al uitgeplant word, wat geen wortelversteuring meebring nie – die papier sal mettertyd vergaan. Natmaakkunsie: Dit kan moeilik wees om saailinge in papierpotte nat te maak sonder dat hulle breek. Ons wenk is om ʼn ou speserybottel vol water te maak, ʼn gat in die deksel te maak en water liggies oor die grond te sprinkel. Papierpotte behoort minstens vier tot ses weke te hou sonder om te breek.…

WEN een van 3 Wortelgesondheidskombinasies Die EcoBuz-wortelgesondheidstelsel Gesonde plante begin by gesonde grond: die lewende ekostelsel waarvan ons almal afhanklik is. Daar word net een maal geplant. Gee jou plante die bes moontlike kans op sukses deur die grond te bou en te verryk. By EcoBuz het ons die Wortelgesondheidsprogram ontwikkel deur drie produkte te meng om die bes moontlike resultate te verseker: 1. HumiGro – voed jou GROND en sy mikrobes. Grond is die grondslag van ʼn gesonde tuin.2. StartGro – spesiaal geformuleerde voedsel vir plant en oorplant3. Root Pro – die voordelige swam, Trichoderma, groei simbioties saam met plantwortels wat groei verbeter en ook teen grondgedraagde siektes beskerm. Hierdie drie produkte kan almal saamgevoeg en na plant saam toegedien word. Volg die aanbevole dosis as riglyn vir die…

Wonder Organic Vita-Boost Vermicompost Regno. B5695 N-AR1705 Wet 36 van 1947 ʼn Veeldoelige organiese misstof vir die hele tuin. Dis propvol krag van erdwurmuitskeidings wat as wurmhopies bekend staan. Ons weet almal dat erdwurms baie goed is in ons grond en die dreinering en grondstruktuur verbeter, maar die grootste voordeel is dalk dat erdwurms die grond ryker agterlaat as wat dit tevore was. Wurms voed op plantafval (dooie wortels, blare, gras, mis en grond) en hul spysverteringstelsels versterk die organiese en mineraalinhoud van die kos wat hulle vreet. Hul uitskeiding is ʼn ryk “kompos” wat geredelik beskikbaar is vir plante om te gedy. Groottes: 5 kg, 10 kg Wondersol All Purpose Regno. K8556 N-F0623 Wet 36 van 1947 ʼn Groeistimulant met ʼn organiese basis en plantstresbeheerproduk wat aan alle tuine…

Bederf jouself met ʼn mooi nuwe siklaam-variëteit genaamd ‘Pipoca’. Hierdie wonderlike en stewige klein plantjie is ʼn visioen van kartelblomme bo ʼn digte romp van klein getande blaartjies. Dit dra ʼn massa lanternvormige knoppe met ʼn suurgeelgroen kleur wat versag in skakerings van magenta, pers of salm as die knoppe vol oopgaan. Siklame is huisplante wat kenmerkend in koel weer blom en alle kamers binne opvrolik. Sit hulle in helder indirekte lig en maak hulle van onder af nat as die grondmedium droog begin voel.…

1 Koekpanne Mensewat van bak hou (of oudbakkers met ekstra toerusting) sal van hierdie selfdoenprojek hou, en dit is verreweg die vinnigste en maklikste op die lys. Hierdie koekpanvoëlvoerder is oulik om buite jou kombuisvenster op te hang. • Draai tou om ʼn houtblokkie en trek die tou deur die gat in die koekpan vir ophang.• Maak die pan vol voëlsaad. 2 Lego Ditis ʼn wonderlike handwerkie vir kinders of ʼn manier om daardie ou Lego-stukkies in ʼn boks in die motorhuis te benut. Al wat jy nodig het, is stukkies Lego en ʼn plat plek om jou voltooide meesterstuk te sit. • Bou ʼn rand buiteom op ʼn wye basis vir die voëls om op te staan.• Laat ʼn bietjie plek binne die rand oop en bou jou Lego-huis…

Senecio candicans ‘Angel Wings’ sal beslis die aandag trek, of dit nou buite in die tuin of binne in ʼn pragtige pot staan! Hierdie rypgevoelige vetplant groei vinnig, word tot 40 cm hoog en het ʼn geronde immergroen groeiwyse wat bestaan uit groot silwerwit hartvormige blare met effense insnydings op hul rande. Kort, digte hare op die blaaroppervlak voel soos fluweel. Dié treffende plant groei aktief van vroeglente tot die herfs wanneer dit ʼn kort rukkie rustend raak. Net soos sy naverwant Senecio ‘Dusty Miller’ dra dit heldergeel asterblomme in die somer. Vereistes Plek Volson of ligte skadu buite en helder lig binne. Grond Enige grond is geskik mits dit uiters goed dreineer. Dit is ʼn uitstekende keuse vir kussandgrond. Gebruik vetplantgrondmengsel of potgrond vir potte en maak seker jy…

Roossorg vir Mei • Maak weekliks diep nat.• Bemes rose in KwaZulu-Natal en die Laeveld.• Spuit maandeliks met Chronos of Rose Protector om rose teen swartvlek te beskerm.• Roei plantluise uit deur rose tweeweekliks met Ludwig’s Insect Spray te spuit.• Plant rose oor wat nie genoeg son kry nie of wat onder wortelmededinging deurloop.• Hou aan om dooie blomme te verwyder om nuwe blomme aan te moedig. Plant ʼn roos ‘Clocolan’ As jy op soek is na ʼn roos wat sonder spesiale sorg groei, is, ‘Clocolan’ ʼn goeie keuse. Dit word ʼn breë, borshoë struik wat voortdurend groot, outydse blomme in ʼn warm goud-appelkooskleur dra. Die blomme word in enorme kandelare aan plukbare stingels asook aan korter systingels oor die hele sterk struik verspreid gedra. Dit het siektebestande loof en ʼn…

Saaiinheemse bokbaaivygies (Cleretum bellidiforme) in groot plate op die sonnigste plekke sodat jy hul satynagtige blomme met die talle lansvormige kroonblare in die skitterendste kleure kan geniet. Die blomme van hierdie jaarplante is nie hul enigste bate nie; die sukkulente groen of maroengetinte blare verleen meer glans met hul verhewe oppervlakselle wat aangepas is om water te berg en in die sonlig glinster. Bokbaaivygies wat nou gesaai word, sal na verwagting binne sewe tot 14 dae ontkiem, met daarna snelle vegetatiewe groei gedurende die winter voor die gelukkige blomgesiggies in die laatwinter of vroeglente verskyn. Saai op twee maniere… 1. Saai direk • Bewerk die grond tot so fyn soos krummels nadat dit met kompos verryk is – enige tuingrond is geskik, en die vygies sal selfs in skraal sandgrond…

Bulbine frutescens (rankkopieva, katstert) Bulbines sukkel nie: Hulle bedek gou-gou die grond in son of ligte skadu dig met grysgroen sukkulente blare wat soos ystervarkpenne lyk. Dit is net mooi hierdie sappige penne wat jy kan pluk om aan steekplekke, brandwonde of uitslag te smeer om dit te streel. Are geel of oranje stervormige blomme verskyn heeljaar aan hierdie bestuiwervriendelike plante. Die grondbedekkende bulbine is baie taai en droogtebestand, wat dit uitstekend maak vir rotstuine, maar dit vaar ewe goed in gewone tuintoestande. Die plante lyk oor die algemeen heeljaar goed maar kan straf teruggesny word as hulle slordig word. Verwyder ook gereeld dooie blomme om die produksie van nuwes aan te moedig. Tulbaghia violacea (wildeknoffel) Wildeknoffel is perfek vir die warmstekol in jou tuin, en selfs vir ligte skadu,…

Jou onfeilbare gids tot paadjie-beplanning Paadjies is ʼn integrerende deel van enige tuin, maar word dikwels as ʼn nagedagte gelaat of glad nie aan gedink nie. Paadjies is meer as net ʼn manier om van A by B te kom – hulle skep struktuur en beweging, en beklemtoon die dele van die tuin wat jy wil hê mense die meeste moet raaksien. Hierdie oorsiglys sal jou help om op die perfekte paadjie vir jou ruimte te besluit. 1 KIES DIE PLEK Hierdie vraag is gewoonlik reeds beantwoord as jy besluit om ʼn paadjie te maak, maar is nietemin ʼn belangrike oorweging. Die belangrikste faktor by jou besluit waar die paadjie gaan loop, moet wees die natuurlike roete wat jy gebruik om van een plek by ʼn ander te kom. Niks is…

Witysterhout vir middel-groot tot groot tuine Die witysterhout is ʼn hoë of spreidende immergroen boom wat gewoonlik 7 tot 20 m hoog word. Dit het ʼn gladde liggryswit bas en geronde kroon wat met blink, lansvormige, drieledig saamgestelde blare met kartelrande bedek word. Dit kom algemeen voor van die Suid-Kaap tot Limpopo in die somerreënstreke van Suid-Afrika, en strek tot in tropiese Afrika. Die blare van hierdie lid van die boegoefamilie (Rutaceae) versprei ʼn suurlemoengeur as dit gekneus word. Die piepklein liggroen blommetjies word van vroegtot midsomer (November tot Januarie) in digte trosse aan die takpunte gedra, en word gevolg deur groen geronde bessies wat pers verkleur as dit ryp is. Dié boom presteer die beste in volson en verkies goed gedreineerde leemgrond, maar vaar ook goed in swaar gekomposteerde…

Jy het nodig • ʼn Glasfles, verkieslik met ʼn kurkprop• ʼn Plastiektregter of vel papier om op te rol om ʼn tregter te vorm (of albei)• Fyn gruis• Klein gepoetste klippies• Geaktiveerde koolstof (by troeteldierwinkels te kry vir gebruik in vistenks. Dit keer dat die water groen word.)• Terrariumgereedskapstel (verlengbaar) – aanlyn te kry by www.tanyavisser.com• Grondmengsel van 1 deel veenmos, klapperdop en potgrond• Plantkeuse – ons het Fittonia, Neoregelia en Soleirolia gebruik.• Moerasmos Wenke • Gebruik gruis en klippies in komplementêre kleure vir ʼn opwindender voorkoms.• Die ideale voltooide terrarium behoort tweederdes leë ruimte en een-derde beplant te wees.• Kies kort, lang en middelslag plante vir verskillende vlakke in die houer.• Moenie te veel plante insit nie; laat plek vir die plante om te groei. Terrariumsorg • Maak die…

Hydrangea quercifolia (eikeblaar-krismisroos) is dalk ʼn somer-blommende klouterstruik, maar sy waarde eindig nie daar nie … Die koniese blomkoppe van roomwit blomme hou goed tot in die herfs en verkleur pienk namate hulle ouer word. Hulle is fraai om vir die vaas te pluk! Die groot en diep gelobde blare is donkergroen in die somer en verander in ryk skakerings van brons, boergonje en pers voor dit in die winter gaan slaap, wat aan hierdie bekoorlike outydse struik ʼn baie eksotiese voorkoms gee. Dit is uiters gehard teen koue en ryp. Vereistes • Dit wil spikkelskadu hê.• Plant dit in komposverrykte leemgrond.• Maak mildelik en gereeld nat.• Bedek met dennenaalde. Opmerking: Eikeblaarkrismisroos wat nou geplant word, sal oorgenoeg tyd hê om gedurende die winter te vestig en in die lente…

Ons verkies almal vars kruie asons dit kan kry, maar soms kan jy net ʼn deel daarvan in jou kombuis gebruik. As jy byvoorbeeld ʼn oormaat pietersielie het en dit in en op alles sit wat jy gaarmaak, kan daarvan na ʼn rukkie dalk ʼn bietjie oud raak. Aangesien dit nie goed droog nie, is ons gunstelingmanier om pietersielie te preserveer om ʼn groot klomp chimichurri-sous te maak en in ysblokkiebakkies te bevries. Dit is so ʼn veelsydig sous dat dit sommer gou ʼn kombuisgunsteling sal word. Nog ʼn doeltreffende manier om pietersielie te bewaar is om dit te was, droog te maak en in ʼn vriessakkie te sit. Druk die pietersielie onderin die sakkie vas en druk dan soveel lug moontlik uit. Rol die sakkie op en maak met…

Hoëveld en KwaZulu-Natalse Middellande Boerbone, koolraap en radyse Middelveld (Tshwane en ander gebiede met minder ryp) Blaarslaai, boerbone en groenertjies Oos-Kaap en Klein-Karoo Boerbone, groenertjies, radyse en uie Wes-Kaap en Suid-Kaapse kus Blaarslaai, boerbone, groenertjies, preie, radyse, rape, seldery, spinasie en uie Noord-Kaap en Groot-Karoo Boerbone, rape, spinasie en uie Laeveld en KwaZulu-Natalse kus Beet, blaarslaai, boerbone, bos-en rankskorsies, eiervrugte, groenertjies, komkommers, kool, koolraap, pampoen en Hubbard-pampoen, preie, rabarber, radyse, rankbone, rape, soet en brandrissies, spinasie en snybeet, stambone, tamaties, witwortels en wortels…

• Maak jou hangmandjies vol gesiggies, viooltjies, petunias en heuningblomme.• Sny meerjariges soos michaelmasmadeliefies, physostegias, penstemons, salies en achilleas (duisendblad) terug. • Moenie immergroen plante nou snoei wat moontlik rypskade kan kry nie. Snoei moedig nuwe groei aan, wat veral rypgevoelig is in onvoorspelbare en sonnige weer.• Dit is die beste om in tuine met ryp ou stingels of blare te laat bly aan meerjariges wat klaar geblom het en rustend raak. Bind bloot die dooie stingels en loof met raffia of tou saam vas omdat dit die harte of krone van die plante sal beskerm. • Hou aan om kamelias en asaleas water en ʼn deklaag te gee.• Hou dop vir plantluise op pronkertjies. • Hou aan om konifere tweeweekliks met ʼn sistemiese insekdoder te behandel om Italiaanse sipresplantluise…

Dis ongelooflik hoeveel energie ’n tikkierooi kan verleen aan ’n andersins oorwegend groen plantskema soos in hierdie ommuurde binneheiligdom van ’n vakansiehuis. ’n Koorsboom (Vachellia xanthophloea) gooi sy hoë spikkelskadu oor ’n kraalmelk (Euphorbia tirucalli), dekriet (Elegia tectorum), konfettibos (Coleonema pulchellum), twee aalwynhibriede en blouharpuis (Curio ficoides). Hulle is almal inheems en spog met ’n vroeë wintervoorkoms, met die aalwyne wat reeds of amper blom. Die middelpunt van hierdie kalm toneel is ’n sterk, bloedrooi lasergesnyde staalskulptuur wat ’n watsonia in blom uitbeeld. Ander tikkies rooi … Daar is meer rooi elemente verderaan in hierdie klein tuin: dekstoele en ’n skarlaken clerodendrum (Clerodendrum splendens), ’n outydse klouter-of halfrankplant uit tropiese Wes-Afrika wat vanaf die winter in warm gebiede blom. Rooi kleurterapie … Rooi is die kleur van liefde, hou jou…

As jou mooi aalwyn, soos hierdie ‘Twice as Nice’-hibried met sy treffende rooi-wit tweekleurige blomme ʼn verdigte pol geraak het omdat baie klein plantjies onderom gevorm het, verdeel hulle en plant oor in ʼn pragtige bak. Hierdie klein dwergaalwyn hou daarvan om in ʼn houer te groei en kan tot drie maande lank blom. Jy het nodig: • ʼn Wye, vlak bak• Groot klippe• Potgrond• Fyn gruis• EcoBuz Humigro-grondopknapper• ʼn Paar middelslag klippe Maak só: 1. Grawe die plant uit en sny die ou blomstingels en blare af.2. Maak die klein plantjies versigtig los.3. Sny elke klein plantjie se wortels terug.4. Sit ʼn laag groot klippe onderin die bak vir goeie dreinering. Meng ʼn bietjie fyn gruis en Humigro (volgens die aanwysings op die verpakking) met potgrond en maak die…

ʼn Meerjarige wat in die lente begin blom en tot laat in die herfs aanhou om ʼn nimmereindigende voorraad blomme te maak met feitlik geen onderhoud nie verdien sy plek in elke tuin! Scabiosa columbaria- (bitterbos-)variëteite is sulke plante, en nog ʼn bonus is dat hulle al die skoenlappers en ander insekte roep om op hul nektar te kom voed. Scabiosa columbaria ‘Butterfly Blue’, met sy laventelblou blomme, en Scabiosa columbaria ‘Pink Mist’, met delikate pienk blomme, is twee variëteite om in jou tuin te beproef. Dié geharde plante het lae rondings varingagtige loof wat stewige blomstingels ondersteun. Die blomme met ʼn digte mengsel van klein en groot kroonblare lyk soos perfekte klein speldekussinkies. Plant: • in goed dreinerende grond;• in volson; en• naby die voorkant van ʼn meerjarige bedding as…

Hoewel komposmakers in alle vorms en groottes te kry is, is hierdie stapelbare komposmaker een van die maklikste om te gebruik, en is ook stewig en prakties. Die meervoudige kassies maak dit maklik om jou komposhoop in stand te hou, en jy kan ook ʼn deksel vir waterdigting byvoeg. Ook van belang is dat dit goedkoop is en maklik om binne ʼn dag van standaard behandelde hout te maak. Jy het nodig Snylys vir kca-behandelde heiningplanke (vir vier komposteerderkassies) • 16 x 600 mm x 75 mm x 22 mm – lang kante• 16 x 555 mm x 75 mm x 22 mm – kort kante• 16 x 180 mm x 75 mm x 22 mm – pote• 2 x 505 mm x 22 mm x 22 mm – lang…

Diehalfvrugbareen vrugbare dae aan diemaandbegin voor en na volmaan isideaal om huisplantete pot/oor te pot, rustendeplanteteverplant of te verdeel en vrugteboompies teplant. • Bedek• delikate plante soosfuchsias en rose in rypgebiede. Let op dat die"oes"-dae voor nuwemaan geskik isom die laaste ryp produkteteoes en ou jaarplantete verwyder. Gebruik die"grondvoorbereiding" -dae om afgeoeste plante te verwyder en diegrond tebewerk om 6fh dekgewas op die volgende "blaargewasse"-dae teplant 6f braak teletot die wintereinde. BESTE DAE VIR JUNIE…