Innholdsfortegnelse for January 2020 i Die Tuinier Tydskrif

Ek hou van hoe die vakansie ruik, die lang dae wat met die vroeë sagte kleure begin, die suikerbekkies wat die vroegoggendlig en doudruppels terdeë benut, die stadige koppies koffie en die baie koppies wat koud word omdat ek van vroeg af aan in die tuin is. Op die een of ander manier verlê ek ʼn koppie êrens in die struiktuin en maak dan uiteindelik nog een, en familie en vriende kom loer meer as gewoonlik in, dus stapel die koppies op sodat die hele wasbak teen die aand oorloop. As hulle maar net vanself kon skoon kom. Stel jou ook voor as koffiebekers die menigte gesprekke wat hulle hoor in ʼn ingeboude hardeskyfaandrywer kon opneem. Ek noem dit die “ooraandrywer”, en wanneer ons gedurende die wintermaande rasend is omdat dit…

Plant Salvias Vir langblywende kleur in die tuin kan jy nie ʼn fout maak met Salvias (salies) nie. Daar is soveel verskillende soorte wat onder jaarplante, tweejaarplante en meerjariges, en immergroen en halfimmergroen struike val dat daar talle is om van te kies, waaronder die kombuiskruievariëteite. Salies verkies volson, maar baie sal ook in halfskadu goed vaar. Dit moet goeie grond wees wat goed dreineer en met hope kompos verbeter is. Maak goed nat in die groeityd en dien ʼn deklaag toe. Verwyder verwelkte blomme om nog blomme aan te moedig. Daglelies Soos die naam aandui, hou die blomme van daglelies (Hemerocallis) net ʼn dag of twee maar blom lank opeenvolgend en is in ʼn groot reeks kleure te kry. Gereelde natmaak en ryk grond moedig hulle aan om te…

Plant sierkool Hierdie koelseisoenjaarplante is net die ding om kleur aan die wintertuin te verleen of in potte te plant. Hoewel hulle eetbaar is, word hulle eerder om hul sierwaarde gebruik en kan soos groot blomme behandel word. Plant hulle in volson of halfskadu in ryk, effense suur grond met goeie dreinering. Hulle het nie veel water nodig nie, maar sal swaarkry as hulle te lank daarsonder moet klaarkom. Die kleure vorm tydens koue tye, maar te warm weer kan hulle laat saadskiet. Watsonia Enigiemand wat gelukkig genoeg is om ʼn veld met blommende watsonias in die natuur te sien, wil hulle in die tuin hê. Die hoë blomare is in ʼn verskeidenheid kleure van wit en pienk tot pers en oranje te kry. Hulle verkies volson, maar verdra ʼn…

Plant echinacea Echinacea is ʼn geharde meerjarige wat koue en selfs sneeu kan verdra. Talle nuwe hibriede dra skouspelagtig gekleurde blomme aan draadagtige stingels wat goed in die vaas hou. Die keëlvormige hart, die rede vir die volksnaam keëlblom, is in die somer ʼn skoenlappermagneet en in die winter hou die voëls van die saadkoppe. Hulle is hitte en droogtebestand en maak dus uitstekende beddingplante vir alle tuine uit. Echinaceas groei in volson of halfskadu en in omtrent enige grondsoort waarby ekstra kompos ingewerk is om dreinering te verbeter. Maak goed nat terwyl die plante aan die vestig is. Tulpe Tulpe (Tulipa) groei slegs in koel of koue grond. Sodra hulle geplant is, sit vog en koue temperature groei aan die gang, en as dit eers gebeur het, mag hulle…

Plant aquilegias A kelei is ʼn mooi meerjarige veldblom wat van halfskadu hou, en het ʼn lugtige en sagte voorkoms met wonderlike klokvormige blomme in boeiende kleure. Saai saad direk in die tuinbeddings en sodra hulle gevestig is, sal hulle selfsaai en sal jy hulle jare lank in die tuin hê. Hulle is nie te fiemiesrig oor grond nie, maar vermy swaar kleigrond. Hou aan natmaak en voed maandeliks met vloeibare plantvoedsel om groei en helderder blomme aan te moedig. Zantedeschia Gekleurde aronskelke het baie gewild geword en is nou te kry in ʼn verskeidenheid ryk kleure wat uitstekend vir die tuin asook as huisplante in potte is. Hulle hou van komposryke ligte grond en goeie dreinering is noodsaaklik. Bedek goed om die wortels koel te hou en vog te…

Die breëblaarkoraalboom is die ideale eksemplaar vir middelslag tot groot tuine. Dit kom in die natuur voor in volson op rotsagtige heuwelhange, grashange en struikbos in die oostelike gebiede van die Oos-Kaap tot KwaZulu-Natal en die binneland in tot in Limpopo, en ook in Zimbabwe. Dit word tussen 5 en 12 m hoog, is bladwisselend en groei in die somer. Die intense dieprooi of skarlaken blomtrosse verskyn van laatwinter tot laatlente (Augustus tot Oktober) en word gevolg deur sagte, fluwelige liggroen blare wat volgroeid grysgroen word. Dit duur maande vir die treffende lang saadpeule om volwasse te word, en as dit ryp is, bars dit oorlangs oop om ovaalvormige helderoranjerooi saad met ʼn opvallende swart kol te onthul. Die boom het ʼn mooi geskulptureerde growwe, kurkagtige bas en ontwikkel ʼn…

BESTE DAE VIR JANUARIE…

In Suid-Afrika kos ’n jaarlikse intekening (12 uitgawes) net R395 en ’n hernuwing R385. Pensioenarisse betaal R355. Laat asseblief tyd toe vir die verwerking daarvan. Alle plaaslike pryse sluit BTW in. ’n Jaarlikse intekening vir oorsese intekenaars kos R720. Bel Noks op 031 003 0940 vandag E-pos subs@thegardener.co.za met jou besonderhede Teken aanlyn aan by thegardener.co.za Kliek ‘shop’ BESPAAR 34% VAN RAKPRYS as jy inskryf op ons digitale uitgawe op Magzter! Navrae bel 031 003 0940 of e-pos subs@thegardener.co.za…

Acorus gramineus ‘Golden Edge’ Hierdie veelsydige grondbedekker met sy helder goudkleurige loof is ook bekend as die Japanse kalmoes. Die goudkleurige polle sagte buigende gras kan gebruik word as sierrand vir meerjarige en struikbeddings, in groot groepe as massa-aanplanting, as helder vullerplante in houers, en selfs as waterplante in dammetjies. Die volgroeide grootte is sowat 30 by 30 cm. Euphorbia ‘Diamond Frost’ of ‘Breathless’ Hierdie nuwe euphorbia sal jou asem heeltemal wegslaan as die geronde meerjarige met ʼn massa wit blomme oortrek raak in al die seisoene behalwe die winter. Die plant is droogtebestand, het min water nodig en groei gelukkig in volson tot skadu, en dooie blomme hoef nie verwyder te word nie. Dit is die perfekte keuse vir ʼn randakker of om in houers te gebruik. Die planthoogte…

Plant Gaillardia Gaillardias word algemeen kombersblom genoem vanweë hul spreidende aard en is kortstondige meerjariges met die helderste madeliefieagtige blomme. Hulle selfsaai ook, blom herhaaldelik vir ʼn lang tyd met kleur en is rypgehard. Plant hulle in volson in goed dreinerende grond (vermy kleigrond) en wag vir die skoenlappers. Hulle verkies skraal grond, vermy dus bemesting. Verdeel die plante elke twee tot drie jaar om hulle aan die gang te hou. Lachenalia Vir volson kan jy nie ʼn fout maak met die inheemse Lachenalia nie. Hulle hou van goeie dreinering en ligte grond en vaar goed as hulle in rotstuine, voor in tuinbeddings of in potte geplant word. Moenie tydens plant kompos gebruik nie en voeg sand by om die grond ligter te maak. Maak deur die jaar gereeld nat…

Plant gesiggies, papawers en primulas Hierdie jaarplante, die tuin se winter en lentekleurwonders, is gewild en verruklik in die tuin. Hulle het elkeen ʼn plekkie in die tuin: Primulas hou van ligte skadu, gesiggies het nie veel fiemies nie en papawers verkies volson. Plant almal in ryk leemgrond en hou die plante klam. Verwyder voortdurend dooie blomme om meer blomme en bosagtige groei aan te moedig en voed tweeweekliks met ʼn vloeibare plantvoedsel. Sparaxis Sparaxis is maklik om te kweek met treffende kleurryke blomme, en sal in digte groepe van 25 of meer ʼn rotstuin of blombedding ophelder. Hoewel hulle in skraal grond sal groei, vaar hulle die beste met hope kompos en goeie dreinering. Maak hulle heelwinter nat en hou dop vir slakke en naakslakke. Hulle kom in winterreënstreke…

Plant Anigozanthos Dié plant word algemeen kangaroepoot genoem vanweë die voorkoms van die blomme wat selfs ʼn wollerige tekstuur het. Anigozanthos is perfek vir ʼn spatsel kleur as hoë plante in ʼn blombedding en is geskik vir potte. Hulle is ʼn goeie keuse vir rypvrye tuine in volson of ligte skadu en hou van sanderige leemgrond met goeie dreinering. Maak goed nat terwyl dit blom maar glad nie in die winter nie. Knip die plant na blom netjies en die blomme af. Gladiolus Die hoë, skitterende swaardlelieblomstele is die rede waarom hulle so welkom in die tuin is, maar hulle is ook maklik om te kweek. Die moderne hibriede blom in die somer en word ongeveer 1 m hoog. Laat blom hulle in groepe om lank die perfekte blomme vir…

Plant engelvlerkies Net soos dartelende skoenlappers dans die blomme van Gaura lindheimerivan vroegsomer tot in die herfs in die briesie en lewer ʼn spesiale vertoning in die kleur van jou keuse, van donker- en ligpienk tot spierwit. Hulle is sonliefhebbers, maar kan in halfskadu geplant word, verdra hitte en vogtigheid en oorleef droogtetydperke. Plant hulle in goed dreinerende grond wat met kompos en algemene misstof verryk is, maak drie maal per week nat en kyk hoe blom hulle. Verdeel die polle in die herfs. Dahlias Hierdie bosagtige plante met groot blomme in ʼn enorme reeks kleure en kleurkombinasies lewer skitterende vertonings. Hulle hou van ʼn sonnige, warm plek en baie water. Hulle is nie fiemiesrig oor grond nie, maar dit moet goed dreineer. Plant die hele knol omdat dit kos…

Die Groeikamer Iets wat ons raakgesien het toe ons onlangs uit was, is die skouspelagtige Groeikamer. Toe dit by die Garden Worldtuinontwerpskou ten toon gestel is, het dit die meeste aandag getrek, en ons het gevoel ons moet dit met julle deel. Dit is ʼn bolvormige struktuur van lasergesnyde laaghout wat op ʼn manier as kweekhuis werk. Die struktuur is 2,8 m hoog en 2,5 m wyd sodat ʼn mens gemaklik daarin kan staan of van die geïntegreerde sitgebied gebruik kan maak. Die rakke het plek vir sowat 400 potte van 15 cm in deursnee daarom word dit sommer ʼn mooi vertoning! Wat ʼn wonderlike ontspanningsplek vanwaar jy jou tuin kan geniet! Die Groeikamer kan gebruik word om enigiets in te plant, waaronder groente en kruie, omdat die bolvorm sonlig…

Plant Coleus Kry josefskleed (coleus, Solenostemon) vir kleur in al die seisoene. Hulle groei in kolle volson tot skadu en het baie min sorg nodig. Die kleur en vlekmengsels op hul blare maak van hulle baie spesiale plante en hul blomme is nie van belang nie. Sny inderdaad die blomstingels af voor hulle blom om die blare bosagtig te hou. Hulle kom van die trope en hou dus van hitte, vog en ryk grond, nie van ryp nie, en moet in die winter toegemaak word. ʼn Deklaag help met waterhouding, maar voorkom aanraking met die stingels anders kan hulle vrot. Hulle aard goed in houers. Chasmanthe Die maklik-om-te-kweek inheemse Chasmanthe is hoog en elegant vir die agterkant van blombeddings. As hulle eers geplant is, kan hulle baie jare in die…

Plant duisendblad Achillea millefolium (duisendblad) is ʼn maklik-om-te-kweek meerjarige wat in volson in elke grondsoort van klei- tot sandgrond gedy. Die spierwit variëteit is die medisinale plant en kan gebruik word vir baie ongemak, waaronder snye, oorpyn en neusbloeding. Die wonderlik gekleurde duisendbladhibriede verskaf nie net uitstekende kleur nie, maar kan as natuurlike insekdoders, metgeselplante en komposaktiveerders gebruik word. Met twee maal per week se natmaak en af en toe ʼn paar grawe kompos sal dit vir altyd lewe. Duisendblad is ʼn goeie aanwyserplant omdat dit altyd eerste aantoon dat dit natgemaak moet word. Lilium Lelies is in talle kleure te kry en is een van die wêreld se gunstelingsnyblomme. Dit is ook een van net ʼn paar blomme wat in Junie geplant kan word. Die beste plek in die…

Dis tyd om met ʼn bokasji-houer te begin Plant heucheras Met so ʼn versameling verleidelike kleure is dit moeilik om ʼn paar uit die heuchera-seleksie te kies: Die blare is die sterre terwyl die blomme klein en fyn is. Die meeste van hulle hou van ʼn halfskaduplek in die tuin en groei goed in potte. Hulle is besonder droogteverdraagsaam en het min water nodig – weekliks gedurende die warm somer. Die blomme lok skoenlappers en voels, maar sny hulle af sodra hulle uitgeblom is om die plant bosagtig te maak en meer mooi blare te kry. Galtonia Inheemse Galtonia kom van die suidelike Drakensberge. Huistuiniers kan hulle by verskaffers kry om te kweek, en dit is die moeite werd om hierdie mooi blomme in die tuin of in potte te…

Plant lewisia Wat kan nou perfekter wees as ʼn blommende vetplant wat min water en ʼn flou oplossing veeldoelige misstof maandeliks nodig het? Hierdie plante is ideaal vir rotstuine, tussen plaveistene, in blombeddings en in potte vir in die huis mits hulle goeie dreinering en matig vrugbare grond het. Die blomare is te kry in skakerings van pienk tot diepmagenta, geel, perske en lemoen, en verskyn van laatlente tot vroegwinter. Begonias Knolbegonias is uitstekend vir ʼn skadukol in die tuin of in potte. Hulle hou van goeie dreinering en ryk grond met bygevoegde veen en kompos. Hulle groei goed onder bome of op ʼn lig beskadude patio, en kan ook binnenshuis op ʼn ligte plek gekweek word. Ryp en wind geval hulle nie. Gee hulle in die lente en somer…