Innholdsfortegnelse for August 2019 i Die Tuinier Tydskrif

Ons omvattende oorsig oor vanjaar se Chelsea-blommeskou is vandeesmaand vars van die pers. “Tem die natuur” was so ʼn VUURWARM neiging in talle tuine dat sommige selfs die idee vertoon het van die kweek van onkruid (o aarde, ek het die “o”-woord gebruik!). Is dit inderdaad moontlik dat natuur en onkruide vertoon is by die Wereld se Voorste Tuinskou wat tuinneigings vir die jare vorentoe bepaal? Ek is verheug! Wat ons sien, is die volgende stap in tuinkultuur wat van “grillige aanplanting” na opsetlike aanplanting beweeg om biodiversiteit en balans te koester en, waarskynlik die vernaamste rede, om anders te wees. Ja, vanselfsprekend kan ons nie baie van hul “onkruide” kweek nie, maar ʼn duidelike voorbeeld van hoe ons sodanige plante in ons tuine kan invoer, is die nederige Melinis…

’N GALERY VAN SILWERKLEURIGES Lavandula stoechas ‘Silver Anouk’ • Uitstekende silwerwit loof met ʼn sweempie blou.• Geurige donkerviolet blomme met laventel skut- of kroonblare in die lente – wat weer blom in ander seisoene.• ʼn Fleurige, regop groeiwyse (46 cm x 36 cm).• Vir gebruik in randakkers, as ʼn lae heining of in ʼn pot. Lychnis coronaria (hemelsrosie) • ʼn Twee- of meerjarige wat om sy silwergrys fluwelige blare sowel as oorvloed blomme in die lente en somer gekweek word.• Polvormend met digte wollerige eiervormige blare.• Uitstekend om in ʼn massa in ʼn randakker te plant.• Grootte ongeveer 80 cm by 45 cm. Podalyria sericea (silwer keurtjie) • ʼn Baie sierlike, maar ongelukkig kwesbare inheemse struik.• Sagte immergroen syagtige silwergrys loof wat ʼn silwer glans aan die hele plant gee.•…

Lede van die genus Pavetta is dwergstruikies of klein boompies wat tot die koffiefamilie Rubiaceae behoort, en die ongeveer 400 spesies is oor tropiese en subtropiese Afrika, Asie en Australie heen versprei. In Suid-Afrika kom minstens 20 spesies slegs in die somerreenstreke van die Oos-Kaap tot Limpopo voor. P. zeyheri bestaan uit twee subspesies. Die een, subsp. middelburgensis, is ʼn lae, spreidende struik wat tot die Middelburggebied van Mpumalanga beperk is, en die ander, subsp. zeyheri wat ook as die fynblaarbruidsbos bekend is, is die onderwerp van hierdie artikel. Hierdie plant word meestal gekweek, en word aangetref in die Vrystaat, in die noordelike provinsies Mpumalanga, Limpopo, Gauteng en Noordwes, sowel as in Botswana. Die veelvertakte struik of klein boompie word van 3 tot 4 m hoog en het smal, gladde…

Wildsvleis raak al hoe makliker verkrygbaar, selfs in supermarkte, en die goeie nuus is dat dit organies en vrylopend is en ook min vet het. Sedert die vroegste Khoi-San-jagters maak dit deel van ons kulinere geskiedenis uit en is steeds op die spyskaart, nou egter nie as oorlewingskos nie maar eerder as fynproewerslekkerny. Wildspastei is ʼn spesialiteitsgereg by La Motte Wynlandgoed in die Kaapse Wynland. Die wildsvleis word gemarineer en dan stadig met murgbene, spek en skaapstertvet gestowe. Die resep is van geslag tot geslag oorgedra. Salie, tiemie en roosmaryn kan vir ekstra geur bygevoeg word. Suid-Afrikaanse wildsvleis is gewoonlik die vleis van die impala, koedoe, eland, gemsbok, springbok en blesbok, en is te kry as maalvleis, frikkadelle, braaigeregte en biefstuk. Volgens die Checkers “Bushveld Pride”-reeks is springbok die gewildste…

Chemiese plaagbeheer en plantvoeding het die afgelope 80 jaar die norm geword met baie newe-effekte wat egter onlangs begin verskyn het. Die goeie nuus is dat nuwe natuurlike innoverings wat ʼn langtermyn holistiese alternatief bied, nou na vore kom – biologiese middels. Die biologiese benadering is toegespits op die natuur, wat natuurlik voorkomende sinergistiese verhoudings ondersteun om oorlewing en volhoubaarheid te verseker. As tuiniers is ons geleer om bakteriee as kieme, swamme as siektes, en insekte en onkruid as plae te beskou. Die wetenskaplike waarheid is egter dat baie van hierdie goggas voordelig en selfs noodsaaklik vir gesonde plantgroei en ontwikkeling is. Wanneer daar te veel van een plaagspesie is, is dit dikwels ʼn aanduiding van kwesbaarheid en dat die natuurlike balans versteur is. Natuurlike biologiese beheer vind voortdurend op…

1 Eisj! Kies ‘Evka’… Pelargonium peltatum ‘Evka’ is ʼn kolsuring met rooi enkelblomme en witomrande loof – ʼn pragtige kombinasie wat hierdie hibried met mooi kleur laat tref. Dit het ʼn halfrankende groeiwyse en is ideaal vir potte, mandjies en randakkers. Alle soorte pelargoniums maak op vyf uur son per dag staat om suksesvol te blom. Maak hulle net nat as hulle droog is, en voed tot so dikwels as tweeweekliks omdat hulle honger plante is. 2 Gee grasperke nou liefde Wat “die lentebehandeling” vir die grasperk genoem word, behels om grasperke kort te sny, te steek en sterk te hark, gelyk te maak, oorvloedig te voed en te bedek met ʼn voedsame kombers van organiese grasperkdeklaag. Dit word gewoonlik in Augustus uitgevoer, hoewel September steeds goed vir kouer gebiede…

Die veelsydige en liggewig Lavor Wash NINJA 120-drukwasser is die ideale toevoeging tot jou huisskoonmaakarsenaal en is nou in Suid-Afrika te kry. Het jy geweet dat waterverbruik met ʼn hoedrukskoonmaker nege keer minder is as met ʼn gewone tuinslang? Hierdie drukwasser bied topgehalteprestasie en betroubaarheid. Die kompakte ontwerp daarvan maak dit nuttig en ideaal vir enige buiteskoonmaakbehoefte. Die beste is om dit te gebruik vir die skoonmaak van terrasse, verandas, patio’s, inrypaaie, tuinmeubels, motors, motorfietse, karavane, fietse, geute, dreineerkanale, hekke, bote en persoonlike watertuie. Dit word gekenmerk deur ʼn driesuieraluminiumpompkop met ingeboude omloopkleppe met ʼn outomatiese stopstelsel om die motor te beskerm. Die ergonomiese handvatsel en wiele sorg vir uitstekende beweeglikheid in en om die huis. Dit het ʼn eenjaarwaarborg wat internasionaal erken word. www.klbengineering.com…

‘Big Rainbow’ Ons is eenvoudig dol oor die verskeidenheid van kleur en vorm van erfenistamaties, en ‘Big Rainbow’ is ʼn goeie voorbeeld hiervan. Vanselfsprekend is die vrugte kleurvol, wat wissel van goudoranje tot rooi aksente, maar die vorm is ook van belang. In plaas van rond of ovaal te wees, lyk die vrugte van ‘Big Rainbow’ nogal soos ʼn klein pampoentjie wat gegroef en gerib is en met daardie heerlike oranje skakering. Dit is een van die biefstuktamaties wat beteken dat die vrugte baie groot is, (tot 10 cm in deursnee en amper 1 kg elk in die geval van ‘Big Rainbow’!) en met ferm, vlesige vleis. Dit is goed geskik om rou geeet te word, en sny besonder goed. Die onbepaalde ranker word ongeveer 2 m hoog en dra…

1 Maak stamrose vas Die Augustuswinde kan baie maklik die koppe van stamrose afbreek as hulle nie goed vas is nie. Maak seker die stut is hoog genoeg sodat die punt tot in die kroon strek. Die ideale stut het ʼn T-staaf bo waaraan die kroon vasgebind kan word om te keer dat dit gedraai word. Ek hou daarvan om stroke skadudoek te gebruik wat al die pad op tot in die kroon toegedraai en vasgemaak word. ʼn Mens kan ook stroke broekiekous of enige bree materiaalbande gebruik, maar nie draad of kabelbinders wat uiteindelik die stam kan wurg nie. Maak goed seker die bande is nie te styf nie. 2 Maak klimrose netjies Klimrose blom die beste op die vorige seisoen se groei en hoef dus nie soos ander…

JY HET NODIG 1 x Stevia rebaudiana2 x Kale ‘Songbird White’1 x wit Pelargonium peltatum1 x saailingkissie of klein lychnis-plantjies1 x saailingkissie wit gesiggies ʼn Tuingrafie Potgrond Beenmeel Atlantic Bio Ocean STAPPE 1. Haal die bestaande plante (in ons geval die salies) met die handgrafie uit – moenie in die versoeking wees om hulle uit te trek nie omdat hulle steeds nog baie potensiaal het.2. Skep die boonste laag potgrond uit die pot uit en gooi dit opʼnplek in die tuin wat opgevul moet word. Die twee redes hiervoor is die bestaande potgrond is verdig en nie meer brokkelrig nie, en dit gee ook vir jou meer werkruimte as die nuwe plante ingesit word.3. Voeg ʼn groot hand vol beenmeel en Atlantic Bio Ocean by die grond en meng dit…

Nooi jou vriendinne uit om ʼn dag by The Herb Farm bederf te word! Jy sal getrakteer word op ʼn heerlike teemaaltyd (“high tea”), die jongste oes van Reyneke Organic Wines kan proe, ʼn verskeidenheid kruietees aangebied word om te proe, ʼn hand- en voetpamperlangsessie met Herb Afrique kry, en ʼn prettige werkswinkel met Lizette Jonker kan bywoon wat ons leer hoe om kruie in ons daaglikse kokery en in souse en slaaisouse te gebruik – en huis toe gaan met ʼn geskenksak net vir jou! Vir meer inligting of om te bespreek: info@herbfarm.co.za 010 447 3517 Herbfarm.co.za The Herb Farm, Summitweg 264, Blue Hills, Midrand…

Hoëveld en KwaZulu-Natalse Middellande Saai: Beet, blaarslaai, eiervrugte (ontkiem binne), groenertjies, kool, rabarber, radyse, rape, rissies (ontkiem binne), snybeet, spinasie, stam- en rankbone, tamaties (saai binne) en wortels Middelveld (Tshwane en ander gebiede met minder ryp) Saai: Beet, blaarslaai, bos- en rankskorsies, eiervrugte (ontkiem binne), komkommers, kool, mielies, pampoen, rabarber, radyse, rape, rissies (ontkiem binne), spanspek, spinasie en snybeet, stam- en rankbone, tamaties (binne), witwortels en wortels Oos-Kaap en Klein-Karoo Saai: Beet, blaarslaai, eiervrugte (ontkiem binne), komkommers, kool, rabarber, radyse, rape, rissies (ontkiem binne), spinasie en snybeet, tamaties, witwortels en wortels Wes-Kaap (en Suid-Kaapse kus) Saai: Beet, blaarslaai, bos- en rankskorsies, eiervrugte (ontkiem binne), groenertjies, mielies, rabarber, radyse, rape, rissies (ontkiem binne), snybeet, tamaties, witwortels en wortels Noord-Kaap en Groot-Karoo Saai: Beet, blaarslaai, bos- en rankskorsies, eiervrugte, ertjies, mielies, rabarber,…

Die voelsitboom is ʼn goeie keuse vir diegene wat natuurlewe na hul tuine wil lok. Die lang are met wit tot roomkleurige blomme wat tot 160 mm lank neerhang en die boom van Oktober tot Januarie bedek, lok ʼn veelsoortige menigte insekte en skoenlappers. Die bessies verskyn dan van Januarie tot Mei en vorm lang tossels wat baie voelspesies en klein soogdiertjies geniet. Dit word op verskillende tye ryp en verander van wit na groen, rooi en swart. Daar is dan ʼn sterk moontlikheid dat voels die blomme sal bestuif en die saad sal versprei. Beskrywing In die natuur kan hierdie boom tot 15 m hoog word, maar in ʼn tuinomgewing sal die grootte meer waarskynlik sowat 7 m hoog wees. Veelvoudige stamme verskyn uit die grond, wat daarvan ʼn…

GAUTENG 31 Augustus en 1 September • Clivia-, Bonsai- en Orgideelentefees Dit is ʼn gulde geleentheid om ʼn paar van die mooiste voorbeelde van hierdie uiteenlopende plantgroepe te sien. Skaars en uitsonderlike plante is te koop, terwyl toptelers in hul onderskeie velde daar sal wees om vrae te beantwoord en hul kundigheid vrylik te deel. Plek: Laerskool Rooihuiskraal, h.v. Panorama- en Maraboestraat, Rooihuiskraal, Centurion Tyd: 08:00 – 16:00 Toegangsgeld: Gratis Navrae: Martin 083 937 5216 WES-KAAP 29 Augustus – 1 September • Cape Town HOMEMAKERS Expo Vanjaar sal besoekers die heel nuutste in huis-, dekor-, ontwerp- en leefstylneigings kan besigtig, aanraak en ervaar, asook kan kyk na ʼn paar nuwe en opwindende ontwerpe vir ons wollerige vriende in die troeteldierontwerpkategorie. Plek: Die Kaapstadse Internasionale Konvensiesentrum, Onder-Langstraat 1, Kaapstad Tyd: 10:00…

Maantuiniers bepaal die tyd van hul tuintake volgens die groei of kwyn van die maansiklus en vermeld hoer opbrengste en meer tuinmaakplesier.let op dat"blaar"-dae in die voorlentesiklus op rypvrye gebiede dui. Plant tenger kruie onder bedekking in streke met ryp of wag tot volgende maand. Die halfvrugbare dae voor volmaan is geskik vir die plant van borne en struike, en die naweek na volmaan is goed vir die plant van bol en wortelgroente. Maak van die laaste kwartier tot nuwemaan beddings skoon en gereed vir lente en somergroente en beddingplante. BESTE DAE VIR AUGUSTUS…

“The Savills and David Harber Garden” Dit was my heel eerste besoek aan Chelsea en hopelik die begin van nog vele meer. Ek het die vorige namiddag in Sloane Square rondgestap waar Chelsea-koors hoog geloop het. Winkeleienaars het hul vertoonvensters met massas blomme en siermotiewe versier. Die mense het gese dat Chelsea 2019 ʼn sterk hoofboodskap het om saam te neem huis toe: Gaan daarheen en vier die herskeppende krag van die natuur. Ek ontwerp gewoonlik bladplanne agter die skerms vir Die Tuinier en was nou so gelukkig om die persdag van die toonaangewendste Blommeskou in die wereld by te woon. Nadat ek my perspak gekry het, het ek Main Avenue gaan NATUURLIK, die nuwe manier om dit te doen soek waar sommige van Brittanje se beste ontwerpers die afgelope…

Somerviooltjies is onweerstaanbaar. Hulle is klein en geurig, blom sonder fiemies en is te kry in al die kleure van die reenboog. Wat meer wil ʼn tuinier heʼn Somerviooltjies wat in Augustus geplant word, gee die lentetuin ʼn hupstoot, en as dit op ʼn sonnige maar koel plek (oggendson of spikkelskadu) geplant word, sal dit tot November, of selfs langer, aanhou blom. Eenjarige somerviooltjies dra ʼn massa piepklein blommetjies wat uitblink as tuinrande of omrandings, grondbedekkers onder bladwisselende bome en plante om barste in klipmure of loffelsteinblokterrasse te vul. Hul blomme is eetbaar, wat hulle ook geskik maak vir die wintergroente enkruietuin. Plantwerke • Werk tydens grondvoorbereiding kompos en stadig vrystellende misstof in wat gedurende die volgende maande voeding stadig sal vrystel.• Werk ekstra organiese materiaal in swaar grond in…

Die lente kan ʼn dol tyd vir tuiniers en ook bonsaikwekers wees. Dit lyk of alles gelyktydig gebeur, en as jy meer as net ʼn paar bonsai’s het, kan dinge baie vinnig handuit ruk. Namate die dae langer word, lyk dit of nuwe spruite en blare op elke denkbare plek op bome uitbars. Dit is natuurlik goed, maar as jy nie die groei beheer nie, kan bonsai baie maklik hul vorm verloor en bosse raak. Bome maak meestal in die lente nuwe lote op plekke waar ons nie eintlik wil he takke moet groei nie. Dit kan nogal skadelik vir die boom wees om hierdie takke te laat groei wat voedingstowwe gebruik wat op ander plekke aan die plant beter benut kon gewees het. Waterlote is lote of takke wat…

Daar is ʼn goedkoop manier om afgevalde herfsblare, grassnysels en ander organiese materiaal wat in kleiner stukkies gesny is in waardevolle kompos vir jou tuin te verander sonder die nodigheid om regtig ʼn groot komposhoop te maak of ʼn geskikte komposteerder te koop. Al wat jy nodig het, is: • stewige swart plastieksakke;• ʼn paar hande vol hoendermis;• tuinafval; en• ou koerante. Maak so •Sit die eerste laag tuinafval in ʼn sterk swart plastieksak. (Dit kan ʼn mengsel wees van blare, klein takkies en ander growwe materiaal soos die snoeisels en uitgespitte dele en stingels van uitgeblomde een- en meerjariges). • Sit dan ʼn dun lagie geskeurde koerantpapier bo-op.• Sprinkel nou ʼn laag goed verteerde hoendermis van hoogstens 1 cm dik bo-oor. Hoendermis is by die meeste kwekerye te kry…

JY HET NODIG 32mm-dennehout wat die volgende afmetings gesaag is: 3 x 1000 mm x 100 mm x 32 mm (sitblad)1 x 820 mm x 100 mm x 32 mm (steunplank)4 x 460 mm x 100 mm x 32 mm (pote)2 x 260 mm x 100 mm x 32 mm (pootverspanstukke) HoutgomHoutonderlaagVerf50 mm-Kreg-skroeweKreg-proppe5 mm x 55 mm-voldraadsnyskroewe Gereedskap Kreg Jig K4 Master System (setmaat), Festool- koordlose boor, TorkCraft-skuurhandskoen, verfkwas, verfroller MAAK SÓ 1 Sny al die stukke volgens die afmetings op die diagram. Die bo- en onderkante van die pote is hoekig en ewewydig. Kry dit so deur 10 mm van die punt af aan die teenoorstaande lang kante te meet, te merk, dan ʼn lyn van die merk na die naaste hoek te trek en op hierdie lyn langs…

TEKEN IN EN SPAAR Prysverhoging volgende maand. Hernu nou teen huidige tariewe In Suid-Afrika kos ’n jaarlikse intekening (12 uitgawes) net R385 en ’n hernuwing R375. Pensioenarisse betaal R340. Laat asseblief tyd toe vir die verwerking daarvan. Alle plaaslike pryse sluit BTW in. ’n Jaarlikse intekening vir oorsese intekenaars kos R685. GESKENKE Posintekenaars kry jaarliks 2 geskenke 6 MAANDE SLEGS R200 12 MAANDE SLEGS R385 AANLYN BESPAAR 34% VAN RAKPRYS as jy inskryf op ons digitale uitgawe op Magzter! Skandeer hierdie QR code om in te skryf of besoek www.magzter.com INTEKENING IS MAKLIK Bel Noks op 031 003 0940 vandag E-pos subs@thegardener.co.za met jou besonderhede Teken aanlyn aan by thegardener.co.za Kliek ‘shop’ Navrae bel 031 003 0940 of e-pos subs@thegardener.co.za…

Die hande in ons huishouding is nie gemaak om suksesvolle projekte aan te pak wat materiale soos hout, sement, bakstene, verf en selfs gom, insluit nie. Alhoewel ek moet sê dat ons ’n baie gawe en geliefde ou tafel op die stoep het wat my wederhelfte jare gelede aanmekaar getimmer het. Dit was toe hy nog ’n dubbelmotorhuis vol van die nuutste houtwerkgereedskap gehad het. Hy was, en is nog steeds, ’n energieke koper van gereedskap en allerlei katoetertjies. Ongelukkig eindig die meeste in dele in die stoorkamer om nooit weer gevind te word nie. Die voorneme is goed, maar dit word nie volhou nie. Ek kan nie besluit of dit vanweë onhandigheid is, of ’n gebrek aan toegewydheid nie. Miskien is dit omdat hy ’n Tweeling is. Blykbaar raak…