Innholdsfortegnelse for June 2019 i Die Tuinier Tydskrif

Die weer het saamgespeel en die skou is op ʼn pragtige sonskyndag in Melbourne geopen. As ʼn mens by die terrein instap, tref die grootte jou van alles teen die agtergrond van die onberispelike tuin onder eeueoue bome. Die opwinding is voelbaar en jy word omring deur prag op hierdie gelukkige plek. Die nuttige kaart het ons reguit na een van die hoogtepunte van die skou, die ontwerpertuine, gelei. LANDSKAPONTWERPSKOUTUINE Australië se beste tuinargitekte het by die Melbourne-blommeskou bymekaargekom om skoutuine van onberispelike gehalte te bou en te vertoon. Elkeen het ʼn unieke beeld van wat ʼn skoutuin moet vertolk en waaroor moderne ontwerp gaan. Die algehele gevoel wat ʼn mens van dié tuine kry, is dat die ontwerpers ingestel is op die hedendaagse leefwyse – veral die buiteleefwyse. Tuinontwerp…

Die suikerbos is een van Suid-Afrika se ikoniese en bekendste proteas. Sweedse botanis Carl Linnaeus het dit in 1753 eers as Leucadendron repens beskryf, en amper 20 jaar het verloop voor hy dit uiteindelik in 1771 onder Protea geplaas het in sy lywige boekdeel Mantissa Plantarum Altera. Die soortnaam repens, wat kruipend beteken, is onvanpas vir hierdie plant, wat ʼn regop groeiwyse het. Linnaeus het in Swede gewerk met ʼn swak droë eksemplaar met ʼn baie kort stingel wat aan die Kaap versamel is, en was skynbaar onder die wanindruk dat die plant ʼn lae, kruipende groeiwyse het. Die reëls van botaniese naamgewing bepaal egter dat die vroegste naam wat aan ʼn plant gegee word voorkeur geniet bo later gepubliseerde name. Om dié rede moes die heeltemal gepaste naam mellifera,…

Howard Feed-N-Wax Howard Feed-N-Wax is ʼn topkwaliteithoutvoedsel-en-politoer wat die natuurlike prag en draad van die hout uitbring. Dit keer ook die uitdroging en agteruitgang van hout met ʼn laag natuurlike wassoorte. Feed-N-Wax is ʼn spesiale mengsel van byewas, carnaubawas en lemoenolie wat tot ʼn pragtige sagte glans poleer. Gebruik dit verkieslik ongeveer maandeliks om die natuurlike prag van houtmeubels in stand te hou. Howard maak verskeie houtafwerkingsprodukte, waaronder Howard SunShield vir buitenshuise houtprodukte. JY HET NODIG • ʼn Ou stoel (of enige meubelstuk wat ʼn bietjie liefdevolle sorg kort)• Howard Feed-N-Wax-houtpolitoer-en-opknapper• ʼn Stuk 9 mm-laaghout ongeveer 500 mm x 500 mm• ʼn Stuk lap ongeveer 700 mm x 700 mm• ʼn Stuk 30 mm-skuim, ongeveer 500 mm x 500 mm Gereedskap Festool-hangfiguursaag, Tork Craft koordlose miniskuurder, Tork Craft-skuurhandskoen, Tork Craft-krammer,…

Ek kyk graag televisieadvertensies (al is meeste van die goed in Engels!) en een van my gunstelinge is waar twee knape by ’n verkeerslig staan. Dan kom ’n fietse, silwerharige, ou dame geklee in ’n modieuse en styfpassende sportpakkie met lang hale aangedraf en kom grasieus tot stilstand. Tydsaam, strek sy haar een been na agter en dan so hoog, dat haar voet amper aan haar kop raak. In die agtergrond van hierdie toneel is ’n silwermetaalkleurige Toyota Tazz langs die straat geparkeer. Dit is dan wanneer die een knaap vir die ander ene wat oopmond staan, vra: “Is that an Ouma?”. Dit het my ’n ruk geneem om agter te kom of iemand dan nou atletiekklere vir fikse oumense adverteer, of dalk net vir kykers ’n Afrikaanse woord wil…

Crassulas is ʼn ongelooflike groot en veelsoortige vetplantgenus met talle spesies, subspesies, variëteite en vorms van regoor Suid-Afrika. Hoewel almal dit nie werd is om gekweek te word nie, is ander so interessant en mooi dat dit maklik is om in die slagyster te trap van om soveel moontlik van hulle te versamel! Die trefwydte van hierdie wonderlike genus is groot vir Suid-Afrikaanse tuiniers omdat daar ʼn plant uit die oorvloed crassulas vir omtrent elke plek te vinde is. Daar is grondbedekkers wat lustig groei en blom in skraal grond om boomstamme in droë of selfs nat (goed gedreineerde) halfskadu, of in moeilik plantbare keermure. Dan is daar ander crassulas wat gebruik kan word as helder kleuraksente in gruistuine, eksemplaarplante in groot houers of as taai struike, en selfs as…

Die terugkeer van die mode en ontwerp van die 1970’s hou een groot hoogtepunt vir ons tuiniers in: die huidige oplewing in die gewildheid van binnenshuise plante. As jy graag met die mode tred hou, is ʼn binnenshuise Ficus ʼn absolute moet. ʼn Paar Ficus-variëteite het onlangs die aandag van plantliefhebbers getrek en kan in groot letters op ontwerpblogs en sosialemediablaaie gesien word. Hier is drie keuses wat jy kan beproef om met die tyd saam te gaan: Ficus elastica ‘Robusta’ Ficus elastica, wat algemeen as die rubberboom bekend is, het onlangs die vernaamste binnenshuise plant geword. Sy groot blink blare en indrukwekkende hoogte is nie die enigste voordele nie: Dit is ook nommer vier in NASA se Skoonlugstudie, wat daarvan ʼn uitstekende lugsuiweringsplant maak. Ficus elastica ‘Robusta’ is ʼn…

1 As vir jou blombeddings Wanneer jy jou kaggel skoonmaak, hou die as van uitgebrande stompe en versprei dit om blomplante. Houtas is ʼn goeie bron van potas wat help om die blom van winterjaarplante, bolle en struike te bevorder. 2 Wend die verweringslaag van tyd aan Moedig ligeengroei op rousteenmure of kliptuinornamente soos kruike aan deur dit met vloeibare seewiermisstof of jogurt te verf. 3 Uitstekende boslandstruike Azalea ‘Magenta’ is waarskynlik die pragtigste variëteit wat die maklikste is om te kweek van al die asaleas (Rhododendron). Dit is ʼn groot struik (tot 3 m) wat groot enkelblommige magenta blomme van laatwinter tot die lente dra. Plant dit in die son of verkieslik in gefilterde skadu in goed gedreineerde grond wat met suur kompos verryk is. Asaleas hou van ʼn…

Aloe ferox (bitteraalwyn) Ou plante van hierdie groeikragtige enkelstammige aalwyn kan minstens 5 m hoog word, hoewel plante in tuine gewoonlik ongeveer 2 m word. Die blare is ʼn dowwe grysgroen wat rooierig verkleur in droë winterstoestande. Bruin tande word op die blaarrande aangetref, en soms vertoon jonger plante hulle aan die bo-en onderkant van blare. Bloeiwyses bestaan uit vyf tot 12 regop blomare, en die kleure wissel gewoonlik van oranje tot rooi, met geel en selfs wit vorms wat op spesifieke plekke aangetref word. Hulle blom van Mei tot Augustus. Hierdie aalwyn word in verskillende klimaatstreke van uiters droog tot grasvelde met hoë reënval aangetref en is waarskynlik die enkelstammige aalwyn wat die meeste in Suid-Afrika gekweek word. Aloe marlothii (bergaalwyn) Bergaalwyne is stewige plante wat ongeveer 4 m…

1 Verskuif rose wat op die verkeerde plek staan Rose wat in die skadu of te veel son is, of net nie reg lyk nie, kan dié maand veilig verskuif word. Berei eers die nuwe bedding of gat voor. Sny die plante met eenderde terug (etiketteer hulle as jy meer as een verskuif) en maak die plant goed nat. Grawe die volgende dag met ʼn graaf ʼn sirkel ongeveer 20 cm van die middel van die roos af om die roos. Maak seker die graaf steek die wortels af. Lig die bos uit die grond uit. Dit is makliker om met twee grawe te werk. Sny al die stukkende wortels en stingels af en plant die roos oor in die voorbereide grond. Trap die grond goed vas en maak goed…

Wat is die maklikste om kleur aan die winter-en lentetuin te verleen? Plant gesiggies! Niks klop hul bekoring en ongelooflike versameling kleure en kleurkombinasies nie. Daar is gesiggies met gesiggies, strepies, gekartelde kroonblare en selfs sommige wat lyk of hulle met die hand geverf is. As jy nie dink jou tuin het meer kleur nodig nie, kyk weer. Jy besluit hoe min of baie ruimte hulle in beslag moet neem. Hulle vul elke hoekie en gaatjie, ou kruiwa, hangmandjie en pot as rand of tussen lentebolle; oral waar daar genoeg winterson is. Gesiggies kan saam met ander blomjaarplante soos heuningblomme, Bellis perennis, Yslandse papawers, gousblomme en viooltjies geplant word. Gebruik hulle as rand om hoë leeubekkies (Antirrhinum), delphiniums en vilette te omraam. Plant gesiggies in ʼn bedding wat son sowel…

Mooi klein inheemse boompies is deesdae baie gesog om in tuine te kweek. Van hulle is die paddaboom een van die geskikste (en daar is ʼn groot verskeidenheid plaaslike Suid-Afrikaanse bome om van te kies!). Dié boom wat hoofsaaklik in die meer subtropiese streke aangetref word, kom van al sy baie kenmerke waarskynlik net kouebestandheid kort. Beskrywing Dit is ʼn klein boompie van ongeveer 3 tot 8 m hoog met ʼn reguit enkelstam en geronde kroon. Die kurkagtige bas is dofgrys met diep barste en kontrasteer met die blare wat heldergroen bo en ligter onder is. Die blare is lank, skraal en in teenoorstaande pare gerangskik met ʼn verhewe hoofaar en opvallende are, en val in die lente af. Diebomewordasbladwisselendtot halfbladwisselend beskryf, wat sinspeel op die feit dat hulle vir…

Dit is maklik om aan te neem dat die winter in die bonsaituin ʼn tyd van rus en ontspanning is. Dit is so dat bladwisselende bome al hul blare verloor het en gedurende die winter rus, maar vir die bonsaikweker is daar steeds baie te doen. Die lente volg op die winter, soos nog maar altyd sedert die ontstaan van die wêreld, en is ʼn tyd van koorsagtige aktiwiteit. Baie voorbereiding is gedurende die winter nodig om nie onverhoeds betrap te word nie. Namate daglig gedurende die lente toeneem, lyk dit of al die bome in jou bonsaituin gelyktydig nuwe blare maak. Dit is die regte tyd om bome oor te pot omdat hulle gedurende die lente uiters groeikragtig is en baie gou herstel van die oorpotproses. Om ʼn beduidende…