Innholdsfortegnelse for February 2019 i Die Tuinier Tydskrif

Roostake vir Februarie Watergeewenke Februarie kan die warmste maand van die jaar wees, en verstandige waterverbruik beteken daar is meer vir almal. Deur doeltreffend nat te maak kan meer met die water gedoen word. • Maak snags nat. Dit koel die rose af en die water het heelnag om in die grond in te sak sodat niks weens verdamping verlore gaan nie. Op baie warm nagte droog die water op die blare vinnig af, dus is die kans skraal dat swamsiektes ontwikkel. • Ondersoek vir wortelmededinging van nabygelee struike en bome, en verwyder soveel mededingende wortels moontlik. Sorg in Junie vir ʼn blywender oplossing deur die rose uit te haal, in potte te plant en weer in die grond te versink. Dan weet jy die water bereik net die rose.…

Die blouberglelie is een van Suid-Afrika se treffendste bloublommige bolle. Die lid van die hiasintfamilie (Hyacinthaceae) kom wydverspreid voor in die oostelike somerreenstreek van die land van die Oos-Kaap tot Mpumalanga, en word ook in Lesotho en Swaziland aangetref. Die uiters veelvormige spesie wissel van dwergvorms van net 15 cm hoog tot robuuste plante van minstens 1m hoog in volle blom. Die plant se habitat is uiteenlopend, en dit word gewoonlik in klam toestande op rotslyste, naby watervalle, langs rivieroewers en rondom vleilande aangetref, maar kom ook voor op betreklike droe klipperige heuwelhange in grasveld van naby die kus tot 2 500m hoog. Die plant het ʼn ingewikkelde taksonomiese geskiedenis. Dit is oorspronklik in 1830 as Scilla plumbea beskryf deur die Engelse botanis John Lindley van ʼn tekening af wat…

Agaves kom oorspronklik van die Amerikas, en hul aalwynagtige voorkoms het aanleiding gegee tot verskeie volksname, waaronder Amerikaanse aalwyn. Sommige is aggressiewe plante wat ʼn oorvloed sylote maak wat daartoe gelei het dat hulle tot uitheemse indringerplante verklaar is. Ander is van die statigste en mooiste argitektoniese plante vir die siertuin, veral omdat hulle vir warm, droe groeitoestande geskik en teen winterkoue bestand is. Agaves is ook uitstekende eksemplare vir potte op strategiese plekke. Hul bekoring is gelee in die vorm en kleur van die blare, wat dikwels met opvallende stekels bewapen is. Die plante maak blomare namate hulle volwasse raak. Na blom gaan die ouerplant dood en die saailinge of sylote bly agter om verder te groei. Agave vilmoriniana ʼn Groot plant met blare wat langer as 150 cm…

Ons hou daarvan om tuinsentrums en ontwerpskole te besoek om te sien watter briljante idees gedurende die jaar uitgedink is en hoe entoesiastiese jongmense wat nuut in die bedryf is die kennis wat hulle van hul ou professionele mentors absorbeer op vars ontwerpe toepas. Tydens ons onlangse besoeke aan Garden World en Lifestyle Tuinsentrum het ons baie gesien waaroor ons dol was. Hier is die idees wat ons eenvoudig met jou moet deel, en wat jy moontlik in jou tuin kan benut. 1. Deur en deur modern Ons was dol oor die skoon, hoekige lyne van die eietydse ontwerp wat uitstekend is vir ʼn meenthuistuin of binnehof. Die enigste kleur, ʼn absoluut moderne grys skakering, bind die verskillende elemente saam, terwyl die natuurliker elemente van ruhout, wit klippe, water in…

Lewisia cotyledon ‘Elise Mix’ is ʼn mooie toevoeging tot die verskeidenheid blommende vetplante vir tuine en houers wat min water kry, asook vir binne as langblywende dekorplant. Dit is afkomstig van die VSA se Pasifiese Noordweste en die Rotsgebergte en hou van goed gedreineerde, matig vrugbare grintgrond wat uitstekend om die plantkroon dreineer, veral in die winter wanneer dit weens te veel vog kan verrot. Lewisia ‘Elise Mix’ is ʼn meerjarige hibried wat die eerste jaar blom, laag groei, kompak (15 tot 30 cm hoog en wyd) is en ideaal is vir rotstuine, tussen plaveistene en in gemengde aanplantings met ander vetplante of plante wat min water nodig het. Skerms helderkleurige blomme in skakerings van pienk en diepmagenta, geel, perske en oranje wat bo ʼn roset van vlesige, lepelvormige groen…

Min plante kan meeding met vinca of kanniedood (Catharanthus roseus) se vermoe om in warm en droe weer te gedy. En nou het hierdie vertroude plant ʼn bekoorlike nuwe baadjie. Vinca ‘Tattoo’ is ʼn nuwe reeks wat spog met merkbaar ander blomme met donker oe en donker skadutinte wat lyk of dit met ʼn spuitkwas op die kroonblare aangebring is. Die kleure verskil ook opmerklik van die gewone vinca-kleure. • ‘Black Cherry’ het ʼn donker oog wat op die kroonblare warrel en daardie eksotiese tatoeeervoorkoms daaraan gee. • ‘Raspberry’ het lewendige dieproospienk kroonblare met ʼn donker oog. • ‘Papaya’ het pienkerige oranje blomme met ʼn pers oog wat in die kroonblare oorgaan. • ‘Tangerine’ is ʼn rokerige oranje met ʼn donker oog. Plante is bosagtig en goed vertak, wat meer…

EEk het al baie bome met swak oorpottegnieke doodgemaak en is nie die enigste een nie (dis altans wat ek vir myself se!). Alle bonsaibome moet die een of ander tyd oorgepot word. Hulle groei in betreklike klein potjies, wat beteken daar is beperkte ruimte vir hul wortels om te ontwikkel. Hierdie beperkte wortelruimte is juis die aspek wat ʼn miniatuurboompie skep, maar uiteindelik word al die grond opgebruik en groei die wortels al om die rand van die pot. Sodra die plant potgeknel raak, moet dit oorgepot word. Bome wat stadiger groei, hoef ʼn bietjie minder gereeld oorgepot te word, terwyl vinniggroeiende bome soms een maal per jaar oorgepot moet word, veral as hulle jonk is. Ouer bome hoef slegs ongeveer elke vyf jaar oorgepot te word. Die enkel…

Snybeet Snybeet is ʼn gewas wat amper heeljaar te kry is. Saai nou ʼn nuwe saaisel om tot die winter blare te gee. Plant in goed gekomposteerde, vrugbare grond wat baie son in die winter kry en beskut is. Plante is rypbestand maar geneig om in baie koue gebiede op te hou groei. Beproef dit Gee jou metabolisme ʼn hupstoot deur snybeet saam met ʼn geskilde lemoen en ¼ koppie aarbeie, amandelmelk of volroomjogurt te versap. Gesondheidsvoordele Dit is ʼn baie goeie bron van vitamien A, C en K, dieetvesel en minerale. Navorsing het bevind dat snybeet bloedsuikervlakke in die liggaam kan reguleer. Klein spinasievariëteite Klein spinasievarieteite lewer klein, smaaklike blaartjies binne 35 tot 40 dae na saai op. Die blaartjies het ʼn delikater geur as volgroeide spinasie. Saai tweeweekliks…

SIERRANKER Jy se patat, ek se mooi binnenshuise plant … Die rankende wingerdagtige blare van die patat sorg vir ʼn speelse en ongewone toevoeging tot jou versameling binnenshuise plante. Kinders sal trots wees daarop om te weet dat hulle iets so ongewoon, en om die waarheid te se, so koel, gekweek het. Jy het nodig • ʼn Paar gesonde, ongerimpelde patats – dis selfs beter as klein spruitjies by die patatogies begin uitloop. • Skoon glasflesse en bottels met bekke wat wyd genoeg is om die patats in te sit. Aanwysings • Maak die flesse tot amper bo vol water en sit die onderkant van die patat daarin sodat dit in die water rus. • Hou minstens die boonste derde van die patat uit die water. • Sit dit op…

Maak jou eie blompers deur die volgende stappe te volg: Jy het nodig 3 x 300 mm x 300 mm x 18 mm-houtborde4 x 100 mm x 8 mm-boute4 x 8 mm-vleuelmoere8 x 8 mm gegalvaniseerde wastersSkuurpapier Gereedskap ʼn Koordlose boor met ʼn 8 mm-boorpunt vir hout, ʼn maatband en potlood 1. Klamp die drie borde saam met die rande gelyk. Merk 40 mm van elke kant af op al die hoeke uit. 2. Boor ʼn gat in elke hoek terwyl dit nog geklamp is. Skuur al die kante van die borde glad. 3. Glip ‘n waster op ʼn bout in en steek deur die gate. Glip nog ʼn waster in en dan ʼn vleuelmoer. Herhaal vir al die hoeke. Hierdie pers stel jou in staat om twee lae blomme…

’n Bedreigende indringertjie het in ons land aangekom en kondig sy onwelkome teenwoordigheid aan deur tallose bome dood te maak. Die stompkopkewer wat gaatjies soos donshael in ʼn boomoppervlak maak, is afkomstig van Asie en is slegs 2,5 mm lank, maar kan die draer van ʼn aantal swamme wees. Fusarium euwallaceae, waarmee die kewer ʼn simbiotiese verwantskap het, is veral vernietigend deurdat dit bome se vaatstelsels afsny wat tot die afsterwe van takke of selfs die dood van bome lei. Die kewer besmet ʼn aantal uitheemse bome, waaronder platane (waarin dit in 2017 die eerste keer plaaslik in die Pietermaritzburgse Botaniese Tuin aangetref is), Japanse en Chinese ahorns, kapokbome, Europese eike, asook inheemse bome soos koraalbome, papierbasse en wilgers (combretum-en salix-soorte). Wat ook baie kommerwekkend is, is dat dit bekend…

BESTE DAE VIR FEBRUARIE…

Kies self… Laat jou Valentyn kies wat hy/sy wil he met geskenkbewyse van tanyavisser.com. Knip nou, sit gouer Die Husqvarna 115iHD45-heiningknipper is maklik om te gebruik en te hanteer, en stil genoeg vir seisoenale gebruik in woongebiede. Dit is gemaklik en duursaam, en bied kragtige prestasie met geen direkte uitlaatgasse nie. Die uitstekende keuse vir huiseienaars sit veilig en gerieflik aan met die intuitiewe sleutelbord, het ʼn doeltreffende borsellose motor met savE™-funksie vir ekstra looptyd en ʼn litiumioonbattery wat lank hou. www.husqvarna.co.za Vonkelende petunias ‘Lightning Sky’ is die volgende aflewering in ons gekolde petunia-reeks wat volg op ‘Night Sky’ en ‘Baby Doll’. Hierdie treffende petunia is ʼn diepboergonjerooi met roomgeel kolle wat ook in strepe kan ontwikkel. Die blomme verander hul kleurpatroon na gelang van die temperatuur en plek, wat…

Die luggie is koel, ’n fris oggendbriesie, bome is vol goudkleurige en rooibruin blare – die herfs is hier. Glo dit as jy wil, dit is nou planttyd omdat wonderlike tuine in die herfs begin. Daar is kwalik ’n beter manier om hierdie inspirerende seisoen te vier as om Die Herfstuinskou te besoek wat vanjaar van 5 tot 7 April 2019 die tweede keer by The Herb Farm, Summitweg, Midrand, gehou word. The Herb Farm, Summitweg 264 (R562), Bridle Park, Midrand, 1685 Hekke is daagliks van 9 vm. tot 5 nm. oop. (Laatste inkoms om 4 nm.) Loketkaartjies: R80 Volwassenes, R65 Pensionarisse en Kinders (Kinders wat onder die Reusemadeliefie inpas slegs R10) Afslagkaartjies aanlyn beskikbaar by www.webtickets.co.za Gaan stap ’n entjie deur die skilderagtige kruietuin, ’n lewendige viering van die…

Hierdie suur en tog aromatiese vrugte is onontbeerlik vir kulinere en huishoudelike doeleindes. ʼn Goed versorgde suurlemoenboom verskaf maande lank ʼn oorvloed vrugte, en baie van hulle voldoen uitstekend aan die beskrywing van gedurig dra. Hoewel die lente die hoofblomtyd is, blom hulle en dra sporadies vrugte deur die seisoene. Die geurige bloeisels is net nog ʼn voordeel van hierdie mooi immergroen bome wat ewe tuis in die siertuin as in die boord in die agterplaas van baie ou tuine is. Maak seker jou tuin is volledig met ʼn gelukkige en gesonde suurlemoenboom gerieflik naby. Hier is al die raad wat jy nodig het om dit reg te kry. Kies die regte boom Die meeste sitrusbome, waaronder suurlemoene, word voortgeplant deur die verlangde kultivar op ʼn geskikte onderstam te okuleer.…

Hidrosonering is vir die meeste tuiniers nie ʼn nuwe konsep nie. Dit is ʼn praktiese benadering om te verseker dat plante met soortgelyke waterbehoeftes saamgegroepeer word om watervermorsing te voorkom. Met munisipaliteite landswyd wat waterbeperkings instel, sal hidrosonering help om watergebruik in die tuin te verminder. Een van die belangrikste - 1 elemente by die suksesvolle toepassing van watersonering is om te weet watter plante om saam te groepeer. Plante kan in enige tuin, hetsy oud of nuut, gegroepeer word. Hieronder is ʼn gids om jou te help. Hidrosonering kan in vier kategorieë verdeel word, naamlik: • Hoë waterverbruik, wat 10% tot 30% van die tuin beslaan. Dié area het meer water nodig (750 tot 1000 mm per jaar) en is ideaal vir ʼn fokuspunt om rnaksimum trefkrag te bied.…

Die inspirasie vir hierdie artikel het gekom van die fantastiese kleure wat krismisrose word namate hulle na die blomtyd begin verkleur en verouder. Hulle is eenvoudig uitstekend om in die huis in te bring en ʼn saai hoekie op te helder en hou baie lank. Hier is ʼn paar wenke en maniere om die somer met behulp van die kuns van droog te bewaar. Kies die regte blomme om te droog Dit lyk of sommige blomme, soos krismisrose, vanself droog, terwyl ander, soos vetplante, net te vol sap is om heeltemal te droog. Sommige maak selfs nuwe plantjies wanneer hulle ʼn bietjie uitdroog, wat gewoonlik goed is, maar nie in die geval nie! Die beste manier om te kyk watter blomme werk, is om ʼn bietjie met die blomme in…

1 Salies vol kleur Vervang uitgeblomde beddingplante met saailinge van hitteliewende eenjarige Salvia splendens ‘Blaze of Fire’ of ‘Flare Bright Red’. Komplementeer die helderrooi regop blomare met silwergrys Cineraria ‘Silver Dust’ – hulle hou van hitte en droogte en sal die oorgang na die laatherfs vir jou vol blomme en loof maak. Meerjarige Salvia greggii-hibriede blom onophoudelik van die somer tot die herfs, benut dus ten volle die ‘Heatwave’-reeks – kompakte salies wat gewaarborg is om hartverwarmende kleur in warm en droe klimaatstreke te gee. Jy sal hope blomme met baie min water, voeding en snoei geniet! 2 Meer fleurige meerjariges As jy moderne hibriede van taai gunstelinge kies, sal jy beloon word met meer blomkrag vir minder sukkel in ʼn blomryke laatsomerrandakker. Die gewildstes is: Hemerocallis-hibriede – ʼn nuwe…

Al het ons nou ’n splinternuwe inkopiesentrum met al die ‘ankerwinkels’ net hier naby ons, doen ek steeds graag my inkopies in die dorp. Om te gaan hare sny, inkopies te doen by my gunstelingwinkel, en ’n draai by die bank te gooi (ek vertrou nog steeds nie my vermoë om aanlyn te bank nie!) het ’n maandelikse ritueel geword. My ander rede om die winkel in die dorp te besoek eerder as sy nuwe tak in die inkopiesentrum, is omdat ek graag gaan kuier vir die breëblaarkoraalbome wat in die ruim parkeergrond voor die winkel groei. Oor ’n aantal jare het die Erythrina latissimabome statige eksemplare geword wat salige skadu in die somer oor die motors gooi. In die laatwinter en lente sou hulle skouspelagtig blom in helder oranje-rooi…