Innholdsfortegnelse for January 2019 i Die Tuinier Tydskrif

● Vul helder skakerings met sagter skakerings van dieselfde kleur aan. ● Gebruik geligte gebiede om interessantheid, ruimte en diepte in die tuin te skep. ● Gebruik geligte tuinbakke vir groente-of kruietuine om makliker te onderhou en te oes. ● Gebruik bome, struike, een-en meerjariges, bolle, grondbedekkers en klimplante in lae om kleur en tekstuur te skep. ● Hou die blomtyd en kleur in gedagte as jy jou tuin ontwerp. ● Gebruik gereeld deklae om die grond te help om water te hou en onkruid uit te hou.…

KRY DIE VOORKOMS Rose slaan soveel keer ons asems weg! Een so ʼn geval is hierdie bedding wat beplant is met ligte suurlemoengeel ‘Forever Busy’ saam met ‘Bridal Pink’ en ‘Amarula Profusion’ met pers ‘Vodacom’ agter. Hierdie floribundarose pronk met waarvoor floribundas bekend is: ʼn menigte blomme wat ondertoe tuimel om ʼn manjifieke randakker te skep. Die effek word versterk deur presies die regte plasing wat hoogte betref. Die laags groeiende roos, ‘Amarula Profusion’ (kniehoogte), is voor geplant, met heuphoe ‘Forever Busy’ en ‘Bridal Pink’ albei in die middel, en ‘Vodacom’ wat skouerhoogte word agter. Ander hooggroeiende pastelrose lei die oog met die bedding af, met ʼn paar dieprooies wat vir lewendigheid bygevoeg is. Hierdie tuin, wat deur Karen Gardelli ontwerp is, was deel van verlede jaar se Johannesburgse roostuinbustoer. 5…

● Maak ʼn diep saadkissie vol gewaste, growwe riviersand wat steeds klam maar nie druipnat is nie. ● Druk die sade in die riviersand in en maak seker net die helfte van die saad is onder die sand met die res wat bo uitsteek. As jy sien die sade het ʼn donker kol, plant hulle met die kol na bo. Sprinkel net ʼn bietjie water oor sodat hulle kan vassak. ● Bedek die saadkissie met ʼn ou glasruit, of sit dit in ʼn plastieksak, blaas dit op en bind toe met ʼn rekkie. Hou die kissie op ʼn warm plek uit direkte sonlig. ● Die sade behoort na ongeveer vier tot ses weke te begin uitspruit en jy sal worteltjies sien uitkom. ● Maak klein potjies of ʼn groot, diep…

● Wees versigtig om nie die plant in te klein stukkies te verdeel nie omdat dit veel stadiger sal herstel. ● Onthou om die plant met ʼn verdunde vloeibare plantvoedsel nat te spuit sodra dit aan die hout vasgebind is. Voed dit daarna gereeld. ● Binne ʼn paar weke sal wortels aan die bas vasgeheg het en kan die kous verwyder word, as dit wenslik is, hoewel ons aanbeveling is dat die kous aan die plant bly omdat dit rek namate die plant groei, geen skade aanrig nie en mettertyd sal vergaan en afval.…

1. Ontsmet en maak jou skêr skoon voor jy stewige stingels van tussen 8 en 15 cm lank afsny. Moenie dié afsny wat nog te jonk en slap, of te houterig, is nie. Sny af onder ʼn ogie (die dikker deel van die stingel waaruit nuwe groei gewoonlik uitspruit). 2. Verwyder eers al die toe knoppe en oop blomme omdat hulle die steggie se energie sal tap. Verwyder dan al die onderste blare aan die stingel en laat bly net dié aan die punt. 3. Sit algaande al die voorbereide steggies in die fles water. 4. Druk die onderpunt van al die steggies in die hormoonpoeier en gebruik die potlood, plantstok of stok om ʼn gat in die grondmengsel te druk. Maak seker dat ongeveer die helfte of tweederdes van die…

Rothmannia globosa (klokkieskatjiepiering) Hierdie struik of klein boompie word ongeveer 6 m hoog op ʼn sonnige of halfskaduplek en dra van September tot Desember ʼn massa soetgeurige roomwit tuitblomme. Plant dit in vrugbare, goed gedreineerde suurgrond en benat en voed heeljaar. Clematis montana var. grandiflora Van die laatlente tot in die somer dra dié groot bladwisselende klimplant ʼn oorvloed perfekte wit blomme met geel harte. Hulle groei goed as hul voete koel en klam en hul koppe in die son is. Camellia sasanqua (sasanqua-kamelia) Spikkelskadu is in die kol vir dié winterblommende immergroen plante wat oorvloedig blom. Hulle is gehard, groei maklik met gereelde voeding en snoei, en verkies kouer klimaatstreke en suurgrond. Brugmansia (maanblom), ook bekend as Datura Die geur van maanblomme snags maak van hierdie plant ʼn goeie…

Aangesien my verjaardag net na die aanvang van ’n nuwe jaar is dink ek altyd terug aan die afgelope twaalf maande om te sien hoe ek, en dinge om my verander het. Die gees is nog gewillig, maar die vlees vou maar dubbel… Ek kan kortliks rapporteer dat my Facebook-bladsy gekaap is, wat sommige van my vriende laat dink het dat hulle met my hulp, ampertjies R200 000 ryker geword het. Ek kon gelukkig betyds keer dat hulle nie in ’n wip beland het nie. Aangesien ek geen ou wagwoorde kan onthou nie, en ook te skaam is om die vreeslikes wat ek onlangs uitgedink het vir ’n kind wat my moes help te vertel, het ek opdrag gegee dat my profiel heeltemal verwyder moet word. Ek is nou ontslae…

Tuine raak al kleiner, wat dit nodig maak om kleiner bome en struike te plant om die skaal en verhouding in die landskap te handhaaf. Deesdae is inheemse flora aan die orde van die dag, en baie behuisingslandgoedere dring aan op ʼn beleid van die kweek van plaaslike plante. Hier is drie van ons puikste klein boompies vir gebruik in beperkte ruimtes. Hulle is almal taai en gehard en kan in ʼn groot verskeidenheid klimaatstoestande groei. Gebruik hulle om hoogte en skadu in klein tuine te gee. As hulle te groot en oorweldigend raak, sal gereelde snoei in die vroeglente help om hulle in toom te hou. Basboom (Dais cotinifolia) Een van die mooiste van al die inheemse blombome is die basboom, wat óf bladwisselend óf immergroen is na gelang…

Somertuine kan moontlik die helderste en spoggerigste van al die seisoene wees. Plante groei vinnig en die uitwerking is na verhouding vinnig en daarom baie bevredigend. Die somer word tradisioneel met helder en sterk kleure in verband gebring – rooi, oranje en geel, met koeler witte en pastelle wat geneig is om tot die gebiede met meer skadu beperk te wees. Maar Moeder Natuur bied soveel meer, wees dus avontuurlik met kleur. Pienk in al sy verskillende skakerings en tinte, van die dofste wit met ʼn sagte roosblos tot die skokkendste pienk, val altyd op en lewer ʼn skouspelagtige vertoning. Gebruik die menigte pienkblommige jaarplante, meerjariges en struike om ʼn ander dimensie aan jou somertuin te verleen omdat daar pienk blomme is wat in elke deel van die moderne landskap…

• Maak twee tot drie keer per week diep nat as dit nie goed reen nie.• Bemes met Vigorosa teen die middel van Januarie. Goed gevoede rose is meer bestand teen siekte- en plaagskade.• Vernuwe die deklaag op roosbeddings, maar laat plek oop om die roosstingels vir die water om in te sak.• Spuit weekliks met organiese Ludwig’s Insect Spray en maandeliks met Chronos om swartvlek te keer.• Sny dooie blomme af om die bosse mooi netjies te hou en nuwe stingels aan te moedig om uit te spruit.• As water skaars is, gebruik gryswater (herbenut van die stort of wasmasjien) maar wissel dit een maal per week met munisipale water af om die gevolge van die gryswater te verminder. Ludwig gee die volgende somerrosesorgdemonstrasies: • Saterdag 12 Januarie om…

● Verwyder ongeveer die helfte van die plantvolume voor dit uitgegrawe word en probeer om soveel van die wortelbal moontlik onbeskadig te laat. Die afsny van die bogroei sal vergoed vir die verlies aan wortels as die plant uitgegrawe word. ● Maak seker die nuwe plantgat is voorberei en gereed voor die plant uitgehaal word sodat dit onmiddellik weer geplant kan word. ● Merk die kant van die plant wat die meeste son gekry het met ʼn verfkol om dit op sy nuwe plek reg te oriënteer. Jy wil nie hê dat sy skadukant nou aan die son blootgestel word nie omdat dit kan maak dat dit vir die plant langer duur om in sy nuwe groeiplek aan te pas. ● Maak die oorgeplante plant gereeld nat, maar moenie te…

Met die nuwe skool en werkjaar kom die uitdaging van middagete – wat om vir die kosblik te maak wat lekker en gesond is en nie deurnat en papsag sal word nie. Tuisgemaakte middagete verg ʼn bietjie moeite om voor te berei, maar is goedkoper, varser en gesonder as toebroodjies in plastiek toegedraai uit die delikatesse-yskas, of skyfies en sjokolade wat nie die honger lank weghou nie. Die geheim? Geur dit sterk – dis waar kruie te pas kom! Kruie bied ook verskuilde gesondheidsvoordele, veral vir kinders wat ʼn buitesintuiglike radar het wanneer bestanddele ingeglip word wat vir hulle “goed” is. Kruie vir skoolkosblikke Die meeste kinders is konserwatief wat geure betref. Voeg koljander by, en die reaksie is waarskynlik: “Sies, stinkbesies!” Selfs vars basiliekruid of die heerlike blare van…

GROEN KODE Kinders kan tred hou met wat hulle kweek (en jy kan hulle algaande ʼn paar spelwoorde leer) deur oulike vlaggies van Washilint te maak en die plantname daarop te skryf. Jy het nodig • Rolle gewone Washi-lint • ʼn Skêr • Merkpenne Houtwegneemeetstokkies of lang sosatiestokkies Aanwysings • Sny ʼn stuk Washi-lint dubbeld so lank af as wat jy wil hê jou vlaggie moet wees. • Draai die helfte van daardie stuk Washi om die bokant van die eet of sosatiestokkie. • Knip verder af as dit te lank is en sny ʼn klein driehoekie in die middel uit om dit ʼn vlagvorm te gee. • Skryf die naam van die kruid of plant neer en steek die eetstokkie in die grond sodat die vlaggie bo die boonste…

Die frase “kleurweelde” kry nuwe betekenis wanneer jy instap by die informele kothuisstyltuin in Northcliff, een van die blaarryke noordwestelike voorstede van Johannesburg. Skakerings van rooi, kersierooi en pers word aangevul met sagte tinte wat ʼn prentjie van oorvloed skilder wat die sinne streel. Die eienaar, Cheryl van Acker, het Debbie vier jaar gelede opdrag gegee om ʼn tuin te ontwerp wat heeljaar blomme en kleur sal hê wat sy ook in haar huis kan gebruik. “Rose, krismisrose, lelies, tulpe, affodille, pronkertjies, vingerhoedjies en ridderspore is ʼn paar van Cheryl se gunstelingblomme, maar sy wou nie net jaarplante in haar tuin hê nie,” verduidelik Debbie. Cheryl sowel as Debbie ondersteun tuinmaak om bye te lok, wat ook hul blommekeuses beïnvloed. “ʼn Tuin is een van die lewe se groot leermeesters.…

Vanweë die uiters droë toestande die afgelope paar jaar sukkel almal om plante te vind wat die strawwe waterbeperkings sal oorleef. Black Diamond-crêpemirt is ʼn nuwe variëteit van die ou gunstelingtuinplant prag-van-Indië (Lagerstroemia indica). En soos jy weet, het prag-van-Indië al baie droë somers wêreldwyd oorleef! Hierdie revolusionêre nuwe reeks met treffende amper swart loof wat met ʼn massa helder blomme gekroon is, is geen uitsondering nie. Die droogtebestande en minsorg-Black Diamonds sal prag na elke tuin toe bring waarin hulle geplant word. Beskikbare kleure in 2018–’19 Black Diamond-crêpemirt ‘Purely Purple’, ‘Mystic Magenta’, ‘Lavender Lace’, ‘Best Red’ en ‘Pure White’. Kweek Black Diamonds Dit is baie maklik om hierdie plante te kweek. • Maak tydens plant seker die gat word goed voorberei met kompos en beenmeel. • Moenie vergeet om…

Abnormale vergroeiings by plante kan gewoonlik aan galvorming toegeskryf word. Galle kan op enige deel van die plant vorm, van die wortels tot die stingels, blomme en blare, en verskyn gewoonlik wanneer die plant deur bakterieë, virusse, parasiete, swamme, myte, aalwurms of sekere insekte aangeval is. Anders kan dit dikwels bloot ʼn abnormale groeisel in die plant se selstruktuur wees – baie soos kanker in ʼn soogdiersel. Ons sien galle raak omdat hulle as onooglike vergroeiings op die plant voorkom en dink onmiddellik hulle is skadelik. Dit is so dat hulle onooglik is en inbreuk maak op die normale funksionering van die plantgroei, maar hulle hou selde ʼn wesentlike gevaar vir die plant se gesondheid in tensy die vergroeiing baie groot is. Blare wat erg bedek is, kan dalk nie…

Garden Style sluit ʼn klompie wonderlike nuwe idees in, waaronder ʼn hoofstuk oor maantuine, wat ons hieronder as uittreksel aanbied: Na dae van stres en werk is saans omtrent die enigste tyd vir die meeste mense om werklik hul tuin gedurende die week te geniet. Daar is kwalik ʼn beter rede om jou ruimte te omskep in ʼn verruklike plek om ʼn maaltyd te deel of om net te rus en te ontspan, en die sagte klanke en geure van die aandskemering te geniet. ʼn Bekoorlik eenvoudige tuin wat bedags plesier gee en saans in ʼn maan-of skemertuin verander. Soos die naam aandui, is hierdie tuine bedoel om geniet te word as die son sak en na donker as jy ʼn bietjie tyd kry om die gloed van die plante…

INTEKENING IS MAKLIK In Suid-Afrika kos ’n jaarlikse intekening (12 uitgawes) net R385 en ’n hernuwing R375. Pensioenarisse betaal R340. Laat asseblief tyd toe vir die verwerking daarvan. Alle plaaslike pryse sluit BTW in. ’n Jaarlikse intekening vir oorsese intekenaars kos R685. AANLYN BESPAAR 34% VAN RAKPRYS as jy inskryf op ons digitale uitgawe op Magzter! Skandeer hierdie QR code om in te skryf of besoek www.magzter.com Bel Noks op 031 003 0940 vandag Epos subs@thegardener.co.za met jou besonderhede Teken aanlyn aan by thegardener.co.za Kliek ‘shop’ Navrae bel 031 003 0940 of epos subs@thegardener.co.za…