Innholdsfortegnelse for December 2018 i Die Tuinier Tydskrif

GvH Landscapes www.gvhlandscapes.com E-pos: graham@gvllandscapes.com Bel: 072 289 2938 Wat maak van ʼn huis ʼn tuiste? Dit kan met ʼn huis en ʼn droom begin, maar soveel moet gebeur voor jy jou huis ʼn tuiste kan noem. Ek het dit besef na ʼn besoek aan die House de Bruyn in Brackenridge, Plettenbergbaai. Die eietydse ontwerp van die huis en slim gebruik van ruimte in elke gebied van die tuin wat die omliggende landskap met uitsigte van amper 360° insluit, het my asem weggeslaan. Die tuin begin met die mooi beplante grens, wat gevolg word deur sagte meerjariges wat ons begroet toe ons met die inrypad inkom, en ʼn massa pelargoniums wat oor die keermuur tuimel met grondbedekkers en kolle kleur tussenin. Stephen Westraadt, ʼn argitek met visie en met ʼn…

Roosbosse word deesdae dikwels in blombeddings opgeneem langs ʼn versameling ander metgeselplante wat dieselfde groeitoestande deel. Dit is in algehele kontras met baie tradisionele roostuine uit die verlede waar rose heeltemal alleen in beddings gegroei het. Die maer tye as die rose nie blom, is nie naastenby so opvallend as ʼn geintegreerde roostuin met verskeie ander plante gemaak word nie. Die metgeselplante bevorder die rose as hulle presteer en vergoed vir hulle as hulle nie blom nie, ʼn wenformule vir ʼn mooi voorkoms heeljaar. Vanselfsprekend moet alle metgeselplante die rose se groeitoestande kan baasraak. Voldagsonskyn en baie water is die sleutelgroeifaktore vir goeie rose, maar die kies van ander plante om by hulle aan te sluit, strek verder as om net aan die basiese groeitoestande te voldoen. Hierdie metgeselle moet…

• Maak minstens twee maal per week diep nat.• As jy Desember tuis is, bemes met Vigorosa in die middel van Desember.• Spuit tweeweekliks met die spuitmengsel Ludwig’s Insect Spray wat met Chronos gemeng is (vir ʼn groot roostuin).• Hou die rose voortdurend netjies deur dooie blomme met minstens drie stelle blare te verwyder.• Roosbosse wat nie presteer nie, kan uit hul somerslaap gewek word deur verdigte grond los te maak, ʼn bietjie deklaag toe te dien en die aanbevole dosis misstof te versprei en goed nat te maak – selfs al het julle goed reen gekry.• As jy vir minstens twee weke weggaan, spuit die dag voor jul vertrek met Chronos en Ludwig’s Insect Spray.• Verminder die waterverbruik van rose terwyl julle weg is deur al die knoppe en…

Soetbasiliekruid vaar die beste met oggendson en namiddagskadu. Kweek in vrugbare, goed gekomposteerde grond wat goed dreineer. Maak gereeld nat en voed maandeliks met ʼn vloeibare misstof vir welige blare. Knyp die wit blomhofies uit om te keer dat die plante saadskiet. Pers basiliekruid en kaneelbasiliekruid is ook heerlik in slaaie. Dille word 1 m hoog en hou van volson en goed gekomposteerde grond. Moenie dit saam met vinkel of tamaties plant nie. Die vars blare is geuriger as gedroogde blare. Dit lok voordelige insekte. Pietersielie groei die beste in volson of halfskadu in vrugbare grond. Dit hou van aanhoudende klam maar nie versuipte grond nie en moet maandeliks bemes word omdat dit ʼn swaar voeder is. Die lekkerste blare word in die eerste groeiseisoen gedra, beskou dit dus as…

Kits - dds Vir die houer is nodig: Hout (Shutterboard of enige afvalhout) soos volg gesny: 2 x 400 mm x 150 mm x 18 mm vir die lang kante 2 x 150 mm x 135 mm x 18 mm vir die kort kante 1 x 400 mm x 175 mm x 18 mm vir die onderkant 12 x 35 mm x 4 mm-voldraadsnyskroewe Spuitverf ʼn Versameling boslandmateriale soos bas, mos, gedroogde blare en ligene. ʼn Versameling plante soos varings en usambaraviooltjies wat van min lig hou. Gereedskap ʼn Koordlose boor met 4 mm-boorpunt, versinkboorpunt en skroewedraaierpunt, gomgeweer, maatband en potlood…

Ram (21 Maart – 19 April) Ramme is passievol en altyd besig maar kan nie goed beplan nie en daarom het hulle soms die talente van ander nodig om iets soos ’n nuwe tuin uitgelê te kry. Dan meng hulle eindeloos in, neem later die projek oor, en eis al die krediet op. Hulle is nogals suinig en baie bewus van koste. Ramme lief: Doringbome, rooi rose, brandrissies, ment, en Barbertonse madeliefies. Bul (20 April – 20 Mei) Bulle het ’n liefde vir sagte pastelkleure en het ewe sagte harte en tere siele maar oppas, want as jy by enige uitverkoping die laaste item of rare plant sou gryp, sal die Bul wat al heeldag ’n oog daarop gehad het jou disnis moker sonder om ’n oog te knip! Bulle…

Somertuine is in die grootste deel van die land welig met bome en struike in volle groei. Baie dra ʼn oorvloed blomme in die hartjie van die groeityd, wat tot die bekoring van hierdie warm maande bydra. Die blomme kontrasteer met die agtergrond van groenigheid wat dikwels in skrille kontras met die winter en die lente is wanneer soveel blomme voor die nuwe lenteblare verskyn. Struike verrig baie belangrike funksies in die tuin, waaronder die skep van ʼn permanente raamwerk om aan die landskap vorm te gee. Brunfelsia undulata (wit verbleikblom) Dit is ʼn baie mooi immergroen struik wat die beste in spikkelskadu groei. Hierdie plante met hul regop groeiwyse wat met enkelvoudige blinkgroen blare beklee is, moet op ʼn opvallende plek geplant word om waardeer te kan word. Wit…

Daar is ʼn aantal uitdagings verbonde aan die kies van plante vir ʼn kustuin soos die. Hier is ʼn paar uitstekende keuses vir die klimaat en die strawwe toestande: Carex buchananii ‘Red Rooster’ Uiteindelike grootte: : 60 cm x 60 cm Blomme: Onbeduidende blomme in die somer en laatsomer • Dit hou van volson maar kan in halfskadu gekweek word.• Plant dit in klam, goed dreinerende grond.• Dit het matig baie water nodig en moet nie oorbenat word nie.• Vanwee die brons tot rooi kleur gaan dit goed saam met ander een en meerjariges.• Dis siekte- en plaagbestand, gehard en ʼn minsorgplant Pelargonium peltatum Volksnaam: Kolsuring Uiteindelike grootte: Dit kan minstens 2 m hoog word. Blomme: Moderne varieteite blom herhaaldelik deur die jaar. Dit blom die oorvloedigste in die lente…

Maankalender heeljaar Die Moonlight Calendar is ʼn inligtende visuele gids vir Suid-Afrikaanse maanfases, die maandiereriem en tuinmaak volgens die maan. Hierdie jaarlikse plakkaatgrootte kalender word saamgestel deur Ilona Thorndike, wat The Lunar Gardening Guide en Maankalender vir die tydskrifte The Gardener en Die Tuinier opstel. Dit is die vernaamste verwysingspunt om te leer hoe om in harmonie met die maansiklusse te wees – volgens die fase, teken of vrugbaarheidsmodus elke dag van die jaar. Dit is besonder nuttig vir tuiniers, boere, vissers, beplanners, fotograwe en naturaliste. Die Moonlight Calendar sluit in: • Die vorm van die maan elke dag;• Die presiese tye van die vier hooffases van die maan;• Die presiese tye wat die maan van diereriem verander;• ʼn Kleurgekodeerde kaart wat die vrugbaarheidsbepaling van elke dag toon; en• ʼn…

ROMANTIESE FEES PLATTELANDSE TUIN SKATTE UIT DIE TROPE Die vorms en ontwerpe van groot tropiese blare was ons inspirasie vir hierdie hedendaagse tafelontwerp, en is tans hoogmode. As jy dink dat dit ‘n bietjie moeilik is, kry ʼn blaar in die tuin, trek die buitelyn op die skilderbord af en “kleur” dit bloot met verf in. Skryf die name van die gaste daarop en deel dit as partytjiegeskenke uit. BOHO-SJIEK MOSBOS Dit is groot pret om hierdie rustieke dekstyl saam te stel. Twee takkies wat aanmekaar gegom is, maak ʼn uitstekende naamkaartjiehouer vir hierdie rustieke agtergrond uit. Om jou eie mosballe te maak, spuitverf polistireenballe ʼn donkerige kleur. (Die wit skyn meer deur as daar openinge is.) Ons het die brons spuitverf dwarsdeur die fotosessie gebruik. Spuit dan die geverfde…

Appelkoos rose is die voorkeurrose onder tuiniers wat twee verskillende eienskappe wil he – sagte pastelkleure met ook ʼn kleurintensiteit wat teen ons lang, sonnige dae bestand is. Britse tuinier Monty Don beskou appelkoos as ʼn moeilik omskryfbare kleur, en hy is reg. Aan die ligter kant van die spektrum lewer die mengsel van appelkoos, room en pienk dromerige eksemplare op soos ‘Moonlight Panarosa’, ‘Amarula Profusion’ en die klimroos ‘Crepuscule’. Aan die ander kant van die spektrum neig appelkoos rose met ʼn dieper kleur na brons, soos ‘Marjorie Chase’, of die ‘Easy Does It’-mengsel van oranje, perske, pienk en appelkoos, terwyl die groot blomme van ‘Helpmekaar Roos’ skakerings van appelkooskersiebrandewyn aanneem. Selfs die klassieke ‘Just Joey’ verander volgens die weer en word intenser in koeler weer en herfsdae. Die roos…

Stroop die kruielappie en gebruik kruie om gekruide doopsouse te maak wat saam met die peuselgroente geeet kan word. Dit sal die drang na sout bevredig en meer geurdiepte verleen. Die gebruik van vetvrye room of maaskaas sal die kalorietelling laag hou. Romerige dilledoopsous Dit bestaan uit 1 koppie gewone jogurt, ½ koppie mayonnaise, 1 eetlepel suurlemoensap, 1 eetlepel melk, 2 eetlepels gekapte vars dille, en sout, peper en suiker na smaak. Klop alles saam en hou in ʼn bedekte houer in die yskas vir minstens drie uur voor opdiening. Salie- en maaskaasdoopsous Knip salie (of enige kruid van jou keuse) in klein stukkies en meng 1 tot 3 teelepels met 250 g maas of roomkaas, 1 teelepel gemengde mosterd en melk of room vir tekstuur.…

1 WERK SPAARSAAM MET DIE WATERREKENING! Ons keuse vir waterslim plante vir Desember kan eintlik saamgeplant word as ʼn taai kombinasie. Gebruik Euphorbia milii as die agterste ry, vul in met Helichrysum petiolare en rond af met ʼn rand van Euphorbia hypericifolia ‘Diamond Frost’ – ʼn wonderlike kombinasie vir ʼn sonnige warm kol wat jou nog baie jare plesier sal gee. Kroondoring (E. milii) is ʼn struik met doringrige stingels en heldergroen blare. Helderrooi skutblare wat piepklein blommetjies omring, word heeljaar gedra, wat beteken jy sal altyd ʼn spatsel kleur in jou tuin he. Hulle is ook in geel en pienk te kry. Dit is ʼn uitstekende versperringplant en is baie mooi as dit in ʼn massa geplant word. Kooigoed (H. petiolare) is ʼn struikagtige plant met wollerige grys blare…