Innholdsfortegnelse for September 2018 i Die Tuinier Tydskrif

Aan die einde van ʼn kronkelpad nestel ʼn plek waarvan min mense weet, waar kleinkinders hardloop en speel terwyl die welige grasperk hul voete kielie en die familie gereeld piekniek hou onder die stokou eikeboom. Dit is ʼn familietuin, ʼn praktiese tuin wat geskep is deur ʼn liefhebber van die natuur en alles wat blom. Debbie en Roland Miller het in 2004 bele in die plaas Dromore, net buite Kokstad in KZN. Die pragtige plaas was glad nie bewoonbaar nie – die huis moes opgeknap word en daar was nie ʼn beduidenis van ʼn tuin nie. Getrou aan hul droom het Debbie en Roland begin om ʼn oase vir hulself te skep en ʼn verwelkomende genot vir al die familie en vriende wat kom kuier. Die natuur se voetspoor is…

Klimmende tuinplante word dikwels doelbewus oor die hoof gesien uit vrees dat hulle onbeteueld sal groei en die hele landskap oorneem. En al is dit wel van sommige waar, is die werklikheid dat klimoppe en rankers ʼn baie spesifieke rol in die landskap vervul. Hulle groei waar geen ander plante kan presteer nie en versprei hul ver uitstrekkende stingels om te bedek en weg te steek, te verfraai en te vermom. Stel jou ʼn lentetuin voor sonder die blomme van soveel klimoppe – jasmyne, kanferfoelies, rose, petreas en bougainvilleas. Dis ongelooflik hoe baie bekende tuinplante eintlik as rankers geklassifiseer word! Klimoppe word oor die algemeen in drie hoofsoorte ingedeel op grond van hoe hul vasheg. Selfklouende klimoppe het lugwortels (soos die gewone klimop (“ivy”)) of klewende hegrankiepunte (Virginiese klimop) wat…

Bring jou vrae, kry rooskweekwenke en geniet dit net om deur rose omring te wees: My demonstrasies is gratis en dis onnodig om te bespreek. • 1 – 2 September Ludwig’s Star Roses, Assagay, KwaZulu-Natal om 14:00 (1 Sept.) en 10:30 (2 Julie). Tel: 081 380 8496 • 8 September Ludwig’s Roses Egoli, Lachlanweg 97, Glenferness, om 10:30. Tel: 081 715 5110 • 9 September Ludwig se roosplaas, Wallmansthal, om 10:30. Tel: 012 544 0144 • 9 September Ludwig’s Roses Pretoria East, Lynnwoodweg, om 14:00. Tel: 012 941 9251 • 15 – 16 September Ludwig’s Roses Winelands, Stellenbosch/Klipheuwel om 10:00 (15 Sept) en 10:30 (16 Sept). Tel: 021 884 4552 • 15 September Ludwig’s Roses Cape Town, Klaasensweg, Wynbergpark, om 14:00. Tel: 071 640 9565. • 22 September Ludwig’s Roses…

Grondplaagbeheer In Deel 1 en 2 van hierdie reeks oor grondgeleedpotiges het ek beklemtoon hoe belangrik die biodiversiteit van organismes is wat in die grond aangetref word en die rol wat hulle by grond speel. Om die reeks af te sluit, wil ek gesels oor die beheer van daardie organismes wat ʼn ontwrigtende invloed het op wat ons in die grond plant, met ander woorde grondplae. Ons bestee baie tyd aan die behandeling van plae wat op plante sigbaar is, maar plante is ook vatbaar vir plae wat in die grond woon, soos sommige soorte bakteriee, swamme en wortelwurms, ʼn paar aalwurmspesies, en die larwes van kewers en ʼn paar motte, asook sonbesienimfe. Grondplae kan in wese onderverdeel word in twee groepe: permanente inwoners en niepermanente inwoners. Die permanente inwoners…

Jy het nodig: • 2 rolle tou • 20 x 40 cm lang stokke (hout of bamboes) • ʼn Klompie houtkrale vir versiering…

1 BAIE MEER CLIVIAS VIR JOU Ons word altyd weer verseker dat die winter eindelik verby is as die lewendige oranje blomme van clivias weer verskyn. Hierdie immergroen, skaduliewende bolplante met ʼn risoomagtige wortelstok, lintvormige blink blare en enorme blomkoppe vrolik die vaalste hoekie op as dit in ʼn massa geplant word. Hulle is ewe indrukwekkend in groot houers op ʼn skaduryke patio. Al wat jy moet doen om die prag van hierdie inheemse plante te geniet, is om swaar gekomposteerde, goed dreinerende grond en gereelde water in die somer te gee – hulle verkies om in die winter ʼn bietjie droer gehou te word. 2 SES LENTEBLOMMENDE MOET-HÊ-MEERJARIGES Die lente gaan oor die plant van blomme en mooi plante, en jy sal talle ander idees elders in hierdie uitgawe…

3 kouebestande immergroen plante met blomme Kouebestande immergroen struike is uiters waardevol as strukturele raamwerk in koueklimaattuine en gee heeljaar ʼn mooi voorkoms aan die landskap. Lenteblommende struike wat hieraan voldoen, is maar dun gesaai. Hier is drie getoetste en beproefde plante wat in ʼn groot verskeidenheid groeitoestande hul waarde getoon het. Hulle is immergroen, taai en gehard, bars in die lente en somer in blom uit, en is ewe nuttig in tuine in warmer gebiede. Rhaphiolepis x delacourii ‘Pretty Pink’ Die helderpienkblommige vorm van die Indiese meidoring het getoon dat dit baie geslaagd is in tuine van die seekus tot die koue agterland. Dit is ʼn geharde struik met taai leeragtige blare wat dofgroen in die somer is en gedurende koue winterweer in skakerings van pers verkleur. In die…

Oor die volgende paar bladsye gaan ons julle bekend stel aan die wereld se toplandskapontwerpers en hul skeppings by vanjaar se Chelseablommeskou. Waarskynlik die hoogste prys waarna enige ontwerper kan streef, is dat sy/haar ontwerp deur die RHS-raad aanvaar word om as een van die tuine langs die gesogte Main Avenue op die terrein van die Royal Hospital geskep te word. Tuin: “O-mo-te-na-shi no NIWA – The Hospitality Garden” Ontwerper: Kazuyuki Ishihara Hierdie tradisionele tuin is geinspireer deur die kosbare Japanse kultuur van omotenashi, die konsep van heelhartige en opregte gasvryheid en die begeerte om hierdie gevoel op te roep by gaste wat in die tuin inkom. Dit het ons beïndruk: Die aanplanting berus op Ikenobo, ʼn soort Japanse rangskikking van blomme wat uit die 15de eeu dateer waarin die…

In die Maart-uitgawe van Die Tuinier het ons vir jou probeer se wat ons dink kinders graag in ʼn tuin wil he. Hierdie maand wys ons jou die wonderlike idees vir kindertuine waaraan die studente van Lifestyle College gedink het by die Lifestyle-tuinontwerpskoue. Hulle het bekoorlike landskappe ontwerp waarin ons almal ook graag net wil speel! Plekke van verwondering en betowering ʼn Mistieke labirint wat uit flambojant gekleurde plaveistene bestaan, is die kern van die tuin van verwondering en betowering. Die spiraal is ʼn reis van pret en doelgerigtheid – die alfabet gaan in en getalle kom uit. Bome is daar vir beskerming en ment kom in oorvloed plat op die grond voor om ʼn vars geur ondervoets te laat opstyg. Daar is ʼn sagte kolletjie grasperk om op te…

Onafhanklike Tuinsentrums Tuinsentrum van die Jaar 2018 Greenside Kwekery Groottekategoriewenners: Groot Middelgroot Klein Greenside Kwekery Greener Tidings Concrete Garden Creations Afdelingspryse Die Beste Binnenshuise Afdeling Greenside Kwekery Die Beste Buitenshuise Kleur Greenside Kwekery Die Beste Tuinsorg Greenside Kwekery Die Beste Algemene Inspirerende Uitstalling Greener Tidings Die Beste Personeel Garden Pavilion Eckards Die Beste Voedselafdeling Stodels Nurseries Bellville Die Beste Algemene Plantafdeling Greener Tidings Die Waterslimste Kwekery Stodels Nurseries Bellville Streekpryse Gauteng-Noord Plantland Menlyn Gauteng-Suid Garden Pavilion Eckards Vrystaat Greenside Kwekery Wes-Kaap Stodels Nurseries Bellville Mpumalanga Concrete Garden Creations Limpopo Greener Tidings Die Mees Verbeterde Kwekery Concrete Garden Creations Graderingspryse Platinum Greener Tidings Greenside Kwekery Goud Concrete Garden Creations Garden Pavilion Eckards Hecker Nursery Keith Kirsten Garden Centre Plantland Menlyn Stodels Nurseries Bellville Vergulde Silwer Garden Pavilion Brandmullers Garden Pavilion Montana…

MAAK ‘N TONEEL Met die terrariumneiging en museumdioramas as inspirasie kan dit baie prettig wees om ʼn deursigtige houer met vetplante en mos te beplant en wilde diere van plastiek by te sit. Jy het nodig • ʼn Verskeidenheid houers van glas, deursigtige plastiek of akriel: terrariums, vase, middelslag tot groot inmaakflesse asook klein visbakke of tenks • Kindervriendelike vetplante sonder dorings • ʼn Spuitbottel vol water • Klein klippies asook sierklippies • Potgrond • Mos (te kry by kwekerye) • Plastiekspeelgoeddiere Aanwysings • Sit ʼn ruim laag klein klippies onderin die houer. • Vul op met grond en laat ʼn bietjie plek bo-op vir plante (na gelang van hul grootte) en klein plastiekspeelgoed. • Plant die vetplante en skep tonele met die speelgoed en mos. • Spuit met ʼn…

GAUTENG Sondag 16 September Kursusse vir die kweek van organiese groente Leer elke aspek van die organiese kweek van groente, van die bemeestering van grondvoorbereiding tot raad weet met waterbeperkings, metgeselaanplanting, organiese plaagbeheer en wisselbou. Plek: Inner City Farm, Sandown, Johannesburg. Tyd: 08:30 – 16:30 Navrae: 082 365 0050, www.soughtafterseedlings.co.za Saterdag 1 – Sondag 2 September Orgideeskou en-verkoping Aangebied deur die Oos-Randse Orgideevereniging. Plek: Greenstone-winkelsentrum, Edenvale Tyd: Saterdag 09:00 – 17:00; Sondag 09:00 – 16:00 Navrae: Andre 011 453 6888, info@eastrandorchids.co.za KWAZULU-NATAL Vrydag 25 Januarie – Sondag 27 Januarie 2019 Wild Orchids South Africa se vierde Nasionale Konferensie Die konferensie vind die Saterdag plaas met veldwerktoere die Vrydag en Sondag, en beginners sowel as kundiger entoesiaste wat wilde orgidee raaksien en bewaar, sal daarvan hou. Plek: Drakensberg-tuine Navrae: Die registrasievorm…

Dit was met’n seer hart en’n beswaarde gemoed wat ek my sak vol herwinbare goed op die askar laat sit het om na die dorp se vullishoop geneem te word. Die herwinningsaanleg waar ons dorp se glas, plastiek, papier en blikke herwin word, is afgebrand deur sogenaamde “vernuwers”… O ns land is bekend daarvoor dat ons dinge taamlik anders doen! Ons het in 1994 in lang rye by stemlokale loop staan om’n stem uit te bring vir vryheid vir almal. Ons het nie soos ou vyande daar in die son gestaan nie, maar eerder vrolik geklets soos ou vriende met weersiens. Dit het die res van die wêreld verstom dat ons die verkiesing so relatief bloedloos kon afhandel. Net’n jaar tevore, het drie Suid-Afrikaners, Desmond Tutu, FW de Klerk, en…

1 Laat verbygangers weet dis lente tuis! As jy ʼn klein verwaarloosde stukkie grond op jou sypaadjie of naby jou tuinhekkie het wat met helder blomgesiggies opgekikker moet word, bele in rankmagriete of Osteospermum hibriede wat sommer vroeg al begin blom en baie lank aanhou. Pragtige “hellestrookplante” Geen ander genus dra sulke vrolike magriete in so ʼn reeks van die helderste kleure op aarde nie, en elke jaar verskyn nuwe varieteite. Al wat hulle nodig het, is: • warm, sonnige plekke; • matige tot min water; en • terugsnoei in die laatsomer om weer in die herfs te blom. 2 Versier jou inrypad Inrypaaie het gewoonlik reguit, smal beddings langs die groot plaveiseloppervlakte. Dit kan selfs vir kundige tuiniers ʼn uitdaging wees om ʼn reguit struikbedding te plant wat visueel…

KRY DIE VOORKOMS Hierdie lang weerkaatsende swembad wat aan ʼn lopie herinner en met rose omrand is, is die ideale middelstuk vir ʼn reghoekige formele tuin, veral as dit gebruik word om die huis met die oordekte suilegang of somerhuisie aan die einde van die tuin te verbind. Water is ʼn lewendige element wat die roosblomme komplementeer en na vore bring namate hulle oor mekaar tuimel na die swembadrand toe. Die rose wat ek vir hierdie effek aanbeveel, is digte struikagtige Fairytale-rose wat soortgelyk aan floribundarose is, maar met vol, outydse blomme. Die laaggroeiendes in hierdie kategorie wat ʼn oorvloed blomme sal gee, sluit in ‘Blue Fairy’, ‘Golden Oldie’, ‘Rosafrica’, ‘Sylvie-joy’, ‘Threads and Crafts’, ‘Sunny Ayoba’, ‘Passion of St Peters’ en ‘Thank You’. Maak gereed vir die lente! September is…

Patiogroente… ‘Hansel’ en ‘Gretel’ dra onderskeidelik trosse blinkswart en wit langwerpige vrugte aan bepaalde plante (90 cm hoog). Hulle hoef gewoonlik nie gestut te word nie, wat hulle geskik maak om in groot patiopotte of in die grond in klein groentetuine te kweek. Albei plante is All-America Selectionswenners. Die vrugte is sag en nie bitter nie. As die vrugte as minigroente geeet word, oes dit as dit 8 tot 10 cm lank is of laat dit volwasse (10 tot 15 cm lank) word. Albei varieteite is produktiewer en vinniger oesbaar as oopbestuifde varieteite. www.ballstraathof.co.za Soetes Twee soetrissies wat totaal anders as die tradisionele soetrissies is, is ‘Candy Cane’, ʼn peuselrissie waarvan die vrugte van groen met strepe tot heeltemal rooi ryp word, en ‘Mad Hatter’, ʼn hoer varieteit met helderrooi…

Dis lente, die tuinier segunsteìingseisoen.Gee op lentedag (Sa. die Iste) die toon aan vir h oorvloedîgesomertuîn en plant h meerjarlge kruiepot of blomstruîk, Die dae daarna îs meestaf onvrugbaar, maarideaal vir oes, opruìm en piek maak vir saai en plant op die vrugbare dae na nuwemaan. Die twee dae na nagewening is ideaal om eetbare en blomvariëteite te plant. Diep natmaak dan in droe streke is waterslim en blywend wat suksesvolle saadontkieming en saaìlingvestiging verseker. Deur Ilona Thorndike Saai/plant VRUGTEG EWASSE : Saai/plant BLAARGEWASSE Saai/plant WORTELGEWASSE Saai/plant RANKGEWASSE Saai/plant GRAANGEWASSE Saai/plant SKERP GROENTEGEWAS5E Saai/plant BLOMME/STRUIKE POT OOR/VERPLANT BENAT/BEMES PLAAGbeheer ONKRUIDVERWYDERING sny GRAS om groei te vermeerder sny GRAS om groei te verminder GRONDVOORBE REI DING OES KNIP plante reg om groei te vermeerder KNIP plante reg om groei te verminder…