Innholdsfortegnelse for July 2018 i Die Tuinier Tydskrif

Die lelie kan op baie verskillende maniere gebruik word, van ʼn rangskikking in ʼn vaas tuis tot as die perfekte keuse vir troues en ander spesiale geleenthede. Lelies is een van die oudste bolplante wat aan die mens bekend is en kom voor in antieke geskrifte en prente wat van 2000 v. C. tot 1500 v. C. dateer. Lelies kan beduidend van kleur en vorm verskil. Hul blomgrootte wissel byvoorbeeld van 7 cm tot soveel as 25 cm in deursnee. Sommige wys na buite en is effens neerhangend, ander het teruggebuigde kroonblare, en hul blomme kan trompet-, kom-of stervormig wees. Lelies word in die volgende groepe ingedeel: Asiatiese lelies Hierdie trompetvormige blomme kan tot 15 cm in deursnee wees, en die plante kan inderdaad 3 m hoog word. Elke steel…

Kinders sal dit geniet om enige tyd hierdie tasbare aktiwiteite te doen wat verbeelding, skeppingsvermoë, plantkunde en ʼn bietjie praktiese towerkrag verenig. Jy het nie ʼn stuk tuingrond nodig om in te grawe nie – as jy ʼn sonnige vensterbank het, is jy reg om te begin. Al hierdie projekte is met die klem op opsiklering en volhoubaarheid ontwerp om kinders aan te moedig om betrokke te raak by die natuur, nie tegnologie nie. Afgesien van die pret om hul hande vuil te maak, bestaan die groter beloning daaruit om te kyk hoe iets groei wat hulle self gekweek het, wat hulle op dié manier aanmoedig om na alle lewensvorms om te sien en dit te waardeer. STINGELS IN EIERDOPPE Hierdie uitstekende idee herwin eierdoppe en verander dit van kombuisafval…

Die eet van sop is ʼn nuwe gesondeetneiging, en daar is kwalik ʼn beter tyd as die winter om heilsame sop vol groente en kruie op die daaglikse spyskaart te sit! Moenie alles glo wat jy op die internet lees nie. Die eet van sop is nie die wondermiddel vir gewigsverlies of ontgifting nie. Verantwoordelike voedingkundiges sê egter wel dat voedsame soppe met baie vesel vir ons goed is om te eet as een daaglikse maaltyd of in plaas van peuselhappies soos pizza, skyfies en ander wegneemetes. Die voordele van gereeld sop eet, sê Victoria Seaver van die Eating Wellwebwerf (www.eatingwell.com) is dat dit ons inname van ʼn verskeidenheid groente en vesel verhoog en ons help om versadig te voel as gevolg van die waterinhoud. Vir ʼn voedinggebalanseerde sop beveel…

Die chemiese en geologiese samestelling van grond is ʼn baie komplekse onderwerp waarvoor ek nie opgelei is om oor te praat nie. Waaroor ek egter wel gaan praat, is die verskillende lewensvorme (fauna) wat daarin woon en daaraan sy vrugbaarheid gee. As ons al die plante op ʼn stuk grond uittrek, is wat ons blykbaar oor het ʼn kaal stuk grond wat mettertyd droog en stowwerig raak. Trouens, as ons onsself piepklein kon maak, sou ons in werklikheid ʼn ryke versameling fauna vind wat wissel van mikroskopiese bakterieë tot groot komplekse organismes soos erdwurms. Daar word gesê dat na gelang van die soort grond 1 m 2 die tuiste kan wees van ʼn kwartmiljoen afsonderlike organismes van verskillende groottes. Elke organisme binne hierdie samehangende ekostelsel het ʼn belangrike rol te…

Jy het nodig 5 x betonplaveistene 1 x 500 m-stel Sikadur-AP All-purpose Epoxy Adhesive 1 x 1 l Sika Cemflex Submersible Waterproofer and Bonding Agent Sika Cemflex Waterproofing Membrane 500 ml water 1,6 kg sement Gereedskap ʼn Verfkwas, epoksieharsaanwender, klampe, ʼn emmer en rubberhandskoene Maak so 1. Meng deeglik dieselfde hoeveelheid uit al twee potte Sikadur-AP-epoksiehars op ʼn stuk afvalhout of teël. Meng net genoeg om dadelik te gebruik. 2. Wend die epoksiehars aan om die rand van een van die grootste plaveistene (as dié in die vorige selfdoenartikel op bladsy 61 gebruik word). Druk ‘n plaveisteen op sy plek vas met die varingpatroon wat na buite wys. 3. Wend epoksiehars op die kante van die plaveistene en die rand van die onderste plaveisteen aan en gom almal op hul…

Vir elke eenvoudige aksie wat jy moet uitvoer, word jy deesdae aangeraai om ʼn Toep af te laai. Ek is byvoorbeeld onlangs beveel om na Lanseria lughawe te vlieg en dan myself in Midrand naby Johannesburg te kry om ons Herfstuinskou by te woon. Toe ek by ons besturende redakteur, Wendy, navraag doen oor wie my gaan oplaai by die lughawe (aangesien ek weier om moedersielalleen op daardie paaie te ry), het sy gesê ek moet die Uber-Toep op my selfoon aflaai. Ek wou nie aan haar beken dat ek ʼn totale domkop is wat nog nooit persoonlik nodig gehad het om ʼn Uber te gebruik nie en teësinnig ingestem, maar ʼn benoude toevalletjie gehad nadat ek die telefoon neergesit het. Ek kon al sien hoe ek vanweë tegnologiese onnoselheid…

Die helderoranje tot skarlakenrooi blomme van koraalbome is ʼn pragtige gesig, veral as hulle teen die bruin winterlandskap verskyn. En wat die Erythrina-genus so besonders maak, is dat dit so ʼn verskeidenheid plante bevat wat elkeen uit eie reg spesiaal is en almal wonderlike tuinplante is. Erythrina lysistemon (koraalboom) Die koraalboom met die eenvoudige naam is die spesie wat die algemeenste in tuine gekweek word en verdien sy gewildheid terdeë. Dit word hoogstens ongeveer 10 m hoog en is een van die beste plante om in die tuin te hê om voëllewe en ander bestuiwers te lok. Die blomme verskaf nektar en stuifmeel in die laatwinter en vroeglente, en voëls soos houtkappers en spegte wat gate in hout maak, maak dikwels hul neste in die stamme. Vir die tuinier is…

Soveel kleur kan in Julie geplant word. Die meeste daarvan sal tot in November, of dalk selfs langer, aanhou blom. Lenteblomme soos petunias en gazanias wat nou geplant word, begin blom in Augustus, wat hulle ʼn veel langer blomtyd gee. Dit is selfs lekker om in die tuin te werk as die son die ergste oggendkoue verdryf het. Hier is ons keuse van sonliefhebbers wat jou en jou tuin sal opvrolik: Heuningblomme (Lobularia maritima) versprei ʼn heerlike heuninggeur en kan ingedruk word in beddings en tussen plaveistene, en as vullerplant saam met gesiggies of viooltjies in vensterbakke, hangmandjies en houers. Oppas vir te veel water gee. Knip dooie blomme af om nuwes aan te moedig. Gousblom (Calendula officinalis)is in volle blom en bied kitskleur vir gebiede wat die warmte van…

Wat verwag jy van jou rose? Wil jy groot, perfekte blomme vir pluk he of verkies jy ʼn massa blomme wat ʼn mooi vertoning lewer? Geniet jy dit om jou rose te vertroetel, of moet hulle net vir hulself sorg? Elke tuinier verskil en wil ander dinge hê, wat beteken daar is nie ʼn regte of verkeerde manier om rose te kweek nie. Variëteite verskil ook. Dié soos ‘Cora Marie’ en ‘Andrea Stelzer’ wat blomme met baie lang stele maak, kan met ligte snoei ingekort word. Daarenteen is variëteite soos ‘Duftwolke’, ‘Egoli’ en ‘New Zealand’ geneig om by te veel ogies uit te spruit as hulle lig gesnoei word, wat tot baie kortsteelblomme lei asook baie groeipuntlose lote wat nie ʼn eindknop maak nie. Neem dit alles in ag voor…

Baie van ons begin orgideë kweek metʼn phalaenopsis of motorgidee wat ons as geskenk byʼn vriend gekry het of wat ons besluit het om te koop omdat dit baie langer asʼn bos blomme hou. Hierdie orgideë word meestal as weggooiproduk gekweek, en in baie gevalle word die plante weggegooi sodra hulle klaar geblom het. Dié van ons watʼn gevoel vir plante eʼnn effense groen hand het, besluit om die plant nie weg te gooi nie, maar om liewer die eerste keer te probeer om dit te kweek en weer te laat blom. In sommige gevalle is dit suksesvol en in ander nie. Daar is egter baie verskillende orgideë wat baie suksesvol binnenshuis gekweek kan word. Dit gaan met baie orgideë goed as hulle binnenshuis gesit word terwyl hulle blom, maar…

Bestanddele 15 Brusselse spruite½ koppie gesnipperde rooikool1 Granny Smith-appel½ koppie gerasperde pecorinokaas8 dadels½ suurlemoen½ koppie olyfolie¼ koppie fetakaas1 gekookte eierʼn Hand vol pekanneute Vir die slaaisous 2 ansjovisse3 eetlepels tahini1 eetlepel esdoringstroop1 teelepel cayennepeper2 knoffelhuisies2 eetlepels Griekse jogurtSout en peper na smaak Sny die stronkie van die Brusselse spruite uit en maak die blare los. As dit te tydrowend is, sny hulle net in kwarte. Sny die appel in vuurhoutjiegrootte stukkies en ontpit die dadels en sny in kwarte. Kap die pekanneute grof op, krummel die fetakaas en sny die gekookte eier in kwarte. Rangskik al die bestanddele mooi in ʼn bak van jou keuse. Berei die slaaisous Gebruik ʼn lepel en druk die ansjovisse in ʼn bak fyn tot ʼn pasta. Voeg die olyfolie en ʼn skeutjie suurlemoensap by…

Australiese viooltjie Viola hederacea Hierdie energieke klein grondbedekkertjie groei vinnig, versprei plat op die grond, is kruidagtig, meerjarig en immergroen, en vorm ʼn uitgestrekte mat. Viola hederacea word ongeveer 15 cm hoog, en een klein plantjie kan maklik tot 1 m 2 versprei. Dit het sagte, ronde groen blare en groei in skadu of halfskadu in klam, goed gedreineerde, komposverrykte grond. Moenie te besorg wees as jou grond nie ideaal is nie omdat dit moeiteloos by die meeste grondsoorte sal aanpas. Hou gedurende warm somermaande die grond om die plant klam om te verseker dit is gelukkig en versprei vinnig. Viola hederacea blom amper heeljaar en die wit-pers viooltjieblomme verskyn aan stingels bo die blare. Die blomme is eetbaar en lyk pragtig as dit by somerslaaie gevoeg word. Verdeel die…

Cemflex ® Cemflex ® Submersible Waterproofer and Bonding Agent is ʼn emulsie met ʼn akrielbasis wat ʼn effektiewe waterdigtingsflodder is wat saam met Cemflex ® Waterproofing Membrane in reservoirs, op stortvloere en mure, balkon-en verandavloere (onder teëls), keermure en in waterfokuspunte gebruik word soos hier gewys word. Dit is waterdig en ideaal vir onderwater-of ondergrondse waterdigting, is niegiftig en oliebestand. Sikadur ® Sikadur ®-AP All Purpose Epoxy Adhesive Paste is ʼn tweedelige epoksieharspastakleefmiddel vir die algemene binding en regmaak van ʼn groot verskeidenheid materiale soos bakstene, beton, hout, asbes, keramiek en metaal. Dit meng maklik in die gerieflike verhouding van 1 tot 1. Dit kleef uitstekend, kan op klam oppervlakke aangewend word, is ideaal vir vertikale en oorhoofse toepassings en kan met water glad afgevee word. Wanneer Sika-stelsels gebruik word,…

As jy nog nie Babylonstoren naby Franschhoek besoek het nie, sit dit op jou afmerklys. Ek twyfel of daar in die land ʼn stylvoller kostuin is, of een wat net soveel doen om persepsies oor die estetiese trefkrag van kostuinmaak te verander. Gaan jy die tuin binne deur die dik ou afgewitte mure van die Kaaps-Hollandse werf, een van die oudste en bes bewaarde plaaswerwe in die land, betree jy ʼn wêreld van oorvloed wat letterlik daar is om gepluk te word. Voor jou lê elegante lanings pragtig gevormde vrugtebome wat ander kruis in ʼn uitgewerkte meetkunde van vierkante wat kwarte van groter vierkante uitmaak en so ver strek as wat die oog kan sien. Reik op na bo en pluk ʼn sappige pruim in die verbygaan, of buk af…

As jy na ware plantelegansie op soek is, wend jou tot lede van die Restionaceae, een van die drie hooffynbosfamilies. Baie van die spoggerigste en gewildste spesies groei gaaf in verskillende klimaatstreke ver van hul natuurlike habitat af. Nog ʼn kenmerk, wat verwarring kan skep en uitkenning bemoeilik, is dat restio’S manlike en vroulike blomme aan afsonderlike plante het. Dit is egter nie ʼn probleem vir die tuinier nie omdat ons dit bloot dubbeld geniet as ons albei geslagte kan hê. Toe slim navorsers by Kirstenbosch Botaniese Tuin uitvind dat rook afkomstig van plante ʼn natuurlike sneller is om fynbossaad te laat ontkiem, veral dié van die restio’s (wat tevore baie moeilik was om voort te plant!), het hulle die tuinbouwêreld ʼnenorme guns bewys. Baie van hierdie plante wat eens…

Ek vertel altyd vir tuinmaakvriende dat ek nie dink dat tuinmaak reëls moet hê nie. Dit is per slot van rekening jou eiendom, jou geld en jou arbeid wat in die tuin ingaan, nie waar nie? Hoewel dit egter in orde is om te maak net soos jy wil of om jou skeppingskrag toe te laat om jou te lei, is dit ook sinvol om by ʼn paar getoetste en beproefde beginsels te bly wat jou kan help om tuinmaakvreugde en tevredenheid te ervaar. 1. Bome in die vaevuur Dis opwindend om ʼn boom te plant, en baie hoop en drome word belê in ʼn boom wat jy van die kwekery af huis toe bring. Die volgende dinge kan egter verkeerd loop: Die gat is ʼn opvangbak Ons weet almal…

Met min te doen in die wintergroentetuin het ons nou tyd om vir die lente en somer te beplan. Selfs tuiniers in rypvrye subtropiese gebiede kan bepaal hoe die seisoen vorder en veranderings aanbring. Is wisselbou nodig? Maak reg vir ʼn verrassing, organiese tuiniers. Talborne Organics se Jenny Slabber glo dat hoe wisselbou tradisioneel beoefen is nie meer nodig of prakties is vir vandag se klein stedelike groentetuine nie. Haar boodskap is om jou liewer op grondgesondheid en vrugbaarheid toe te spits. Bring dit teweeg deur te verander van monokultuur na tussenverbouing (gemengde verbouing), wat die plant van metgeselplante behels, van groenbemesting en kompos gebruik maak en van chemiese misstowwe af wegbeweeg. Soos Jenny verduidelik, het sy en haar kollegas bevind dat groente soos tamaties, wat hoë voedingsvereistes en baie…

Jy het nodig Shutterply (vir die vorm) soos volg gesaag: 2 x 840 mm x 40 mm x 20 mm 1 x 560 mm x 40 mm x 20 mm 4 x 250 mm x 40 mm x 20 mm 1 x 620 mm x 40 mm x 20 mm 2 x 525 mm x 40 mm x 20 mm 2 x 290 mm x 40 mm x 20 mm 1 x 1000 mm x 580 mm x 20 mm 1 x 600 mm x 350 mm x 20 mm 2 x 30 kg-sakke fyn riviersand 1 x 50 kg-sak sement 2 kg blou sementoksied losmiddel (gebruik enjin-of kookolie) ʼn Paar varingblare of ander blare met ʼn sierlike vorm Maak so 1. Maak die raam vir die sementplaveistene. Maak eers…

1 SMELT DIE YS MET VUURWARM AALWYNE Winterblommende aalwyne soos die kransaalwyn (Aloe arborescens) groei van op seevlak tot op die hoogste bergtoppe en steek wintertuine aan die brand met hul helderoranjerooi blomme. Voëls en bye is versot op die nektarryke blomme. As jy ʼn baie dramatiese plant vir ʼn groot houer wil hê, kies die skulpturele en baie treffende boomaalwyn (Aloidendron barberae). Hierdie aalwyn is ook die perfekte fokusplant vir die tuin, maar moet groeiplek hê omdat dit ʼn volwasse hoogte van 15 m kan word. Sien uit na pienk blomme in die winter. By tuinsentrums is ook talle mooi nuwe aalwynhibriede van alle groottes om van te kies. Moenie die kans misloop om meer van dié modieuse plante in die grond te sit wat so sag op die…

Nuwe Husqvarna-hoëdrukwassers – voeg net water by Die nuwe Husqvarna elektriese reeks hoëdrukwassers met koorde maak voorsiening vir buiteplekke van alle groottes. Dit is uitstekend vir gebruikers wat nie net wil hê die grasperk en heining moet die beste lyk nie, maar ook die hele tuin. Hoëdrukwassers blaas vuiligheid en modder effektiewer weg as gewone tuinslange, wat neerkom op ʼn besparing van tot 80 % meer water vergeleke met gewone tuinslange. Alle Husqvarna-hoëdrukwassers is toegerus met ʼn lang slang vir beter bereik (tot 15 meter), wat dit makliker maak om in die tuin rond skoon te maak. Dit is verkrygbaar by gemagtigde Husqvarna-handelaars. www.husqvarna.co.za…