Innholdsfortegnelse for February 2018 i Die Tuinier Tydskrif

Suid-Afrikaners het baie om van te kies as dit by sierlike inheemse plante kom. Elke vorm, grootte, tekstuur en natuurlik kleur is vir ons beskikbaar. Interessant genoeg is groen die algemeenste blomkleur in die wereld, maar op ’n paar uitsonderings na is dit nie ’n kleur wat uitstaan nie. Kom ons bekyk ’n paar van ons spoggerigste inheemse blomplante van naderby volgens blomkleur om jou te help om ’n inheemse palet vir jou tuin saam te stel. Geel vir vrolikheid Daar is soveel geelblommige plante dat ons soms geneig is om ’n bietjie blase oor die kleur te raak, hoewel sonskyngeel altyd ’n vrolike toevoeging tot die tuin is. Oorweeg die mooie geles vir jou tuin. Euryops: Verskeie euryops-spesies word kommersieel as sierplante gekweek. Hul blaarteksture, groeiwyses en blomgroottes kan…

Suurlemoenbome lok ’n groot verskeidenheid plae en siektes waarvan baie gou oor die boom en na naburige bome kan versprei as nie vinnig opgetree word nie. Gelukkig kan die meeste behandel word met maklik verkrygbare middels. Sitruskanker Van al die siektes wat suurlemoenbome teister, is sitruskanker moontlik die ernstigste. Dit word veroorsaak deur ’n bakteriese infeksie wat gelerige, stralekransagtige skurfte op die vrugte, blare en lote veroorsaak. Die bakteriee word versprei deur die wind, insekte, voels, tuinimplemente en enigiemand wat teen die boom skuur. As die siekte onbeteueld gelaat word, versprei dit vinnig en kan lei tot vrugte met letsels, vrugval, blaarverlies en selfs die dood van die boom. Die behandeling met ’n vloeibare koperswamdoder is voorkomend eerder as genesend. Besmette bome herstel nie en moet vernietig word om te…

Vermont Tools gee dié maand ’n Kreg Jig K5 Pocket Hole System met ’n Kreg Wood Pocket Hole Screw Kit weg. Die Kreg Jig K5 sluit die beste kenmerke van alle vorige Kreg Jigs in, saam met innoverende verbeterings wat begin met ’n klampmeganisme wat ’n mens gou, sonder gereedskap of stelmoere, kan verstel om aan te pas by die dikte van jou werkstuk. Gly net die klamp op sy plek in, “klik” die groot vo ’n swaaistofvangpoort, veerbelaaide stuiter vir die boorgidsblok, en natuurlik die vermoe om die gidsblok te verwyder vir draagbare gebruik, en jy het die gevorderdste Kreg Jig ooit. ’n Ekstra bonus is die Pocket Hole Screw Kit wat ’n versameling van vyf van die gewildste selfsnysakgatskroewe vir skrynwerk bevat in ’n duursame, maklik draagbare tas.…

Warm, droë banke is maar deel van voorstedelike ontwikkelings. Dit word dikwels teëgehou deur spesiaal ontwerpte betonblokstrukture, of kan as grondbank gelaat word. Die twee moontlikhede moet egter versag word met groenigheid, verkieslik plante wat ook ’n wortelstelsel het wat in die grond kan ingroei en met stabilisering help. Hier is drie inheemse vetplante wat die rol baie suksesvol vertolk. Hulle is netjies, maklik om te kweek en vestig selfs in betreklike skraal grond. Onthou altyd dat hoe beter die grond voorberei is, hoe gouer sal die grondbedekkers die nodige heeltemal toegroei. Ruschia lineolata (rankvygie) Dit is ’n wydspreidende rankplant wat ’n digte, tapytagtige netwerk van dun, draderige stingels vorm. Nuwe groeistingels is malvaperspienk wat bruin word namate hulle ouer word, en die blare is kort, plat en hoekig, vlesig…

Wat is ’n harmonieuse kleurskema? Kleure wat langs mekaar op die kleurwiel le, staan as harmonieuse kleure bekend. Kleure wat van rooi deur mauve, violet, blouviolet, blou en blougroen strek, het ’n blou ondertoon, terwyl geelgroen, geel, geeloranje, oranje en rooioranje ’n geel ondertoon het. Rooi en groen neig albei na ’n blou of geel ondertoon en veral met rooi moet baie seker gemaak word dat die ondertoon by die ander rooiblommige plante pas om die kleurskema te verbeter. Die sielkundige uitwerking van kleur Soos in die vorige artikel genoem is, verwarm helder kleure met ’n geel ondertoon natuurlik en gee energie aan ’n ruimte, terwyl die met ’n blou ondertoon ’n verkoelende en kalmerende uitwerking het. Dit is interessant om te hoor tuiniers se hulle kan een of meer…

KRY DIE VOORKOMS So eenvoudig – ’n bank onder ’n boog van geurige ‘Climbing Rose Magic’ word die perfekte rusplek op ’n warm somermiddag, of ’n romantiese bymekaarkomplek vir ’n Valentynsdagafspraak. Gebruik geurige rose om romanse in die tuin in te bring aangesien dit die maand van romanse is. Ander geurige rose vir in die tuin is ‘Fragonard’, ’n Antico Moderno-roos wat pryse vir geur gewen het, en die edelrose ’Bewitched’, ‘Ecstasy’, ‘Garden Princess’, ‘Just Joey’ en ‘Perfumery’. Help jou rose om koel te bly • Warm nagte pla die rose meer as die hitte bedags. Koel hulle af deur vroegaand nat te maak. Die hitte laat die blare gou droog word, gevolglik sal hulle nie swamsiektes kry nie, en verdamping is minder as wanneer gedurende die dag natgemaak word.…

Wanneer ons aan kruie dink, kom verdienstelike plante by ons op, maar min van hulle is inheems. Is dit moontlik dat inheemse plante ook kulinere heerlikhede en medisinale voordele bied? Laasgenoemde is ’n omstrede onderwerp want die meeste kruierate is nog nie deeglik nagevors nie, en sogenaamde “aanvullende medisynes” moet nie as plaasvervanger vir goed nagevorste, bewese geneesmiddels vir ernstige siek mense oorweeg word nie. Tog het ons ongelooflike ryk biodiversiteit tot baie belangstelling in ons inheemse kruie onder die navorsingsgemeenskap gelei. Die meeste medisynes wat ons vandag gebruik, hou tog in ’n mate verband met die medisynes met ’n plantbasis van vroeer. Kom ons kyk eers na ’n paar inheemse plante om by jou kulinere repertorium te voeg en dan vlugtig na gewone boererate vir minder ernstige kwale wat…

Groente vir die balkon Begin met kruie: Dit is maklik om te kweek, en as dit in ’n groot genoeg pot gekoop word, kan dit dadelik gebruik word sonder om oor te plant. Maak seker dit kry genoeg son. Roosmaryn hou van droer grond en minder voedingstowwe, terwyl basilie meer misstof en water nodig het. Kweek spriet- en grasuie as gewasse wat afgesny word en weer uitgroei. Ligging, ligging, ligging Die meeste groente het minstens ses uur son per dag nodig. Balkonne wat oos en noord kyk, ontvang gewoonlik die beste lig. Die wat wes k yk, kan in die somer baie warm wees, maar is beter in die winter. Kyk hulle suid, kry hulle die minste lig. Sommige groente kan egter byhou met goeie indirekte lig. Gaan groen: Blaargroente…

1 MAAK DIE PATIO EN BALKON ROMANTIES Dis die maand van liefde, hoekom dan een kortstondige rooi langsteelroos (ten duurste) vir lief neem as jy eerder intense tuinmaakplesier kan put uit ’n klein ruimte vol potrose teen ’n normale prys? Miniatuurroosvarieteite, wat gesamentlik as “patiorose” bekend staan, is volop te kry in die somer. Hulle blom oorvloedig as hulle ’n paar uur per dag op ’n sonnige plek gehou en op wortelvlak met ’n organiese deklaag beskerm word om hul wortels koel en klam te hou. 2 VOED HULLE Voed en maak kersrose, kamelias en asaleas gereeld nat (om knopval te keer) en bedek daarna met dennenaalde. Voed ook bladwisselende vrugtebome soos appels, appelkose, kersies, nektariens, perskes, pere, pruime en kwepers met ’n algemene misstof en maak goed nat. Dis…

Die naam Skelmkloof klink of dit uit ’n roman kom en lok ’n gevoel van intrige uit. En op pad op lang, stowwerige gruispaaie met die berg wat bo jou uittroon, kan jy nie anders as om te wonder wat aan die einde van die reis wag nie. Dan, begroet ’n ou Morris Minor jou met ’n enorme agave wat deur die voorruit bars en ’n geroeste teken wat verkondig ”Die lewe is ’n reis”. Die boodskap op daardie teken het Hilda en wederhelf Francois se mantra geword op Skelmkloof. Hul tuinmaakreis het begin toe hulle ’n tradisionele Engelse tuin hier in die middel van die Karoo probeer vestig het, maar na 30 jaar se vrekgesukkel het die natuur se eise Hilda laat tou opgooi en ’n ander rigting inslaan.…

Die naam “phormium” is afgelei van die Griekse woord phormos wat na mandjiemaak verwys. Die Maori’s het eeue lank die sterk vesels van die vlasblare presies daarvoor gebruik, en vlasvesels was een van die eerste uitvoerprodukte van Nieu-Seeland, ook vir die vervaardiging van tou. Phormiums is gedurende die vorige eeu net hier in gebiede van die KwaZulu- Natalse Middellande gekweek vir die lewering van vesels. Vandag egter word Nieu-Seelandse vlasse eerder om hul siertuinbouwaarde gekweek. Die lang, leeragtige, swaardvormige blare wat in waaiers gedra word en uit vlesige risoomagtige wortelstokke verskyn, tref sterk in die tuin en maak klein tot groot polle mooi loof in ? groot verskeidenheid kleurskakerings en variasies. Ouer gekweekte siervlas Tuinphormiums het ontstaan uit twee spesies, albei van Nieu-Seelandse oorsprong. P. cookianum (waarna ook as P.…

Maak so 1. Die emmers moet dreineergate onder he. Maak die gate deur ’n stuk hout onder die pot te sit en gate in die boom van die emmer te boor. Die hout sal keer dat die emmer vervorm. 2. Sit ’n laag klippies onderin die emmer om met dreinering te help. 3. Maak ’n grondmengsel van 2 koppies palmveen (wat vooraf in water uitgeswel is) met 1 koppie potgrond en voeg ’n handvol beenmeel en ’n handvol organiese misstofkorrels by. Meng alles saam en maak die emmer driekwartvol hiermee. 4. Sit die plante op hul plek en vul op met die grondmengsel. Druk vas en maak goed nat. 5. Hang die emmers aan gegalvaniseerde kettings op of sit hulle op die grond waar hulle dikwels gebruik kan word. Maak…

Dit is die tiende artikel in ons reeks Werk met Hout wat deur Greg de Villiers aangebied word. Gedurende die reeks gaan ons jou bekendstel aan ’n paar ongelooflike nuwe gereedskapstukke op die mark wat die “werk” uit houtwerk haal. Jy HET NODIG Snylys 2 x 140 mm x 305 mm x 19 mm (basis) 2 x 140 mm x 270 mm x 19 mm (kante 1 x 140 mm x 343 mm x 19 mm (dak – lank) 1 x 140 mm x 324 mm x 19 mm (dak – kort) 2 x 38 mm x 280 mm x 19 mm (kort rand) 2 x 38 mm x 343 mm x 19 mm (lang rand) 2 x 140 mm x 270 mm perspex 32 mm-sakgatskroewe Houtgom Tou Buiteseelmiddel Gereedskap…

Ek het in jou groen oë gekyk en gesien hoe jy hulle ’n paar keer knip, so asof jy nie kon onthou wie voor jou staan nie. Ek sou jou nie kwalik geneem het nie, ons is dan noual so lank geskei van mekaar! Jy het begin glimlag, jou arms oopgemaak, en ek moes myself keer om nie bo-op jou bed te spring om nog nader te kom nie. Ek het oor jou wange gevryf, en hulle was so sag soos altyd. Jy het lekker geruik en skieIik het ek weer die geure van jou huis onthou - ondertone van koffie, marmite, ontbytspek, beesstertbredie, pampoenkoekies, boerewors, rooiwyn, sigaarrrook met ’n kersiegeur, skoon linne en parfuum. Ai, ons kon so lekker oor die politiek baklei en dan het jy my ’n…