Innholdsfortegnelse for November 2017 i Die Tuinier Tydskrif

KRY DIE VOORKOMS Byevriendelike tuine is nie net vol inheemse blomme nie – baie enkel of halfdubbelrose lok bye met hul geur en stuifmeel. Deur ń floribundaroos soos ‘Butterfly Kisses’ saam met ander stuifmeelryke plante, soos aronskelke en heuningblomme, te gebruik, lok bye sowel as skoenlappers na die tuin toe. ‘Butterfly Kisses’ is ń baie gesonde, blomryke roos wat heuphoogte word. Dit dra heelwinter groot skerms van 25 tot 45 enkelblomme. Reguit rose toe Het jy in jou keuse van byevriendelike plante vir die tuin al ooit enkel- of halfdubbelrose oorweeg ń Met hul oop meeldrade en stampers is die stuifmeel altyd vars en die bye is dol daaroor. Volkroonblarige rose soos Antico Modernoen edelrose daarenteen is nie so toeganklik vir bye nie, en teen die tyd dat hulle oopgaan,…

1 Klein, maar getrein in blomkrag Dwerg-Inkalelies is skitterend vir die tuin en ook geskik om in houers te kweek omdat hulle net 30 tot 35 cm hoog word. Hulle blom uitbundig van die lente tot die herfs en is te kry in ń groot reeks helder kleure. Hierdie kortetjies kan nes hul langer familielede as snyblomme gepluk word en hou lank. Groei in ń neutedop • Dit hou van son en ligte skadu. • Gee dit komposverrykte leemgrond. • Benat en voed in die somermaande gereeld met misstof vir blomproduksie. 2 Koninginkrismisroos Helder skaduplekke op met skitterende krismisrose, wat nou in die blom te kry is. Plant impatiens, begonias en browallia vir kleur tussenin. Onthou: Krismisrose hou van spikkelskadu, ryk leemgrond en baie water. As jy hulle in potte…

Hierdie tuin wat in die jaarlikse Garden World-tuinontwerpskou 2017 vertoon is, het inspirasie geput uit die skoutema “Kleur my wereld in”, asook uit die idee om ń ou ruimte in iets heeltemal anders te herskep terwyl soveel moontlik van die oorspronklike behou word. Dit is ń klein binnehoftuin wat voldoen aan die wense van ń buitelewewoonkamer – die ideale plek om die tema ten toon te stel. Ek wou mense aanmoedig om die buitelewe te geniet wat ń patio hulle bied, en dit sluit in om die kruie en groente te gebruik wat daar groei. Ek weet dat die meeste mense van die idee sal hou om tussen die blomme, kruie en groente te sit terwyl hulle ń vleisie braai en ń glasie koue wyn geniet. Om meer kleur in…

Kitswenke vir uitstekende randakkerontwerpe Mooi struike en meerjariges in die middel en op die agtergrond is altyd belangrik vir enige gemengde randakker, maar wat op die voorrand van die bedding geplant is, lok onmiddellik die oog. Hier volg ons keuse van mooi grondbedekkers en dwergplante van tot ongeveer 40 cm hoog wat kleur en tekstuur aan die voorgrond sal verleen. Lekker plant! PLANT GALERY Alternanthera dentata ‘Little Ruby’ Dit is ń geronde grondbedekker met ń kompakte spreidende groeiwyse en diepboergonje blare wat van vogtigheid hou en teen hitte en ligte ryp bestand is. Plant dit in son tot halfskadu. Cuphea hyssopifolia ‘Southern Border’ Die klassieke immergroen randakkerstruik is kompak en gerond met digte loof en helderpienk blomme van die lente tot die herfs. Dit is koue- en rypgevoelig. Plant dit…

Jy het nodig ń Mandjie met ń klapperhaarvoering Potgrond Palmveen Vermikuliet Organiese misstofkorrels Waterhoudende korrels of waterslimkristalle ń Versameling plante Vloeibare plantvoedsel ń Sker ń Handwerkmes Swart plastiek ń Pot of emmer om die mandjie op neer te sit ń Emmer om die grond in te meng Maak so 1. Gooi ń kwartemmer potgrond in ń emmer en meng twee koppies vermikuliet, twee koppies palmveen (wat vooraf in water uitgeswel is), ń handvol organiese korrels en ń lepel waterhoudende korrels by. Meng goed. 2. Sit die mandjie op ń pot of emmer sodat jy by die kante kan bykom. 3. Sit die klapperhaarvoering in die mandjie, bedek die binnekant met swart plastiek en sny oortollige plastiek af. Steek ń paar gate onderin die plastiek vir dreinering. 4. Maak die mandjie…

4 – 5 November 2017 Elgin Oop Tuine Agtien pragtuine is oop in die Elgin-gebied, beslis die plek om die naweek te wees. Tyd: 10:00 – 17:00 Navrae: Barbara Knox-Shaw 021 844 0154, 078 021 2101; Jessie Walton 083 458 3790, info@elginopengardens.co.za, www.elginopengardens.co.za 11 November 2017 Acara Oop Tuin Acara is ń bpragtige Engelse plattelandse tuin met asemrowende uitsigte op die manjifieke Helderberg en wingerde. Dit is gelee in ń vallei met wilgerbome, roostuine, golwende grasperke, temagebiede en selfs ń klein groentelappie. Tee en koffie met muffins word bedien en plante is te koop. Plek: Wineryweg uit R44, Navrae: 084 958 5074, info@acara.co.za, www.acara.co.za 11 November 2017 Tuinroete Oop Tuine Verskeie oop tuine kan besigtig word tydens die jaarlikse Tuinroete Oop Tuine. Kaartjies: R50, wat besoekers toegang gee tot al…

Plant ń paar eucomis-varieteite in jou tuin vir ń skouspelagtige vertoning van lang stele stervormige blomme wat in die laatsomer soos ń pynappel lyk. Die kleure wissel van groen tot ligroom en pers, en die loof is in ń roset van bree lintvormige blare gerangskik. Die liggroen gladde blare met kartelrande is soms pers gevlek. Sommige spesies se blomme is soetgeurig, terwyl ander ń duidelik onaangename reuk het. Tog is hulle pragtig in tuinbeddings wat oggendson en namiddagskadu kry. Verryk die grond met baie kompos en hou dit klam gedurende die groeityd. Plantfeite Volksname: Pynappelblom, wildepynappel Familie: Liliaceae (Hyacinthaceae) Soort: Bladwisselende, meerjarige bol Oorsprong: Sowat 15 spesies kom voor vanaf die Njassameer in die noordooste van suidelike Sentraal-Afrika tot die Suidwes-Kaap, maar veral in die oostelike gedeelte van Suid-Afrika. www.hadeco.co.za…

As jy met brakwater te doen kry, is jou eerste stap om te kyk wat suksesvol groei in naburige tuine met dieselfde probleem, en om dan bloot dieselfde te plant. Maak ook so: • Werk tydens grondvoorbereiding voor plant oorvloedige vragte organiese materiaal soos kompos en goed verrotte kraalmis in. Moenie die stap afskeep nie! Rojale organiese deklae rondom die plante kan ook as buffer dien teen die opbou van ń soutlaag bo-op die grond. • Probeer om geligte struikbeddings hoer as die gewone grondvlak te maak omdat dit die uitwerking van brakwater kan teewerk. • Besproei minder gereeld maar diep. Maak op die grond nat en maak seker die hele plant word nie nat nie omdat die blare kan brand en opkrul. Dit help om plante te kies wat…

ONTWERP-DDS Dit is die sewende artikel in ons reeks Werk met Hout wat deur Greg de Villiers aangebied word. Gedurende die reeks gaan ons jou bekendstel aan ń paar ongelooflike nuwe gereedskapstukke op die mark wat die “werk” uit houtwerk haal. JY HET NODIG Snylys Kca-behandelde dennehout volgens die volgende afmetings gesny: 8 x 1700 mm x 25 mm x 76 mm 8 x 1400 mm x 25 mm x 76 mm 8 x 555 mm x 25 mm x 76 mm 14 x 400 mm x 25 mm x 76 mm 2 x 550 mm x 25 mm x 76 mm 3 x 555 mm x 38 mm x 38 mm-heglatte 6 x 262 mm x 38 mm x 38 mm-heglatte 50-mm- snyskroewe Gereedskap: Festool-figuursaag, Triton-boor en -skroewedraaier, Festool-spoorsaag,…

WES-KAAP Saterdag 18 Skeppendehouerkompetisie met die Durbanville-tuinklub Durbanville-biblioteek, Oxfordstraat, Durbanville Pryse ter waarde van R6 000! Gratis toegang. Navrae: www.durbanvillegardenclub.co.za 21 November – 3 Desember Kaapse Geskenkemark Seepunt-burgersentrum Maandae tot Vrydae van 09:00 tot 19:00 Saterdag en Sondag van 09:00 tot 17:00 Navrae: 082 411 3981, geskenkemark@gmail.com Saterdag 11 en Sondag 12 Stellenberg-tuine Ope Dae Ten bate van die St. Joseph-tehuis vir kinders met chroniese siektes Oaklaan 30, Kenilworth 09:30 – 17:30 Toegangsgeld: R50, kinders onder 12 gratis. Tee R30. Die Stellenberg-kwekery is oop. Navrae: 021 762 7733, 083 300 1196, www.stellenberggardens.co.za GAUTENG Woensdag 22 Praatjie: Weerlig en Navorsingsbevindings, deur Estelle Trengrove Die Floreum, Johannesburgse Botaniese Tuin, Olifantsweg, Emmarentia Toegangsgeld: Lede R20, Besoekers R30, waaronder verversings Navrae: 082 951 1432…

‘n Lewenslange vriendin van ons is skielik oorlede. Alhoewel ons haar en haar man baie lanklaas gesien het, onthou ons nog die goeie tye saam en was daar nog altyd kontak met mekaar en ‘n band wat ons saamgebind het. Daar is toe eenparig besluit dat ons van Onrusrivier na Port Elizabeth moet ry om haar gedenkdiens te gaan bywoon. Omdat dit so ver is, het ons besluit om dit ook as ‘n kort wegbreek vir dié jaar te beskou. Ons het die bande van die ou Chevy gepomp, haar tenk volgemaak, die huis gesluit, die bure gegroet en vroegdag die N2 bestyg. Toe ek ons oudste spruit bel om haar in te lig dat ons gaan ry was sy nogals onsteld om te hoor dat ons geen verblyfreëlings getref…