Innholdsfortegnelse for September 2017 i Die Tuinier Tydskrif

Sluit by my en my kinders aan en ondersteun die “Sunflower Day” deur ʼn Buis van Hoop (‘Tope’) vir R25 elk te koop en sodoende broodnodige fondse vir die “Sunflower fund” te genereer. Hierdie fonds help onder andere om toepaslike paring vir beenmurgoorplantings en ander wat aan chroniese bloedsiekte ly, te doen. Hoop begin by jou! Kry jou “Tope” by die naaste Pick n Pay of besoek www.sunflowerfund.org.za Ons het almal al die gesegde “die tyd vlieg” gehoor Hoera vir die lente! Uiteindelik is die wag verby en kan die viering begin. Vir my bring die lente die wonderlike geleentheid om na baie ooptuingeleenthede en tuine te reis, en ek is vanjaar net so opgewonde soos altyd. Om asem te skep voor die malligheid het ek en ʼn paar goeie…

Hoewel cliviablomme tradisioneel oranje is, is daar vandag tallose nuwe skakerings, waaronder ʼn verskeidenheid oranjes en oranjerooie, terwyl een van die gesogste die uiters skaars rooi is. Dan is daar perske, appelkoos en salm, en die baie begeerlike en skaars pragtige pienk. Daar is ook vorms met patrone soos die Versicolours, Splashes, Picotees en Bicolours, en vorms van die meeste kleure met groen kele wat hulle so aanlokliker maak. ʼn Werklik skouspelagtige cliviavorm is die vreemdnamige ‘Ghost’, waarvan die kleur verdof om groot ligkleurige gedeeltes en ʼn donker randjie te maak, met as voorbeeld ‘Florid White Lips’. Bronsen geelkleuriges met groen kele is ook te kry, en die kosbaarste is die groen clivia genaamd ‘Hirao’, wat na sy teler, dr. Hirao, van Japan, vernoem is. Die veelblomdekblariges is ook in…

Veltheimia ‘Lemon Flame’ is ʼn natuurlike kleurvariant van die algemeen gekweekte donker- of roospienk boslelie, Veltheimia bracteata. Die pienk vorms is inheems in die suidelike en suidoostelike gebiede van die Oos-Kaap van die Baviaanskloofberge tot Mazeppabaai aan die Wildekus en die ‘Lemon Flame’-kleurvorm met sy groengeel blomme word slegs by die Boesmansriviermond en naby Port Elizabeth aangetref. V. bracteata groei van ʼn bol en kom voor op kusduine tussen lae bosse of op binnelandse rotshange en rotswande. Veltheimias is lede van die hiasintfamilie (Hyacinthaceae) en nog een spesie, die uitsluitlik wintergroeiende en somerrustende V. capensis, kom wydverspreid voor van Ladismith in die Klein-Karoo tot suidwestelike Namibie. Nes die pienk vorms van V. bracteata groei die kultivar ‘Lemon Flame’ in die winter, maar sterf heeltemal terug in die somer. Die pienk…

ʼn Nuwe seisoen wink , en om by ʼn tuinsentrum in te loop is soos om ʼn sjokolade- of boekwinkel te besoek ; daar is soveel te koop dat ʼn mens nie weet waar om te begin nie . Die gevolg ʼn Kopers raak die kluts kwyt , koop impulsief en berou dit dalk die res van die somer . Stop eers in jou tuin – kyk wat uitgeblom is , waar kleur nodig is en watter plekke jy graag wil opfris . Maak dan ʼn lys ( op grond van ons aanbevelings hieronder ) en gaan bewapen daarmee . Dalk bly jy nie daarby nie ( watter tuinier doen dit in elk geval ), maar dit sal jou help om jou aandag toegespits te hou . September… waar om…

Hoekom moes u die proefnemings doen? Hendrick’s Gin is op ʼn sending om te bewys Het die uitslag van die proefnemings verander hoe u komkommers kweek? Ja, dit het beslis. Die Wereld-komkom merdag-proefnemings het bewys dat komkommers onteenseglik indrukwekkende vermoens toon om op buitestimuli te reageer en word groter en sappiger as gevolg van ongewone sorgmetodes, wat aandui dat hulle terdee bewus is van hul omgewing. Hulle reageer op reuk, klank en gevoel – merkwaardig! My bevindings toon byvoorbeeld dat komkommers van rockmusiek hou en glad nie van jazz nie – komkommers wat tydens die toets na rock “geluister” het, se vrugte was meetbaar groter en lekkerder, terwyl die wat na jazz geluister het, se vrugte misvorm was met krom en gepunte rande. Ek het kweekwenke saamgestel op grond van…

1 BOME VIR AFRIKA Nasionale Boomplantweek is van 1 tot 7 September, sewe amptelike dae om bome te plant. Ziziphus mucronata (blinkblaar-wag-ʼn-bietjie) is ʼn mooi klein tot middelgroot bladwisselende boom wat tot 9 m hoog word. Dit is ook die amptelike boom van die jaar vir 2017. Dit maak ʼn redelik digte spreidende kroondak, en jong bome het skerp, gepaarde, ongelyksoortige dorings, die een reguit en die ander gekrom. Die blomme en vrugte van hierdie bome is gesog by voels en bye. Die mooi klein skaduboompie is bestand teen droogte en matige ryp, en vaar goed in die meeste grondsoorte en toestande. 2 KLEUR JOU BEDDINGS IN Begin om begonias en impatiens in die skadu en Sunpatiens in die son te plant. 3 CLIVIAS VIR JOU Die verskyning van die…

Hoewel cliviablomme tradisioneel oranje is, is daar vandag tallose nuwe skakerings, waaronder ʼn verskeidenheid oranjes en oranjerooie, terwyl een van die gesogste die uiters skaars rooi is. Dan is daar perske, appelkoos en salm, en die baie begeerlike en skaars pragtige pienk. Daar is ook vorms met patrone soos die Versicolours, Splashes, Picotees en Bicolours, en vorms van die meeste kleure met groen kele wat hulle so aanlokliker maak. ʼn Werklik skouspelagtige cliviavorm is die vreemdnamige ‘Ghost’, waarvan die kleur verdof om groot ligkleurige gedeeltes en ʼn donker randjie te maak, met as voorbeeld ‘Florid White Lips’. Bronsen geelkleuriges met groen kele is ook te kry, en die kosbaarste is die groen clivia genaamd ‘Hirao’, wat na sy teler, dr. Hirao, van Japan, vernoem is. Die veelblomdekblariges is ook in…

Suurgrond word beskryf as grond met ʼn laer pH-waarde as 7. Die term pH word gebruik om die konsentrasie van waterstofione aan te dui, met 7 wat neutraal, hoer syfers wat alkalies en laer syfers wat suur is. Grond-pH beinvloed plantgroei beduidend, met sekere plantsoorte wat baie spesifieke vereistes het om suksesvol te groei. Die asaleas of rododendrons word botanies geklassifiseer as deel van die Ericaceae-familie, wat van suurgrond hou. Dit sluit in ʼn paar van die mooiste blombome en -struike ter wereld. Plaaslik is immergroen asaleas (Rhododendron indicum) die vernaamste verteenwoordiger van die familie, en is deel van baie ou gevestigde tuine in streke waar klimaats- en grondtoestande aan hul groeivereistes voldoen. Hulle word sonder uitsondering aangetref in streke met hoe reenval en koel klimate met somermis. Alles oor…

V. Kan asaleas binnenshuis in ʼn pot gekweek word? A. Baie gepotte asaleas word jaarliks verkoop as binnenshuise potkleur vir die winter en lente. Dit is die beste om die klein plantjies buite op ʼn plek in halfskadu te sit sodra hulle uitgeblom is. Anders kan hulle in die tuin uitgeplant word. Plant gepotte asaleas elke twee tot drie jaar in groter potte oor. Hulle vaar nie goed as hulle permanent binnebly nie. V. Wat veroorsaak dat die bokant van asaleablare in die somer silwer of bruin word? A. Die verkleuring word gewoonlik deur rooispinmytbesmetting veroorsaak. Gebruik ʼn vergrootglas om die blare te ondersoek vir die piepklein agtpotige skepseltjies. As daar lewende bewyse is, behandel met geskikte mytdoders tot die plante herstel. V. Groei asaleas goed naby die kus? A.…

Organiese tuinmaak gaan oor natuursiklusse – lewe, ontbinding en vernuwing. In deel twee kyk ons na die kies van die regte plante vir die taak. Plante wat bestuiwers en predatore lok: Gousblomme, koljander, dille, vinkel, pietersielie, koorskruid en duisendblad Plante wat help met plaagbeheer: Ment, laventel, roosmaryn, uiegewasse, alsemkruid, afrikaners, kappertjies, herfskrisante, kwylwortel, wurmkruid en koorskruid Offer- of lokvalplante: Kappertjies, basiliekruid, nicotiana en gousblomme Plante wat siekte keer: Knoffel, grasuie en brandnetels Plante wat die grond verbeter: Ertjies, boontjies, klawer, bokwiet, lupiene en mosterd Plantmaats Metgeselaanplanting is deel van die organiese benadering en word gedoen om plantgesondheid en oeste te verbeter, peste af te weer, voordelige insekte te lok en om die omvang van siekte te verminder. Hier is ʼn paar voorstelle om aan die gang te kom – as…

Beproef iets anders vir jou volgende kruiepot deur ’n verskeidenheid blomkruie en bont blare te gebruik Jy het nodig Organiese misstofkorrels ʼn Palmveenblok (in water uitgeswel) Potgrond Beenmeel of superfosfaat Klippe ʼn Terracottahouer ʼn Emmer om die grond in te meng ʼn Versameling plante. Ons s’n is: Origanum vulgare ‘Variegata’ Thymus ‘Mystic Lemon’ Echinacea ‘PowWow White’ Chilli ‘Tabasco’ Basil herbalea ‘Wild Magic’ Sutera scopia ‘Great White’ Maak so 1. Maak ʼn grondmengsel deur gelyke hoeveelhede potgrond en palmveen, ʼn handvol organiese misstofkorrels en ʼn handvol beenmeel of superfosfaat goed saam te meng in ʼn emmer. 2. Kyk dat die pot dreineergate het en bedek dit met ʼn laag klippe. 3. Maak die pot driekwartvol grond. Begin plant die hoogste plante in die middel en vul om die rand op met…

Dit lyk of dit ingewortel is: blomme in die voortuin en eetbare plante agter, selfs al is meeste tuinruimtes nie meer so tradisioneel as wat dit was nie. Die probleem is dat groentetuine onooglik of onnet kan wees, veral as gewasse deur plae en siektes aangeval word. Daar is egter maniere om die lyne tussen eetbaar en sierlik te vervaag, en om die voordele te geniet van meer eetbare plante te kweek terwyl die blomme saam met die bye en skoenlappers steeds ʼn vreugde kan wees. Die tuin hoef nie in een seisoen verander te word nie, maar hier is ʼn paar idees: 5 maniere om jou blomtuin aan te pas • Kies kompakte, sierlike en kleurryke groente soos klein of rooikool, blaarslaai en ander slaaiblare, snybeet, sprietuie, preie en…

Dit is die vyfde artikel in ons reeks Werk met Hout wat deur Greg de Villiers aangebied word. Gedurende die reeks gaan ons jou bekendstel aan ʼn paar ongelooflike nuwe gereedskapstukke op die mark wat die “werk” uit houtwerk haal. JY HET NODIG Snylys 2 x 1800 mm x 76 mm x 76 mm (steunpale) 1 x 990 mm x 76 mm x 76 mm (boonste dwarsbalk) 1 x 800 mm x 76 mm x 76 mm (middelste dwarsbalk) 1 x 430 mm x 76 mm x 76 mm (onderste dwarsbalk) 1 x 330 mm x 185 mm x 20 mm (nommerbord) 8 x 525 mm x 35 mm x 6 mm (latwerk) 10 x 390 mm x 35 mm x 6 mm (latwerk) Houtgom 8 x 5.5 mm x…

KwaZulu-Natalse Middellande 16 - 17 September Angela Wolf River Goose Estate, Fyvieweg 14, Howick Eileen Stuart Waterford Hall en - tuin, Uit die Karkloofpad Glen en Liz Boyd Ben Eden Farm, Karkloofpad 16, 17, 30 September Eddie en Lyn Lion-Catchet Rosslands, Cavershamweg (P133),Balgowan James and Tessa Chance Endebeni-bos, Lidgetton-vallei 23 September - 8 Oktober John en Jenny Robinson Benvie, Karkloof Hogsback, Oos-Kaap Lenteviering 22 September - 15 Oktober Oop Tuinekronkelroete 2017 16 - 17 September Ses verskillende tuine in Houghton, Westcliff, Saxonwold, Parktown-Noord, Parkhurst en Craighall Park Pretoria Sunrise Oop Tuine 16 - 17 September ʼn Paar van die Jakarandastad se mooiste tuine word vertoon vir die jaarlikse Pretoria Sunrise Rotariërklub se Oop Tuine. Lucette Wegelin Andersonstraat 163, Brooklyn Elize de Jong Las Palmeras, Kesselaarlaan 37, Brummeria Mariylnn Penny Alpineweg…

WES-KAAP Donderdag 31 Augustus – Sondag 3 September Cape Homemakers Expo Kaapstadse Internasionale Konferensiesentrum, Onder-Langstraat 1, Kaapstad Kaartjies: R80, pensionarisse R70 en kinders onder 12 gratis. Navrae: 021 511 2800, www.homemakersonline.co.za/exhibitions. Vrydag 22 – Maandag 25 September Die Hermanus-blommefees Kaartjies: R25, pensionarisse R10 en kinders onder 12 gratis. Navrae: Alta Pretorius 028 315 1619, 073 538 3685, www.fernkloof.org.za, botsochermanus@telkomsa.net Donderdag 14 – Sondag 17 September 100ste Darling-veldblommeskou Kaartjies: R60, leerders R40 en pensionarisse R40 slegs op Donderdag en Vrydag, kinders onder 13 gratis Navrae: Swartland Toerisme 022 487 2989, swartland@cornergate.co.za, www.swartlandtourism.co.za GAUTENG Saterdag 9 – Sondag 10 Lenteblommeskou Die Floreum, Johannesburgse Botaniese Tuin, Olifantsweg, Emmarentia Saterdag 12:30 – 16:00, Sondag 10:00 – 16:00 Kaartjies: Gratis Navrae: 082 951 1432 Woensdag 13 Die Tuinbouvereniging Praatjie: Karoovetplante, deur Sue Taylor Roosevelt Park-ontspanningsentrum,…

Stuur die handige man wat so flink keermure kan bou dadelik vir my! Ek blaai altyd eerste na die lesersbriewe in koerante en die ag-siestog-anties se hulpkolomme wanneer ek my gunstelingtydskrifte oopslaan. Dit is vertroostend om te sien dat ook ander mense, woede, angs, frustrasie, hartseer en onsekerheid beleef en nie skaam is om raad te vra as iets verkeerd gaan nie. Na jare se tuinrubriekskrywery, is my gevoltrekking dat tuiniers loshande die meeste vrae het, en party daarvan is kopkrappers waarvoor nie eens ʼn gesoute siener met ʼn kristalbal sal kans sien nie. Ek onthou weer van ʼn paar wat ek moes probeer oplos. Hulle het my tweemaal laat dink. Probleem: “Ek wil graag raad hê oor die onderhoud van keermure. My man het die keermure (elk sowat ʼn meter…