Innholdsfortegnelse for June 2017 i Die Tuinier Tydskrif

T uinmaak in ʼn klein ruimte kan nogal ʼn uitdaging wees, veral as jou vorige tuin groter was, maar met sorgvuldige beplanning is dit moontlik om ʼn nuwe tuin te maak wat opwindend sowel as bevredigend is. Die sleutel tot die ontwerp van ʼn tuin is natuurlik om te besluit hoe om jou buiteruimte te benut. Foute is baie ooglopender op ʼn klein plekkie, dus is dit uiters belangrik om die afmetings van jou eiendom akkuraat in te teken saam met die harde oppervlakke, tuinmeubels, bybehores en die plante wat jy van plan is om te kweek. Niks is lonender as ʼn tuin wat gedy sonder om voortdurend in toom gehou te word nie. VORM DIE TUIN Geometriese vorms is geskik vir klein plekkies omdat hulle nie soveel inbreuk maak…

Hoewel plante met medisinale eienskappe nooit die dienste van ʼn dierearts kan vervang wanneer jou hond regtig ongesteld is nie, kan jy dit gebruik vir minder ernstige velkwale of in klein dosisse as ʼn gesondheidsaanvulling in hul diete of in hondebederfies. En onthou jy kan dit self ook goed gebruik.…

O mdat ons gewoonlik orgidee sien wat in potte verkoop word, vergeet ons dikwels dat baie van hulle, trouens meeste, as epifiete in die natuur groei. Dit beteken bloot hul wortels groei nie in die grond nie, maar is aan die bas van bome en struike vasgeheg. Epifiete moet nie met parasiete verwar word nie omdat hul wortels nie in die bas van die boom indring om vog, voedingstowwe of suiker van sy gasheer te onttrek nie. Die plante gebruik bloot die gasheer om meer lig of beter lugbeweging te kry as wat daar op die bosvloer is. Taamlik baie orgidee kan suksesvol gekweek word as hulle aan bome in ons Suid-Afrikaanse tuine vasgemaak word. Oorweeg een van die volgende vir jou tuin: Laelia anceps Die hoogtes en klimaat waar…

Jy het nodig ? Ou houtstoel waarvan die mat verwyder is Organiese misstofkorrels ʼn Palmveenblok (in water uitgeswel) Potgrond Beenmeel of superfosfaat ʼn Versameling vetplante van groot tot klein Onkruiddoek ʼn Kramskieter ʼn Sker ʼn Verfkwas Maak so 1. Meng gelyke hoeveelhede potgrond en palmveen, ʼn handvol organiese misstofkorrels en ʼn handvol beenmeel of superfosfaat saam. 2. Sny ʼn stuk onkruiddoek af wat groter as die matopening is en druk dit daarin om die plantholte te vorm. 3. Kram die doek aan die binnekant van die raam vas. Sny eers die oortollige materiaal af as jy seker is dit is stewig vas. 4. Maak die holte halfpad vol met die verrykte grondmengsel. 5. Plant eers die groot vetplante agterlangs en dan die kleineres na die kante toe. 6. Vorm die…

1 Kleur met naaldblare Konifere kom tot hul reg in die winter. Plant Cupressus macrocarpa ‘Gold Crest’ met sy netjiese koniese vorm en heldergeelgroen blare in die winter in die tuin, en maak lee potte vol met die kompakte Platycladus ‘Aurea Nana Compacta’ wat in die winter ʼn ryk brons verkleur. Hulle groei die beste in volson op ʼn plek met goeie lugbeweging. 2 Tyd vir aalwyne! Kompakte aalwyne wat deur Suid-Afrikaanse aalwynkundiges geteel is, gee pragtige winterkleur en pas in selfs die kleinste tuintjie in. Wees op die uitkyk na ‘Bushwhacker’, ‘Little Joker’, ‘Peri-Peri’, ‘Porcupine’ en ‘Hedgehog’ by jou plaaslike kwekerye. 3 Mooi soos petunias Calibrachoas, naverwante van die petunia, het klein trompetvormige blomme in ʼn treffende verskeidenheid helder kleure. Die grootste prestasie van hierdie moderne hibriede is hul…

Kompakte of laaggroeiende konifere is uiters waardevol in koue wintertuine waar hulle kleur en tekstuur gee aan landskappe wat dikwels blaarloos is. Soveel kouebestande plante is bladwisselend en raak bloot kaal stamme en takke gedurende die winter, wat immergroen plante en veral konifere so doeltreffend en nuttig maak. Ons keuse het geval op drie verskillende Thuja occidentaliskultivars, wat algemeen bekend is as die lewensboom, wat goed groei in plaaslike toestande en wat plaag- en siektebestand is vergeleke met ander konifere. Gebruik hulle om kaal kolle en ruimtes in gemengde beddings of rotstuine op te vul of as groot pot- of houerplante. Thuja occidentalis ‘Smaragd’ of ‘Emerald’ Dit is ʼn smal koniese struik of klein boompie wat tot 3 m hoog kan word, hoewel dit nie haastig is om daar te…

D ie genus Pelargonium bestaan uit sowat 230 verskillende spesies waarvan baie van Suider-Afrika afkomstig is. Die afgelope drie eeue is op groot skaal met hulle geteel, wat tot ʼn menigte blomplante gelei het wat wereldwyd gekweek word om hul helderkleurige blomme wat lank gedra word. Die volksnaam “geranium” veroorsaak ʼn bietjie verwarring in die plantwereld, maar die meeste tuiniers gebruik die term met vertroudheid en toegeneentheid. Almal ken ʼn geranium, maar min besef dat pelargonium uit ʼn botaniese oogpunt die korrekte naam is. Klassifikasie Ondanks die feit dat daar so baie verskillende pelargoniums is, word die wat in die tuin gebruik word gewoonlik in vier hoofgroepe ingedeel na gelang van hul afkoms en groeiwyse. Dit maak dit makliker om die plante te identifiseer en in die korrekte omgewing te…

TEKS Gary English Hoewel blommende bonsai in sommige streke van die wereld, veral in Japan en die VSA, baie gewild is, is mooi blommende bonsai in Suid-Afrika nogal skaars. Die meeste van ons inheemse bome dra nie ʼn groot massa blomme soos talle van die bome in Japan nie, en die paar wat wel blom, is nie werklik geskik vir bonsai nie. Een van die uitheemse spesies wat die algemeenste gebruik word, is die bougainvillea, terwyl asaleas ook redelik gewild is. Dit is nodig om die groeipatrone te verstaan van die spesies wat jy gebruik om blom- of vrugdraende bonsai te kweek. Wees ook daarvan bewus dat die blomme en vrugte dieselfde grootte bly al kan die grootte van die blare en takke van ʼn boom verklein word. Die kuns…

Jy het nodig ʼn Ou draadhek 2 metaalpale 8 plastiekpotte 14 kabelbinders ʼn Verskeidenheid kruie Gereedskap . Koordlose boor en 4 mm-boorpunt ʼn Potmengsel (3 dele potgrond, een deel klapperhaar en ʼn handvol organiese misstofkorrels) Maak so 1 Sit die hek waar dit in die tuin moet kom en kap die pale stewig in die grond in. Maak die hek met drie kabelbinders aan elke kant aan die pale vas. 2 Boor twee gate in die kant van elke pot ongeveer driekwart na bo. Steek ʼn kabelbinder deur die twee gate. Gooi potmengsel in die potte en plant die kruie. Maak die potte aan die hek vas met die kabelbinders.…

KRY DIE VOORKOMS Hierdie elegante houer wat met ʼn tuimelende ‘My Granny’ met ‘Winter Sun’ of ‘Lemonessence’ vir hoogte beplant is, pas perfek by die Euphorbia tirucalli agter wat nou sy rooi, geel en brons “wintersvingers” kry. Schefflera arboricola, wat gewoonlik ʼn binnenshuise plant is, verleen ʼn tikkie sagtheid aan die onderkant van die houer. Dit is ʼn pragtige en ongewone plantmengsel (wat landskapargitek Karen Gardelli bymekaargesit het) wat toon hoe veelsydig rose is, wat natuurlik die sterre van die vertoning is! Al hoe meer tuiniers kweek tans hul rose in houers. Vir sommige is dit die enigste manier om raad te weet met die oorvloed (van net nog ʼn impulsiewe aankoop), terwyl houers vir ander tuiniers ʼn menigte probleme oplos: wortelmededinging, swak grond, en bome wat ʼn eens sonnige…

Die Japanse woord “kokedama” beteken letterlik mosbal, en ʼn versameling van die mosballe wat aan die plafon of die een of ander struktuur hang, word ʼn toutuin genoem. Die maak van ʼn toutuin met jou eie kokedama is ʼn lekker manier om ʼn wintermiddag deur te bring en is nie baie moeilik nie (buiten die kere wanneer jy wens jy het meer as twee hande gehad!). Jy het nodig • Koerantpapier • Tou • Gedroogde mos ofklapperhaar (Die klapperhaar wat gebruik word om hangmandjies uit te voer werk ook.) • Vermikuliet • Waterhoudende korrels • Potmedium • ʼn Paar meter dun staalkabel (per meter te kry by hardewarewinkels) • Metaalhulse • Vlekvrystaalskroefhake • ʼn Sykniptang • ʼn Tang of krimptang • ʼn Sker • Plante na keuse Stappe en kunsies…

Met Suid-Afrika wat na rommelstatus afgegradeer is, is dit moeilik om te sê wat die toekoms inhou en hoe dit gewone noodsaaklikhede soos kos op die tafel sal raak en wat dit sal kos. Oorlewingstuinmaak is ʼn gewilde onderwerp in die Verenigde State van Amerika (dis nie verrassend nie) en kan dalk ook hier ʼn neiging word. Dit gaan oor selfvoorsiening en om hopelik genoeg te produseer om ook te deel. Wees voorbereid Die sleutel tot oorlewing is voorbereiding, en op die koue Hoeveld en in winterreenstreke is Junie uitstekend om te beplan wat in Julie geplant kan word. In die rypvrye gebiede (die Laeveld, Limpopo en aan die KwaZulu-Natalse kus) moet beplanning en plant vinnig op mekaar volg omdat dit die beste tyd is om groente te kweek. Bepaal…

WERK MET HOUT Dit is die tweede artikel in ons reeks “Werk met Hout” wat deur Greg de Villiers aangebied word. Gedurende die reeks gaan ons jou bekendstel aan ʼn paar ongelooflike nuwe gereedskapstukke op die mark wat die “werk” uit houtwerk uithaal. Maak so Vir ʼn enkelplantbak: 90 mm x 90 mm x 140 mm Vir ʼn dubbelplantbak: 90 mm x 90 mm x 280 mm GEREEDSKAP Kitsklampe, ʼn potlood, kombinasiewinkelhaak, maskeerband, spuitverf, Festool-multifunksietafel, Festool-figuursaag, Triton-bandskuurder, Triton- geratte eksentriekskuurder, Tritonkoordlose boor en slagskroewedraaier, en ʼn 50 mm-Forstner-boorpunt 1 Sny die hout die regte lengte, meet 45 mm van onderaf, trek ʼn 45°-streep en verleng dit om die houtblok soos op die diagram. (Jy kan ook afvalstukke van pale of stukke houtstompe gebruik. Indien wel, skuur bloot ʼn plat kol…

“Ek het ‘n Pot et Fleur vir die nuwe finansminister gemaak” Nouja, daar het ons dit! Die omies wat vanaf ander kontinente na ons land kyk, het besluit ons is vuilgoed, lae lakke en swerkaters van die eerste wêreld! Hulle sê: hou verby dié lot met hulle veelwywer en giggelende president, parlementslede wat baklei en skrou op mekaar soos onbeskofte kleuters by ‘n braairestourant, en korrupte ministers wat alles aan ‘n volksvreemde familie of die Russe verkwansel vir ‘n ‘pot lensiesop’! Ek dink ook al die graderingsagentskappe wat ons so op die ashoop loop smyt het, is nie net gefrustreerd oor ons land se beroerde geldsake en politiek nie, maar ook oor ons treurkoeklike rugbysake. Smaak my selfs dié wat ons eens darem ‘n bietjie roem besorg het met die…