Innholdsfortegnelse for April 2017 i Die Tuinier Tydskrif

Die herfs en winter is ideaal vir kos en kleur wat van saad gekweek word. Onthou die ou mantra geld wat die saai van saad betref: Hou dit eenvoudig. Hier is ? paar van Kirchhoff se kitsstappe tot sukses. • Maak seker jou grond is kluitloos, werk dan kompos in en maak gelyk. Prakties bepaal saadgrootte gewoonlik die saaimetode. • As in rye gesaai word, maak ? plantstok (? tappen of stuk hout wat elke 5 cm afmerk is) en gebruik dit soos ? liniaal om die saad die regte afstand uitmekaar te plant. • Afsonderlike gate is die beste vir groot sade soos die van beet en kappertjies. Maak die gaatjies met jou duim (nie te diep nie) en laat val die sade daarin. • Die maklikste metode is…

Met tuiniers wat gedwing word om elke druppel water te bespaar, moet ons kyk na ? paar geharde, taai plantkeuses wat nie dorstig is nie. Hierdie potresep doen net mooi dit met droogtebestande plante en goeie grondvoorbereiding. 1. Meng al die grondbestanddele saam – die potgrond, palmveen, vermikuliet, organiese korrels, beenmeel en waterretensiekorrels. 2. Gooi ? laag gruis onderin die pot om met dreinering te help en maak die pot halfvol met die grondmengsel. 3. Sit die plante in die pot, vul op met die orige grondmengsel en druk vas. 4. Gooi ? gruisdeklaag bo-op en maak goed nat. Maak daarna slegs een maal per week nat. 5. Voed weekliks met ? vloeibare misstof om die plante eksieperfeksie te hou Jy het nodig • 1 emmer potgrond • . blok…

Die meeste mense weet dat bonsai die Japanse kunsvorm is om bome te verdwerg. Ons in die Weste is geneig om die term “bonsai” as sambreelterm te gebruik vir alle klein plantjies in klein potjies. In Japan en China egter word ? groter onderskeid getref tussen bonsai wat bloot ? boom of ? paar bome in ? pot is en ander vorms van dwergboomaanplantings, soos saikei, wat miniatuurlandskappe is wat van bykomende rekwisiete gebruik maak soos klippe om berge en stukkies glas om riviere, mere en oseane te verteenwoordig. Bonsai het ongeveer 2300 jaar gelede ontstaan in wat tans China is. ? Nuwe spirituele konsep genaamd “Die Chinese Vyf Agense” (water, vuur, hout, metaal en aarde) het gewild geraak. Een van die konsepte het die idee van die magiese krag…

Jy het nodig: Houtstompsnylys 2 x 200 mm in deursnee x 25 mm dik (liggaam) 1 x 110 mm in deursnee x 25 mm dik (kop) 2 x 180 mm x 35 mm (ore) 1 x 80 mm in deursnee x 25 mm dik (stert) 2 x 60 mm in deursnee x 25 mm dik (pote) Houtgom Houtverseelaar Gereedskap Ketting of handsaag, klampe en skuurblok Maak só 1 Merk die stompe en maak hulle aan die werkbank vas om veilig te saag. 2 Gebruik ? ketting of handsaag om die skywe volgens die snylys te saag. Sny die ore teen ? hoek om die verlangde effek te verkry. 3 Skuur al die stukke glad af met die skuurblok. 4 Begin dit aanmekaarsit deur die ore aan die kop vas te…

Peperomias word as binnenshuise potplante gekweek en daar is meer as ? duisend spesies en baie hibriede om van te kies. Hulle is afkomstig uit tropiese woude en pas goed aan by groeitoestande in die huis. Bloeiwyses bestaan uit are piepklein blommetjies, gewoonlik room of wit, wat buig of draai aan die punte van die stingels. Dit het gelei tot die Engelse volksnaam “shepherd’s crook”. Die blomme is minder belangrik as die mooi vlesige of sukkulente blare wat peperomias so gewild maak as huisplante. Peperomia caperata ‘Luna Red’ Peperomia caperata word algemeen die riffelpeperomia genoem vanwee die gekreukelde voorkoms van die blare. Hierdie besondere hibried het grysgroen blare met ? rooi tint en opvallende rooi blaarstele. Die blomme is roomwit. Die glans van die blare verleen ? bietjie sprankel in…

Mandevillas, wat tevore as dipladenias bekend was, is ? groep mooi klimplante met buis- of trompetvormige blomme wat van Suid- en Sentraal-Amerika afkomstig is. Vandag is daar talle hibriede beskikbaar. Baie is betreklik struikagtig en word gewoonlik bos-dipladenias genoem, fs. Kweekwenke Die plante groei die beste in volson op ? plek met vrye lugbeweging soos teen ‘n losstaande steunstruktuur en nie direk teen bakkende mure. Plant hulle in goed gedreineerde grond met baie kompos of veenmos wat by die mengsel ingewerk is. Moenie hul vlesige knolwortels wat vog en voedsel opberg, versteur deur om hulle te spit nie omdat dit die plante kan beskadig. Mandevillas hou van baie kos en ? gebalanseerde misstof moet van die lente tot die herfs gereeld toegedien word. Gebruik wateroplosbare plantvoedsel met hoe vlakke van…

Klimplante klou vas aan en draai om draad en paalstrukture om uiteindelik ? skaamtelose kleurewolk bo jou kop te vorm. Dis feitlik onmoontlik om te bepaal wat die presiese volwasse grootte van ? tipiese klimplant is omdat die meeste deurmekaar groei en wyd en syd sytakke uitstuur, selfs verder as die grense wat die tuinier vir hulle gestel het. Sommige mense bevraagteken of dit die moeite werd is om klimplante in die tuin te kweek as hulle so ongedissiplineerd is en altyd probeer om buite hul perke te ontsnap, wat beteken hulle moet gereeld beteuel word met skerp gereedskap om hulle onder beheer te hou. Die antwoord is ? klinkende ja! Hulle is nie net waardevol om estetiese redes nie, maar is ook die oplossing vir vele tuinmaakturksvye. Vinnige skadu…

KRY DIE VOORKOMS Die gesegde “minder is meer” is selfs op die roostuin van toepassing, soos in hierdie uitleg getoon word waar rooi ‘Satchmo’-rose pragtig vertoon waar hulle net hier en daar tussen somersneeu en silwerkleurige irisse geplant is. Dié tipe uitleg is ook geskik vir groot struik of Panarosarose soos ‘Sympa de Bellevue’, ‘Scarlet Panarosa’ en ‘Burgundy Panarosa’. Natuurlik kan enige rooskleurskema gebruik word, maar die kombinasie van rooi, wit en silwer lyk altyd vars en netjies. Die bonus vir die rose is dat hulle plek het om te groei en hul mooi vorm maklik gesien kan word. Dit is waarom die buigende Panarosavariëteite so ʼn goeie idee vir dié soort uitleg is. Hoekom van Panarosa-rose hou? Panarosa-rose word tussen 2 en 3 m hoog en wyd, met blomme…

Buite ons kantoor is ? randakker met Salvia greggii-hibriede, wat beskryf word as regopgroeiende meerjariges met ? houterige basis. Die salies is immergroen, blom van die lente tot die herfs, hou van volson en is bestand teen koue en ryp. Hulle deel die kenmerke met die meeste gewilde saliesoorte. ? Mens kan egter nie van die plante verwag om jaar na jaar goed te presteer sonder om hulle ? bietjie te help nie, wat behels om hulle in die herfs redelik straf terug te snoei. Tanya het haar snoeisker gegryp om vir julle te wys hoe om salies terug te snoei. 1. Verwyder eers die meeste dooie blomstingels om die bosse oop te maak om van naderby te ondersoek. 2. Kyk waar nuwe groei in die middel van die plante…

Oorweeg die drie sleutelpunte wanneer jy ? pomp kies: • Die soort toepassing. • Die watervloei wat nodig is. • Die waterhefvermoe wat nodig is. Die tipe toepassing Dit spreek vanself dat ? verskeidenheid pompe vir verskeie toepassings te kry is. Ons klassifiseer waterpompe vir estetiese en siergebruik gewoonlik onder: • Dammetjies: Dammetjies met waterlewe soos plante of vis het gewoonlik ? epoksiegevulde vloeipomp met ? bedekte, oop stuwer nodig. • Fonteine: Skoon water sonder ? filter het gewoonlik ? epoksiegevulde dompelpomp met ? onbedekte, oop stuwer nodig. • Damme: Groot watermassas met waterlewe het ? epoksiegevulde hoevolumepomp met ? biofilter nodig. • Dreinering: Chemies behandelde water, gryswater of staande water het ? olieverkoelde pomp in die bodemsuigstyl met ? oop stuwer en goeie toleransie vir hoe of lae…

1 Gee jou bolle ? deklaag van ou kompos, droe gras en blare, veen of bas of beskerm bolle deur jaarplante of grondbedekkers tussen hulle te plant, wat ook as deklaag sal dien. 2 Plant alle lenteblombolle met die punt na bo, behalwe anemone wat met die puntige kant na onder geplant moet word. Bolle met kloue of vingers, soos ranonkels, moet met die kloue na onder geplant word. Klein bolletjies soos anemone, leucojum (sneeuvlokkies), muscari, lachenalia, tritonia en ranonkels moet 5 cm diep, en groter bolle soos hiasinte, kammetjies en Hollandse irisse moet 10 cm diep geplant word. Gebruik ? plantstok hiervoor. 3 Voed pronkertjies een maal per maand met ? misstof ryk aan kalium. Onthou ook om ander winter- en lenteblommende jaarplante gereeld te voed. 4 Snoei immergroen…

Van die plante op my werf het vegetatiewe reuse geword. Ek staaf dit op die feit dat ek elke spesie en hibried se geskatte grootte in my tuinboeke opgekyk het en wat daar gesê is, is nie wat ek hier buite sien nie. Dis nou behalwe die bosvlier (Nuxia floribunda) wat hemelwaarts toe moes groei, maar net ‘n dikkerige buks bly langs die tuinhekkie. Dié snaakse eksemplaar van ‘n gerespekteerde inheemse boom, smyt ongeag sy immergroen status, daagliks vragte blare af so asof hy iets wil afskud wat hom erg pla. Miskien is dit die geroeste hartjies wat hang aan sy ‘kapstokke’ (takke wat sleg afgesnoei is), of my tollende windorreltjies wat heeldag sing. Boonop dink hy hy is ‘n platkroon-savanna-boom, want hy maak ellelange sytakke. Dis uiters gaaf van…

Vir sommige mense is die huis en tuin soos twee afsonderlike eenhede. Daar is die binnekant en dan is daar die buitekant, en basta! Dit is duidelik nie die geval by Robin en Gail Kuper se woonhuis in Johannesburg nie. Hul patiodeure staan altyd wawyd oop, wat binne met buite verenig en hulle in staat stel om nou in voeling te bly met die natuur en hul kosbare tuin. Praktiese hardelandskapperingsoplossings soos plaveisel om die huis in die nou gange agter hoe mure word versag met mooi vertonings van houers wat propvol gunstelingplante en hibriedversamelings is. Om van ? parkagtige tuin af te skaal na ? rommelgevulde erf van gemiddelde grootte wat van terrasse voorsien en met ? hoe plantgebied gestut moes word, is nie vir bangbroeke nie. Die drietal…

Wanneer lenteblombolle in April geplant word, dink ? mens selde aan kos. Dis gaan meestal oor die skep van plate geel affodille, pers en rooi anemone en lekkerruikkammetjies in afwagting van die blomvreugde wat hulle in die vroeglente bring. Het jy egter geweet dat bolhandelaars die tyd van die jaar ook siektevrye uie- , knoffel- en waterblommetjiebolle verskaf sodat jy bolle kan gebruik om ? mooi oes te kweek sonder om jou oor saad te bekommer? Uie Beskikbaar: 35 bolle per pak Planttyd: Maart tot April Oesgereed: September tot Oktober Goeie redes om jou uie van bolle te kweek Dit is vinniger en makliker om bolle te plant (in plaas van saad). Kommersiele uiebolle bestaan ook uit kortdagkultivars, wat hulle ? bietjie geharder maak om strawwe weer beter te kan…

• Sommige bladwisselende rankers kan nogal baie mors in die herfs as hulle hul blare verloor. Hou in gedagte dat jy dit ? rukkie lank sal moet ophark. • Bladwisselende rankers groei vinnig en moet in die somer voortdurend liggies gesnoei word om hulle in bedwang te hou. Snoei hulle strawwer in die laatwinter. • Klimplante kan mettertyd baie swaar word. Maak seker dat jou steunstruktuur stewig genoeg is om die gewig van ? volwasse plant te dra. • As jy ? ranker teen ? steunlatwerkpaneel voor ? baksteenen- sement-grensmuur gaan plant, plant dit ongeveer 30 cm van die muur af. Dit gee jou die ruimte om agter die plant skoon te maak en laat ook goeie lugvloei toe wat plaagbesmettings soos rooispinmyt kan beperk.…

5 maniere om gesonder grond te bou Gesonde plante stuur hul wortels diep in gesonde grond vol vog en voedingstowwe in. Bou grondgesondheid so op: 1. Speel klaar met sanderige of kleigrond deur ongeveer 8 tot 15 cm kompos in te spit wanneer nuwe beddings of grasperke voorberei word. Versprei ? komposlaag van 3 tot 6 cm om bestaande plante en laat dit bloot bo-op le vir die erdwurms om in te werk. Herhaal dit jaarliks – selfs met leemgrond van ? goeie gehalte! 2. Voorkom ? mat op ? kwynende grasperk deur die gekoekte wortels te breek deur te hark of gate in te steek en verdigting te stop. Behandel dit daarna met ? 2 tot 3 cm laag fyn kompos of ‘n kommersiele grasperkdeklaag. 3. Die ergste geval:…

In sy artikel “Neem die etiket met erns op” skryf dr. Gerhard Verdoorn van die Griffon Gifinligtingsentrum: “Daar bestaan ? ongeskrewe reel in die landbouchemiese sektor dat die etiket die doeltreffendheid en “veiligheid” van ? plaagdoder so te se waarborg. Dit is dus diegene wat plaagdoders van watter aard ook al gebruik, se plig om etikette te bestudeer en streng na te volg. Dit word al hoe duideliker dat verbruikers nie etikette lees nie en daarom is daar ongelukke of ontevredenheid met resultate.” Navorsing het bewys dat tot 70% van die effektiwiteit van plaagdoders bepaal word deur die korrekte aanwending van die produk en nie die kwaliteit van die produk nie. Deur die etiket te lees, kan ? mens leer hoe om plaagdoders korrek, en dus effektief, te gebruik. Die…

Moenie van blaarslaai vergeet nie Blaarslaai het dalk nie dieselfde voedingsvoordele nie, maar kan in die meeste rypbeskutte tuine gesaai en die saailinge oorgeplant word. Plant ? verskeidenheid blaarslaaisoorte met verskillende kleure blare – hulle neem minder plek in beslag as gewone slaaikoppe. In die winter hou blaarslaai van volson en aanhoudende klam grond. Die byvoeging van Engelse sout by die water verbeter die geur. Die meeste van ons is al die een of ander tyd in ons lewens aangemoedig om ons blaargroente te eet. En ons ouers was al die tyd toe reg – voortgesette navorsing oor koolgewasse het bevind dat geen ander groentegroep soveel vitamien A-karotenoiede, vitamien C, foliensuur en vesel bevat nie. Wat selfs indrukwekkender is, is hul groeiende reputasie as antioksidantgroentegroep beteken dat die eet van…

Limpopo Saterdag 29 – Sondag 30 Haenertsburg se Voedsel- , Wyn- en Bierfees Haenertsburg-dorp, Magoebaskloof Navrae: 082 370 8567, www.foodandwinefestival.co.za Wes-Kaap Maandag 3 Kay Montgomery – A Quarter Century of Gardening in the Weekend Argus Die Athenaeum, Boundary Terraces (langs WP Krieketklub), Campgroundweg Toegangsgeld: R20 Navrae: Glenda 021 531 5713, info@capehorticulturalsociety.co.za Vrydag 7 – Sondag 9 Herfsskou van die Kaapse Orgideevereniging: Disas en Diamante Die Floreum, Johannesburgse Botaniese Tuin, Emmarentia Toegangsgeld: R15 vir volwassenes, R10 vir leerders en pensionarisse, van 09:00 tot 16:00 Navrae: Bev Schram 083 252 4659, president@ capeorchidsociety.co.za Gauteng 11 Februarie – 31 Mei Die Lifestyle Tuinontwerpskou Vanjaar vier 10 konseptuine uitnemendheid in uiteenlopende, eietydse Suid-Afrikaanse styl. ? Vol program van geleenthede vind tesame met die skou plaas. Lifestyle Tuinsentrum, h.v. Beyers Nauderylaan en Ysterhoutlaan, Randparkrif Toegangsgeld:…