Innholdsfortegnelse for February 2017 i Die Tuinier Tydskrif

Ons is nou in wat volgens my een van die moeilikste tuinmaakmaande is – selfs ek sukkel die tyd. Nou smeek ek al vir koeler weer en het my herfsaanplanting al oor en oor in my kop beplan. Terwyl ek dit se, moet ek jou egter vertel dat my taai somerjaarplante supersterre in my tuin is. Die begonias het, soos altyd, die storm deurstaan en gaan my nog baie weke van sukkelvrye kleur sonder gelyke gee. Die oulike torenias het so mooi vertoon teen die wit agapante. Na my mening is hierdie twee van die taaiste bedding plante – niks vreet hulle nie en hulle hou net aan blom! Aangesien Februarie die maand van die liefde is, het die span van Die Tuinier besluit om die idee van liefde en…

Bel Sonita Young by 083 381 8089, e-pos haar by sonita@younglandscapedesignstudio.co.za of besoek haar webwerf www.ylds.co.za. Wat kleur en helderheid betref, inspireer niks soos Mexikaanse tuin- of patiostyle nie. Sonnige geel, elektriese blou, warm oranjes en rooie word almal saamgevoeg in ʼn skokhelder en pragtige kleurskema. Ons inspirasie vir hierdie storie kom van Sonita Young van Young Landscape Design Studio se onlangse vertoontuin by die 2016- Tuinontwerpskou wat by Garden World gehou is. Vir haar inspirasie het Sonita die huis gekies van Frida Kahlo, die beroemde Mexikaanse kunstenaar, wie se selfportrette en kleurryke lewe legendaries in die kunswereld is. Haar huis, La Casa Azul (Die Blou Huis) in Mexikostad, was die oorsprong van Sonita se tuin. Sonita het met die ontwerp van die tuin die plante goed oorweeg – dit…

Hoewel dit nie so voel nie, begin die seisoen in Maart verander. Byt ons nou maar net op ons tande en laat die tuin soos dit is in Februarie se versengende hitte of soek ons plante wat ons sal deurhelp na die vroegwinter toe? Drie maande is ʼn lang tyd vir ʼn tuin om nie op standaard te wees nie, veral omdat ons so lief is vir buitekuiers. Alles gaan oor tydsbepaling, en dis nogal soos om ʼn afloswedloop te hardloop met ʼn paar sterk wegspringers en dan ʼn paar hoekragnaellopers wat aan die einde ekstra woema gee. Eerste uit die blokke in Februarie Salies, mimulus en portulakke het almal uithouvermoe gedurende die heel warmste maand. Die beste is dat hulle tot die winter aanhou blom met kleure wat verdiep…

Koolgewasse is tipiese wintergroente vol vitamien C en minerale soos kalium, yster en selenium wat ons die voedingskrag gee wat ons gedurende die kouer maande nodig het. Hul kweekbehoeftes is heel eenvoudig: volson, vrugbare en goed gekomposteerde grond, plek om te groei en gereelde water omdat verlep hul produksie beïnvloed. As die winter warmer as gewoonlik is, hou dop vir plantluise omdat hulle sal toeslaan. Brusselse spruite – sien die plantluise reg Spuit voorkomend vir plantluise, want as hulle eers in die vrugte is, is dit baie bitter. Dien ook misstof in die groeistadium rojaal toe omdat p lante tot 1 m hoog moet word voor die groeipunt afgesny word. Dit help dat hul energie na die ontwikkelende vrugte toe gaan. Planttyd • Broccoli en blomkool moet nie later as…

Wat jy nodig het: Snylys 2 x 990 mm x 90 mm x 30 mm (voor en agterkant) 2 x 370 mm x 90 mm x 30 mm (sykante) 4 x 415 mm x 90 mm x 30 mm (pote) 2 x 805 mm x 20 mm x 20 mm (bindlatte) 42 x 40 mm x 4 mm-snyskroewe 4 x 20 mm x 4 mm-snyskroewe houtgom dennehoutvuller skuurblok houtonderlaag wit emaljeverf Gereedskap: ‘n Maatband, potlood, timmermansvierkant, koordlose booraandrywer, en 4 mmhoutboor en versinkboor Maak so: 1 Trek ʼn streep 30 mm van bo af op die voor en agterplanke. Dit is later die invoegvlak vir die bamboes. 2 Bring die bokant van elke poot in lyn met die 30 mm-streep en maak die sykant van die pote gelyk met die…

INTEKENING IS MAKLIK KIES UIT HIERDIE 4 OPSIES SMS “Subs DT” na 40573 (teen R1.00 per sms) Bel 0860 100 123 NOU met jou kredietkaartbesonderhede om ‘n debietorder te reël EFO of Direkte Deposito betaalbaar aan Ramsay Media Bank Nedbank Takkode 12320900 Rek 1232073059 Rekeningnaam Ramsay Media Verwysing Jou van + sel- / intekeningno. E-pos dan die betalingsbewys na subs@magsathome.co.za of faks dit na 0866 704 101 Teken aanlyn aan by www.magsathome.co.za Navrae bel 0860 100 123 of e-pos subs@magsathome.co.za Dié aanbod eindig 19 Februarie 2017 In SA kos ‘n jaarlikse intekening (12 uitgawes) net R350 en ‘n hernuwing R340. Laat asseblief tyd toe vir die verwerking daarvan. Alle plaaslike pryse sluit BTW in. ‘n Jaarlikse intekening vir oorsese intekenaars kos R604. Teken in, hernu of verander jou intekenbesonderhede by…

Anthericum saundersiae ‘Starlight’ Hierdie onlangs bekendgestelde variasie van die watergras word grootskaals in groot landskapprojekte aangeplant. ‘Starlight’ het treffende bont blare wat kleur sowel as beweging aan die tuin verleen. Dun grasagtige blare in netjiese polle groei ongeveer 50 cm hoog en versprei net soveel. Klein wit stervormige blommetjies aan skraal draderige stingels dra by tot die prag en bekoring van hierdie uitstekende tuinplant. Snoei dit vroeglente terug om welige nuwe groei aan te moedig. Dit is net bestand teen ligte ryp. Plectranthus ‘Mona Lavender’ Die Suid-Afrikaans geteelde plectranthushibried ‘Mona Lavender’ is ʼn uitstekende tuinplant met ʼn lang blomtyd en ʼn netjiese kompakte groeiwyse. Plante het ʼn regop groeiwyse van 40 tot 50 cm en kan 90 cm wyd versprei. Die ryk donkergroen blare is pers onder en is die…

OPDRAG Hierdie dupleks is onlangs gekoop deur ʼn jong paar tjie wat verlief geraak het op die uitsig oor die bosryke vallei. Die tuin is op twee af sonderlike vlakke, wat dit tot ʼn verskeidenheid aktiwiteite leen. Die sp oorwegdwarsleer trap tussen die vlak ke het verweer en is geweldig glad, ter w yl die keermuur op die onderste vlak vol uitheemse indringerplante is. Die tuin het ook geen struktuur nie. Die paartjie wou graag inheemse plante byvoeg om natuurlewe te lok, en is gretig om kombuiskruie te kweek. Hoewel die patio voldoende vir onthaal is, geniet hulle dit om oor naweke die onderste vlak te gebruik om in die laatnamiddagson te ontspan. Hulle het ʼn k at wat daarvan hou om die tuin te verken. OPLOSSING Soos met enige…

Die gewone plakkie of varkoorplakkie (Cotyledon orbiculata var. orbiculata) – daardie staatmaker van talle droe, windverwaaide kustuine – is goed bekend om die kleurwisseling van sy amper ronde blare (vanwaar die spesifieke naam orbiculata) in skakerings van groen, grys of amper wit, soms met rooierige rande. Dit kom oor ʼn wyd uitgestrekte gebied van Suid-Afrika voor asook in Namibie en die suide van Angola, en het ʼn menigte medisinale gebruike, waaronder die behandeling van oorpyn, tandpyn, pitsere en vratte. Dit is lid van die Crassulafamilie (Crassulaceae) en word wereldwyd in houers en op rotstuine gekweek. Daar is vier ander varieteite wat tot hierdie spesie behoort en in die natuur in Suid-Afrika voorkom (var. dactylopsis van die Noord-Kaap en Vrystaat; var. flanaganii van die Oos-Kaap; var. spuria van die Wes-Kaap en…

LIEF JAARPLANTKLEUR Haal jaarplante uit as hulle ʼn bietjie oor die muur lyk, en verwyder die dooie blomme van die wat nog met ons wil wees om ʼn tweede drag kleur te gee. Jaarplante wat vir laatsomer en herfskleur geplant kan word, sluit in petunias, begonias, afrikaners, celosias, vincas, verbenas en portulakke. As hulle in die grond is, sal jou blombeddings weer vars lyk! Eerstehandse wenk: Hoewel petunias ʼn groot gunstelinge is, moet hulle nie twee keer op dieselfde plek geplant word nie om grondgedraagde siektes te voorkom. Wees ook avontuurlustig en soek nuwe varieteite om te plant. SAAITYD VIR DIE KOUE TYD . . . Begin saai daardie winter- en lenteblommende juwele wat ʼn bietjie tyd nodig het om in saailaaie groot te word, soos cinerarias, gazanias, Yslandse papawers,…

ʼn Rukkie gelede het dr. Nevin Stewart, ‘n stokperdjieappelwynmaker van Guildford in Surrey, Engeland, ons genader om te hoor of ons sou belangstel om sy versap-en-deursyg-metode vir die tuisbereiding van appelwyn te deel. In die appelseisoen is daar altyd ‘n goeie voorraad appels te kry wat kwalik beter benut kan word! Ons wou voor publikasie eers vasstel hoe maklik dit is om die nodige toerusting in Suid-Afrika te bekom en ook hoe maklik dit regtig is om appelwyn te maak. Terwyl ons vir die tydskrif The Ultimate Braai met bierbrou geeksperimenteer het, het ons die tyd ook goed benut deur appelwyn te maak met die hulp van Brad en Chris van Beer Bros. Ons gevolgtrekking? Dit is baie maklik om appelwyn te maak en dit is boonop baie lekker. Ons…

1 Gesteunde gryswater-VALstelsel ʼn Eenvoudige gryswatervalstelsel gebruik ʼn passtuk wat met die gryswaterafvoerpyp van badkamers en nog een wat met ʼn gewone tuinslang verbind word. Swaartekrag laat die badwater dan in byvoorbeeld die tuin uitloop. Dit kan egter meer as ʼn uur duur om die bad uit te tap, dus is dit die beste om ʼn klein Waterfall Flow Pump te koop om die proses te versnel. Die WT700 het ʼn skroefinlaat, die enigste een op die mark met hierdie kenmerk, wat dit ideaal maak vir ʼn gesteunde gryswater-valstelsel. www.klbengineering.co.za 2 Foothills DryAway Die Foothills DryAway is die perfekte oplossing om jou oortollige someroes te preserveer deur net die son en die warmte van die lang somerdae te gebruik. Dit preserveer die oes deur dit te droog en kan gebruik…

MOONLIGHT CALENDAR 2017 Moonlight Calendar is die visuele en tydgids vir Suid-Afrikaanse maanfases, die maandiereriem en tuinmaak volgens die maan. Die Moonlight Calendar is die eerste bron om in harmonie met die maansiklusse te wees – volgens die fase, teken of vrugbaarheid op enige dag van die jaar. Jaarliks volg mense soos tuiniers, boere, vissers, beplanners, fotograwe en natuurkundiges die kalender. Die Moonlight Calendar spog met: • ʼn foto van die daaglikse maan; • die presiese tye van die vier hooffases van die maan; • die presiese tye wat die maan van diereriemteken verander; • kleurkodering wat die “vrugbaarheidstand” van elke dag toon; en • afhoudende tye (geenaksietye) voor diereriemtekenveranderings. Lesers van Die Tuinier/The Gardener kan die Moonlight 2017 Calendar-plakkaat aanskaf teen R130 vir een of ʼn spesiale aanbieding van…

R ooi nartjies (tangerines), mandaryne of nartjies. Wat jy hulle ook al noem, maak nie regtig ʼn verskil aan die groot waarde wat die sagte sitrusvrugte na die huistuin toe bring nie. Die mooi immergroen bome of groot struike is in die lente oortrek met soetgeurige wit bloeisels wat weer heerlike vrugte maak wat van die herfs tot in die winter ryp word. Niks kom regtig daarby om ʼn vars nartjie van jou eie boom af te pluk, die aromatiese, olieryke skil af te trek en dan in die sappige vleis van die vrug in te byt nie. Sitrusboere verbou baie verskillende hibriede of kultivars kommersieel waarvan sommige vir die huistuin beskikbaar is. Nartjies gedy in baie landstreke, is maklik om te kweek en baie lonend as dit reg versorg…

KRY DIE VOORKOMS – ’N ROMANTIESE SOMERHUISIE Skep ʼn rosige somerhuisie om jou te beskadu tydens die warmste maand van die jaar. Drie geurige klimrose is teen die pilare van hierdie somerhuisie geplant sodat hulle bo deurmekaar groei en lig en spikkelskadu verskaf terwyl hulle die lug met parfuum vul. Wat kan dan romantieser wees? Die ideale rose hiervoor is ‘Gülilah’, ‘Crème Caramel’, ‘Compassion’ en ‘Jude the Obscure’, almal geurige rose. 5 MANIERE om die rose koel te hou • Rose gee nie om as hul blare nat word nie, en een van die effektiefste maniere om hulle af te koel, is met oorhoofse sproeiers in die laatmiddag. Die blare word gou droog vanwee die warm nagte dus is daar geen gevaar van swamsiektes nie. • Op ʼn baie warm…

Drukversterking uit ʼn watertenk DEEL DRIE Jy het ʼn watertenk aangebring, die reen het dit volgemaak, en nou moet jy seker maak dat die water slim gebruik word. Dis tyd vir ʼn aanjaagpomp! Watter pomp moet ek koop? ʼn Pomp in die perifere styl Dit is die goedkoopste aanjaagpompstyl en- reeks en is die ideale vinnige laekosteoplossing. Hierdie laedrukpompe kan omtrent twee tuinslange teen gewone munisipale druk voorsien. Hul oop stuwers raas, maar hulle kan slikwater regtig goed hanteer. Pomp in die sentrifugale styl Dit is die preferente pompoplossing wanneer dit saam met ʼn beheerder gebruik word. Dit is die beste waarde vir geld ten opsigte van prestasie en veeldoelige gebruik, en is die pypwerkinstalleerders se preferente model vir drukversterking uit ʼn tenk vir besproeiing of huisgebruik. Die pomp lewer…

Geleenthede Gauteng Saterdag 11 – Sondag 12 2017-Magoebaskloof-bessiefees Haenertsburg Pluk jou eie bessies op plase hier rond, geniet die dorpsmark en neem deel aan ʼn menigte buiteaktiwiteite. Navrae: 083 880 8787, 082 575 5738, www.berryfestival.co.za Oop Tuine Gauteng Tuine van die Goudstad 4 – 5 Februarie Inyoni Creek, Lyndhurst Besigtig 11 liefderyk versorgde kothuis‑ en woonsteltuine in dié plattelandse omgewing. Tuine in gemeenskaplike gebiede verenig met dié op sypaadjies in ʼn versameling vetplante, rose en speldekussings. Afsonderlike tuine wissel van formele tuine in die Italiaanse styl met vormplante, hangmandjies en potte, Engelse plattelandse tuine met waterfokuspunte, visdammetjies en welige rose tot binnehoftuine. 10:00–17:00. Teetuin. Toegangsgeld: R30. Kinders onder 12 gratis Navrae: Pam 083 496 4746 4 – 5 Februarie Germiston Rotariërbewegingdames se Glorious Gardens Die 2017-Glorious Gardens-naweek bestaan uit ses…