Innholdsfortegnelse for August 1, 2015 i Die Tuinier Tydskrif

Skoue is tans ʼn groot deel van ons lewe. Soos jy weet, was ons onlangs by Chelsea om te sien hoe die beste ter wereld lyk. Ons het toe teruggekom na die drukte van The East Coast Radio House & Garden Show in Durban, wat ʼn enorme sukses was. The Gardener Live-afdeling by die skou was ʼn miernes van bedrywighede, en dit was regtig lekker om weer met so baie van ons lesers te kuier, asook met al die fanatiese tuiniers wat vir ʼn geselsie gestop en by ons stalletjie kom snuffel het. Ek wil graag Garth, Dave en die res van die span bedank vir die baie ure wat hulle bestee het om die stalletjie op te rig en te beman, en al ons lesers wat kom oe wys…

ʼn Soet geur, ʼn massa blomme in die lente en die vermoe om ryp te verdra is drie redes waarom grasangeliere (dianthus) so gesog is. ‘n Bietjie agtergrond Dianthus word gekweek sedert die eerste eksemplare van Dianthus caryophyllus in die 15de eeu in die Pirenee versamel is. Hoewel daar meer as 300 dianthusspesies wereldwyd aangetref word, is baie moderne angelierhibriede wat gekweek word, afstammelinge van bogenoemde spesie. Hierdie plante word eeue lank al bewonder en word vermeld in van die vroegste tekste oor kruie wat van die middel van tot laat in die 1500’s geskryf is. Die blomme met ingewikkelde patrone en donkerder kroonblaarrandjies waarvan party enkel en ander heeltemal dubbelblommig is, word eeue lank al verbaster. Boeke oor die kweek van angeliere en dianthus is volop, dus behandel ons…

KRY DIE VOORKOMS Rose wat teen ʼn pilaar opgelei word, kan maklik in ʼn roosfokuspunt omskep word wat spog met die druipende aard van rank of klimrose, soos ‘Pink Cloud’ hier. In hierdie tuin maak ʼn metaalraam om die pilaar dit moontlik om die roos daaraan vas te maak namate dit boontoe groei, terwyl dit korter blommende lote na buite laat tuimel om ʼn waterval van blomme te vorm. Knip dit ná blom net netjies met ʼn heiningknipper. Die geheim is om die geskikste variëteite vir die hoogte en wydte van die raamwerk te kies. Die rose wat ek vir kleiner boë (2 m hoog en 1,5 m wyd) aanbeveel, is Midinette-rose soos ‘Apricot Midinette’, ‘Starry Eyed’ of ‘Rosy Cheeks’. Vir skouerhoë heinings, is die platspreidende rose soos ‘Lesotho Royal’,…

GELEENTHEDE GAUTENG 25 Julie – 30 Augustus 2015 Lentefees 2015 Garden World, Beyers Naudérylaan, Muldersdrift Navrae: Magriet of Corné 011 957 2545/011 956 3003, 083 997 6142 www.gardenworld.co.za Saterdag 8 Orgideeverkoping en ope dag Plantae Orchids, Brits Navrae: Nollie 084 752 6823, Tinus 084 458 1199 info@plantae.co.za, www.plantae.co.za Maandag 17 Kursusse: Organiesegroentetuinmaak op jou dak of balkon, en in jou tuin. Besprekings: Gilda@soughtafterseedlings.co.za, www.soughtafterseedlings.co.za Saterdag 29 Praatjie: Fuchsias in die tuin Fourways Fuchsiaklubvergadering Colourful Corner Kwekery, h.v. Christiaan de Wetrylaan en Dolfynstraat, Randparkrif Navrae: Martin 084 582 7354 KWAZULU-NATAL Saterdag 1 – Sondag 2 Jaarlikse Skou van die Queensburgh Orgideeklub Kloof-stadsaal, Ou Hoofweg, Kloof Toegang: Volwassenes R10, Leerders R5 Navrae: Jimmy 082 809 1572 alle ure Vrydag 14 – Sondag 16 Inheemse Plantskou, Durban Die Botaniese Vereniging se Inheemse Plantskou…

Die rooi sap van die stingel- en blaarbasisse van die drakeboom lyk nes bloed, die rede waarom van toeka af, daarna verwys is as drakebloed. Toe kry al die ander draceanas sommer ook die volksnaam! Dracaena aletriformis (grootblaardrakeboom) is ʼn inheemse dracaena van die oostelike subtropiese gebiede van die land. Die stewige stamme kan enkel of vertak wees met gladde dofsilwergrys bas. Rosette dik, leeragtige blare sit aan die bokant van stingels, wat ʼn dramatiese effek aan die tuin verleen. Gedurende die somer word soetgeurige silwergroen blomme in veelvertakte bloeiwyses gedra wat gevolg word deur oranjerooi bessieagtige vrugte waaraan die voels heerlik smul. Die plant verdra digte skadu en kan selfs binnenshuis gekweek word, maar is koue- en rypgevoelig. Dracaena draco (drakeboom) word yslik groot, maar word skaars in sy…

Baie tuiniers is gewoonlik maar bekommerd oor die regknip of snoei van plante, maar hulle is wat hul inheemse tuin betref besonder bang om hul botaniese pragstukke “seer te maak”. Ons is ook geneig om te vergeet hoe belangrik dit is om plante te snoei terwyl hulle nog klein is en om hul basiese raamwerk van takke te ontwikkel. Dit is die “geraamte” van die plant, en as dit nie goed gevorm word nie, sal jou plant nooit sy volle, lieflike potensiaal bereik nie. Snoeiwerk rig ’n plant se groeiwyse Mense vra dikwels na die uiteindelike vorm en grootte van ʼn plant. In sekere mate is dit goeie inligting om te he, maar uiteindelik berus dit by jou om te besluit hoe jy wil he jou plante moet groei. Sterkgroeiende…

Suid-Afrika se oorvloed lenteblomme is die sterre van vanjaar se Lentefees by Garden World. Die tema is “Nature’s Bounty”, terwyl die 17 ontwerpertuine ons land se rykdom aan inheemse plante en blomme vertoon, wat saamgaan met vanjaar se Kirstenbosch-Suid-Afrika-Chelsea-uitstalling genaamd “South Africa in Bloom: 40 Years at the Chelsea Flower Show”. Die Chelsea-uitstalling wat by die Lentefees herskep word, sluit in ‘n uitstalling van “Plants South Africa Gave the World” en ‘n benoemde blomeksemplaaruitstalling. Die Walter Sisulu Botaniese Tuin maak vir plaaslike tuiniers ‘n skoutuin (nie net ‘n uitstalling nie) wat oorspronklike maniere uitlig om inheemse plante in stadstuine te gebruik. Hoogtepunte: • “Herb Teas for Health and Vitality” (22 Augustus), met Margaret Roberts en haar dogter Sandy; • “In Tune with Nature” (29 Augustus), wat aangebied word deur MayFord…

1 WATERDIG IN SES MAKLIKE STAPPE Coprox Masonry Waterproofing is ‘n maklike en effektiewe messelwerkwaterdigtingsoplossing wat geskik is vir baie toepassings. Dit voorkom dat water by nuwe messelstrukture deursypel en stel klammigheidsprobleme by bestaandes reg. Die unieke kenmerke daarvan maak dit selfs geskik om dammetjies waterdig te maak. Volg hierdie maklik stappe vir jou selfdoendammetjieprojek: Stap 1. Laat die beton en pleister heeltemal droog word. Stap 2. Wend twee lae Coprox Masonry Waterproofing van jou kleurkeuse met ‘n borsel aan. Stap 3. Laat minstens 24 uur droog word. Stap 4. Was af om oortollige poeier te verwyder. Stap 5. Sit sierrotse by indien verkies. Stap 6. Maak vol water. Uitvoerige instruksies verskyn op die pak. www.coprox.co.za 2 STELBARE PAALSAAG VIR MOEITELOSE SNOEI Moet jy digte bome snoei of groot bosse…

Die wildekastaiing is ʼn grootblommige lid van die sitrusfamilie Rutaceae en een van Suid-Afrika se mooiste bome. Afgesien van sy tuinbouwaarde, is sy liggeel hout baie gesog vir meubelmakery en draaiwerk in die houtbedryf, word sy bas deur inheemse mense in tradisionele skoonheidsmiddels gebruik, en werk die Xhosas sy groot blinkswart saad in by sierlike gelukbringerarmbande. Die ronde groen saadkapsules lyk soos klein doerianvruggies. Die boom, wat wetenskaplik as Calodendrum capense bekend staan, is nie beperk tot die Wes-Kaap nie, maar kom baie wydverspreid voor van Swellendam in die Suid-Kaap deur die Oos-Kaap, die noordooste van Lesotho, die Oos-Vrystaat, KwaZulu-Natal, Swaziland, Mpumalanga, Limpopo, Gauteng en Noordwes en verder tot in Ethiopie in Oos-Afrika. Sy habitat is meestal beboste klowe of oewerbos aan die kus, van seevlak tot 2 000 m.…

Tel: 051 4511069/4511158 Faks: 051 4511193 Hou van ons op facebook (facebook.com/prettygardensnursery) h.v. Du Plessislaan en Faan Ferreirastraat Langenhovenpark Bloemfontein Pretty Garden, wat in 1997 tot stand gekom het en gelee is aan die buitewyke van een van die voorstede in Bloemfontein wat sedert 2002 die vinnigste groei, het nie net in Bloemfontein ʼn huishoudelike naam geword nie, maar lok ook tuiniers van so ver as Upington, Prieska en Kuruman wat die kwekery besoek vir al hul tuinmaakbehoeftes. Die kwekery het oor die jare hope pryse gewen en 2015 was geen uitsondering nie. Tydens die jaarlikse SAKV-konvensie, wat by die Krugerhek gehou is, is Pretty Garden weer vereer met ʼn Platinumsertifikaat en aangewys as Die Beste Tuinsentrum in die Sentrale Streek en Die Beste Groot Tuinsentrum in Suid-Afrika, en het…

VERSAG JOU PATIO MET BLOMME EN GEUR As jy droom van ʼn patio wat omring word deur lekkerruikblomme wat mooi lyk en jou sag teen die son beskadu, kan jy vinnig wegspring met rankplante met fyn blomme. Rankers of klimplante, dra van nature lang, slingerende stingels en hegrankies wat die tuinier hoer kan oplei om gou ʼn sagte bedekking van blare en blomme te gee. Hulle het as vashouplek die steunstrukture van pilare of pergolas nodig wat dikwels reeds daar is, of boe en latwerkpanele wat maklik op strategiese plekke aangebring kan word. Die meeste fyn klimplante sal op smal plekke langs ʼn patio groei mits daar genoeg grond is, en die wat hier aanbeveel word, sal ook heel goed vaar in groot houers. DOEN DIT MET JASMYNE Jasminum polyanthum…

Vergroen jou badkamer Kies plante wat graag in ’n badkamer groei Spathiphyllum-spp. Seilbootjies het gewoonlik nie veel water nodig om te oorleef nie en is uitstekend vir gebiede met min lig. Aglaonema ‘Maria’ Dit is ʼn groot gunsteling as binnenshuise plant omdat dit maklik is om te versorg en goed kan groei in min lig (hoewel dit langbenig raak as dit te donker is). Vermy volson en beskerm dit teen die koue. Moenie oorbenat nie. Anthurium andreanum As jy op soek is na kleur, is dit die plant vir langblywende blomme van die lente tot die herfs. Dit het helder lig nodig om te blom, maar hou dit uit direkte sonlig uit. Dit wil ook baie vogtigheid hê, die rede waarom dit uitstekend is vir die badkamer. Hou dop vir…

Ek veronderstel die instelling wat “Buurtwag” genoem word met die gepaardgaande groot oog wat bokant stopstraattekens sit, is nie ‘n nuwe ding of die hartseer resultaat van misdaad nie. Ek sê dit omdat toeka, toe ek nog ‘n kind was wat in ‘n middelklas woonbuurt grootgeword het, ons pal onder die wakende oë agter die kantgordyne van die buurt se inwoners was. ‘n Buurman het byvoorbeeld altyd geweet as die ‘tangerige’ tieners wat onder in die straat gewoon het en wat as “eendsterte en “sheilas” bekend gestaan het, op straat was met die hoofdoel om my en my suster te agtervolg en te boelie as ons groentewinkel toe gestuur is om tamaties te gaan koop. Hulle het dan sommer terselfdertyd die saggeaarde, maar gebekte Portugees wat die eienaar van die…