Innholdsfortegnelse for July 1, 2015 i Die Tuinier Tydskrif

Party van julle dink dalk dat daar gedurende die wintermaande nie veel in die tuinboubedryf gebeur nie. Trouens, ek word dikwels gevra wat ek in die winter doen en of ek bloot leegle. Wel, eintlik is dit heeltemal die teenoorgestelde! Mei, Junie en Julie is my besigste maande, met ʼn avontuurlike reis na die Chelsea-blommeskou en die bywoning van die Suid-Afrikaanse Kwekeryvereniging-konvensie, Grand Designs en, natuurlik, die East Coast House and Garden Show. Dit het dol gegaan – die van julle wat my op Facebook, Twitter en Instagram volg, sal weet! As jy my nie volg nie, kyk asseblief hieronder vir my sosialemediabesonderhede! Ek is hierdie maand baie opgewonde om met jou te deel wat ek by die Chelsea-blommeskou gesien het. Dit was moeilik om alles waarvan ek gehou het…

Izolda en Van van der Merwe se Intaka’s Rest-tuin was al twee maal deel van die ooptuineafdeling van die jaarlikse Griekwaland-Oos Plattelandse en Tuinfees. Die volgende fees word van 30 Oktober tot 1 November 2015 gehou. Ek kan geen onbuigsame reels gee van Izolda en “Van” van der Merwe se agtertuin op Kokstad nie. Hoe pas ʼn mens “tuinuitlegreels” toe op hierdie vreugde met sy amper omgekrapte voorkoms? Die beste manier waaraan ek kon dink, was om Izolda self te vra om ons haar storie te vertel. “Toe ons die eiendom nege jaar gelede gekoop het, was daar net ʼn eensame akkerboom in die agterplaas. Die huis was hoofsaaklik ʼn vervalle ruine, maar as ʼn meisie nou al ooit haar hart op ʼn boom verloor het, dan was dit ek.…

KRY DIE VOORKOMS Hierdie obelisk in die middel van ʼn roosbedding waarteen en waarom ‘Comtesse Panarosa’ opgelei is, lok die oog baie doeltreffend na die roosbedding toe. • Beoordeel jou roosbedding voor jy in Julie snoei en kyk waar hoogte ingespan kan word om die roosbedding interessanter te maak. Die lote van Panarosarose buig natuurlik, en as hulle dus na bo opgelei en aan ʼn obelisk vasgebind word, sal hulle hierdie tuimelende kuifeffek he. • Plant die Panarosa in die middel van die obelisk. Bind die lote wat dit gaandeweg maak buite die struktuur op. • As jy hierdie fokuspunt in ʼn bestaande roosbedding invoeg, maak seker die rose vlak by keer nie die lig af nie. Knip die takke liggies reg totdat die Panarosa bo hulle uitgroei en daarna…

My kollega, Wendy Moulton, en ek het met angs in ons harte vroeg op ‘n herfsoggend, die steil bergpad uitgery oppad na die skone Bona Dea Landgoed in die Hemel-en-Aarde Vallei. Ons was oppad om te registreer vir ‘n vierdaagse kursus in gevorderde blommekuns aangebied deur ‘n wêreldkenner in dié genre, naamlik Gregor Lersch van Duitsland. Dis nou nie asof ek, of Wendy, eintlik bang is vir blomme oor die algemeen nie. Ek is ‘n langtand-tuinier wat die meeste blomme al ken wat die moeite werd is om te plant vir die blompot, terwyl Wendy ook nie juis aan die agterspeen suig in die blommedepartement nie. Sy werk al vir jare vir Die Tuinier en ousus The Gardener, waar sy ‘n gerespekteerde artikelskrywer is, ‘n hand hou oor ‘leefstylblaaie’ wat…

In die ou dae het tuiniers in die midwinter saadkatalogusse bestudeer en rose en vrugtebome met kaal wortels geplant wat met die pos of trein gekom het. Deesdae bring ons hierdie maande deur in goeie kwekerye vir die koop van blom- of seisoensplante wat ander tye van die jaar nie algemeen te kry is nie. En dan gaan ons huis toe, trek warm aan en begin plant! BLOM TAKE • Hou aan om pronkertjies, Yslandse papawers en geurige vilette te pluk om plante aan te moedig om aan te hou blom. • Verwyder dooie blomme van ander winterblommende jaarplante en knyp die groeipunte van jong saailinge uit om bosagtiger plante aan te moedig. • Voed alle winterblommende jaarplante tweeweekliks met ʼn blaarmisstof. WATERTUINMAAK • Haal uit en verdeel rustende waterplante…

Jy het nodig Plastiekhouers in ʼn verskeidenheid van vorms en groottes ʼn Plastieksak Losmiddel (bv. olie) Sement Fyn riviersand Maskeerband Grondverf PVA-verf Gereedskap ʼn Bouemmer, troffel, verfkwas, boor en betonboorpunt en ʼn skêr 1 Maak eers die vorms. Jy het ʼn houer met ʼn mooi of interessante vorm nodig wat die regte grootte is vir die pot wat jy in gedagte het. Sny die bokant van die houer af as dit nodig is. Spuit of vee die binnekant met die losmiddel uit en die vorm is klaar. 2 Meng een deel sement en drie dele fyn riviersand met genoeg water om ʼn betonmengsel te maak wat maklik uitgegooi kan word. Gooi die mengsel in die houers. 3 Gooi genoeg sand in die plastieksak om ʼn groot genoeg holte in die…

Plant drama in jou tuin Agaves is afkomstig van die woestyn en bergstreke van die Amerikas en Wes-Indiese Eilande, en baie word met Mexiko in verband gebring. Dit is ʼn groot groep meerjarige sukkulente van minstens 200 spesies wat taamlik verskil ten opsigte van grootte, vorm en struktuur. Almal maak rosette van meestal stywe vlesige blare, terwyl baie stekels op die blaarpunte en skerp getande rande het. Agaves word dikwels as geniepsige, aggressiewe plante beskou en die stekels kan bloed trek as jy nie versigtig is nie, maar hulle is nietemin van die mees skulpturele en statigste sukkulente om te plant. Agaves word hoofsaaklik om hul sierlike blare gekweek, wat in geometries of simmetriese rosette gerangskik is en te kry is in ʼn enorme verskeidenheid van blaarvorms, kleure en groottes.…

Die Japannese term “Yamadori” verwys na die proses om bonsaimateriaal in die natuur te versamel. Soms raak bome in die natuur natuurlikerwys verdwerg om ʼn paar redes. Hulle groei dalk op ʼn klein, rotsagtige plekkie waar daar nie veel grond is nie, of hulle is dalk gereeld deur diere afgevreet. Materiaal soos die kan in skouspelagtige bonsai’s ontwikkel word, maar wees gewaarsku dat ʼn groentjie nie sonder toesig van ʼn ervare bonsaiversamelaar dit moet aandurf om bome in die natuur uit te grawe nie. Die beginsel is eintlik baie eenvoudig. Grawe die boom uit die grond uit, neem dit huis toe en plant dit in ʼn kom grond. Versorg dit dan ongeveer ʼn jaar lank totdat ʼn behoorlike wortelstelsel ontwikkel het en begin stileer dit dan in ʼn bonsai. Daar…

1 VITAL PROTECTION HHL Technology het ʼn insekweerder bekend gestel wat direk op jou klere – hoede, baadjies, broeke, sokkies, skoene en ander buitelugklere – gespuit word. Laat die klere droog word voor jy dit dra, maar sodra jy dit aan het, is jy beskerm teen muskiete, bosluise, muggies en ander bytende insekte. Die reeks bestaan uit twee produkte. AM-1 is ʼn week-en-droogbehandeling vir muskietnette en klerasie wat met water gemeng en dan gebruik word om klere in te week. Dit is te kry in 20 ml-sakkies wat tot 1 kg materiaal behandel. AM-2 is ʼn spuitstof wat direk op klere aangewend word, drie maande lank beskerming bied en 30 wassiklusse aktief bly. Dit is veilig om te gebruik en reukloos as dit droog is. www.vitalprotection.co.za 2 SPEELSE BORDJIES Ons…