Innholdsfortegnelse for March 1, 2015 i Die Tuinier Tydskrif

Ek is oorweldig deur die ongelooflike ondersteuning en liefde wat ingestroom het sedert my vorige redakteursbrief toe ek my hartseer nuus van my dierbaarste Chelsie en Chloe gedeel het. Jul e-posse, telefoonoproepe en boodskappe op Facebook het my so nederig laat voel, en ek is so dankbaar! Ek weet julle was ook lief vir hulle, en om jul e-posse en boodskappe te lees, was nog ‘n deel van my genesing. Ek weet dat baie van julle ook al die verlies van ‘n wolkind, metgesel, vriend en lojale ondersteuner beleef het. Aan julle almal my opregte wense van liefde en dank – ‘n mens weet soms nie hoe diep en uitgebreid jou wêreld is nie. Nogmaals dankie! Ek is ook verheug om julle mee te deel dat klein Holly nou bewys…

GRASSE Siergrasse is steeds uiters gewilde tuinplante. Hulle verleen ‘n ekstra dimensie met sagte blare en blompluime wat wieg in die wind en glinster in die sonskyn. Min ander plante het hierdie vloeibaarheid van beweging in die landskap. Hulle gaan skitterend saam met kruidagtige meerjariges en vorm ‘n sterk teenstelling met die harde, kleurvolle blomme. Gedurende die herfs is die meeste grasse op hul beste met ‘n massa blompluime en sade waarvan die kleur versterk in die nasomer. Gedurende die winter word baie grasse tot op die grond afgesny met nuwe groei wat weer in die lente verskyn. BLARE Baie bladwisselende bome en struike se blare verkleur skouspelagtig in die herfs voor hulle afval. Dit verleen ‘n spesiale element aan tuine in veral koue klimaatstreke waar die blaarkleur die intensste…

Verbeter dreinering in swaar grond deur riviersand en growwe organiese materiaal in te werk en die grond in rye op te erd. Plant aarbeie op die hoogtes en gooi ‘n deklaag tussen die rye om te keer dat onkruid daar groei. Nog ‘n manier om die vrugte te beskerm en onkruid weg te hou, is om die voorbereide plantgebiede met onkruiddoek te bedek. Sny splete met ‘n skerp mes in die doek en plant daardeur. Gebruik ‘n strooideklaag om die plante om te keer dat rypwordende vrugte aan die grond raak en om hulle skoon te hou van modder wat daarop spat. Die beste planttyd vir aarbeie is van Januarie tot April in streke met ‘n gematigde klimaat en van Februarie tot April in kouer klimaatstreke. Dit sal keer dat…

In die terracottapot met sy ruim boepens groei van die beste teenstellende plante vir hierdie tyd van die jaar. Dit is ‘n perfekte samestelling vir patio’s of elders in die tuin waar iets spesiaals nodig is - mooi vir die oog en ‘n keuse van plante wat maklik groei en in son of spikkelskadu gedy. Op die agtergrond is Coprosma ‘Pacific Night’, ‘n spieëlplant met blink pruimpers tot swart blare. Daaronder is ‘n pol Carex albula ‘Frosted Curls’, ‘n sagte maanhaar van fyn, draadagtige grasblare wat deur die hele aanplanting vloei en dit bymekaarhou. Cineraria maritima ‘Silverdust’ is ‘n variëteit met silwergrys loof wat hier weerskante staan van die brandweerwarooi blomme van die malva (Pelargonium zonale ‘Grand Prix’). Onthou om die dooie malvablomme te verwyder en om die pot elke…

Drie redes om blomkool te kweek Hoewel blomkool nie so ʼn maklike gewas as kool is nie, moet jy sowaar probeer: • Dit bevat baie vesel en vitamien C, en min vet. • Dit bevat sulforafaan, ʼn teenkankerverbinding wat vrygestel word as dit gekap of gekou word. • Dit bevat ook die verbinding indool-3-karbinol wat ʼn anti-estrogeen blyk te wees wat die groei van gewasse in die bors of prostaat kan vertraag of voorkom. Het jy geweet? Blomkool dra ʼn kop. Dit is ʼn landbouterm vir ʼn digte blomkop. Sterk sonlig laat die koppe van wit na liggeel verkleur, die rede waarom hulle met blare bedek moet word. Doen dit eers as die kop ongeveer 10 cm in deursnee is. Buig van die buiteblare oor die kop en hou hulle…

Sy het hom reeds op die ouderdom van tien gewaarsku dat sy eendag met hom gaan trou. In die jare daarna, het sy vrééslik mooi geword en sy was anders – haar toonnaeltjies was rooi en haar minirokkies kort! Dit was in ‘n era waar doppers en gaatjieponders nog gereeld slaags geraak het en alles wat vreemd was, ‘n sonde was. So ook die feit dat ‘n Afrikaanse klong wat afgestudeer het as tandarts, op aanbeveling van ‘n dosent, in Engeland loop praktiseer het in ‘n tyd toe die rand nog sterker as die pond was! Hy het haar belowe dat hy sal terugkeer om haar te kom haal sodra hy genoeg gespaar het, en uiteindelik het hy sy bruidjie op ‘n SAL-vlug gelaai na Londen. Die oumense het hulle…

Breek net ‘n stuk af en plant hierdie maklik-om-te-gebruik plakke saad wat ontwerp is om soos ‘n sjokoladestafie te lyk. www.sowdelicious.co.za Die kroos kan lekker saam ‘tuinmaak’ met Husqvarna se nuwe speelgoedreeks blaarblasers, kettingsae, heiningknippers en bossiekappers. Hulle lyk soos die ware jakob en maak dieselfde geluide en bewegings. Geskikte speelgoed vir kinders van 3 jaar en ouer. www.husqvarna.co.za Hierdie rubberstewelvaas/plantbak van keramiek is oulik om jou gunstelingplante in te plant en is te kry by dekorwinkels landswyd.…

Plante met suiwer blou blomme is ongewoon in die madeliefiefamilie Asteraceae, maar die genus Felicia het baie suiwerblou een- en meerjarige lede wat uitstekende kleurkontras in die tuin verleen. Daar bestaan twee moontlikhede vir die herkoms van die genusnaam Felicia: Dit is óf vernoem na Herr Felix, ‘n Duitse amptenaar van Regensburg, Beiere, óf het sy naam gekry van die Latynse woord felix wat “vrolik” beteken. Die meeste van die 85 Feliciaspesies kom natuurlik in die Wes-Kaap voor, hoewel sommige ook noord en oos in Suid-Afrika en al die pad tot in tropiese Afrika en die Arabiese Skiereiland versprei is. Van al hierdie spesies is die wilde-aster, Felicia aethiopica, die beste om te kweek. Dit is ‘n pragtige meerjarige wat wydverspreid aan die kus en in die binneland voorkom en…

KRY DIE WATERWERKE GEREED Gaan besproeiingstelsels na vir gebreke voor die droë seisoen in die grootste deel van die somerreënstreek toeslaan. Lekplekke, defektiewe sprinkelaars en tydtoestelle moet nagegaan en onderhou word. Maak noual seker jou tuin is gereed vir die winter. KOM AAN DIE SNOEI! Dis tyd om baie someren herfsblommende meerjariges te snoei en terug te sny namate hul blomme verwelk en hulle stadiger groei. Hulle word gewoonlik amper op die grond afgesny en kom weer op as die lentegroei begin. Een manier om jou grondgehalte te verbeter is om organiese inhoud by te voeg deur snel gewasse gedurende die herfs te saai met die uitsluitlike doel om dit na die winter in te spit. Dit hoofvoordeel hiervan is nie om jouself te voed nie, maar eerder om jou…

Crotons het pragtige bont blare in helder kleure en ‘n ongelooflike verskeidenheid blaarvorms en groottes. Die korrekte botaniese naam vir hierdie getroue ou plante is Codiaeum variegatum en hulle is steeds ‘n integrerende deel van warm subtropiese tuine. In die herfs verdiep die kleure van die blare namate die nuwe groei volwasse word. Ondersoek dit gereeld vir blaaspootjies, klein sigaarvormige insekte wat van die blare leef. As hulle nie beteuel word nie, kan hulle verwoesting saai wat tot verkleuring van die blare en uiteindelik tot totale ontblaring kan lei…

Vir die poffertjies 100 g meelblom 4 eiers Skil van 1 suurlemoen ‘n Knippie sout 300 g blomkool, in stukkies gekap 100 g feta, gekrummel ‘n Handvol pietersielie, gekap ‘n Bietjie olyfolie Vir die sous 3 uie, in die helfte deurgesny en in dun skyfies gesny Botter 1 knoffelhuisie, gekap 2 teelepels vars gemmer, fyngedruk 1 rooi brandrissie, gekap 1 teelepel mosterdsaad 250 g kersietamaties 50 g gedroogde bosbessies 50 ml rooiwynasyn 1 eetlepel bruinsuiker Sout en peper Sit die meel, eiers, suurlemoenskil en sout vir die poffertjies in ‘n mengbak en meng tot dit ‘n gladde beslag is. Vou die blomkool, feta en pietersielie in. Drup eetlepelsvol van die mengsel in ‘n warm pan wat met olyfolie gesmeer is. Maak ‘n paar minute gaar en draai om sodat die…

Dink uitdagend!” is wyse raad om aan enigiemand te gee wat voor die oorweldigende uitdaging te staan kom om ‘n groot plattelandse tuin te ontwerp. Toe die bekende botanis en vriend Jan van Bergen, Michelle van der Byl 17 jaar gelede egter aanraai om dit op Highcloud-melkplaas te doen, het die raad tweeledig sin gemaak. Nie net het sy die skeppende energie gehad om hierdie ou tuin te omskep wat haar man se familie geslagte lank besit het nie, maar sy het ook ontwerpinspirasie vlakvoor haar gehad in die vorm van iets nogal heel unieks. Op ‘n land in die verte wat nietemin die uitsig oorheers, staan ‘n asemrowende tuinstruktuur – ‘n perfek gevormde Egiptiese piramide wat haar oorlede skoonvader jare gelede van plaaslike klip gebou het. Die struktuur herinner…

In koue lande met lang, ysige winters en kort somers word die klein calamondin met sy miniatuurlemoentjies meestal as sierboompie eerder as voedselplant beskou, en word dit hoog geag as binnenshuise of glashuiseksemplaar. In die gematigde klimaatstreke van die Ooste word dit in die tuin gekweek en word die vrugte alom kulinêr, medisinaal en om die plant se eteriese olies gebruik. Daar heers skynbaar ‘n bietjie verwarring oor die oorsprong van hierdie plant, maar dit word algemeen beskou as ‘n genetiese hibried, tussen ‘n lid van die Citrus- en die Fortunella-genus. Net so is daar ‘n mate van onsekerheid oor sy botaniese naam wat óf x Citrofortunella microcarpa óf x Citrofortunella mitis is. Dit is egter nie juis belangrik vir die tuinier wat net op soek is na ‘n mooi…

Deur Gary English • Bladwisselende bome begin gedurende die herfs hul blare verloor terwyl hulle regmaak om tydens die winter te slaap. Help hulle deur ou blare met die hand te verwyder. Verwyder ook blare wat deur insekte bygekom is. Jou bome gaar nou voedingstowwe op om hulle tydens die winter te voed terwyl hulle sonder blare is. Gebruik ‘n ander misstof wat min stikstof en fosfor bevat en ryk is aan kalium. Die drie elemente moet op die etiket verskyn as drie getalle wat die waardes van die elemente aantoon, bv. 3:2:1. Gebruik iets soos 5:5:20 (vyf dele stikstof tot vyf dele fosfor tot twintig dele kalium). Kalium help wortels om water en minerale op te neem wat die boom in sy stam en hooftakke opgaar. Dit help om…

Van al die tipiese lenteblommende kothuistuinblomme is pronkertjies (Lathyrus odoratus) waarskynlik die mooiste en lonendste. Om egter ‘n oorvloedige oes van hierdie helder en soetgeurige snyblomme te geniet, moet jy die grond behoorlik voorberei voor saai. Maak só Maak die dag voor jy plant die plantplek goed nat om dit makliker te maak om te spit. Volg die aanwysings op ons illustrasie om die voor te grawe en 80 cm diep voor te berei waarin jy jou saad gaan plant. Hou terwyl jy grawe die eerste laag bogrond apart van die swakker ondergrond. Beenmeel kan ook by die bogrond byvoeg word voor dit in die voor teruggegooi word nadat die verskillende organiese lae volgens die illustrasie versprei is. Dit klink na harde werk om die voor te grawe, maar jou…

’n Wenk vir Brusselse spruite As die boonste groeipunt afgesny word as die plant 60 tot 90 cm hoog is, hou die blare op met groei en gaan al die plant se energie na die ontwikkelende spruite toe. Basiese versorging van kole Brusselse spruite, broccoli, kool en blomkool moet in die herfs vinnig groei sodat hulle sterk genoeg is om die koue in Junie en Julie te kan weerstaan. Dit behels die volgende: • Bemes tweeweekliks met ʼn misstof met stikstof as basis. • Maak minstens een maal per week nat. • Laat genoeg groeiplek vir die plante toe deur klein kooltjies 25 cm uitmekaar, groot kole 40 cm uitmekaar, broccoli 50 cm uitmekaar en Brusselse spruite 45 tot 60 cm uitmekaar te plant. In net 10 minute Plant kappertjies…

Maak die kissie Jy het nodig 10 × 10 mm-dennehout (300 mm × 50 mm, vir die voorste en agterste latte) 10 × 10 mm-dennehout (280 mm × 50 mm, vir die kantlatte) 3 × 10 mm-dennehout (280 mm × 50 mm, vir die onderste latte) 4 × 10 mm-dennehout (300 mm × 10 mm, vir die steune) 46 × 5 mm × 15 mm-vlekvryestaalspykers Houtgom Houtverseëlaar of grondlaag en verf Gereedskap ‘n Hamer, skuurpapier of ‘n bandskuurder, en ‘n verfkwas Opmerking: Hierdie afmetings is vir die blou kissie. ‘n Drietal gawe idees Lig Jy het nodig ‘n Gloeilamphouer 2 × 4 mm × 15 mm-houtskroewe ‘n Koord ‘n Kabelbinder (na keuse) 1 m-sierketting Gereedskap ‘n Skroewedraaier, sykniptang, boor en 5 mm-boorpunt Maak só: Draai die kissie onderstebo en boor…

GAUTENG Saterdag 7 – Sondag 8 Eerste Laan-Oos 72, Parktown-Noord Hierdie bekoorlike argitektoniese tuin het pragtig versorgde heinings en ‘n perfekte groen grasperk met groot skadubome wat die skoon lyne van die koidammetjie en eietydse dek om die swembad komplimenteer. Die huis en tuin skep saam interessante teenstellings: oud en nuut, hard en sag, reguit en geboë. Die eienaars het hier ‘n leefruimte van onberispelike smaak en styl geskep. The Moot House, The Valleyweg 47, Parktown Die eienaars het ‘n pragtige Engelse plattelandse tuin aangelê wat pas by hul Arts and Crafts-huis wat deur Sir Herbert Baker ontwerp is. ‘n Oorspronklike Gertrude Jekyllpergola staan steeds naby die nuutgeboude swembad, en al die tuinvlakke wat van die huis afloop ondertoe, lei die oog na die uitsig verder weg. Statige jakarandas en…