Innholdsfortegnelse for December 2016 i Die Tuinier Tydskrif

Dankie tog dat broodnodige reen in sommige gebiede van Suid-Afrika uitgesak het! Ons is egter nog nie uit die moeilikheid uit nie, mense – ons moet nog deur ʼn lang, warm somer kom. Die Wes-Kaap word baie erg geraak weens ʼn gebrek aan winterreen, en gebiede van Noord-KwaZulu-Natal is al sedert die begin van die jaar sonder water! Dit is egter belangrik dat ons nie paniekerig raak nie. Haal diep asem en bepaal wat werklik belangrik is. Party van ons moet moeilike keuses maak in die tyd wat ek “guerrillatuinmaak” noem – wat om te red en wat om te laat doodgaan. Laat die grasperk maar doodgaan. Dit is werklik die minste van jou sorge – as die reen weer kom, is dit maklik om die grasperk met saad oor…

N amate Kersfees naderkom, lyk dit of die tuinsentrums leeg loop terwyl mense na winkelwandelhalle toe stroom om hul Kersinkopies af te handel. Maar wat om te koop? Sonder uitsondering kry ons uiteindelik weer vir vriende en familie nog ʼn toiletwarestel of die hoeveelste boks sjokolade om tot die onvermydelike seisoenale gewigstoename by te dra. Hoekom gee ons nie ʼn geskenk wat iets anders as middellywe laat groei nie – iets wat aanhou teruggee? Kan dit wees dat ons nie weet hoe om geskenkplante aan te bied nie? Dis tyd om geinspireer te raak! Hoekom hou mense regtig daarvan om plante present te kry? Plante is van die onvergeetlikste geskenke wat jy kan gee: Kom ons tel die maniere! • Dit lewe, dit groei, dit blom, en elke nuwe blaar…

KRY DIE VOORKOMS Sonnige patio’s is die ideale plek om met rose, en veral geurige rose, te spog. Hierdie ingeboude plantbak wat die buiterand van die leefgebied afbaken, is propvol rose: ‘Amarula Profusion’ wat buitentoe en ondertoe tuimel, ‘Garden and Home’ wat boontoe groei en ‘Garden Queen’ wat ʼn spatsel kontrasterende kleur gee. Ander rose wat ewe goed sal werk, is die geurige ‘Adele Searll’, die ‘Granny’ rose, ‘Deloitte & Touche’, ‘Thank You’, ‘Duncan’s Rose’ en ‘Perfume Passion’. MAAK DIT ’n Kersdag met rose Dis tyd vir die tweede rosedrag, maar met ʼn bietjie manipulering kan jy seker maak van rose vir Kersdag of selfs hul blom vertraag tot jy na die Kersvakansie by die huis kom. Vir rose met Kersdag knyp ʼn derde van die blompunte uit of identifiseer…

Vermy die skares en volg ʼn “groen”, ontspanne benadering tot jou feestydinkopies. Besoek jou gunstelingtuinsentrum en word geinspireer deur seisoenplante in volle blom en geskenkkeuses vir almal voor die voet FEESTELIKE BOME Kies bome wat graag in die huis groei soos Ficus benjamina of F. binnendijkii of gebruik tuinbome wat ʼn rukkie binnenshuis sal oorleef en dan volgende jaar buite in die tuin uitgeplant kan word. Dink aan spesies soos die witkatjiepiering (Gardenia thunbergia), Henkel se geelhout (Podocarpus henkelii ) of ʼn doringboom soos ʼn goed vertakte koorsboom (Vachellia xanthophloea). As jy ʼn tradisionalis is, kan jy staatmaak op konifere soos Cupressus macrocarpa ‘Gold Crest’. TWEE PUIK KEUSES Rudbeckia hirta ‘Denver Daisy’ – Hierdie vrolike, kompakte minsorgplante begin blom in die laatsomer en dra maandelank groot goudgeel madeliefies tot in…

E k was onlangs besig om vis en skyfies te koop by ‘n viswinkel toe ‘n plant op die toonbank my oog vang. Dit was veronderstel om ‘n groen-en-geel hibried te wees van die ou kanniedood, bekend as skoonmase-tong. Maar, in plaas daarvan dat die gewoonlik stywe en gepunte blare op ‘n forse wyse opwaarts beur, het hulle so kôtserige bleekgeel kleur gehad en slap oor die rande van die pot probeer lê. In die piering onder die pot, was daar ‘n poel opgedamde vuil water (wat amper diep genoeg was om ‘n koidam te wees!). Die stomme plant wat normaalweg in die droë skadu van bosse en ander goed groei, was duidelik nie tevrede in die humiede atmosfeer en oliedampe van ‘n viswinkel nie. My aanbeveling sou wees (natuurlik…

Erythrina humeana (kleinkoraalboom) Hierdie middelgroot struik of klein boompie is bedek met trosse dieprooi tot oranje blomme. Hulle verskyn bo die welige groen saamgestelde blare wat wisselende vorms het en klein haakdorings aan die blaarstele en hoofare dra. Die helder blomme vorm ʼn lieflike teenstelling met die groen loof, wat verskil van die meeste ander koraalbome wat in die laatwinter blom voor die nuwe lenteloof verskyn. Plante groei vinnig van saad en blom terwyl hulle nog klein is, wat van hulle begeerlike tuinplante maak. Hulle is gevoelig vir koue en ryp. Pavetta lanceolata (treurbruidsbos) Dit is ʼn groot immergroen struik of soms ʼn klein boompie wat goed by tuintoestande aanpas. Dun blinkgroen blare bedek die digte takke, en ʼn oorvloed wit buisblomme in eindstandige trosse verskyn gedurende die somer. Die…

TEKS Gary English Die meeste mense is vertroud met die basiese beginsel van snoei – ons sny takke terug om sygroei aan te moedig. Die vanselfsprekendste en uiterste voorbeeld is ʼn goed geknipte heining met digte, amper ondeurdringbare loof. Met bonsai probeer ons ook om net sulke digte blare te kry, maar net op uitgesoekte plekke – die loofwolke of bladkussings aan die takpunte. Ervare bonsaikunstenaars werk so vinnig met hul ontblaarsker dat waarnemers maklik aanvaar dat hulle net die materiaal terugsny asof hulle ʼn heining maak, maar dit is nie die geval nie. Van tyd tot tyd snoei ons wel al die blare van ʼn boom af. Dit word ontblaring genoem en moet net uitgevoer word op ʼn gesonde boom, in die meeste gevalle hoogstens een maal per jaar.…

1 Tuinkos Die perfekte geskenk vir tuiniers is die kans op ʼn skitterende groen grasperk met Seasol Ready to Use-misstof. Dit is by toonaangewende tuinsentrums en kwekerye te kry. www.mangomooncc.co.za 2 Pragtig en prakties Zinnia ‘Zahara Sunburst’ en Rudbeckia ‘Denver Daisy’ is uitstekende Kersgeskenke met ʼn etiket vir die ontvanger se naam. Dit is landswyd by toonaangewende tuinsentrums te kry. 3 Vir voelliefhebbers ʼn Nuwe reeks voelvoerders enhuisies wat ideale Kersgeskenke vir voelentoesiaste uitmaak, is in verskeie style en kleure te kry. E-pos sales@decorbuzz. co.za vir meer inligting. 4 Tanya’s Tools Nou kan jy jou gunstelingkatoeters aanlyn bestel. www.tanyavisser.com 5 Heerlike geurpakke Ina Paarman Pesto Gift Packs is in drie geure – olyf, basilie en geroosterde rooi soetrissie – by toonaangewende kleinhandelaars te kry, en is altyd welkome geskenke. WEN…

V anjaar het van ons beste atlete van die Olimpiese Spele in Rio de Janeiro teruggekeer met swaar goue, silwer- en bronsmedaljes om hul nekke. Om hierdie kampioene te vier, en ook met Kersfees in gedagte, het ons ʼn paar “feestelike” plante gekies om twee potresepte vir kuierplekke te maak. Baie plante is so veelsydig dat dit maklik is om enige ontwerp uit te dink om mee rond te speel! Olimpiese ring Die volgende plante is vir hierdie potresep gebruik: Australiese roosmaryn (Westringia fruticosa) kom natuurlik voor naby die kus in die ooste van Australie en kan maklik een van die taaiste, gewilligste struike genoem word wat amper oral sonder sukkel sal groei. Dit groei vinnig, is baie bestand teen droogte en sout, en is glad nie vol fiemies oor…

Doen Dit Self vir minder as R1300 Jy het nodig Snylys: 4 x 800 mm x 44 mm x 22 mm (pote) 4 x 480 mm x 44 mm x 22 mm (Tafelbladsteune) 6 x 600 mm x 94 mm x 22 mm (Tafelbladlatte) 1 x 500 mm x 94 mm x 22 mm (buitepootverspanstuk) 1 x 450 mm x 94 mm x 22 mm (binnepoot verspanstuk) 6 x 6 mm x 75 mm-geutboute 6 x 6 mm-moere 18 x 6 mm-wasters 24 x 4 mm x 40 mm-snyskroewe Spuitverf – ons het Rustolium Lagoon satin coat gebruik Gereedskap ʼn Koordlose boor, 6 mm-houtboor, versinkboor, plat skroewedraaier, 11 mm-moersleutel, ystersaag, maatband en ʼn potlood Stappe 1 Boor en versink 6 mm-gate in die pote en tafelbladsteune soos op diagram 1…