Innholdsfortegnelse for October 2016 i Die Tuinier Tydskrif

Die geur van die somer is so verkwikkend! Ek hou van die reuk van vars gesnyde gras – dit is sommer net ʼn toonbeeld van groei en lewe. Onthou jy nog die dae toe jy grasvlekke op jou klere gekry het van al die speel en baljaar in die tuin? Wel, ek doen dit deesdae nie meer baie nie, behalwe as my klein niggies en nefies kom kuier, maar ek gee my wel oor aan nog ʼn aktiwiteit wat met die grasperk te doen het . . . Dit is waarskynlik een van my gunstelingtydverdrywe – ek is mal daaroor om eenvoudig op die gelyk gesnyde grasperk te lê en na die lug te kyk, en dan op my maag om te rol om my tuin uit ʼn heeltemal nuwe…

KRY DIE VOORKOMS Een groot struikroos soos ‘Munstead Wood’, die David Austin Engelse roos hier, of enige ander spreidende floribunda , Fairy Tale of Antico Moderno roos gee diepte aan ʼn gemengde randakker. Die ideale kandidaat hiervoor is ook ons nuwe roos ‘Dancing Ayoba’ wat blomoortrek word van kop tot toontjie op ‘n kompakte plant. Gee besondere aandag aan die vorm en hoogte van die roos as dit vir ʼn randakker gekies word – ʼn bos wat voorlangs in die randakker geplaas gaan word, moet liefs nie hoër as kniehoogte word nie. As daar ʼn tema mog wees wat sy pad tussen vanjaar se nuwe rose deurvleg, is dit feestelike romanse. Ons het dit nie so beplan nie, die natuur gaan sy eie gang. Vanjaar se besondere roos is sjampanjekleurig,…

Lobelia valida Die uiters spoggerige maar selde gekweekte Lobelia valida is ʼn plant met groot diepblou blomme met wit op die onderste kroonblare en groengeel in die middel. Dit is beperk tot die kort stukkie Suid-Kaapse kus van die De Hoop-natuurreservaat tot by Stilbaai en kom een-een verspreid voor in fynbos op sanderige kalksteenvlaktes en gruisagtige heuwelhange. Die galjoenblom het sy volksnaam gekry van die galjoen, Suid-Afrika se nasionale vis, wat hoofsaaklik in vlak water voorkom en vroeer volop was aan die Suid-Kaapse kus, maar wat weens oorbevissing deesdae ʼn bedreigde spesie in sy hele verspreidingsgebied is. Galjoentyd het vroeer met die hoofblomtyd van hierdie spesie (Oktober tot April) saamgeval, maar die vis mag nie meer van 15 Oktober tot die einde van Februarie vir ontspanning gevang word nie. Nes…

Gauteng 1 – 2 Oktober Mulligatawny-plaas Vir die eerste en enigste keer word die Mulligatawny-plaas se skouspelagtige tuine van 16 acre vir die publiek oopgestel ten bate van die St George’s Turning Point Foundation. Die tuin straal speelsheid en romanse uit, en verversings en plante is te koop. 09:00 – 17:00 Toegangsgeld: R100 Navrae: Marina Smithers-Carlaw 011 880 7183, 082 556 2084, marina@mspr.co.za 9 Oktober Die Johannesburg-tuinklub se 65ste Verjaarsdagviering Ter viering van hul 65ste verjaarsdag bied die Johannesburg-tuinklub ʼn eksklusiewe geleentheid aan in die Tuin van St. Christopher, een van Johannesburg se skouspelagtigste privaat tuine. 10:00 – 15:30 Toegangsgeld: R350, insluitende verversings. Bespreek kaartjies vooraf. Navrae: prue@jte.co.za, www.johannesburggardenclub.co.za 8 – 9 Oktober Die Pretoria Sunrise Rotarierklub se Jaarlikse Oop Tuine Tien van die Jakarandastad se mooiste tuine word in…

Vertrou jou vingers! Druk ʼn vinger in die grond in om te toets of ʼn houer water nodig het. As dit droog voel, het dit water nodig. Eiegoed Inspirasie: Geen land in die hele wye wêreld kan soos ons aanspraak maak op dieselfde ongelooflike inheemse lentekleur van ons fantastiese Osteospermumhibriede wat onder die versamelnaam Cape Daisy verkoop word nie. Hierdie grondbedekkerplante hou van volson, en skoenlappers is dol oor hulle. Geskik vir: vensterbakke, in gemengde houers of in afsonderlike patiopotte. Spitsblomtyd: van die lente tot midsomer. Sommige van die taaier variëteite blom weer in die herfs. Lig op vele maniere Draai gereeld ʼn houerplant wat op ʼn patio of in ʼn vensterbak is om te keer dat dit na die lig toe groei en skeef raak. BO: ʼn Versameling van…

Maantuiniers gebruik maanfases om die beste dae vir saai, plant, oorplant,oorpot en ander tuinaktiwieite te bepaal – en ons maandelikse gids maak plantbeplanning volgens die seisoen en maanfases moontlik. Vroegsomer is ideaal vir opvolgaanplanting van eenjarige groentes Die eerste fase is die beste vir blaartipes, die tweede vir vrugtetipes en die derde vir wortel en boltipes. Die blomikons toon die beste dae vir saad, saailinge en struike en die beste naweekplantdae is die 8ste en 9de, 16de, 22ste en 20ste. Deur llona Thorndike…

Liriope muscari ‘Evergreen Giant’ Hierdie leliegras, ʼn groot polvormende meerjarige met lintvormige, grasagtige blare wat bekoorlik buig en amper 1 m lank kan word, behoort tot dieselfde familie as mondogras en word hoofsaaklik as taai loofplant gekweek. Uitgegroeide polle word gewoonlik 50 tot 60 cm hoog en kan ewe wyd word as hulle ongehinderd groei. Skraal blomare met klein laventel of mauve blommetjies verskyn gedurende die laatsomer en vroegherfs tussen die blare, maar dit is die welige donkergroen blare heeljaar wat van hierdie plante so ʼn groot gunsteling maak. Gebruik hulle vir massaaanplanting, as vullerplante in randakkers of selfs as eksemplaarplante in potte. Dit is koue en rypbestand. Philodendron ‘Xanadu’ Die subtropiese loofplant behoort tot die geraamteplantfamilie en is al meer as ʼn dekade een van die topverkopersierplante. Lae polle…

Die land se toonaangewende tuinsentrums is lid van die Tuinsentrumvereniging (GCA). Alle deelnemende GCA-lede word onverwags deur twee geakkrediteerde beoordelaars besoek, dus is daar ʼn verrassingselement betrokke. Die evaluering vind plaas op grond van die produkaanbieding wat die klante te sien kry en op reageer. Die pryse berus op kwaliteitstandaarde. Die sentrums word nie net beoordeel op grond van produkte, afdelings en uitstallings nie, maar ook op grond van personeel, diens en die omgewing. Die kompetisie verbeter die standaarde van alle tuinsentrums en tuiswinkels wat deelneem omdat dit so ʼn gesogte prestasie is om die beste tuinsentrum of tuiswinkel in ʼn streek te wees. Om onder die topdrie in die land te wees, is natuurlik die heel beste prestasie. Die deelnemers bestee dus ongelooflik baie tyd en moeite daaraan om…

’n Nuwe hibiskusreeks om jou te inspireer Hibriede van Hibiscus rosa-sinensis word al lank die “koningin van die blomme” genoem. Die kleurryke struike versier tuine in warm subtropiese klimaatstreke en hulle word tans ook gekweek vir gebruik as binnenshuise of patioplante vir koeler toestande. Hibiskusse word in warm Suid-Afrika hoofsaaklik as tuinplante gekweek. Hulle word kort tot middelgroot struike om in die tuin uit te plant of in groot balies of houers te gebruik. Waar hibiskusse ook al groei, verskaf hulle ʼn oorvloed manjifieke blomme die hele lente, somer en herfs deur. Nie baie blomstruike kan by hulle kers vashou wat ʼn lang blomtyd betref nie. Malanseuns Pleasure Plants het onlangs ʼn nuwe reeks hibiskushibriede aan die Suid-Afrikaanse tuinmark bekendgestel. HibisQs, soos hulle bekend staan, is deur Graff Breeding in…

Welkom in die mooiste maand van die jaar wanneer ʼn oorvloed van blomme in die tuin is, die geur van vroegsomerjasmyne in die lug hang en die belofte van ʼn someroes in die groenteakkertjie floreer. Gryp die geleentheid aan terwyl die son warmer skyn en die dae langer word om te plant dat dit klap! FANTASTIES AAN DIE BLOM Oktober is “roosmaand”, en niemand hoef aan die prag van die koninginne van die tuin herinner te word nie. Hoewel ons elke jaar toegang tot nuwe roosvarieteite het, kan jy nie ʼn fout maak om nog meer te plant van die ikoniese floribundaroos ‘Iceberg’ wat waarskynlik die topverkoperroos van alle tye is nie! KITSBEVREDIGING Kies calibrachoas wat spog met ʼn massa miniatuurpetuniaagtige blommetjies. Alle kwekerye en tuiswinkels hou hulle nou aan,…

GROENTES VAN DIE MAAND Hierdie drie vrugdraende groentes is die hoogtepunt van die somertuin, veral vir kokke wat lief is vir Mediterreense kos, waarvan dit die hoofbestanddele is. Oktober is die vernaamste saaimaand vir al drie wat boonop dieselfde vereistes het: volson, vrugbare, komposryke grond wat goed dreineer en gereelde oorvloedige natmaak. Laat dit in saailingkissies ontkiem en plant uit wanneer plante hul eerste ware blare het. Spasieer tamatiesaailinge 60 tot 80 cm uitmekaar, eiervrugte 80 cm en brandrissies 45 cm. Almal groei maklik, maar verg aandag (stut en uitknyp) gedurende hul lang groeiseisoen en ʼn bietjie ekstra voeding na die einde van die seisoen toe. Hou ook dop vir plae vanaf die midsomer. Die beloning is egter die moeite werd. Geen winkeltamatie smaak soos tamaties wat aan die plant…

Gauteng Saterdag 1 – Sondag 2 Die Tuinbouvereniging-lenteblommeskou Die Floreum, Johannesburgse Botaniese Tuin, Emmarentia Saterdag 13:00 – 16:00 Sondag 10:00 – 16:00 Navrae: 082 951 1432 Vrydag 7 – Sondag 9 Lenteorgideeskou Die Floreum, Johannesburgse Botaniese Tuin, Emmarentia 9:00 – 16:00 Navrae: Marinus 082 447 5081 Saterdag 15 – Sondag 16 Shibui Bonsai Kai se Jaarlikse Bonsaiuitstalling Die Floreum, Johannesburgse Botaniese Tuin, Emmarentia 10:00 – 17:00 Navrae: Ruza 082 873 7955 Saterdag 29 Praatjie: Oorsig van plante wat gedurende die jaar gekweek is. Gereedmaak van plante vir die skou Fourways Fuchsiaklubvergadering Fryslan Tuinsentrum, Witkoppenweg 74, North Riding, Randburg Sondag 30 Die Internasionale Sionisteorganisasievroue se oop tuine en praatjie deur tuinargitek Patrick Watson vir Tuindag Westcliff, Johannesburg Navrae: Helen 083 267 2607, Jenny 011 645 2515, www.wizojhb@beyachad.co.za Wes-Kaap Vrydag 7 –…

1 HOU HULLE SKERP Maak seker al jou tuingereedskap se lemme is vlymskerp met die Multi-Sharp Garden Tool Sharpening Kit. Gebruik die stel om jou knippers, snoei en tuinskere en takknippers asook jou draaiende grassnyerlemme vlymskerp te hou. www.maxitools.co.za 2 Gevorderde bossiekapper Die Makita DUR365UZ 18V Twin Battery Cordless Grass Trimmer verskil van mededingers deurdat dit ʼn kompakte direkteaandrywingstelsel het met ʼn borsellose motor met buiterotor wat op die kapperkop gemonteer is. Die motorfietstipe handvatsels is ontwerp sodat die vertikale middellyn in lyn met die van die gebruiker bly vir ʼn gemaklike liggaamshouding wat tot minder uitputting vir die operateur lei. Dis lig en stil, met ʼn klankkragvlak van slegs 86 desibel. Die batterye en laaier word nie saam met die kapper verkoop nie. Die kapper word met ʼn standaardnylonsnykop…

Dit was op ‘n luilekker middag na ‘n geil noenmaaI van pap en braaivleis, toe die lede van ‘n bekende tuinsentrumgroep wat hulle jaarlikse kongres bygewoon het, bymekaar geroep is om na ‘n motiveringspraatjie te luister. Hulle moes blykbaar aangepraat word om hernude ‘blomkrag’ en leeuemoed te kry vir nog ‘n jaar in die groenbedryf. Aan die woord was ‘n sake-analis en toekomsvoorspeller met ‘n somber uitdrukking op sy gesig en ‘n ietwat negatiewe lyftaal. Ek het gewonder of dié sessie sal aanklank vind by my, aangesien ek eerder neig tot effens waaghalsige grappe met ‘n ‘groen’ tema, en vrolike alledaagse onderwerpe. Maar ek het ook gaan sit om te luister. Sommer met die wegval, moes ons hoor dat die wêreld binnekort nie meer gaan wees soos ons hom eens…