Innholdsfortegnelse for September 2016 i Die Tuinier Tydskrif

September is die maand waarin alles in die tuinmaakwereld gebeur, en ek hoop dat ons teen die tyd dat jy hier lees uiteindelik al ͗n bietjie broodnodige reen gehad het om ons ͗n bietjie hoop te gee. Indien nie, moet tog nie ophou plant nie, die reen sal kom! En as dit wel kom, moet asseblief nie dadelik al die wonderlike waterbesparingswenke vergeet wat ons almal geleer en toegepas het om deur die droogte te kom nie. Nog ͗n droogte sal wel weer kom, dus is dit goed om aan te hou om verantwoordelik tuin te maak! Lees ons boeiende artikel oor “xeriskappering” (tuinmaak sonder die nodigheid om aanvullend nat te maak) vir meer wenke oor tuinmaak met beperkte water. (Sien Xeriskap op bladsy 28!) Ek was onlangs bevoorreg om…

Die nuutste giere by Chelsea, word fyn dopgehou deur tuinboukundiges en landskapargitekte wêreldwyd en word volgende jaar deur die bedryf nagevolg Daar was vanjaar verskeie neigings wat ons oog gevang het. Hier is ons toptien: Waterbesparing ’n Groot neiging vanjaar was die klem op ͗n skaarste aan water, en baie ontwerpers het droë tuine gekies met baie gruis en plante wat teen hitte opgewasse is en minder water nodig het. Water is konserwatief gebruik in baie tuine, en waterfokuspunte het dikwels hul water deur die tuin gesirkuleer. Uitspattige kleur Uitbundige kleur, amper te veel vir die oog, was in . paar tuine sterk op die voorgrond in aanplantings sowel as kleurryke elemente soos die oranje geverfde houer in die Greening Great Britain-tuin. Die pers-en-lila-palet is steeds gebruik, maar oranje was…

Water-minimale landskappering Poreusepyp-besproeiing onder grondvlak kan gedurende uiterste droogtetoestande gebruik word. Die stelsel is uiters waterdoeltreffend en loop teen baie lae waterdruk direk van die reënwatertenk af. ’n Gruisdeklaag help om vog te behou, hou plantwortels koel en gehidreer terwyl dit ook droogtebestande aanplantings afrond. ’n Reënwateroestenk kan met ͗n poreusepypbenattingstelsel verbind word. Reënwater van die dak word deur geute en afleipype versamel en gebêre om te gebruik wanneer dit nodig is. Droogtebestande aanplanting verminder die nodigheid vir gereelde natlei omdat plante natuurlik by droë of lae watertoestande aangepas is. Die grondtoestand word verbeter deur die byvoeging van organiese materiaal om vogretensie en gesonde plantgroei te verbeter. Soorte geotekstieldoek help om grondvog te behou, inhibeer onkruidindringing en hou gruis van die grond af weg. Water is ͗n hulpbron wat onder…

Crocosmia Hierdie bolplante wat in die wandel as vallende sterretjies bekend is, maak . mooi vertoning van klein oranje blommetjies wat aan lang stele neerhang. Agt spesies is inheems in Suid-Afrika en word hoofsaaklik in die oostelike landstreke aangetref. Crocosmias is in die natuur uiters volop in woudrande, op stroomoewers en in bosagtige klowe, en is dus ideaal vir plekke met spikkelskadu in die tuin. Hulle word 70 tot 90 cm hoog en word vanaf die lente tot die somer geplant vir ͗n lewendige vertoning vanaf Desember tot Maart. Hierdie plante met hul lang stele en . menigte blomme per steel lewer uitstekende snyblomme op vir somerrangskikkings in groot vase. Eucomis Dit is nooit ͗n swak besluit om die variëteite van Eucomis, of wildepynappel soos hulle algemeen bekend staan, as…

J.D. Hooker, direkteur van die Kew Botaniese Tuin, het Crinum moorei in 1874 beskryf van plante wat daar van saad gekweek is. Die Glasnevin Botaniese Tuin naby Dublin in Ierland het saad bekom wat vermoedelik versamel is deur . Engelse weermagwerknemer op . onvermelde plek in die binneland van KwaZulu-Natal. Die spesie is vernoem na die kurator van Glasnevin, dr. David Moore (1807-1879), wat agtergekom het dat dit heeltemal gehard is toe dit sonder beskutting in die oopte uitgeplant is. Dit was een van die eerste crinums wat in Europa gekweek is, en in 1886 het die Engelse plantteler C.B. Powell dit gekruis met die Oranjerivierlelie Crinum bulbispermum om die alom gekweekte pienk hibried Crinum x Powellii op te lewer. Die boscrinum (rivierlelie) is . bladwisselende spesie wat inheems is…

Goed om te weet ʼn Gieter of tuinslang met ʼn fyn sproeikop sal nie die saailinge laat wegspoel nie. Begin en hou altyd op natmaak buite die bedding omdat die groot druppels die saailinge laat platle. Dit is die begin van ʼn nuwe seisoen, maar moenie oorhaastig wees nie. Gebruik jou tyd om die grond te verryk, jou saaiery te versprei en peste en onkruid onder beheer te hou. Die Chinese se nie verniet nie: “Die voetstappe van die boer laat die plante groei.” September begin gewoonlik stadig met koel dae en die moontlikheid van vir oulaas ʼn bietjie ryp. Elke week word die weer warmer en is daar meer te doen in die tuin. Week 1 As jy dit nie verlede maand al gedoen het nie, benut die eerste…

Skoenlapperkoivis, wat ook as draakkoivis bekend staan, word die beste beskryf as koi met lang vinne. Die vis het in die middel van die 20ste eeu ontstaan toe telers probeer het om tradisionele koivis geharder te maak deur wilde Indonesiese langvinrivierkarp met tradisionele koi te kruisteel, wat die grasieuse skoenlapperkoi tot gevolg gehad het. Die lang, vloeiende vinne van die skoenlapperkoi is veel groter in verhouding tot hul liggame as die van tradisionele koivarieteite. Die skoenlapperkoi se vin-tot-liggaamsverhouding is 1:3, terwyl tradisionele koi se vin-tot-liggaamsverhouding 1:5 is. Die liggaamsvorm van skoenlapperkoi is skraler en langwerpiger, terwyl die vinne lank is en baie maklik beseer raak, veral as die vis onhandig gevang of hanteer word. Gebruik ʼn spesiale gaaskoinet om hulle te vang om hul delikate vinne te beskerm. Die slanke…

Neem eers jou potte se mate voor jy hierdie potstaanders maak. Ons het Keter se Cylinder Planter-stel met drie verskillende groottes harspotte in die rottangstyl gebruik. Die staanders is gemaak om die drie potte 300 mm van die grond af te hou en om 140 mm van die bokant van elke pot af te kom. Die afmetings hieronder is vir hierdie potte. Jy het nodig: Meranti wat soos volg gesaag is: Potgrootte: 275 mm (deursnee) x 280 mm (hoogte) 4 x 34 mm x 34 mm x 410 mm 2 x 44 mm x 22 mm x 280 mm Potgrootte: 350 mm (deursnee) x 360 mm (hoogte) 4 x 34 mm x 34 mm x 520 mm 2 x 44 mm x 22 mm x 355 mm Potgrootte: 430 mm…

The Witness GARDEN SHOW Step into Spring SKOUAKSIE! Vanjaar het ons opwindende nuwe ontwikkelings met die toevoeging van die Spirit of Spring Canine Spectacular waar meer as 600 opreggeteelde honde van verskillende rasse oor drie dae deur drie internasionaal erkende beoordelaars beoordeel word en die “Spirit of Spring”-tuinskoukampioen die Sondag aangekondig word. Benewens die skouhonde is daar ʼn behendigheid, hondekarretjie- en dans- met hondevertoning asook baie meer om te geniet. Saal 2 is propvol met alles wat met troeteldiere verband hou wat gekenmerk word deur hope opwindende goed om jou troeteldiere te bederf. “Fashion Fantasy in flowers” is ʼn toevoeging tot The Witnesstuinskoukalender om nie mis te loop nie wat die eerste vlugtige blik op die spogtuine, ʼn modevertoning van lewende modeontwerp, kaas en wyn, en musiek en dans insluit.…

Fairy magnolias Keith Kirsten het ͗n mooi reeks Fairy Magnolias in wit, blospienk en room bekend gestel. Hierdie magnolias dra ͗n massa pragtige, geurige blomme in die vroeglente. Die plant is bosagtig met ryk immergroen blare wat dit ideaal maak as blommende heining of eksemplaarplant. Dit vaar goed in ͗n verskeidenheid grondsoorte, maar verkies goed omgewerkte brokkelrige grond. Vermy baie swaar, deurdrenkte grond. Dit presteer die beste in matige vogvlakke gedurende die somer, maar kan droër toestande verdra as dit eers gevestig is. Maak van tyd tot tyd diep nat. Voed plante in die tuin jaarliks na blom met ͗n algemene misstof en dié in potte in die lente en herfs met . stadig vrystellende misstof. Calibrachoa-versameling Sedert hul bekendstelling het calibrachoas ͗n gewilde keuse vir hangmandjies en houers geword.…

ROSA Nasionale Rooskonvensie Rose net waar jy kyk, wag van 13 tot 16 Oktober op roosliefhebbers by die ROSA Nasionale Rooskonvensie by die Wanderers-buiteklub in Johannesburg. Die program sluit in besoeke aan pragtige roostuine, . rooskompetisie om die beste roos op die skou te kies, . roosgaladinee en die goeie geselskap van mense wat lief is vir rose. Die Gold Reefroosvereniging organiseer dit. Tree in verbinding met die Gold Reef-roosvereniging se John Benfield (john.benfield@webmail.co.za) of Barbara Wood (woodb@iafrica.com), of bel 083 985 8632 vir meer inligting oor die konvensie, hoe om te registreer of aan die roseskou deel te neem. Die harde snoeiwerk is gedoen en die rose is, nes ons tuiniers, ongeduldig om aan die groei te kom sodat die blomme volgende maand kan verskyn. Moenie gedurende hierdie spitsgroeityd…

“In die lente moet jy aan die einde van die dag soos die grond ruik”- Maak SÓ 1. Sny die grasperk baie kort. As jy kaal grond en lopers sien, is jy op die regte pad. Neem asseblief kennis: Nie alle perkgrassoorte moet so drasties losgemaak (gesny) word nie. Die tipes wat net soos gewoonlik gesny moet word, sluit in koelseisoengrassoorte soos Kentucky-blougras, poltipe meerjarige grasse of mengsels soos All Season’s Evergreen en Shade Over, asook tropiese perkgrassoorte soos berea of durbangras (LM).2. Hark na die sny die grasperk oorlangs en dan oordwars om die ou dooie mat te verwyder.3. Neem ͗n holtandvurk of gewone tuinvurk, dryf en werk die tande elke 20 tot 30 cm so diep moontlik in die grasperk in en wikkel dit ook rond. Hierdie belugtingstegniek…

Dit is eenvoudig onmoontlik om ͗n Skandinawiese maaltyd voor te sit sonder om vars dille (Anethum graveolens) te gebruik. Dit is ͗n kulinere hoofbestanddeel wat bygevoeg word by geroosterde, gebakte of gerookte vis, aartappels, eiers, groente (kool, blomkool, groenbone, vingerskorsies) en slaaigroente soos komkommer en slaaiblaargroente, asook by souse en slaaisouse. Op eie bodem: Geur lamsvleis, varktjops en biefstuk deur gekapte dille die laaste vyf minute van die kooktyd oor te sprinkel. Die nuutste giere by Chelsea, word fyn dopgehou deur tuinboukundiges en landskapargitekte wêreldwyd en word volgende jaar deur die bedryf nagevolg Daar was vanjaar verskeie neigings wat ons oog gevang het. Hier is ons toptien: Vanwaar die liefdesverhouding? Die geur van vars dille is al beskryf as sag en soet, of warm en matig, met net ͗n sweempie…

Oop Tuine Gauteng Saterdag 3 – Sondag 4 Tuine van die Goudstad Sandspruitwandelpad, Rivonia Op algemene aandrang nooi ons jou weer uit om die eerste lentedae te geniet op hierdie wonderlik veilige en goed versorgde deel van die Sandspruit. Verversings is te kry, of bring ‘n piekniekmandjie saam. 10:00 – 17:00 Toegang: Volwassenes R30, kinders onder 12 gratis Navrae: Lynne 082 689 0930, www.gardensofthegoldencity.co.za Oos-Kaap Saterdag 1 – Sondag 2 Oktober Die Pam Golding Properties-tuine van Oos-Londen Oos-Londen Kaartjies te kry by die Pam Golding-kantoor, Pearcestraat 34, Berea, Oos-Londen. Die opbrengs word geskenk aan plaaslike liefdadigheidsorganisasies. Navrae: 082 779 9004 Geleenthede Gauteng Saterdag 3 – Sondag 4 Die Oos-Randse Orgideevereniging se Lenteskou GardenShop by Flora Farm, h.v. Noordrandweg en Trichardtstraat, Boksburg Toegang: Gratis Navrae: Andre 011 453 6888 www.eastrandorchids.co.za Saterdag…

T erwyl ek besig was met ‘n lente-aksieplan en aan die soek na inspirasie, het ek op die volgende sê-ding van Robin Williams afgekom: “Lente is die natuur se manier om te sê, kom ons hou partytjie!”. Nou, hoekom voel ek dan nog nie reg vir die joI nie? Die feit dat ek hierdie storie in die middel van die winter geskryf het (sonder enige teken van lente!) en my verbeelding moes gebruik, het dalk iets met my treurkoeklike gemoed te doen gehad. (Ek is nie seker of ek mag sê nie, maar by Die Tuinier werk ons maande vooruit en trek al amper in 2017, so dis moeilik om soms met die werklikheid rekening te hou). Miskien is dit die rede hoekom ek besluit het my groot lenteskoonmaak vir…

Klein meenthuistuintjies is aan die orde van die dag, maar elke tuin, ongeag die grootte of skaal daarvan, trek voordeel uit bome wat daarin groei. Bome gee skadu en privaatheid terwyl dit diepte en perspektief aan die algehele effek van die landskap verleen. Voorts skep bome en . struiktuin . habitat wat voels na die voorstede toe lok en die natuuraspek van die buiteleefgebied verbeter. Hier is drie bome wat aan die behoeftes van die kleiner tuin voldoen. Buddleja saligna (witolien) Die blare van hierdie mooi inheemse immergroen boom herinner aan die van die olienhout, vanwaar die volksnaam. Dit kom wydverspreid voor van die Kaap tot in Zimbabwe en is geskik om in die meeste klimaatstreke te groei behalwe uiters koue gebiede waar jong plante deur ryp beskadig kan word.…

Impatiëns is steeds die kleurrykste oplossing vir skaduryke somertuine. Dit is net . kwessie van tydsberekening of jy die tradisionele beddingimpatiëns wil plant of iets nuuts wil beproef soos die interspesifieke variëteite wat dubbeld die voordele bied. Moet ook nie van die tropiese prag van die Nieu-Guinee-impatiëns vergeet nie, veral vanaf midsomer wanneer hulle bestand is teen alles waaraan die weer hulle onderwerp. Met hul groot blomme en loof (dikwels bronskleurig) lewer hulle . groot kleurespatsel. Alles gaan oor tydsberekening Bedding impatiens (Impatiens walleriana ook bekend as vlytige liesbette) is slegs vatbaar vir donsskimmel wanneer warm, vogtige dae plek maak vir koel nagte as gevolg van lang tye van reenweer. . Skielike verandering in temperatuur maak die swam aktief. Trek besmette plante uit en gooi hulle weg. Somerreënstreke: Plant hulle…

BLOMTYE JANUARIE FEBRUARIE MAART APRIL MEI JUNIE JULIE AUGUSTUS SEPTEMBER OKTOBER NOVEMBER DESEMBER…

12 MAANDE SLEGS R350 INTEKENING IS MAKLIK KIES UIT HIERDIE 4 OPSIES SMS “Subs DT” na 40573 (teen R1.00 per sms) Bel 0860 100 123 NOU met jou kredietkaartbesonderhede om ’n debietorder te reël EFO of Direkte Deposito betaalbaar aan Ramsay Media Pty Ltd Bank Nedbank Takkode 12320900 Rek 1232073059 Rekeningnaam Ramsay Media Pty Ltd Verwysing Jou van + sel- /intekeningno. E-pos dan die betalingsbewys na subs@magsathome.co.za of faks dit na 0866 704 101 Teken aanlyn aan by www.magsathome.co.za Navrae bel 0860 100 123 of e-pos subs@magsathome.co.za Dié aanbod eindig 26 September 2016 In SA kos ‘n jaarlikse intekening (12 uitgawes) net R350 en ‘n hernuwing R340. Laat asseblief tyd toe vir die verwerking daarvan. Alle plaaslike pryse sluit BTW in. ‘n Jaarlikse intekening vir oorsese intekenaars kos R604.…