Innholdsfortegnelse for August 2016 i Die Tuinier Tydskrif

Hoe die ontwerpers dit regkry om hul idees in hul skoutuine te verwesenlik, het my die meeste by vanjaar se skou getref. Sommige het inspirasie uit die natuur geput, soos Cleve West gedoen het toe hy na sy kinderjare teruggekyk en ʼn eikebosland ontdek het. Andy Sturgeon het die idee van die grootsheid en ruimte van die Natural History Museum, wat hy as kind besoek het, weergegee. Dit gaan nie net oor die skep van ʼn mooi tuin nie – dit gaan oor wat die ontwerpers sien, hoe hierdie beeld vertolk word en watter idees ons daaruit kan neem. Ek het in elke tuin van iets gehou, van party meer as van ander, en geinspireerd teruggekeer met ʼn duisend idees en ʼn gevoel van nuwe krag en opgewondenheid oor ons…

KRY DIE VOORKOMS Hierdie tuin is prentjiemooi met die tuinier wat rose slim gebruik het om ʼn gemengde aanplanting af te rond. Gloeiende ‘Salmon Sunsation’- en ‘White Sunsation’ -rose is in ʼn massa tussen pienk en wit engelvlerkies met sterk groepe Margaret Roberts-laventel geplant en met ʼn geknipte heining van goue Duranta ‘Sheena’s gold’ omrand. Die kruik vol pelargoniums, engelvlerkies en solanum in dieselfde kleurskema dien as hooffokus. Ander beddingrose wat met dieselfde effek gebruik kan word, is ‘Tawny Profusion’, ‘Deloitte and Touche’, ‘Ice Sunsation’, ‘Granny’s Delight’, ‘Dawn Sunsation’ en ’Pink Profusion’. ROSESORG VIR AUGUSTUS • Rose wat nie in Julie gesnoei is nie, kan nog gedurende die eerste week van Augustus gesnoei word. In baie koue gebiede hoef eers aan die einde van Augustus gesnoei te word. • Rose…

MODEBLARE Blaai deur enige dekortydskrif en daar is dik stele met dramatiese blare wat enorme glasvase versier. Jy sal ook opmerk dat grootblaarplante soos die ou huispalm blykbaar weer mode is. Moet jy dit nie dalk oorweeg om ʼn paar grootblaarplante in jou tuin te plant vir blare vir die tipe binnenshuise rangskikkings nie? Oorweeg die volgende vir veelsydigheid binne sowel as buite Jare gelede was daar ʼn Monstera deliciosa (geraamteplant) in elke voorkamer en op elke stoep. Hierdie “monsters” het van hul mosstutstokke ontsnap om later groot stukke muur te bedek. In gematigde klimaatstreke is hulle saam met nog ʼn groen reus, Philodendron selloum, in die skadu van bome geplant vir die tropiese voorkoms waarvoor soveel tuiniers lief is. En nou is hul blare weer mode en kan tot…

Dit is die veiligste om eerste in die lente wortels, beet, radyse en rape te saai wat by laer grondtemperature ontkiem. Hulle het die beste geur as hulle gedurende koeler maande gekweek word en is uitstekende plekbespaarders omdat hulle ondertoe groei, wat hulle ideaal maak vir klein tuine. Wortelgroente hou van volson en brokkelrige grond wat nie te vrugbaar is nie en maklik dreineer. Die wortels ontwikkel swak in swaar of verdigte grond, wat egter ligter gemaak kan word deur dit twee maal om te spit om dit te belug en growwe kompos by te voeg. Wisselbou Plant wortelgewasse na gewasse soos blomkool, broccoli of kool waarvoor die grond verryk is omdat hulle nie van vrugbare grond hou nie. WENKE VIR SUKSES • Dun wortels uit anders sal die oes…

Daar was eers ‘n snaakse geroggel en toe ‘n rare gebloep-bloep in die badkamer. Omdat ek nog deur die slaap was, het ek my nie juis daaraan gesteur nie. Ek het gedag dis maar net my kop wat vroegoggend nog ‘n bietjie raas. Maar, net voor ek my neus in my eerste oggendsopie boeretroos kon druk om die verkwikkende aroma van koffiebone in te snuif, kom daar ‘n wanklank met ‘n ander geur deur die lug aangesweef. En toe, weet ek daar’s groot probleme onder die wasgoedlyn by die agterdeur. Rou riool het oornag by die deksel van ‘n ondergrondse rioolpyp uitgestoot en oop en bloot op die baksteenplaveisel gelê. Liewe leser, ek besef dat hierdie sekerlik nie ‘n onderwerp is waaroor gereeld gesels word nie. Dis nou te sê,…

Vier die lente by Garden World se jaarlikse Lentefees, wat van Vrydag 29 Julie tot Sondag 4 September tuiniers inspireer met bekroonde ontwerperstuine. Vanjaar is die skou die grootste ooit met 22 tuine wat meeding om die beste op die skou te wees. Dit sluit in die werk van 12 tuinargitekte wat die eerste keer deelneem. Internasionaal erkende ontwerpers Ray Hudson en David Davidson is weer eens uitgenooi om vanjaar se Kirstenbosch Suid-Afrikaanse Chelsea-uitstalling te ontwerp, en hulle gaan dit weer by Garden World herskep. Daar is vanjaar selfs meer klem op waterslim tuinmaak met uitstaltuine deur Rand Water, en SANBI se twee belangrike botaniese tuine, Walter Sisulu en Pretoria. Die lentefeesprogram van praatjies sluit in: die immergewilde Margaret Roberts oor kruie, ʼn moeder-en-kind-blommerangskikkingswerksessie, moderne maniere om te opsikleer en…

Die maklikste manier om met die natuur in voeling te bly en ʼn bietjie huislikheid en styl aan enige kamer te verleen is die huisblomplant. Danksy moderne kweektegnieke en hipermoderne kweekhuise kan ons kies en keur uit ʼn menigte blomgunstelinge soos usambaraviooltjies, krisante, siklame en asaleas, om maar net ʼn paar te noem. Die voordeel van die kouer maande is dat die blomme van baie huisplante veel langer as gewoonlik in die somer hou. Jy maak dus ʼn goeie plantbelegging as jy nou ‘n lus vir die oog koop. Reels vir huisblomplante Hou by hierdie basiese reels en jy sal die plesier en waarde van huisblomplante he: Water: Te veel daarvan is soms die rede waarom huisplante doodgaan. Die sleutel tot sukses is eenvoudig in jou tassin gelee. Druk jou…

Die meeste pelargoniumhibriede word geraniums genoem. Hierdie naam was van toepassing op die gewilde tuin- en potplante sedert hulle die eerste keer in die 1770’s verbou is toe die eerste plante wat hoofsaaklik in Suid-Afrika versamel is, na Europa weggevoer is. Hulle word vandag steeds in groot getalle wereldwyd gekweek vir lente- en somerkleur. Baie internasionale sportgeleenthede bewys hoe gewild hierdie plante is, met malvarangskikkings wat televisieskerms versier. Plaaslik hou pelargoniums aan om ʼn kleuregloed aan die laatwinter en lentetuin te verleen. ʼn Mens kan met sekerheid se dat die meeste hibriede wat vandag gekweek word uit spesies van Suid-Afrikaanse oorsprong ontwikkel is, hoewel ʼn paar spesies buite ons grense in tropiese Afrika, die Midde-Ooste en Australie voorkom. Hoofgroepe Pelargoniums word volgens hul fisiologie en groeiwyse in vyf of ses…

Jy het nodig: SA dennehout soos volg gesny: 6 x (500 x 155 x 25 mm) vir die voor- en agterkant 6 x (200 x 155 x 25 mm) vir die sykante 18 x (200 x 80 x 25 mm) vir die onderkant 2 x D-harpe (10 mm) 2 x stukke tou (700 x 12 mm) 2 x stukke tou (2200 x 12 mm) 6 swaardienskabelbinders 80 snyskroewe (4 x 40 mm) Ligte eikehoutverseelaar Gereedskap: ʼn Maatband, kombinasiewinkelhaak, potlood, handsaag, beitel, rubberhamer, bandskuurder, verfkwas, 16 mm-boorpunt en raamklampe 1 Merk die 30 mm-vingerlasse op die sykantstukke met ʼn maatband en kombinasiewinkelhaak uit. Die diepte van die vingerlasse moet die dikte wees van die hout wat jy gebruik. Dra hierdie merke oor op die voor- en agterkantstukke. 2 Saag en beitel…

sitrusbome Sitrusbome word gewoonlik om hul vrugte gekweek, hoewel sekere sitrussoorte eerder om hul sierlike bekoring as die voedingswaarde van hul vrugte gebruik word. Hierdie sitrusbome, wat dikwels ornamentele of miniatuurlemoenbome genoem word, dra ʼn massa klein vruggies wat nie juis smaaklik is nie. Hulle is egter mooi fokusplante vir potte op sonnige patio’s en rondom swembaddens. Wees op die uitkyk na hierdie “ornamentele sitrusbome” – hulle is onoortreflik om daardie romantiese bekoring aan die tuin te verleen, veral wanneer die boompies toe onder die geurige bloeisels is. x Citrofortunella microcarpa (kalamondin) Dit is ʼn groot struik, soms ʼn klein boompie, met ʼn digte, bosagtige groeiwyse wat heeljaar met welige groen blare beklee is. Die blare vorm die perfekte agtergrond vir die massa wit bloeisels wat die plante ʼn paar…

Jy het nodig: ● ʼn Kruik of ou tuinpot wat rond en redelik hoog is – die pot moet ongeveer 25 cm wyd wees ● 10 stele wit irisse ● 10-20 stele Liriope ‘Pure Blonde’ ● 10-15 stele bontblaar-veronica, sonder blomme ● ʼn Goed geweekte blok bloemisteskuim MAAK SÓ 1. Druk die lip van die kruik liggies in die skuim in. Sny met ʼn mes al op die binnerand van die kruikmerk langs sodat die skuim knus in die kruik inpas. 2. Sny die irisse die regte lengte (dieselfde hoogte as die bol van die kruik plus 2 tot 5 cm om in die skuim in te druk). Sit een iris in die middel van die bol. Voeg nog een by, teen ʼn effense hoek met die eerste. Sit irisse…

1 AKTIVEER JOU GROND Easy Green Humic Total Soil Activator verbeter grond binne ‘n kort tydjie. Die produk is heeltemal organies en niegiftig, en bied voordele soos verhoogde wortelgroei, verbeterde grondbelugting, verbeterde stikstof en voedingstofopname, en dit ontgiftig ook die grond. Dit breek ook kleigrond af en verleen tekstuur aan sandgrond terwyl dit voordelige grondmikro-organismes aanwakker. Hierdie wateroplosbare produk ontsluit voordelige fosfate en brand nie plante nie. Dit kan vir alles gebruik word, waaronder grasperke, vrugtebome, rose, sierplante, bonsai’s en groentetuine. www.easygreen.co.za 2 DEKORATIEWE WATERDIGTING Coprox Waterproof Dualcoat is ʼn maklike en effektiewe waterdigting of dekoratiewe muur en vloerbedekking met ʼn sementbasis wat geskik is vir binneoppervlakke soos badkamers, storte en kombuise. Dit verskaf waterdigting en ʼn esteties mooi dekoratiewe afwerking alles in een stap. Dit skakel die behoefte aan…