Innholdsfortegnelse for July 2016 i Die Tuinier Tydskrif

KORTLIKS Ligging: Knysna Ouderdom: 7 jaar Grootte: 660 m2 Grond: Sanderig Ontwerper: Sustra Jacobs Afgeneem: November 2015 Toe Sustra en Johan Jacobs in 2009 besluit hulle is klaar met hul besige lewens in Gauteng en op die mooie Knysna gaan aftree het, het hulle begin om hulle eie stukkie hemel op Thesen Islands, ʼn waterkantontwikkeling in die strandmeer, te maak. Die erwe is klein en die behuising redelik dig, tog gee die vele uitsigte op die strandmeer en waterwee ʼn unieke ruimheid aan die ontwikkeling, asook genoeg privaatheid vir elke huis. Sustra, ʼn bekwame ontwerper met ʼn diploma van die Lifestyle College of Landscape Design in Johannesburg, het presies geweet hoe om hieruit munt te slaan en het haar klein tuintjie omskep in ʼn plek wat groter lyk as wat…

Snoei is die prosedure waarvolgens dele van plante uitgesnoei of verwyder word met die uitdruklike doel om die groei en prestasie van veral houterige plante te verbeter of te manipuleer. Plante in die natuur word dikwels natuurlik gesnoei deur wind en ander weerverskynsels waar swak groei en takke afgeskeur word. Die hoofrede vir snoei in tuine is om van dooie of siek hout of onooglike, onproduktiewe groei aan plante ontslae te raak. Dit verbeter die vorm en voorkoms van bome, struike en rankers, en verhoog in baie gevalle die gehalte van blomme en vrugte. Deur van al die nadelige groei ontslae te raak, word voordelige groei verder sterk aangemoedig. Dit is in wese waarom snoei so ʼn belangrike deel van goeie tuinmaak is. Baie is al geskryf oor die grondbeginsels…

12 MAANDE SLEGS R350 INTEKENING IS MAKLIK KIES UIT HIERDIE 4 OPSIES SMS “Subs DT” na 40573 (teen R1.00 per sms) Bel 0860 100 123 NOU met jou kredietkaartbesonderhede om ‘n debietorder te reël EFO of Direkte Deposito betaalbaar aan Ramsay Media Pty Ltd Bank Nedbank Takkode 12320900 Rek 1232073059 Rekeningnaam Ramsay Media Pty Ltd Verwysing Jou van + sel- /intekeningno. E-pos dan die betalingsbewys na subs@magsathome.co.za of faks dit na 0866 704 101 Teken aanlyn aan by www.magsathome.co.za Navrae bel 0860 100 123 of e-pos subs@magsathome.co.za Dié aanbod eindig 24 Julie 2016 In SA kos ‘n jaarlikse intekening (12 uitgawes) net R350 en ‘n hernuwing R340. Senior burgers (63 jaar en ouer) betaal net R335 vir nuwe intekeninge en hernuwings. Laat asseblief tyd toe vir die verwerking daarvan. Alle…

Elke tuin het “kaal kolle”, stukkies oop grond tussen plante waar iets doodgegaan of nie toegegroei het nie. Wat die oorsaak ook al is, kan hierdie plekke toegemaak word met geskikte klein plantjies. Hier is drie bekoorlike winterblommende plante wat uitstekend werk. Armeria maritima (seepienk) Seepienk is ʼn lae, polvormende meerjarige met ʼn digte basis van skraal donkergroen blare wat 12 cm lank kan word. Gedurende die winter en lente verskyn regop blomstingels uit die middel van die plant met geronde trosse klein blommetjies wat nogal soos klein tromstokkies bo die blare uitsteek. Kleure wissel van wit tot pienk en rooipienk of kersierooi. Dit is ideaal vir plekke in volson met goed gedreineerde grond en is bestand teen koue en ryp. Iberis sempervirens (meerjarige skeefblom) Dit is ʼn spreidende immergroen…

Ons Suid-Afrikaners hou daarvan om buite te wees, en ʼn bietjie koue gaan nie keer dat ons ons tuine en patio’s geniet nie. ʼn Paar nuwe verwarmingsprodukte maak egter hierdie ruimtes ʼn bietjie knusser en laat ons toe om lekker warm buite die huis te wees al is dit koud. Earthfire het hierdie wonderlike vuurputte wat hitte en ʼn kookoppervlak tegelyk verskaf. Die duursaam geglasuurde oppervlak, buite sowel as binne, stoor hitte en straal warmte uit selfs nadat die vuur uitgebrand het. ʼn Geslote tweestuk-ashouer maak dit skoon en heeltemal veilig om op ʼn houtdek te gebruik en dit sowel as die staander is poeierbedek vir ʼn duursame afwerking. www.earthfire.co.za Die vuurputte van Megamaster is te kry in ʼn reeks oulike ontwerpe, soos hierdie een genaamd London Boma. Die voordeel…

Manchester, trotse geboorteplek van die nywerheidsrevolusie ongeveer 200 jaar gelede wat sy plek as vername sentrum van innovering en skeppendheid behou het, is vandag bekend vir sy skerp Noord-Engelse gees. Dit is dus nie verrassend dat die stad die tuiste van die wereld se eerste stedelike tuinfees, “Dig the City”, is nie. Ek is altyd op die uitkyk na nuwe tuinmaakneigings en het verlede jaar besluit om te gaan kyk wat daar aangaan. Dit duur sewe dae en stel gemiddeld 100 000 mense per dag bloot aan tuinmaak. Die voorste tuinontwerper en Chelsea-veteraan Diarmuid Gavin het die 2015-skou bekendgestel en geen doekies omgedraai toe hy dit besing het as anders as die “verkrampte tuinfeeste” elders nie. Hierdie fees gaan daaroor om tuinmaak prettig en toeganklik vir almal te maak, en…

KRY DIE VOORKOMS Geen roostuin lyk so in Julie nie, maar met snoei en grondvernuwing kan alle rose in toptoestand wees vir die eerste rosedrag in Oktober. Die sagte pienk van ‘Towering Rose Magic’ teen die pilare word weergegee deur komplementere skakerings van pienk edelrose soos ‘Bewitched’ voor en ‘Roberto Capucci’ agtertoe. In Julie het die meeste tuiniers ʼn afspraak met hul rose – die veel verwagte wintersnoeiritueel wat een seisoen afsluit en die rose voorberei vir die volgende. Winterrosesnoei gee rose ʼn nuwe begin. Ou, siek of takkiesrige groei word uitgesny om die oorblywende gesonde takke aan te moedig om uit te spruit en die middel word oopgemaak om lig in te laat vir beter groei. Snoei gee die bos ook vorm en maak dit netjies. Rose wat die…

Jy het nodig Steierplanke soos volg gesny 4 x 1600 mm x 240 mm x 50 mm 2 x 1240 mm x 240 mm x 50 mm 28 x 18 mm x 230 mm-tappenne Houtgom Houtverseelaar Gereedskap ‘n Skaafmasjien, bandskuurder, elektriese boor en ʼn 19 mm-boorpunt, ʼn saag, raamklampe en ʼn beitel Maak só 1 Skaaf al die lang sykante van die planke om seker te maak hulle is heeltemal reguit. 2 Voeg twee 1600 mm-planke aan mekaar aan hul geskaafde kante deur 19 mmgate 120 mm diep en 160 mm uitmekaar in elke voegvlak te boor. Maak seker die gate op die voegvlakke is in lyn met mekaar. 3 Wend houtgom ruim in die gate en langs elke voegvlak aan. Steek die tappenne in en voeg die twee vlakke…

Binnehowe moet ʼn gevoel van omsluiting he of die eintlike of geimpliseerde “mure” nou gevorm word deur ʼn heining, latwerk met mooi klimoppe of ʼn ry plante. Die mure verskaf ʼn doek vir dekoritems of word met plante versag, en van die vloer kan ook ʼn sierfokuspunt gemaak word met plaveistene en plante. Oorweeg hierdie punte wanneer jy jou binnehoftuin ontwerp: Maak dit prakties ● Dink aan die plek as ʼn nuwe gedeelte van jou huis. Maak ʼn buitevertrek en ontwerp dit soos in die huis om die vloei van binne na buite naatloos te maak. Ontleed jou binnenshuise ontwerpstyl en bring daardie styl en kleurtema in die binnehof en tuin in.● Besluit hoe jy die ruimte wil benut en of dit is vir onthaal, speel, ontspanning, die kweek van…

Blitswenke Gebruik ʼn kniekussing (te kry by tuinsentrums) om op te kniel of bedek die kniee van jou ou tuindenimbroek met dik lae silikoonjel (laat dit eers droog word voor jy kniel). Dit is baie seer om modderige kniee agterna te skuur en ou, skurwe kniee vol modderoorblyfsels kan ʼn ware passiedoder tussen die lakens wees! Dit kan ʼn duur storie wees om fiks en viets te word as jy die koste van gimnasiumlidmaatskap oorweeg – sweterige en troostelose instellings met dolle spitstye en besige parkades, gemeenskaplike badkamers, tirannieke persoonlike instrukteurs wat soos die Hulk lyk en waterdigte kontrakte wat jou vir eeue bind. Nog ʼn punt om te oorweeg is dat jy nie sommer daar kan aankom in rubberstewels, ʼn T-hemp en ʼn ou denim waarvan die beste dae…

BLITSWENK Betrek jou kinders by die dinkskrum en kartering van pretontwerpelemente. Dit is ook hul tuin, en jy sal verbaas wees oor die speelse elemente wat hulle aan die hand doen wat hulle dalk net van die TV weglok om buite te speel! AKSIE 1 TEKEN ’N TUINPLAN Dis baie maklik om ʼn tuinontwerpplan op te stel vir ʼn nuwe stuk wat jy wil beplant of ʼn oue wat opgekikker moet word, en midwinter is die ideale tyd om dit aan te pak. Blaai deur boeke en tydskrifte vir idees, neem foto’s van jou tuin, gryp ʼn stuk grafiekpapier om jou te help om die skaal te beplan, maak ʼn glas vol soet sjerrie en begin teken. PRETTIGE FOKUSPUNTE VIR ’N GESINSTUIN ● Maak voorsiening vir ʼn miniatuurlandskap soos ʼn…

Mikroblaargroente is groen blaargroente soos Asiatiese blaargroente, beet, klein spinasie, kool, radyse, roket en koringgras wat dig gesaai word in saaikissies en binne 10 tot 14 dae na ontkieming geoes word wanneer hulle vier tot ses ware blare gemaak het. Kry saaikissies binnenshuis aan die gang in ʼn warm, goed verligte kamer op ʼn warmtekussing, indien nodig. Laat plantjies na ontkieming in ʼn sonnige kamer of buite op ʼn sonnige, maar beskutte plek aangroei. ʼn Sonnige vensterbank is goed, maar skuif die kissies saans van die venster af weg omdat die temperatuur gewoonlik oornag en in die vroee more te laag daal. Maak ‘n uitspruiter Al wat jy nodig het, is ʼn wyebekglasfles, kaasdoek en ʼn rekkie. • Sit die sade in die fles, bedek hulle met water en week…

Gauteng Saterdag 16 Clivias: Interspesifieke skou Interspesifieke clivias word vertoon, kundiges gee raad en demonstrasies word heeldag gehou. Laerskool Rooihuiskraal, h.v. Panorama- en Maraboestraat, Rooihuiskraal Toegang is gratis Navrae: Martin 083 937 5216 of 012 656 1904 Vrydag 22 en Saterdag 23 Werksessie: Maak droomvangers Voorafbetaalde bespreking noodsaaklik. R300 per geleentheid. Navrae: Patsy Vergeer, Die Kruie en inheemseplantgilde, 011 393 3427, 076 265 4948, patsyspotions@vergeer.co.za, www.patsyspotions.co.za Saterdag 23 Orgideeverkoping en opedag ‘n Groot verskeidenheid blommende orgideë en versamelbare plante is te kry. Plantae Orchids, Brits Navrae: Nollie 084 752 6823, Tinus 084 458 1199, info@plantae.co.za, www.plantae.co.za KwaZulu-Natal Saterdag 23 – Sondag 24 Queensburgh Jaarlikse Orgideeskou Plante is te koop. Kloof-stadsaal, Old Mainweg, Kloof Toegang: Volwassenes R15, leerders R10 Navrae: Jimmy 082 809 1572…

Jy het nodig PVC-pyp: 6 x 110 mm x 68 mm 40 x 50 mm x 68 mm 50 x 40 mm x 68 mm Dennehout vir die raam: 2 x 600 mm x 68 mm x 20 mm 2 x 438 mm x 68 mm x 20 mm 8 x 4 mm x 30 mm-voldraadsnyskroewe 4 x 3 mm x 20 mm-snyskroewe PVC Weld Rustoleum swart spuitverf en hul Hammered koper spuitverf Kontakkleefmiddel Gereedskap ʼn Maatband, ystersaag, houtsaag, koordlose boor/skroewedraaier, versinkboorpunt Maak só: 1 Saag die hout en PVC-pyp volgens die snylys. 2 Sit die raam van 600 mm by 478 mm aanmekaar deur gate te versink en die stukke aanmekaar te skroef. 3 Sit al die PVC-sirkels lukraak in die raam om ʼn mooi patroon te vorm en…

Om van die huis af te werk verg dissipline om verleidings en afdwalings af te weer. Eerstens dink almal wat deur die dag leeglê dat jy dieselfde doen, al is jy flink tikkende op jou rekenaar agter jou lessenaar - seker omdat jy soms teen middagete nog steeds in jou nagrok daar sit. Omdat hulle jou kan sien, dink hulle jy is daar om kort-kort vrae te beantwoord of sommer net te gesels. Hulle besef nie dat jy eintlik besig is om uiters hard te dink nie. Om die waskamer (my tuiskantoor) se deur toe te klap in iemand se gesig of om ‘n bordjie met “voertsêk” daarop oor die tuinhekkie te hang, is seker nie reg nie? So het dit gebeur dat ek na ‘n tydjie waarin sonskyn maar…