Innholdsfortegnelse for February 2016 i Die Tuinier Tydskrif

Die span van Die Tuinier kom baie selde ʼn tuin teë wat eenvoudig verstommend is! Hierdie rare vondse trek gewoonlik nie aandag nie, en tog is dit propvol van die wonderlikste idees en innoverende denke. Kevin het in Bonnie Doon, Oos-Londen, op een so ʼn tuin afgekom, en mense, is dit nou ʼn genot! Baie dankie aan Wessel Strydom dat hy ons in sy geheime paradys toegelaat het – jy is voorwaar ʼn talentvolle tuinier! Julle almal gaan dol wees oor sy skeppende tuin, blaai dus na bladsy 8 vir ʼn lokloertjie. Gerald neem ons op ʼn reis van klein loofplantjies met GROOT trefkrag, en ek weet dat sy woorde jou sal oorhaal om ʼn paar van hulle op hierdie maand se tuinsentruminkopielys te sit. Hul eienskappe is fenomenaal, en…

Garden World hou jaarliks hul Lentefees waar hulle vir ons die nuutste op die tuinmaakfront bring. Ons deel graag ʼn paar van ons gunstelingskoufoto’s. Muurkuns Die skoutema was “Nature’s Bounty”, en hierdie muurfokuspunt het die verskeidenheid getoon wat die natuur aan te bied het terwyl dit ʼn tasbare, kleurvolle en tekstuurelement vir die tuin skep. Herwonne sjiek Boeke is al geskryf oor die opsiklering of herwinning van houtpalette, en die idees hou net aan verskyn. Die byvoeging van rolwiele aan hierdie donker gebeitste tafel dra tot sy bekoring by. Houerontwerp Hierdie betonballe is op twee baie verskillende maniere behandel om dele van die tuin met verskillende style af te rond terwyl dit steeds by die algehele styl van die tuin bly. Vuurputte Hierdie eenvoudige vuurhouer pas vernuftig aan by die…

Kry bymekaar ● 15 stingels elk van twee soorte pienk rose (30 stingels altesaam). Kies ’n kersierooi en ’n tweekleur in ’n ligter skakering van pienk ● 3 verskillende miniatuur vetplante, insluitende ’n woestynrosie (echeveria), in potte ● 5 stingels van die Geraldton wasplant in ‘n laventelskakering ● 3 stingels pienk pomponkrisante ● 1 blok bloemisteskuim ● ’n handvol mos Die kleure van die woestynroos het hierdie ontwerp geïnspireer. Bekyk een gerus en jy sal skakerings van pienk, pers en kersierooi in die plant se blare sien. Toe ek op hierdie ovaalvormige, blink druiwekleurige keramiekhouer afkom, het ek geweet dat dit net die regte houer vir hierdie rangskikking sou wees. Maak só • Sny die bloemisteskuim sodat dit in jou houer pas, maar sorg dat daar genoeg plek is vir…

Aloe barberae (boomaalwyn) is ʼn enkelstammige aalwyn wat in oop grond tot 20 m hoog kan groei, maar dit sal nie so sterk groei as dit in ʼn pot gevange gehou word nie. Dit vertak hoog en wyd met groot rosette smal donkergroen blare wat ondertoe buig. Gedurende die winter verskyn roospienk tot appelkooskleurige buisblomme. Dit is ʼn uiters statige en dramatiese plant! GEE DIE HITTE ’N UITKLOPHOU! Beplant groot houers weer met plante sonder fiemies wat daarvan hou om in die middagson te wees en blywende krag as sterk fokusplante het. Hier is ʼn kort lys van wat om te plant en op verlief te raak: Sansevieria trifasciata ‘Laurentii’ (skoonma-se-tong) maak baie elegante polle sukkulente “tonge” wat grys-groen horisontale strepe en ʼn opvallende room tot geel rand het. Agave…

1 GWANOKORRELS Die splinternuwe Gwano Pellets van Protek is ʼn 100% organiese, koolstofverrykte misstof wat van gekomposteerde hoendermis gemaak word en mikro sowel as makrovoedingstowwe bevat. Hierdie gebalanseerde algemene misstof is geskik vir jou hele tuin, en is ideaal vir alles van grasperke tot bome, struike, vrugtebome, rose, groente, kruie en blom en vrugtedraende plante. Sien www.proteksa.co.za vir meer inligting. 2 PROTEK KEMPRIN Protek Kemprin is ‘n hoë konsentrasie kontak- en maaginsekdoder, verpak in 50 ml en 200 ml bottels. Kemprin beheer ‘n breë spektrum tuininsekte, insluitende bolwurm, plantluise, kommandwurm, kodlingmot, snywurms, stamboorder, vrugtevlieg, kalander, valskodlingmot, grasperkruspe, lusernruspe, stinkbesie, blaaspootjie, krieke, grasdraertermiete, witluis, blomkewer, lelieboorder en witvlieg. Sien www.proteksa.co.za vir meer inligting. 3 KETER DINAMIESE KOMPOSMAKER Die Keter Dynamic Composter is die mees ergonomiese en veiligste manier om kompos te…

Om net die gastelys vir ‘n bruilof op te stel is vergelykbaar met die optrek van ‘n gedetailleerde ontwerplan vir ‘n tuin. ‘n Mens moet met dieselfde kreatiwiteit dink en die beperkings en valstrikke is ewe uitdagend! Ek twyfel of die bogenoemde vergelyking al ooit deur die kop van ‘n professionele tuinargitek gemaal het, maar aangesien ek ervaring het van beide landskapontwerp en tot ‘n mindere mate die beplanning van ‘n troue, dink ek ek weet waarvan ek praat. Met hierdie rondte het ek met die moeilikste ‘kliënte’ ooit te doen - ‘n bruidspaar. Die ander ding wat ek pas met ‘n groot skok besef het terwyl ek besig was om my bedenkings in woorde om te sit, is dat ek nou die ene aan die betaalkant van die ‘projek’…

Bome met soetgeurige blomme is baie gesogte tuinplante. Hulle bied nie net skadu, beskutting, beskerming en privaatheid nie, maar bekoor ook nog deur ʼn bedwelmende geur aan die lug te verleen as hulle blom. Baie van hierdie bome word gekweek van die trope tot in die kouer gematigde klimaatstreke. Hier is drie geurige immergroen bome wat jy ook kan plant. Magnolia grandiflora (louriermagnolia) dra van die somer tot die herfs enorme (tot 25 cm in deursnee) wasagtige wit of ivoorkleurige blomme. Groot glansende groen blare (soms met ʼn fluwelige bruin onderkant) is die perfekte agtergrond vir die indrukwekkende blomme. Bome van bo 30 m hoog kom in hul natuurlike habitat voor, hoewel tuineksemplare selde 12 m oorskry. Kultivars met stadiger, kompakter groeiwyses is te kry, met M. ‘Little Gem’ wat…

‘Pot de fleur’ is ʼn blompot in Frans. ‘Pot-et-fleur’ is egter ʼn blommerangskikkingstyl wat lewende plante met vars snyblomme meng om ʼn mooi vertoning vir tafels binne sowel as buite te maak. Die doelwit is om hoofsaaklik lewende plante te gebruik wat gelukkig in die grond sal aanhou groei (en in sommige gevalle weer te blom), maar ook om dit met vars snyblomme aan te vul wat gereeld vervang kan word vir ʼn nuwe voorkoms. IDEE EEN: PRETTIG IN PIENK ● Wanneer jy jou ontwerp beplan, kies plante wat soortgelyke groeivereistes (lig en water) het. Ons het ʼn delikate Phalaenopsis-orgidee in blom, ʼn nooienshaarvaring (Adiantum capillus-veneris) vir ʼn tikkie groenigheid en ʼn baie kleurryke Peperomia caperata-hibried gebruik. ● Vir hierdie pot-et-fleur het ʼn houtkissie wat met plastiek uitgevoer is met…

Hierdie maklik maakbare klein plantskappies in fyn glas is ideaal om ʼn kantoorlessenaar, koffietafel of buffet groener te maak. En omdat terrariums vogtige, geslote ekostelsels is, werk hulle as selfonderhoudende kunsvorms. Op jou merke... Daar is baie houers om van te kies – glas of helder plastiek, oop of geslote, en in allerhande vorms – maar gladde glas sal die beste uitsig bied op die plante binne-in. Sodra jy jou houer gekies het, kan jy jou plante begin uitsoek. Geslote houers het meer vogtigheid en skep eerder ʼn oerwoudatmosfeer, wat die plantkeuse beperk tot dié wat jy in die binnenshuise afdeling van die tuinsentrum sal vind. Oop houers is ideaal vir plante soos sukkulente wat van minder vogtigheid hou. Wat jou keuse ook al is, kies plante met ʼn mengsel…

KORTLIKS Plek: Bonnie Doon, Oos-Londen Klimaat: Subtropies Groote: 2000 m2 Grondsoort: Afkomstig van kwarts Aansig: Noordwes Ouderdom: 2 jaar Ontwerper: Wessel Strydom Afgeneem in: Oktober Dit is van tyd tot tyd my voorreg om ʼn tuin te besoek wat my laat nadink oor hoekom ons in die eerste plek tuine maak. Daar is natuurlik minstens net soveel antwoorde op hierdie vraag as wat daar tuiniers is. Sommige van ons maak tuin om voedsel te kweek, ander bloot om met blomme prag in ons lewens in te bring. En dit is heeltemal geldige redes. ʼn Paar tuiniers beantwoord egter die vraag uiters persoonlik, en hul tuine raak buitengewone landskappe, die lewende geskiedenis van hul lewensreis. Wessel Strydom is so ʼn tuinier en sy “Hanging Gardens of Bonnie Doon” in Oos-Londen is…

Tuine word al kleiner, wat die dinamika en samestelling van moderne voorstedelike landskappe verander. Die koste en skaarsheid van water beïnvloed ook plantkeuse en tuinmodes, iets waarvan ons tans baie bewus is. Dit het taai, langlewende plante wat blywend in die tuin tref, maar nie te groot word nie, uiters waardevol gemaak. Voeg kleurryke loof daarby en jy het ʼn uitsoekgroep uiters nuttige plante. Kompakte, laaggroeiende loofplante word op groot skaal in kleiner tuine gebruik om ʼn permanente raamwerk te maak waarom gewerk kan word. Treffende kontraste kan geskep word deur blare met verskillende kleure en teksture naas mekaar te stel. Loof in skakerings van rooi, grys, silwer, geel en goud, saam met baie bontblaarvorms, is die primêre plantkomponente in plantkombinasies van so ʼn aard. Hierdie ongewone kleure staan altyd…

KRY DIE VOORKOMS Die floribundaroos ‘Johannesburg Garden Club’ het sy waarde bewys deur ʼn netjiese struik te word met sagte enkelblomme wat soos skoenlappers lyk. Hoe goed komplementeer dit nie die ander sagte aanplantings in hierdie tuin nie: die silwer loof en piepklein wit lobelias voor, en die pers kraanvoëlbek en rooi valeriaan wat teen die agtergrond van struike en die klimroos ‘Eden’ uitstaan. Ander soortgelyke rose met enkel of halfdubbelblomme met dieselfde bekoring sluit in ‘Butterfly Kisses’, ‘Duncan’s Rose’, ‘Knock Out’, ‘Pixie Hat’ and ‘Single White’ en ‘Simply Charming’. Februarie is altyd ʼn maand van uiterstes, óf warm en nat óf warm en droog, en albei scenario’s bied uitdagings vir die roostuin. Die tuinier se hooftaak is om die roosbosse gesond en vol blare te hou sodat hulle siekte…

GROENTE VAN DIE MAAND Blaarryke snybeet Snybeet is die natuur se geskenk aan kostuiniers, veral beginners, omdat dit so ʼn maklike, lonende groente is om te kweek. Kweek dit heeljaar in gematigde tot sagte klimaatstreke. Dit lyk nie of plae dit lastig val nie, dit hou aan dra en lyk altyd welig en selfs kleurryk. Dit is ook voedsaam, synde ʼn goeie bron van vitamien A, kalsium, yster en vesel. Nie almal hou van die smaak van snybeet nie, maar dit kan wees as gevolg van hoe dit voorberei word. Moenie dit te veel kook nie, maar kook die blare liewer vinnig in baie sout water met die deksel af sodat die swael kan ontsnap, of roerbraai die gesnipperde blare in olyfolie met ʼn klontjie botter. Soorte om uit te…

DIE MOONLIGHT CALENDAR is ʼn jaarlikse plakkaatgrootte kalender wat deur die bekende maantuinmaakspesialis, Ilona Thorndike, saamgestel is. Moonlight 2016 is die elfde uitgawe van hierdie gewilde en praktiese gedrukte volkleurmaankalender en is vir die SA tydsone opgestel. Die Moonlight Calendar sluit in: • ʼn Foto van elke dag se maanvorm. • Die presiese tye van die vier hooffases van die maan. • Die presiese tye wat die maan van diereriemteken verander. • Kleurkodering wat die “vrugbaarheids”-bepaling van elke dag toon. • Afhoudende tye (die geenaksietye) voor ʼn diereriemteken verander. • ʼn Kort beskrywing vir tuinmaakaktiwiteite vir elke diereriemteken in die wassende sowel as die afnemende fase. • Die stemmingsenergie van die maan in elke diereriemteken. Die Moonlight 2016 Calendar-plakkaat is vir lesers van The Gardener/Die Tuinier verkrygbaar teen R130 stuk…