Innholdsfortegnelse for January 1, 2016 i Die Tuinier Tydskrif

KRY DIE VOORKOMS Verbeel jou hoe die toneel sal lyk sonder hierdie houers met ‘Granny’s Delight’ en ‘Granny Dearest’, en ‘Fay’s Folly’ wat ekstra hoogte verleen. Dit sou net nie dieselfde wees nie, nie waar nie? Rose versier ongetwyfeld ʼn tuin, veral wanneer sterk, moderne argitektuur vra om ʼn ewe sterk tuinfokuspunt, soos hierdie groot terracottapotte wat tuinargitek Karen Gardelli so treffend gebruik. Daar is vyf rose in elke houer: twee edelrose en drie van die ‘Granny’-varieteite. Karen se potmengsel bestaan uit riviersand, potgrond van ʼn goeie gehalte en Ludwig se roosplantmengsel (nie te veel nie, anders brand die rose). Die houers word daagliks natgemaak en twee maal per maand met Vigorosa gevoed. Na snoei in Julie verwyder sy 20 tot 30 cm van die potmengsel en vervang dit met…

Sterk gegeurde blomme het regdeur die beskawing ʼn spesiale bekoring vir die mens ingehou en sommige van die vroegste aangeplante plante is om hul geur gekweek. Struike met sterk gegeurde blomme moet egter op die regte plek geplant word om te verseker dat die bedwelmde geure nie deur die heersende winde weggewaai word nie. Weerstoestande (soos temperatuur en vogtigheidsvlakke) beïnvloed ook die sterkte of drakrag van die geur van blomme met ‘n baie fyn geur. Gardenia augusta -hibriede (katjiepiering) is waarskynlik die bekendste en dus die algemeenste gekweekte lekkerruikstruik. Hierdie mooi, netjiese immergroen struike is van die lente tot die herfs selde sonder knoppe of blomme. Die groot wit dubbelblomme is 6 tot 7 cm in deursnee, het ʼn soet geur en word geel of bruin as hulle verwelk. Baie…

Ons begin die nuwe tuinmaakjaar weer met ‘n bondige maand-virmaand-aksieplan. Knip dit uit en hou dit om jou te herinner aan die belangrikste goed om elke maand in jou tuin te doen. Met ons hulp sal jy weet hoe om jou tuin perfek te versorg, en in watter seisoen om spesifieke groente en blomme te plant en te saai. Hierdie verkorte tuindagboek sal jou ook inlig oor wanneer sommige van die gewildste plante blom en op hul beste is. KOSTUIN PLANT NOU Brandrissies – Plant verskillende varieteite saailinge waarvan baie by kwekerye te kry is. Kersietamaties – Saai saad of plant saailinge van hierdie vinnig groeiende gewas voor die winter kom. SAAI Groenteblare – Meng saam vinnig ontkiemende kruie en groentesaad soos die van wortels, beet, radyse, grasuie en blaarslaai…

KRUIE VAN DIE MAAND In die voedseltuin word ment dikwels as die oortreder beskou wat ander plante toegroei, hul kos en water opslurp, kruisteel en vervuil. Onbeteuelbare gedrag van so ʼn aard moet beslis in toom gehou word, vandaar die rede waarom tuiniers aangeraai word om ment in ʼn pot te plant en sy wortels gesnoei te hou! As jy egter ʼn vrygeestige voedseltuinier is, is hier ander maniere om ment die beste te benut. Het jy geweet dat die meeste mentvarieteite die mooiste blomme het wat skoenlappers en bye lok wat jou groente en vrugte sal bestuif? Polei wat in die tuin geplant word, weer miere af. Gebruik laaggroeiende polei of Korsikaanse ment tussen trapklippe in die kostuin. Ment as metgeselplant vir broccoli, Brusselse spruite, kool, blomkool, skorsies en…

PRYSE VIR AMAZEN Die tuin het in Junie 2015 die volgende pryse by die SALIkonvensie in Kaapstad ontvang: 1. Rand Water-beker vir die beste Waterslim Tuin in Suid-Afrika 2. Goue Sertifikaat vir Gespesialiseerde Landskapkonstruksie 3. Goue Sertifikaat vir ʼn Waterslim Tuin KORTLIKS Die belangrikste tuinmaakfilosofie – werk met die natuur en die omgewing saam eerder as om dit te probeer oorheers – is met vrug tydens die aanlê van Amazen, ʼn bekroonde bosveldtuin, gevolg. Jan en Daléne van Vuuren se bosveldtuin, Amazen, is deel van die Rooikrans Private Game Lodge in die klein dorpie Rooiberg, halfpad tussen Bela-Bela en Thabazimbi in die Limpopo-provinsie. Albei is entoesiastiese tuiniers en geesdriftig oor plante. Jan was trouens nog op skool toe hy al plante van saad gekweek en met sy eerste versameling aalwyne…

GROENTE VAN DIE MAAND Artisjok Hierdie meerjarige fynproewersgroente het plek nodig, maar hoef nie tot die groentetuin beperk te word nie – dit is ʼn lieflike fokusplant waar dit ook al geplant word. Afgesien daarvan dat dit heerlik is (as jy ʼn avontuurlike kok is), kan die blare as ʼn natuurlike lewertonikum gebruik word. Artisjokke hou van volson (maar kan wel ʼn bietjie skadu verdra) en ryk, diep grond wat goed gekomposteer is. Hulle hou nie van kleigrond nie. Spasieer plante ongeveer 2 m uitmekaar omdat elke plant tot 1,8 m hoog en amper net so wyd word. Hulle is meerjariges met ʼn kort lewensduur wat hul hoofoes in hul tweede en derde jaar dra waarna hulle vervang moet word. Kweek van saad Artisjoksaad is geredelik te kry in saadpakkies,…

Miskien gebeur die ontydige vrae vraery nie met ander mense nie, maar net met my, wat nogals ‘n bekommernis is. Dalk het ek nog nie genoeg leeggelê hier op die stoep nie (in welke geval ek dadelik vir nog verlof sal moet aansoek doen,) of dalk het ek net ‘n skroef of twee los, want meeste mense wat ek ken, het nie vrae aan die begin van die jaar nie, hulle maak dan besluite. Hulle besluit om op te hou rook, hulle besluit om op die waterkar te ry, hulle besluit om nie so baie te skinder nie, en hulle besluit om maer te word. Ek hoef gelukkig nie tussen hierdie algemeen en oubekende besluite ‘n besluit te kies nie, ek dink ek’s maer genoeg en basta! Maar, soos ek…