Innholdsfortegnelse for #1 Somer 2024 i ALLES

Die Vision Pro, wat deur Apple bestempel word as “die mees gevorderde persoonlike elektroniese toestel tot nou toe” is meer as net ’n VR-bril waarmee jy jouself naar kan speel aan rekenaarspeletjies. Apple beskryf dit as ’n “ruimtelike rekenaar” (“spatial computer”), dus ’n toestel waarmee jy digitale elemente by jou regte wêreld kan insluit. Die bril verskaf ’n koppelvlak (“interface”) wat jy kan sien terwyl jy ook jou omgewing rondom jou waarneem. Die koppelvlak word beheer deur oog-en handbewegings, sowel as jou stem. Tim Cook, die uitvoerende hoof van Apple, het by die bekendstelling gesê “die Vision Pro bou op dekades van Apple-innovering en is ligjare voor enigiets wat tot nog toe geskep is. Dit gebruik ’n revolusionêre manier om inligting in te voer en bevat duisende grensverskuiwende innovasies. Dit…

Die nuwe model in die Fold-reeks bied enkele verbeterings op die vorige generasie. Hoewel daar sedert die Z3 nie reusagtige vernuwing was nie, is dit danksy Samsung se sagteware steeds waarskynlik die beste voufoon op die mark. Die vernaamste eienskappe van die Z Fold 5 ■ Die Fold 5 kan nou heeltemal oopslaan. ■ Teen 13,4 mm (wanneer dit toe is) is dit die dunste van die Folds. Dit weeg ’n skrale 253 gram. ■ Die skarnier is versterk, wat beteken die foon kan teen enige hoek oopbly. ■ Dit het’n IPX8-watergradering en behoort ’n onderonsie met die swembad te oorleef. ■ Die skerm aan die binnekant van die vou is 7,6 duim groot en het ’n AMOLED-paneel wat vir uitstekende beeldgehalte sorg. Dis heerlik om video ’s hierop te…

Die Sony ZV-1 was reeds ’n uiters bekwame kamera, maar die Mark IIweergawe het sy grootste leemtes uitgeskakel. Die 24-70 mm-Zeiss Vario-Sonnar-lens op die eerste model was nie wyd genoeg vir vloggers nie. Die Mark II het nou ’n 18-50 mmlens wat steeds deur die gerekende Zeiss-handelsmerk vervaardig is, met ’n F1.8-4.0-lensopening. Dit beteken jy het ’n ultra-wyehoek tot jou beskikking, selfs al aktiveer jy die digitale stabilisering. Met die CMOS-sensor kan jy video in 4K skiet tot by 30p en in 1080 tot by 120p. Vir diegene wat stilfoto’s wil neem, kan die ZV-1 Mark II soos die gesogte RX100-modelle tot 24 foto’s per sekonde neem in JPEG en Raw, en kan tot 800 JPEG’s laat ophoop (“buffer”). The ZV-1 Mark II het soos sy voorganger drie mikrofone, maar…

Heliocare 360°-kapsules As jy weet jy gaan die hele dag in die son wees, soos op ’n staptog, belê in behoorlike sonbeskerming. Heliocare 360°-kapsules word aanvullend tot gewone sonskerm gedrink en word veral aanbeveel vir diegene wat ’n hoë risiko het vir velkanker of velpigmentasie. Dit bevat dieselfde aktiewe bestanddele as die sonroom. Prys: R665 by dermastore. coza Simply Beesonskerm As jy iets soek wat natuurlik op jou vel voel, kry die SPF30-sonskerm van Simply Bee. Dis gemaak van ’n byewasmengsel en kom in ’n 200 mlbotteltjie. Daar is ook ’n na-son-room in die reeks, sowel as ’n sonkerm vir jou lippe. Prys: R246 by simplybee.co.za Son-kappietop Frokkies en kapmoue is nie altyd ’n goeie idee in die bloedige hitte nie. First Ascent se son-kappietop is van ligte S’Cafe-materiaal en…

Philips Premium (7,3 liter) Met sy elegante koper-afwerking en slim-tegnologie is hierdie lugbraaier tuis in enige luukse kombuis. Die Smart Sendingtegnologie verstel self sy temperatuur en tyd na gelang van die inhoud om die beste gaarmaakresultate te lewer. Dis groot genoeg dat daar ’n tweede porsie behoort te wees! Prys: R9499 by Woolworths Haden Dual Air Fryer (9 liter) Hierdie Haden-model het twee mandjies van 4,5 liter elk, wat elkeen afsonderlik gestel kan word. Jy kan dus gelyk jou vleis en groente teen die mees geskikte temperatuur gaarmaak. Prys: R2999 by @Home/bash.com Instant Vortex 7-in-1 (9,5 liter) Dié veelsydige Vortex kan benewens lugbraai ook onder meer rooster, bak en dehidreer. Die oond het drie kookvlakke sodat jy die hele maaltyd op een slag kan berei. Jy kry twee drupskinkborde en…

CHIPOLATA-WORSIES MET MOSTERDSOUS Maak 6 Voorbereiding 5 minute Gaarmaaktyd 35 minute 36 chipolatas, verkieslik streeds gestring2 eetlepels loperige heuning15 ml (1 eetlepel) Dijon-mosterd15 ml (1 eetlepel) volgraanmosterd15 ml (1 eetlepel) harissa-smeer5 ml (1 t) olie sosatiestokkies 1 Week ’n paar sosatiestokkies vooraf in water. Dit sal verhoed dat hulle aan die brand slaan. Rol die worsstring in ’n spiraal en steek dit met sosatiestokkies vas. 2 Klits die res van die bestanddele saam tot ’n sous vorm en hou eenkant. 3 Braai die worsies oor medium warm kole totdat dit begin verbruin en amper gaar is. Moenie haastig wees nie: As die chipolatas te vinnig gaar word, bars dit oop en droog dit uit. 4 Wanneer die worsies amper gaar is, bedruip dit met die sous en braai tot hulle glansend en taai…

Vivobarefoot Hydra ESC Die Hydras is skoene wat ewe tuis is in water as op droë grond. Die skoene beweeg gemaklik deur die water en die materiaal dreineer vinnig sodat dit maklik droog word en steeds lig is, al is dit nat. Die Michelin-buitesool bied uitstekende vastrap op los klippe. Vivobarefoot is bekend vir hul breë ontwerp wat natuurlike stabiliteit bevorder. Prys: R3680 by vivobarefoot.co.za Altra Olympus 5 Altra het ’n kultusstatus bereik onder diegene met breë voete wat ekstra ruimte by die tone nodig het. Die Olympus 5 is ’n super-gekussingde skoen - die middelsool is 33 mm dik en die buitesool bevat Vibram, wat stewige vastrap bied. Dis egter veral die Altras se toonboks wat die skoene onderskei van sy mededingers. Die skoen het ’n 0 mmdaling, waaraan…

K-Way Magoeba Eco Gewig: 1,18 kg Temperatuurgradering: 3 - 150 C Afmetings wanneer ingepak: 17x 33 cm Prys: R1499 by Cape Union Mart CW400 Gewig: 915 gram Temperatuurgradering: 50 C (gerief), 00 C (perk) Afmetings wanneer ingepak: 16 x 35 cm Prys: R3599 by Naturehike First Ascent Explorer Gewig: 1 kg Temperatuurgradering: 50 C (gerief), 00 C (perk) Afmetings wanneer ingepak: 15 x 35 cm Prys: R3499 by Outdoor Warehouse…

Asus Zenbook S13 met OLED Op 1 cm is dit waarskynlik die dunste skootrekenaar met OLED tans op die mark en dit weeg skaars 1 kg. Die Asus Zenbook S13 het die 13de generasie Intel Core i7-prosesseerder en 16GB geheue en tot 1 TB stoorplek. Sy grootste pluspunt is egter sy skerm: 13 duim 16:10 2.8K met OLED HDR NanoEdge, wat vir puik beeldgehalte sal sorg. Die Zenbook het ten spyte van sy skraalheid ’n HDML-en ’n USB-A-poort. Dit het ook ’n 63Wh-battery, een van die sterkstes in sy prysklas, wat met ’n USB-C-poort herlaai kan word. Dit is een van Asus se omgewingvriendelikste rekenaars tot dusver. Dis oor die algemeen van herwinde metale en plastiek gemaak en die aluminium-deksel bied weerstand teen slytasie, roes en hittebestuur. PRYS R29 999…

Daar is ’n nuwe selfoonmaker wat in minder as twee jaar verskeie regmerke in van die voorste tegnologie-tydskrifte wêreldwyd gekry het, en in die ALLES-kantoor was ons verras om te sien dat die foon taamlik stil-stil ook in Suid-Afrika aangekom het. Nothing is in 2021 deur Carl Pei gestig (wat ook die tegnologiemaatskappy OnePlus gestig het) met verskeie groot name in die tegnologie-wêreld as beleggers. Die maatskappy se visie is om tegnologie te skep wat eenvoudig, elegant en toeganklik is. Sy eerste selfoon, die Nothing Phone 1, is in Julie 2022 bekendgestel. Die foon het die oog gevang vanweë sy unieke ontwerp, gebruiksvriendelikheid en bekostigbaarheid. Omtrent ’n jaar later het die Nothing Phone 2 sy opwagting gemaak. Van die eienskappe wat uitstaan: ■ Die raakvlak. Die unieke patroon op die…

KYK DIE VIDEO DJI is tans die baanbreker in die hommeltuigmark (lees ons artikel in hierdie uitgawe), maar hy maak ook bokspronge vorentoe in die aksiekameramark. Kom ons wees eerlik: Albei is uitstekende kameras wat verstommende gehalte video’s kan neem, en albei het sy aanhang onder sy ondersteuners. Volgens statistiek van die Internasionale Datamaatskappy (die IDC) het GoPro 1,2 miljoen eenhede van die Hero 11 verkoop in die eerste kwart van 2023, teenoor 800 000 van die DJI Action3. En DJI kan dié gaping verder laat krimp. Die GoProgebruikers brom al meer oor die Hero se oorverhittingsprobleme en sy hardnekkige nuk, om sonder waarskuwing uit te sny, wat frustrerend is as jy besig was met ’n epiese valskermsprong. Verder het GoPro begrotingsensitiewe kopers vervreem met die instelling van die subskripsiemodel…

Eienskappe wat uitstaan: 1 Danksy die meer as 30 sporttoepassings, geïllustreerde oefensessies en die Garmin Coach sal jy doelgerig en doeltreffend oefen. 2 Die Venu 3 het nou ’n mikrofoon en luidspreker, wat dit moontlik maak om oproepe deur die horlosie te maak en te ontvang. Jy kan ook musiek luister deur die horlosie. 3 ’n Slaap-afrigter is bygevoeg om jou slaappatrone dop te hou en persoonlike aanbevelings te maak. Die horlosie wys jou nie net hoeveel jy geslaap het nie, maar ook die gehalte van jou slaap en hoeveel slaaptyd jy nog nodig het. Dit wys jou ook wat jou “lyfbattery” pap maak (wat jou dus moeg maak). 4 Onder die talle sport-modusse is daar nou ’n spesiale modus vir rolstoel-atlete. Rolstoel-modus bevat spesifieke metings vir kragoefeninge, HIIT, Pilates…

1 Gaan groen Voed jou vel met superkosse wat ryk is aan nege antioksidante – van broccoli tot vlassaad. Hierdie gesigolie gee jou vel nuwe glans. Prys: Elemis Superfood Facial Oil, R1 145, za/elemis.com. 2 Vir die MAC-liefhebbers MAC se eerste ernstige velsorgprodukte is geïnspireer deur hul grimeerkunstenaars se begeerte om kliënte se vel te verbeter sodat jou grimering beter sal lyk en langer sal hou. MAC Hyper Real SkinCanvas Balm Moisturizing Cream is ’n kombinasie van Japannese pinksterrose, niasinamiede, hialuronidase-suur en keramiede. Prys: R989, takealot.com 3 Skitter Die Clinique Clarifying Do-Over Peel is ’n afskilferingsproduk wat jy aan jou vel los. Dit bevorder velvernuwing en laat jou vel gloei. Prys: R725, takealot. com 4 Bevogtig Hierdien kapsules lewer vitamienverrykte hidrasie saam met retinol en antioksidante om jou vel te beskerm.…

GEPUBLISEER IN SAMEWERKING MET HUISGENOOT KOLJANDER-SKAAPRIBBETJIES MET GEROOSTERDE BROCCOLI Genoeg vir 4-6 mense Bereiding 10 minute Baktyd 25-30 minute RIBBETJIES 30 ml (2 e) koljandersaad 5 ml (1 t) komynsaad10 ml (2 t) seesoutvlokkies5 ml (1 t) varsgemaalde peper15 ml (1 e) olyfolie2-3 knoffelhuisies, fyngekap10-12 enkel-skaapribbetjies15 ml (1 e) worcestersous BROCCOLI 400-500 g broccoli15 ml (1 e) olyfolie (indien nodig)knippie soutsap van ½ suurlemoen Voorverhit die lugbraaier 2-3 minute tot 180 °C. Spuit die lugbraaier se mandjie of ’n draadrakkie goed met kossproei. 1 RIBBETJIES Verhit ’n pan en rooster die koljander-en komynsaad tot geurig. Roer aanhoudend om te verseker dat die saadjies eweredig rooster. Skep uit en laat afkoel. Maal grof met ’n maler en meng met die sout en peper. 2 Vryf die ribbetjies goed met die olyfolie en knoffel in…

Die dag voor ons ons staptog op die bekende Otter-staproete begin, het ek feitlik die hele dag ’n Dirkie in die hande probeer kry – dit was noodsaaklik vir my pakkery. Hierdie buisies kondensmelk sal nie net ’n lekkerny en bron van energie wees nie, maar ook ideaal vir die vroegoggendkoffie. Jy moet nogal gedissiplineerd inpak vir die Otter, en daar was geen manier waarop ek melk sou saamdra nie. Ek was goed voorbereid: Die bestanddele vir elke maaltyd is in individuele toeritsplastieksakkies gesit en genommer, my klere en slaapsak was in hul eie waterdigte sak en alles was saam verseël in ’n plastiekvullissak. Die Dirkie sou my baie gewig spaar. Ongeag hoe voorbereid jy is, jou voete sal steeds onder jou uitgeslaan word deur die fantastiese en prettige sy…

Botterhoender Altyd ’n wenner! Hierdie gedehidreerde maaltyd bevat vryloop-hoender en speserye, uie, tamatie en sampioen, saam met basmati-rys. Droë gewig: 100 gram. Prys: R115 by hungryhiker.co.za Dirkie-kondensmelkbuisies Jy het jare lank nie meer die Dirkies in die supermark teëgekom nie, maar die afgelope ruk sien jy dit van tyd tot tyd in die winkel of by padstalle. ’n Buisie kondensmelk is ideaal vir jou oggendkoffie of as ’n vinnige regrukkertjie langs die pad. Anders, koop ’n blik kondensmelk en neem dit saam in ’n skroefdopplastiekhouer. Prys: Sowat R15 per buisie van 50 gram Te kry by padstalle Chilli con carne ’n Heerlike eenpotgereg met geurige maalvleis, nierbone en speserye, wat saam met basmati-rys voorgesit is. Trailfoodaandetes kom in medium en groot porsies (140 en 180 gram droë gewig), as jy…

Mans-staphemp Hierdie hemp in ’n klassieke styl sal orals tuis wees, maar dit bevat Columbia se gepatenteerde Omni-Shade-tegnologie, wat UPF 50-sonbeskerming bied. Dit het ook Omni-Wick-eienskappe wat jou lyf droog sal hou en is (’n groot bonus!) reukwerend. Die hemp is van herwinde materiale gemaak. Ook beskikbaar in ’n vrouestyl. Prys: R1499 by columbiasportswear.co.za Stapbroek vir vroue Spanbroeke is nie vir almal ewe gemaklik nie. Hierdie aanglipbroek van Columbia is van rekstof gemaak sodat dit gemaklik pas, en sal ook geskik wees vir joga. Dit is waterwerend (wat jou beskerming in die reën sal bied) en bevat ook Columbia se Omni-Shade-UPF 50-sonbeskerming. Prys: R1199 by columbiasportswear.co.za Mans-kortbroek van Columbia Danksy die ingelaste rekband agter om die heupe sal hierdie een van die gemaklikste broeke in jou kas wees. Boonop bevat…

Het jy al Water For Elephants deur Sara Gruen gelees? Wat van Erin Morgenstern se The Night Circus, With the Fire on High deur Elizabeth Acevedo of Fangirl deur Rainbow Rowell? Dis alles boeke wat volledig of gedeeltelik geskep is tydens NaNoWriMo (“national novel writing month”), ’n wêreldwye inisiatief om mense aan die skryf te kry. Die skryf-’n-boek-in-’n-maandprojek het in 1999 as ’n nasionale veldtog in die VSA begin, maar het sedertdien wêreldwyd uitgebrei. In 2022 het 413 295 skrywers van 671 streke op 6 vastelande hieraan deelgeneem. Hiervan het 51 670 hul skryfdoelwitte vir die maand behaal. Vir boek-skryf-maand verbind mense hulle daartoe om 50 000 woorde in ’n maand (gewoonlik November), oftewel 1667 woorde per dag te skryf. Dit verg ysere dissipline, maar die NaNoWriMogemeenskap spoor mekaar aan.…

1 Veels geluk, liewe Stanley Die bielie in die warmflesbedryf vier sy 110de verjaardag met die Milestone-reeks. Die reeks is geïnspireer deur ontwerpe uit die 1920’s, 1940’s en 1960’s, maar bevat die nuutste 4D-termologie-tegnologie om jou koffie vuurwarm of jou water yskoud te hou. Maak seker jy hou van die kleur, want Stanley-flesse hou geslagte lank – dis nou te sê as iemand met lang vingers nie jou fles vaslê nie. Prys: Stanley Milestone-bottel (1 liter), R1499 by Outdoor Warehouse 2 Soos blits Vrugteskommels is ’n maklike manier om groente en vrugte by jou dieet in te sluit en heerlik in die somer vir ’n gryp-en-ry-ete. Die Nutribullets is klein maar getrein en die 600 Watt-motor sal tjop-tjop met enige kombinasie klaarspeel. Hierdie model het ’n knoppielose ontwerp. Maak die houer toe,…

Ná die rekenaarspeletjiereus Bethesda hul gewilde Skyrim in 2011 uitgereik het (dit word as een van die suksesvolste rekenaarspeletjies van alle tye beskou), het hulle aanhangers lánk laat wag vir hierdie nuwe massiewe speletjie. Starfield is in 2018 aangekondig, maar eers in September 2023 uitgereik! As jy egter die omvang van die speletjie sien, sal jy besef hoekom spelers geduldig moes wees. Die skaal van Starfield – wat in’n heelal met meer as 1000 planete afspeel – is nog nooit vantevore in die speletjieswêreld aangepak nie. Starfield is ’n aksie-rolspel-speletjie (CRPG). Die speler kan te eniger tyd tussen ’n eerstepersoonen ’n derdepersoonperspektief oorskakel. Jy bevind jouself in ’n oop wêreld in ’n gebied in die Melkweg, waar jy fiktiewe en regte planeetstelsels gaan teëkom. Die omgewing word aangepas volgens die…

KYK DIE VIDEO Die ontwerpers by Canon is nie bang om buite die boks te dink nie en trek elke nou ’n dan ’n vreemderige haas uit die hoed uit. In 2013 het hulle bv. die Canon N bekendgestel, wat jou herinner het aan ’n kredietkaart waarop ’n lens vasgeplak was. Rondom 2019 het die veelkleurige Canon Ivy Rec sy opwagting gemaak in helder pienk, blou of groen – ’n kamera die grootte van ’n geheuestafie (“memory stick”) met ’n hingsel wat jy sommer ook as sy oogstuk gebruik. En in 2021 het die Canon Powershot Zoom,’n gatsakkamera met slegs twee fokus-lengtes - 400 mm en 800 mm – vir voëlkykers verskyn. Die Canon Powershot V10 herinner aan hierdie onkonvensionele kameras, maar is tog op’n groter mark gemik: inhoudskeppers vir…

Om op ’n afgeleë plek te kom – te voet of met jou 4x4 – is een deel van die pret. Die ander deel is om die plek vanuit nuwe hoeke waar te neem en met ’n kamera vas te lê. ’n Lugfoto van jou bosbakkie op die vlakte, ’n geheime kampplek langs ’n rivier of jul dapper konvooi in die Doodsakker gaan mos bakgat lyk. In Suid-Afrika mag jy ’n hommeltuig sonder ’n vlieglisensie gebruik óf die tuig te registreer – ’n gawe toegewing – maar ongelisensieerde gebruikers met ongeregistreerde hommeltuie word deur streng wetgewing beheer. Hommeltuigvriendelike lande soos Indonesië, Ysland en Switserland laat jou ook toe om ’n hommeltuig sonder ’n lisensie te gebruik óf die hommeltuig by die lugvaartowerheid te registreer, maar daar geniet jy aansienlik meer…

Die wêreldrekords vir mans en vroue in die marathon het enkele dae ná mekaar getuimel. Op 24 September het Tigst Assefa van Ethiopië die vroue-wêreldrekord in Berlyn tot 2:11:53 verbeter, en vroeg in Oktober het Kelvin Kiptum die mans se rekord in Chicago gebreek. Sy tyd: 2:00:35! Veral Kiptum hardloop die wêreld aan die brand. Dié Keniaan het nou drie marathons in sy loopbaan gehardloop, al drie gewen, en sy tye tel onder die ses beste marathontye in die geskiedenis. Maar die wêreld gons ewe hard oor die tekkies wat hulle gedra het. Assefa, ’n voormalige 800 meteratleet, het haar marathon-debuut in Maart 2022 gemaak en het in Berlyn met Adidas se Adizero Adios Pro Evo 1 gehardloop. Kiptum weer het Nike Alphafly 3 aan die voete gehad. Wat is…

PRADIANCE Pradiance vervaardig produkte vir alle velsoorte. Dis 100% organies, veganisties, nie op diere getoets nie, wetenskaplik geformuleer, en geskik vir mans en vroue van alle ouderdomme. Waar kom Pradiance vandaan? Ek is al langer as 20 jaar bewus van Kigelia (die Afrika-worsboom) en sy genesende werking op sonbeskadigde vel, wat die meeste mense (ongeag hul velkleur) in die Suidelike Halfrond ervaar. Ek het vir 23 jaar ’n natuurlike, organiese produk uit Europa ingevoer, maar weens die verswakking van die rand het ek gevoel ons kort ’n topgehalte, organiese, natuurlike en plaaslike produk wat sonskade en pigmentasie doeltreffend bekamp. Vir my was bekostigbaarheid en doeltreffendheid die belangrikste faktore. Ek het drie jaar aan die formulering gewerk voordat ons die produk in 2017 bekend gestel het. Wat is die rede vir…

Opvoubare luukse braaier As jy bang is jou vakansiebestemming gaan nie braai-geriewe hê nie, is hierdie opvoubare braaier van vlekvrye staal die uitkoms. Die stel bestaan uit ses stukke wat maklik aanmekaar gesit kan word en duursaam is. Die rooster kan op verskillende hoogtes geplaas word. Prys: R2699 by naturehike.co.za LK Mini Braai In ’n stadium het my kollegas een van hierdie braaiers in die kantoor se pakkamer weggesteek – vir “braai-noodgevalle”, soos wanneer jy vinnig op ’n Vrydag-namiddag ’n worsie in die parkeerterrein wil braai. Dit werk uitstekend. Prys: R449 by Checkers Megamaster Charlie As jy wil braai en soms vleissnitte rook, is die Charlie uit Megamaster se steenkoolreeks ’n bron van pure plesier. Die braaioppervlak is van duursame emalje en die kanttafel kan wegvou. Die deksel het ’n…

SALOMON OUTPULSE Die Outpulse is ’n middelstewel (iets tussen ’n veldlooptekkie en ’n swaar stapstewel) en is met Gore-Tex behandel om jou voete droog te hou in die reën. Die eienskappe van die Fuze Surge-skuim in die middelsool sal jou energie laat bespaar en die buitesool bied stewige vastrap. Prys: R3599 by salomonsports.co.za ALTRA LONEPEAK ALL-WTHR MID2 Jy kry die Altra Lonepeak in ’n stewel sowel as ’n veldlooptekkie. Die stewel is waterdig en het ’n beskermende laag om jou voete teen skerp rotse te beskerm. Die vorm van die toonboks verhoed dat jou tone voor teen die skoen druk. Die Altra EGO-skuim in die middelsool is baie gemaklik en hou steeds die skoen baie lig, en die stewige DuraTread-buitesool sal jou nie op los klippe in die steek laat…

DRAAGBARE HOUTSTOFIE Aangesien daar wel hout by die hutte langs die Otter verskaf word, is ’n draagbare houtstofie soos hierdie een ’n opsie. Die stofie weeg 368 gram, wat swaarder is as die ander stofies wat hier genoem word, maar jy hoef nie nog ’n gaskannetjie ook saam te dra nie. Hou in gedagte dat dit jou langer gaan neem om jou vuur aan die gang te kry en te eet as jou stapmaats wat gasstofies saamgebring het. Prys: R599 by takealot.com JETBOIL-REEKS Die Jetboils kos die duurste, maar is die vinnigste manier waarop jy kan eet nadat jy by die hut aangekom het. Die potjie kom met ’n deksel sodat jy dit sommer as beker ook kan gebruik, en die hele stelsel pas in mekaar – jy bêre die…

“ONS DROOM VAN ’N SLOERTOER IN EUROPA WAAR ONS KUIER-KUIER DORPE OP DIE PLATTELAND VERKEN. WIND IN ONS HARE. CAPPUCCINO IN ONS MAE. ONS IS LIEF VIR STAP, MAAR WIL SOMS GROTER AFSTANDE AS 20 KM PER DAG AFLÊ.” JON MINSTER SÊ Paar jaar gelede het ek my pa gehelp om ’n e-fiets te koop. Hy was toe 69 jaar oud en het nie geglo hy het die hulp van ’n elektriese motor nodig nie. Daarby was dié fietse vrekduur – dit kos dieselfde as ’n motorfiets! Maar ek het hom oortuig om ’n demonstrasiemodel Specialized Turbo Levo te ry en hy het oombliklik van mening verander. Toe hy eers die krag van die motor teen Tafelberg se steil hange ervaar, het hy blitsvinnig sy bestelling geplaas. Hy is nou…

Skop-skiet-endinges-boeke en speurverhale LEO, DEUR DEON MEYER In die nuutste Deon Meyerboek probeer staatskapers die ondersoeke na onder meer ’n student se dood in die berge by Stellenbosch en die moord op ’n oud-recce in die wiele ry. Jy’t ’n koel kop nodig om die moorde te ontrafel, maar Bennie Griessel se kop is nie koel nie. Bennie staan op trou, en alles stuur op ’n ramp af. As jy net een boek hierdie vakansie gaan lees, gaan dit hierdie een wees. Prys: R370 by Exclusive Books THE RUNNING GRAVE, DEUR ROBERT GALBRAITH Die eenbeen-privaatspeurder Cormoran Strike word deur ’n bekommerde pa gekontak wie se seun deur ’n fanatieke kultusgroep meegesleur is. Die enigste uitweg is dat Cormoran se vennoot, Robin Ellacott, onder die dekmantel by The Universal Humanitarian Church…

1 Wat is die grootste ontdekking of ontwikkeling in die geskiedenis van die mensdom? Die belangrikste ding wat ooit ontwerp of ontwikkel is, is taal. Taal is die grondslag van die menslike beskawing. Dit stel ons in staat om met mekaar te kommunikeer, idees te deel en saam te werk om gemeenskaplike doelwitte te bereik. Sonder taal sou ons nie komplekse samelewings kon bou of gevorderde tegnologieë kon ontwikkel nie. Taal is ook noodsaaklik vir ons persoonlike ontwikkeling. Dit stel ons in staat om ons gedagtes en gevoelens uit te druk, verhoudings met ander te bou en meer te leer oor die wêreld om ons. Sonder taal sou ons geïsoleerd en verarmde individue wees. 2 Hoe ingrypend gaan KI ons lewe verander wat ons beroepsen gesinslewe betref? KI het reeds…